تـنـكّـر الـطـيـر ،،،'''،،،'''،،،'''،،،'''،،،،''',,,

[ربع خالي]

السلام عليكم ورحمة الله وبركاته
إخواني صقاقير مكشات
مسّاكم الله بالخير
من عرفت الـطـيـر وانا اقنص الرمله
ولكن من فتره تنوعت تضاريس مقانيصي بالطير
ودخل عليها السيوح والحجره و الوديان اللي تحيط بها الجبال
هنا عندي سؤال : هل الـطـيـر يتنكّر ان قنصت به في ارض ماهو متعود عليها ؟
وان كانه يتنكر ! كم يوم يبيله الين ياخذ ويتعود على الارض الجديده عليه ؟
تحياتي
أخوكم ابوسيف

[أبو أمين]

مرحبا يا بو سيف مرحبا براعي الجيرات السباق

اجل الجير بين الوحوش زي الشاهي بدون سكر !!!

الديره الوعره من طويل يتنكر فيها الطير على راعيه

ولا يألفها هذا من واقع تجربه وحش ولا تفريخ

وسلامتك

[جـرح الشمـال]

هلا وغلا اخوي الغالي ابوسيف
صحيح انك صقار ونتعلم منك مانعلمك
بس دامك طرحت السؤال
الطير مايتنكرمن تضاريس الارض مهما كان
وطبيعت الطير الوحش متعود على جميع التضاريس
واحينن يتنكر الطير بدون التضاريس وانت بالمدعى يضربها حومه
حسب مزاجه
الابحالة ان الطير فسقان اي ماعليه نقص بالعلف وزنه زايد عن
وزن الهدد او الطير مازال فيه وحشيه اوتعشى قبل يجيه صاحبه
وامسى عليه الليل
وننتظر باقي ردود اخواني الصقاقير لترك لهم الفرصه
احترامي لك

[عواد الشمري2]

هلا وغلا بابو سيف انت تعلم وسم انك طرحت هسوال نبي نشوف ردود الربع
بنسبه للتضاريس لا ماتخلي الطير يتنكر هذي راجعه لنفس الطير مثل ماقال اخوي جـــرح الشمال بعض المرات يتنكر عليك بالمدعا

[أبو فااارس]

هلا يابو سيف.. نعم ينكر الطير بالارض الغريبه عليه وخصوصآ لياكانت موحشه وحولك جيلان وشعاف وترى الوقت له دوره بأول الوقت لاصار حولك حوم عقبان يخالطهن وخصوصآ الشيهانه وبشباط آخر الوقت تشبط الطيور ألعام انا وولد عمي قنصنا الحماد وكلمنا اخويانا شرق حول لينه وقطعنا الجوف مشرقين وحول المغيب بلنا ارض موحشه حولنا نلاعب الطير لوح ويروح ولد عمي بله سليلة بطحآ ومع ايمنه وايسره رمث بحفر ابو القور والامغر اللي ذكرهن الفيتو بقصيدته والله وانا اهد الطير على ولد عمي ويمسحه مره وهو ينكر وللمعلوميه الطير معتاز العلف وبه ضعف ونسينا نحط الريشه به لكنه ولف ويوقع على رجم ويعيي لا يجي غير بحمامه حيه ..

[(هزاع)]

ياهلا بالموضوع وراعيه
انت يابو سيف توسئل ما تسئل
انا مؤيد نسبيا للاخ جرح الشمال
الا انه بعض الاحيان يتنكر الطير اللي اصله وحش لاصارحوله جبال شامخه
والوقت له دور بنفسية اللي اصلها وحوش طبيعة هجره وغريزه
والطير لاصار ماهوب بعازه يحوم
وبوطبع مايخلي طبعه لازم يمر الحوم
كنه يجس غلاه على راعيه هههههه
لاكن التضاريس ماهو ميه بالميه لها دور بالحوم
ولازلت اتعلم من مثلك وشرواك

[ســـبــار ربــعـــه]

من واقع تجربه نعم خصوصا لا صار الطير مطروح على كبر ولا وحش على اول صقارته.
بعض الرجوم والهضاب الحمر خصوصا تهيض الطير خابر لي هضبه بين جويات الهمل وبين الفهده اكثر من ثلاثه طيور تنكرت علي فيها وكلها اصايل ولا عمره تنكر علي الجير وانت مثل ماقال ابو مشعل تسئل ما تسأل.

