أي دربيل أختار(أدخل ورشح)

[خيال الصبحا]

السلام عليكم
كيف حالكم جميعاً
ذهبت ليلة أمس إلى محل
بيع مستلزمات الرخلات(للأسف هو المحل
الوحيد في الخرج)ووجدت عنده بعض الدرابيل ومحتار
أي واحد منهن أختاره(جميعهن سعرهن مناسب) المهم قلت
مالي إلا أشاروكم.تكفون ياشباب تراي معزم وأن شاء الله بكره أبي أشتري
واحد منهن:
جلوريا
الصقر
فالكن 6*30
تكفون ياشباب رشحوا لي
المناسب منها.وإذا فيه أحد من أهل
الخرج أو الدلم يخبر محل بيع درابيل يفزع
لي (أو جنوب الرياض).وإذا فيه أحد يعرف رقم
رحلتي ألي على الداير الشرقي عند مسجد الراجحي يرسل
لي رقمه.وشكراً

[اعقاب]

الصقر جربته من مده وزين بالحيل واللبس اللي عليه يخليني ارشحه
ولا يهون جلوريا
وعلمنا اسعارها اذا شريت

[فهد666]

هلا اخوي
انا صاحب محل ابيع واشتري منها كثير سواء مستعمل ولا جديد
ليكن في علمك ان الجلوري اربع انواع
وابوطير نوعين

والله يعينك

واذا اردت مشورتي شف اهل المنطقة عندكم ايش يستخدمون وخذ مثلهم حتى اذا ما اعجبك بسهولة تبيعه


والنوع يتحدد بحسب المبلغ المرصود لدربيل

موفق اخوي

[المري]

مرحبا خيال الصبحا

رقم الدربيل مايصلح 6 على 30

دور 7 على 50 او 10 على 42 , اما 6 فهو عاادي جدا..

وسلامتك

اخوك / المري

[رعد النجدي]

يا اخوي لا يصح الا الصحيح تبي شي لك وللزمن وتورثه عيالك علشان يدعون لك ( بعد عمر طويل) الواحد اذا اقتنى يقتني شي زين ولو السعر مرتفع خذ السوار فسكي من عند الرمايه واذا موجود في سوق الزل بالرياض راح يكون ارخص وخذ مقاس 10 / 42 لا يحر عينك ولا يصدع راسك ويحط ضربتك عند طرف خشمك وانت حر لعلمك هو الاول عالميا ولا يلعبون عليك يعطونك واحد بحري خذابو قزاز اخضر وخل الاصفر عنك وبعده في الجوده يجي الزايس ثم القلوري

[المري]

بيض الله وجهك يارعد النجدي

عسى الله انك عطيتنا نصيحة طيبه

اخوك / المري

[بلادي]

افضل دربيل استعملته ويستحق سعره كانون 18*50 وسعره عند الوكيل القريشي 5300 وعن طريق الانتر نت 3600 وانا اشتريته من الوكيل في الامارات ( المتجر الوطني )4400 ومن مميزاته .
1- يوجد به مانع للاهتزاز وتشوف فيه والسياره تمشي.
2- ضد الما ء.
3- تقريبه ممتاز جداُ حيث تشاهد اشياء بعيده جداً وانت لم تراها بالعين المجرده اساساُ ولو كانت أشياء كبيرة مثل المشاجير والاوديه البعيده.
4- عدساته طبيه مايأثر على العين.
5- شكل جميل وحجم مناسب.
6- صناعة يابانية من شركة عريقة (كانون).
7- ياتي منه عدة مقاسات (15*50) و (12*45)باسعار أقل.
8- روئية واسعة جداُ.
9- من قوة تقريبه تشاهد منه اقمار كوكب المشتري الاربعة وتشهد منه سطح القمر بوضوح وهذا من التجربه الشخصية.
10- مغطى بطبقة قويه من المطاط ليكون واقي من الصدمات .
هذا ما لدي ودمتم

[الضاري]

السلام عليكم

أخوي رعد النجدي

كم سعر السوارفسكي ؟؟

والله يعطيكم العافية