في بيتنا عاقول

[عزيز نجد]

السلام عليكم خبراء مكشات

اليوم طالب فزعتكم وانتم اهل الفزعات

الموضوع باختصار ... اني احتاج مبيد او مادة توقف و تمنع شجرة العقول من الانتشار ..

ما تصدقون هالنبته وش مسويه في بيتنا حتى الغرف المظلمة دخلتها .... ما نفع معا شي لاديزل ولا جز ولا حصد بالعكس تزيد تمردا

هي صايره زي النعناع عرق في الارض يمشي ثم ما تدري الا هو طالع لك من مكان ثاني بعدين اذا اضطريت تمشي وجاك منه وخز لعب فيك من حرارة شوكه

البعض يمكن ما يوافقني بالقضاء عليه لكن ابشره انه منتشر في كل مكان بس على الاقل يفكنا من شره بالبيت

ان كان في احد له سابق تجربه في مكافحته او يدلنا عل اسم مبيد يفيدنا وله الاجر ان شاء الله
الديزل اثبت عدم مقدرته على القضاء عليه حتى الى مستوى الجذر
شوفو بعض الصور
https://lh6.googleusercontent.com/-tod73W_6jL8/T_fMU3V7vrI/AAAAAAAAHsM/RPlt4thLpkw/s400/2012-07-05%252015.25.47.jpg
https://lh5.googleusercontent.com/-n3KK2A5UYZc/T_fMg-lGJ2I/AAAAAAAAHsU/uShYpbbzPsU/s400/2012-07-05%252015.24.17.jpg
https://lh4.googleusercontent.com/-rCxYSliu6Hc/T_fLimyGXyI/AAAAAAAAHsc/QyIXjAnBCfA/s400/2012-07-05%252015.25.10.jpg

[هاوووي بحر]

الله يكون في عونك

[نوفيتا]

الله يعينك يارجال
اهم شي الماء لا يأتي اليه
يفيدونك الاخوان مايقصرون

[حروف الهجاء]

هلا بك يا عزيز نجد

هل تقصد العاقول


العاقــــــول
×
يعرف النبات علميا باسم ALHAGI GRAECORUM
الجزء المستعمل من النبات جميع أجزائه بما في ذلك الجذور.
×
×
* العاقول نبات عشبي معمر دائم الخضرة شوكي يصل ارتفاع النبات الى 60سم، الزهرة صغيرة حمراء قرمزية تخرج من جوانب الأشواك، الثمرة قرنية داكنة اللون اسفنجية يظهر عليها تخصرات بين مواقع البذور، ينمو النبات في المنطقة الوسطى في المملكة.
×
او تقصد الحامول

الحامول هو من أخطر النباتات الطفيلية Parasitic plant evolution

[عزيز نجد]

نعم اخوي العاقول او مايسمى علميا بالحاقي او ALHAGI GRAECORUM

[حروف الهجاء]

اذا انت تقصد العاقول وهوعندك في البيت فلا انصحك باستخدام المبيدات لما لها من ضرر وبقاء في الارض

افضل وابسط طريقه هو استخدام الماء المغلي تصبه على النباتات بعد قصها قص جاير

تقبل تحياتي وتقديري

[al-rmali]

الله يعينك عليه يالغالي ..
وأبشرك حنا حارتنا أسمها العقوله على اسم النبته هههههه
وفعلاً كثير اللي جرب ديزل ومبيدات بس مانفع
وهو مايوقفه شي حتى الازفلت يخترقه ويطلع
لكن اذا لقينا لك طريقه من الربع أبشر به

[ربيع الكشته]

أخي جرب صابون التايد مع ماء حار

انا جربتها مع شجرة كينا وكانت ناجحة ( فكرة عامل صعيدي جزاه الله خير )

[حسـام]

هل الحيونات تاكل هذه النبته؟
وهل لها فوائد غذائيه او طبيه؟
وكيف يتم استزراعها ؟ هل لها بذور
عندنا شعيب فاضي مافيه شي وابي ازرعها هناك
لعل بهايمنا تسترزق وتتغذا منها
خصوصا انها معمره ولاتموت بسهوله

[الشنه]

كان الله في عونكم
لكن اسمحلي


البيت الأحواش تراب(في وجه العدو)

وهذا سبب كافي للعاقول وغيره من الحشرات
ولا استبعد العقارب

المهم شد حيلك وبلط الحوش
على الأقل صبة ميول ولابد من وضع شبكةاسياح حديد 8 ملم

مالك الا الصبه او البلاط
وقبل كل شي اقشع هالعاقول من عروقه

ال

[جبل راف]

جب لك كم صعيدي وشوف النتائج المبهرة يجب نزع العروق من باطن الارض

[الصــرح]

اذا انت تقصد العاقول وهوعندك في البيت فلا انصحك باستخدام المبيدات لما لها من ضرر وبقاء في الارض

افضل وابسط طريقه هو استخدام الماء المغلي تصبه على النباتات بعد قصها قص جاير

تقبل تحياتي وتقديري




المهم سمْ بالله قبل صب الماء الحار


مع تمنياتي لكم بالتوفيق

[عزيز نجد]

اخوي حسام

لا يقربك ابدا ان احتجت منه كعلاج ابشر بالكميه اللتي تطلب
اما انك تزرعه في الشعيب عندك فهذي مغامره غير محمودة العواقب لانك ما راح تتصور كيف انتشاره

بالنسبة لاستخدامه كعلف للحيوانات فللاسف ما تاكله الا الابل ولاهو دايم يعني ما تفضله لو لقت غيره

اخوي الشنه طبعا الحوش مهجور معضم الوقت وكل فتره اجيب عمال يقلعون العاقول لكن التبليط والصبه غير مجديه لسببين

الاول ان الحوش مكان خاص للاطفال للاستمتاع باللعب ولو كان صبه او بلاط يفقد متعته
ثانيا العاقول طالع طالع الله لايعوق ترى الصور الثانيه داخل الغرف ومن تحت الفرشة ومن خلال الصبه
يعني لو تحط بلاط طلع من بين البلاط

[هُمْهُوم]

اخوي عزيز نجد

المبيد الزراعي فيه نوعين اللي نعرفه واحد حب تحرث الارض ويبذر فيها وتاخذ على ماعتقد 6اشهور اوسنتين ماينبت شي بالارض مانيب متاكد من المده وفيه مبيد اخر اقل منه قتل وسائل ترش النبته رش وبعدها تموت وهذا ماياثر بالارض,جربنا المبيد السائل على نبات الثيل والحاصل أنه صفر ومات
المبيدات موجوده في صيدلية الشنيف الزراعيه بالقصيم.

[عزيز نجد]

جزاك الله خير يا همهوم ممكن تزويدنا باسم المبيد الثاني

[sh3ab]

نبته طيبه لمريض الكبد ابو صفار والله انها علاج فعال

[انس بن سالم]

كب عليه مويه وملح كثر من الملح وان شاء الله يموت الكلام قريته من احد المواقع

[ابوعدي001]

أخوي ..جرب علاج الجرب واخلطه مع ماء ورشه علئ الارضيه وان شاء الله

ينتهي مفعولها ...فكره خطرت ع بالي كانت ناجحه مع الحشرات

[حلال المشاكل]

جرب زيت القلي والطبخ خذلك ارخص نوع ورشه علية اذا ما مات لا تسميني حلال المشاكل وترا مجرب مع اعتى انواع النبات

[الحربي حاتم]

بسم الله الرحمن الرحيم
أحرقه بالنار