تحياتي لك يا ابوسيف.

[سيف الهواء]

اخوي الطير ماينكر من المكان ابدا ؟

لكن اذا هديته قريب جبل وصيدته صغيره ينقل لو ماكان ينقل من اول

[قلب ذيب]

وعليكم السلام وحمة الله وبركاته
هلا وغلا يابوسيف , لاشك انك صقار وتعرف الكثير من الاجابه على هذا السوأل , لكن قصدك عموم الفائده .
... نعم الطير يتنكر واكثر الطيور التي تستنكر اللي اصلها خلوي ( قرانيس الهوى )
وهناك نوعين من تنكر واستنكار الطير لماحوله .
1 - تنكر الطير للمكان . واذكر اني سافرت الى مدينة كراتشي الباكستانيه وعندي طيرين حر وشاهين قبل ظهور طيور الجير , وصلنا الصبح وكان ولد خالتي هو القنصل ان ذاك في مدينة كراتشي , وروحنا العصر ندعي الطيور الحر جانا على الملواح , والشاهين توكل على الله الى اليوم , لكن المكان كان ضيق يحده بحر وتكثر به طيور البحر وبعض الغربان والطير هده غشيم أظهر الطير يوم خفق هده ! وعندما سالت احد خويا الشيوخ قال لي . نعم الشياهين وقرانيس الهوى ندعيهن بجرير حال وصولنا الى باكستان حتى لوهي مدهله وصايده !
2 - التنكر من الصقار نفسه او الاوادم بشكل عام . فهناك طيور تتنكر من حاسر الراس وتهد الصيده وهناك طيور تتنكر من العامل اللي لابس بنطلون ! وهناك طيور تتنكر من الكلاب اعزكم الله .
... واخيرا الوقت له دور في تنكر الطير كأن يكون الوقت حار والطير نزر او عديد و كذلك الطير اللي تمرط منه صيدته يننكر , والطير اللي يطرح مره ثانيه بشبكه ويزرق ويروع , واذكر في العراق هد احد اخويانا قرناس شاهين خلوي مع غروب الشمس وضيعناه في قاع ام الهشيم جنوب اللصف وغبشوا له وعينوه وحذفوله حمامه بشبكه ولزمته الشبكه على ظهر الحمامه وقام الطير يطير بالحمامه وختلوه ودغفوه .. وصاح الطير .
وقعد راعيه يدعيه بسبب لمده 5 ايام ويوم امرجه ودعاه بالملواح مربوط به قطاه جاه ومسح الملواح ودبر الى يومك ! اذن الاسباب متعدده لكن لاشك ان التضاريس الجغرافيه لها دور في تنكر الطير .... والله اعلم .

[عابر الموج]

نعم الطير يتنكر وخاصة اذا كانت المنطقه جبليه وعندك الطير العائد لك اذا هديته على صيدة وجاه شخص لايعرفه يتنكر وابي اخبرك بقصة وقعت معنا وكان قنصنا ارانب المهم نفجت الارنب من احد الشيبان الي معنا وكان لوحده ولم يكن معه طير اخبرنا ورحنا نتبع اثر الارنب طلع الطير وهده صاحبه لم يكن نعرف اجهزة التتبع انذاك الوقت المهم الطير اختفى عن الانظار وكل واحد يبحث عنه شاهد احد خويانا سيارة واقفه وتجه لها وعند وصوله وجد طير خوينا صائد الارنب وشبعان منها سئل صاحبنا واحد من اهل السيارة وكان شائب وقال الطير شبع ورايح يتنكر لكن وش لون ثوب صاحبه قال ابيض قام ولبس الشايب ثوب ابيض وقام ينده باسم الطير بعد ماعلمه خوينا باسمه حتى مسكه القصد من سرد هذه القصه الشي الذي لم يتعود عليه الطير يتنكر منه تقبل تحياتي

[هاوي هدد 11]

مسيت بالخير
ياربع خالي
أبد مايتنكر الطير بالتضاريس من خلال تجربتي في المهاد السهله
والصعبة
الا اذا كانت نفس الطير شينه
أوبه وحاشيه

[صقرالحروب]

لااعتقد ان الطير يتنكر بسبب التضاريس ولكن ممكن ان تكون عامل مساعد على تنكر الطير

[جبار1]

انا مهادي اغلبها بوعر ولا لاحضت انه تنكر ابد معي

لاكن أنحش عن الوحش العود والله لو انك في سهله مايخلي تنكره

اما حوم ولا يتدسس وغير من اطبوع الشينه

لاتعديه الثنو ...وسلامتك

[رقاب الضرابين]

الربع والله ما قصرو قالو ما فيه الكفايه
اما عن رايي اقول مثل ما الحيوانات الباقيه تستنكر لربما الطير الوحش يستنكر
راعي الطير احيانا عيونه تطير اذا استنكر ههههههههه

[سلطان 1]

مدري وش أقولك يابو سيف
لكن اجاااابتي مثل اجابتك هههههههههههه.

مشكور علي الراااابط يابو سيف;)

[جلاد الحباري]

مرحبا ياطويل العمر وموضوع طيب ويستحق النقاش بالنسبة لنفسي ومن واقع تجربتي المكان مايغير الطير ولايتنكر وانا اتكلم عن الطير الاصيل لان ماكره جبال وضلعان اكبر من اللي عندنا وانا اتكلم عن نجد والوسطى والصمان والشرقيه والطير يتنكر لاسباب عديده اولها حرارة الجو والعدة المغلقة والهوى الجنوبي الصلف وظهور الطير من الربطة وعدم تدهيله وقصر عدته يؤدي الى تنكر الطير تقبل تحياتي واتمنى اني اصبت الهدف ولك مني كل الشكر والعرفان

[بن قنور]

السلام عليكم
اخي العزيز ابو سيف
الطير الأسم المرادف له دائماً
هو ابو مختار فحين ينطلق من ايدك فهو ابو مختار ربما يلحق الصيده ربما لا ربما يجي على الدعو ربما لا ربما يلعب براسه الحوم ولا يرجع نعم المهم ان الطير يتنكر من كل شئ وليس شئ معين واكثرهم الجرناس الخلوي ،
ابو فيصل

[ربع خالي]

مرحبا يا بو سيف مرحبا براعي الجيرات السباق
اجل الجير بين الوحوش زي الشاهي بدون سكر !!!
الديره الوعره من طويل يتنكر فيها الطير على راعيه
ولا يألفها هذا من واقع تجربه وحش ولا تفريخ
وسلامتك

هلا والله وغلا يا ابو امين ، أقول : حتى عالم الذره بين الطلاب كالشاي من غير سكّر
لاهنت على المعلومه الطيبه.


هلا وغلا اخوي الغالي ابوسيف
صحيح انك صقار ونتعلم منك مانعلمك
بس دامك طرحت السؤال
الطير مايتنكرمن تضاريس الارض مهما كان
وطبيعت الطير الوحش متعود على جميع التضاريس
واحينن يتنكر الطير بدون التضاريس وانت بالمدعى يضربها حومه
حسب مزاجه
الابحالة ان الطير فسقان اي ماعليه نقص بالعلف وزنه زايد عن
وزن الهدد او الطير مازال فيه وحشيه اوتعشى قبل يجيه صاحبه
وامسى عليه الليل
وننتظر باقي ردود اخواني الصقاقير لترك لهم الفرصه
احترامي لك

لاهنت ياجرح الشمال على مداخلتك الطيبه وبيض الله وجهك يالسنافي


هلا وغلا بابو سيف انت تعلم وسم انك طرحت هسوال نبي نشوف ردود الربع
بنسبه للتضاريس لا ماتخلي الطير يتنكر هذي راجعه لنفس الطير مثل ماقال اخوي جـــرح الشمال بعض المرات يتنكر عليك بالمدعا

هلا وغلا بالشمري ومداخلتك اسعدتني لاعدمتك




هلا يابو سيف.. نعم ينكر الطير بالارض الغريبه عليه وخصوصآ لياكانت موحشه وحولك جيلان وشعاف وترى الوقت له دوره بأول الوقت لاصار حولك حوم عقبان يخالطهن وخصوصآ الشيهانه وبشباط آخر الوقت تشبط الطيور ألعام انا وولد عمي قنصنا الحماد وكلمنا اخويانا شرق حول لينه وقطعنا الجوف مشرقين وحول المغيب بلنا ارض موحشه حولنا نلاعب الطير لوح ويروح ولد عمي بله سليلة بطحآ ومع ايمنه وايسره رمث بحفر ابو القور والامغر اللي ذكرهن الفيتو بقصيدته والله وانا اهد الطير على ولد عمي ويمسحه مره وهو ينكر وللمعلوميه الطير معتاز العلف وبه ضعف ونسينا نحط الريشه به لكنه ولف ويوقع على رجم ويعيي لا يجي غير بحمامه حيه ..


أبو فارس لاهنت ، معلومه طيبه ومهمه من واقع حصل معك ، بيّض الله وجهك على سردها




ياهلا بالموضوع وراعيه
انت يابو سيف توسئل ما تسئل
انا مؤيد نسبيا للاخ جرح الشمال
الا انه بعض الاحيان يتنكر الطير اللي اصله وحش لاصارحوله جبال شامخه
والوقت له دور بنفسية اللي اصلها وحوش طبيعة هجره وغريزه
والطير لاصار ماهوب بعازه يحوم
وبوطبع مايخلي طبعه لازم يمر الحوم
كنه يجس غلاه على راعيه هههههه
لاكن التضاريس ماهو ميه بالميه لها دور بالحوم
ولازلت اتعلم من مثلك وشرواك


لاهنت يابو مشعل وشهاده اعتز بها من اخو غالي ، ولكن نبي نفيد ونستفيد لاعدمتك وسوالي حول تنكر الطير على الارض وليس عن نفس الطير




من واقع تجربه نعم خصوصا لا صار الطير مطروح على كبر ولا وحش على اول صقارته.
بعض الرجوم والهضاب الحمر خصوصا تهيض الطير خابر لي هضبه بين جويات الهمل وبين الفهده اكثر من ثلاثه طيور تنكرت علي فيها وكلها اصايل ولا عمره تنكر علي الجير وانت مثل ماقال ابو مشعل تسئل ما تسأل.

تحياتي لك يا ابوسيف.


حي الطاري من جويات الهمل والفهده ويازين متوسطهن قرين جراد، لاهنت ياسبار ربعه على المعلومه الطيبه ومنكم نستفيد لاعدمتك



اخوي الطير ماينكر من المكان ابدا ؟
لكن اذا هديته قريب جبل وصيدته صغيره ينقل لو ماكان ينقل من اول

هلا بسيف الهواء وبيض الله وجهك على المشاركه يالغالي



وعليكم السلام وحمة الله وبركاته
هلا وغلا يابوسيف , لاشك انك صقار وتعرف الكثير من الاجابه على هذا السوأل , لكن قصدك عموم الفائده .
... نعم الطير يتنكر واكثر الطيور التي تستنكر اللي اصلها خلوي ( قرانيس الهوى )
وهناك نوعين من تنكر واستنكار الطير لماحوله .
1 - تنكر الطير للمكان . واذكر اني سافرت الى مدينة كراتشي الباكستانيه وعندي طيرين حر وشاهين قبل ظهور طيور الجير , وصلنا الصبح وكان ولد خالتي هو القنصل ان ذاك في مدينة كراتشي , وروحنا العصر ندعي الطيور الحر جانا على الملواح , والشاهين توكل على الله الى اليوم , لكن المكان كان ضيق يحده بحر وتكثر به طيور البحر وبعض الغربان والطير هده غشيم أظهر الطير يوم خفق هده ! وعندما سالت احد خويا الشيوخ قال لي . نعم الشياهين وقرانيس الهوى ندعيهن بجرير حال وصولنا الى باكستان حتى لوهي مدهله وصايده !
2 - التنكر من الصقار نفسه او الاوادم بشكل عام . فهناك طيور تتنكر من حاسر الراس وتهد الصيده وهناك طيور تتنكر من العامل اللي لابس بنطلون ! وهناك طيور تتنكر من الكلاب اعزكم الله .
... واخيرا الوقت له دور في تنكر الطير كأن يكون الوقت حار والطير نزر او عديد و كذلك الطير اللي تمرط منه صيدته يننكر , والطير اللي يطرح مره ثانيه بشبكه ويزرق ويروع , واذكر في العراق هد احد اخويانا قرناس شاهين خلوي مع غروب الشمس وضيعناه في قاع ام الهشيم جنوب اللصف وغبشوا له وعينوه وحذفوله حمامه بشبكه ولزمته الشبكه على ظهر الحمامه وقام الطير يطير بالحمامه وختلوه ودغفوه .. وصاح الطير .
وقعد راعيه يدعيه بسبب لمده 5 ايام ويوم امرجه ودعاه بالملواح مربوط به قطاه جاه ومسح الملواح ودبر الى يومك ! اذن الاسباب متعدده لكن لاشك ان التضاريس الجغرافيه لها دور في تنكر الطير .... والله اعلم .

إستاذي أبو ماجد أدليت بدلوك مع واقع انت عايشته وبيض الله وجهك على المعلومه القيّمه




نعم الطير يتنكر وخاصة اذا كانت المنطقه جبليه وعندك الطير العائد لك اذا هديته على صيدة وجاه شخص لايعرفه يتنكر وابي اخبرك بقصة وقعت معنا وكان قنصنا ارانب المهم نفجت الارنب من احد الشيبان الي معنا وكان لوحده ولم يكن معه طير اخبرنا ورحنا نتبع اثر الارنب طلع الطير وهده صاحبه لم يكن نعرف اجهزة التتبع انذاك الوقت المهم الطير اختفى عن الانظار وكل واحد يبحث عنه شاهد احد خويانا سيارة واقفه وتجه لها وعند وصوله وجد طير خوينا صائد الارنب وشبعان منها سئل صاحبنا واحد من اهل السيارة وكان شائب وقال الطير شبع ورايح يتنكر لكن وش لون ثوب صاحبه قال ابيض قام ولبس الشايب ثوب ابيض وقام ينده باسم الطير بعد ماعلمه خوينا باسمه حتى مسكه القصد من سرد هذه القصه الشي الذي لم يتعود عليه الطير يتنكر منه تقبل تحياتي



لاهنت يالغالي على المشاركه ، نعم الطير يتنكر ان كانه متعود على لون ثوب معين وتجيه بثوب لون غير وخاصه ان كانه عالف ، ولكن تعتقد ان الطير يتنكر ان قنصت به في الرمله وهو متعود على الحجره وهادها ؟؟




مسيت بالخير
ياربع خالي
أبد مايتنكر الطير بالتضاريس من خلال تجربتي في المهاد السهله
والصعبة
الا اذا كانت نفس الطير شينه
أوبه وحاشيه


هلا والله وغلا باستاذي ومشاركتك زادتني معرفه لاعدمتك



لااعتقد ان الطير يتنكر بسبب التضاريس ولكن ممكن ان تكون عامل مساعد على تنكر الطير

هلا بصقر الحروب ، وجهة نظر احترمها وبقوه ولكن كلمة لا اعتقد حيرتني




انا مهادي اغلبها بوعر ولا لاحضت انه تنكر ابد معي
لاكن أنحش عن الوحش العود والله لو انك في سهله مايخلي تنكره
اما حوم ولا يتدسس وغير من اطبوع الشينه
لاتعديه الثنو ...وسلامتك


جبار1 حياك الله يالغالي ، انا جمعت كل الاراضي وليس فقط الوعر ، طيب ان تعود الطير على الوعر وهداده ، تعتقد يتنكر في السهل ام لا ؟



الربع والله ما قصرو قالو ما فيه الكفايه
اما عن رايي اقول مثل ما الحيوانات الباقيه تستنكر لربما الطير الوحش يستنكر
راعي الطير احيانا عيونه تطير اذا استنكر ههههههههه

اجل عيونه تطير ان استنكر ؟ هههههههه هلا والله وغلا بابو عبدالله ، ياسلام على وصفك ، ذكرتني بهجيج ابلنا عند ماعشّينا في ارض غير مراحها .




مدري وش أقولك يابو سيف
لكن اجاااابتي مثل اجابتك هههههههههههه.

مشكور علي الراااابط يابو سيف;)

إجابتي اليا تخاوينا بحيل الله و هدينا امداد في القعد بتعرف اجابتي هههههههه ، والعفو يالغالي



مرحبا ياطويل العمر وموضوع طيب ويستحق النقاش بالنسبة لنفسي ومن واقع تجربتي المكان مايغير الطير ولايتنكر وانا اتكلم عن الطير الاصيل لان ماكره جبال وضلعان اكبر من اللي عندنا وانا اتكلم عن نجد والوسطى والصمان والشرقيه والطير يتنكر لاسباب عديده اولها حرارة الجو والعدة المغلقة والهوى الجنوبي الصلف وظهور الطير من الربطة وعدم تدهيله وقصر عدته يؤدي الى تنكر الطير تقبل تحياتي واتمنى اني اصبت الهدف ولك مني كل الشكر والعرفان

طابت ايامك ياجلاد الحباري ومشاركتك تشرفني لاعدمتك وبيّض الله وجهك عليها




السلام عليكم
اخي العزيز ابو سيف
الطير الأسم المرادف له دائماً
هو ابو مختار فحين ينطلق من ايدك فهو ابو مختار ربما يلحق الصيده ربما لا ربما يجي على الدعو ربما لا ربما يلعب براسه الحوم ولا يرجع نعم المهم ان الطير يتنكر من كل شئ وليس شئ معين واكثرهم الجرناس الخلوي ،
ابو فيصل


هلا وغلا يابو فيصل واشهد انك صادق ، الطير مختار ولكن اللي عنيته تنكره على الارض الجديده عليه من بعد ماهو متعود على ارض غير في التضاريس واللون . مشاركتك افرحتني لاعدمتك

[سلطان 1]

إجابتي اليا تخاوينا بحيل الله و هدينا امداد في القعد بتعرف اجابتي هههههههه ، والعفو يالغالي.

ان الله احيانا يابو سيف بنتخااااوا
لكن بشرط ما معك الا عساااااف
وانا معي امداد بس. لانها يالله مهد واحد وعقبها تضيع هي من كبر السن معااد تجمع. والباااقي عند عسااااف الله يباااااارك لك.
هذا شرطي.
وجعلهاااا السيل هاااااااك الدياااااار والله من سجه الخاااااطر فيهااااااا.

[ذراع الذيب]

السلام عليكم ورحمة الله وبركاته..
صبحت بالخير يابوسيف..


قبل اجاوب انت الحين علمني السيوح والحجره و الوديان اللي تحيط بها الجبال وين هي ديارها؟؟؟ هههه..
ومن دون قصور في جميع خويانا الاعضاء والله انهم كفو ووفو بردودهم لاكني كنت احتري رد صقارنا هاوي هدد لانه راعي تجربه طويله في هدد مثل هالاماكن
وماننسى صقارنا بن محجن ولاهنت على هالموضوع الطيب والله يعطيك العافيه ويبارك فيك..
وتحياتي لك..

[الرقعي]

التضاريس والاماكن الي فيها جيان وزبور يكون فيها الطير على على شفي حفره يعني ادنا حركه ضد الطير في الامكان هذي يتنكر بسهوله وكذلك تضاريسه تساعد الطير بهروب منك بسهوله

[بو غازي]

مرحبا ابو سيف
متابع للفائده

:)

[صقار محترف]

غالبا الحر يتنكر خاصة اذا شاف الضلع او الهضاب ..
وهذا طبع في الحر والوكري خصوصاً والقرانيس منها بالتحديد..

[مخلف الهقوات]

صباح الخير يا ابو سيف بشر عن صحتك واخوانك عساكم بخير بخصوص سوالك غريبة ها السوال يجي من مثلك ؟؟؟؟؟ لا كن تقبلها من رفيق

[ابوعزيز2007]

ماقدرت احصل اسباب عقب قلب ذيب

[السومر]

غالب الطيور اللي تنكر اللي يجي فيها وحاشيه اللي ما تألف زين

مثل الطير اللي به صيحه و الطير اللي ينقل العلف والطير اللي يكوش على العلف .

لكن الطير الراكد المسوح الهادي ان شاء الله ما عليه خوف انه يتنكر

أهم شي وزن الهداد

[جير دبي]

مراحب يابوسيف يتنكر اكثر شي قرانيس الهوا
وخصوصا الشياهين منهن وعوامل الجو
له دور في تنكر الطيروالعديه الزايده
وهذا لاينطبق على جميع الطيور
وتظاريس المكان له دورفى تنكر
وتدهيل الطير يحد تنكره
موضوع مهم للصقاقير
طــــرح طيب من طيب
تحياتي وتقديري ..

[حامد الحنيني]

السلام عليكم

والله ماني اخبر منك يابو سيف

لاكن ابا ادلي بدلوي

حنى مدعنا دايم سهله على كيفك تطرد مع الطير لين يطرح صيدته

وليا هدينا عند جبال يتغير الطير ويبدا ينقل كنك ماتعرف الطير

هذا الكلام صار لوحوش اللي معنا وايضا صار بتفرخ معي

وبيور فرخ يوم وصل الضلعان صار تقل وحش يرص عمره بالحصا

من العصر لين غابت الشمس واهد عليه طيري ويعلقه وياخذ العلف

منه ويفكنا الله من ضيعته ونقظبه

تحياتي لك.

[البروالطير]

السلام عليكم
أخوك ما عندي علم ولا خبرة
طبيعة الارض تؤثر علي نفسية الطير؟؟؟
لكن في شي صار مع اخوك
الموسم الماضي نزل علينا ثلج والبرد قارص والطير
من وقتها يكفخ وما نزل علوكر ابد الا بالبرقع
لغاية الضهر ذاب الثلج وتعدل مزاج الطير مثل اول
وسلمت يا خوي

[راعي شلهوب]

يامرحبا يابوسيف
اشهد بالله انه يتنكر وعن تجارب شخصيه خص لامن جيت المناطق الجبيله الى فيها هضاب ووديان
الطير يطريله الف طاري بغض النظر عن عده الطير ووحاشيته وهاذي فعلن تزيد من الاسباب
تقبل مروري

[عاذي]

اجابات وافية وكافية والله ماقصروا الأخوان وكلن عطاك العلم .. اما بالنسبة لي انا اللي اعرفة الطير يتنكر لأن الطير دائما اما يحب الأماكن المرتفة اذا شافها يحب يتعلاها ولا يرضى النزول طبع فيه او يحب مد النظر ولا يحب شئ يختفي عليه خاصة اذا صارت السيارة متحركة يبين السهل من وراها ويختفي .. وشكرا ً.

[النمر الأشهب]

من واقع تجربة الطير يتنكر في المناطق الجبلية وخصوصاً إذا كان هناك حوم فإنه يخاف على نفسه ويقوم يحوم حتى تنزل أكثر الطيور من الحومة وبعد ذلك ينزل هو وتستطيع أن تدعيه مع أو قبيل غروب الشمس ويأتيك إن شاء الله
حصل لي موقف في حائل في منطقة جبلية حيث هديت للطير حمامة ولحق الحمامة وكانت الساعة تقريباً العاشرة صباحاً وكان الجو معتدلاً نسبياً وعندما لحق الحمامة وقرب منها حل وقام يحوم ويوم شفت الطير يحوم عرفت بأن هناك عقبان حوله وصارت العقبان تطرده وهو يحوم ويحاول يبتعد عنها ولكن العقبان بصراحة عددها كثير وأدعيه بالحمامة ولكن لا حياة لمن تنادي وأخفيت الطير والطير ليس به ريشة ولم أغادر مكاني ودعيته العصر ولم يأتي ودعيته قبل غروب الشمس ولم يأتي ودعيته بعد غروب الشمس ولله الحمد والمنة جاني مع العلم بأن عمر الطير خامس. بنظري بأن المناطق الجبيلة مؤهله لتنكر الطير بسبب كثرة الطيور الجارحة

[ربع خالي]

إجابتي اليا تخاوينا بحيل الله و هدينا امداد في القعد بتعرف اجابتي هههههههه ، والعفو يالغالي.
ان الله احيانا يابو سيف بنتخااااوا
لكن بشرط ما معك الا عساااااف
وانا معي امداد بس. لانها يالله مهد واحد وعقبها تضيع هي من كبر السن معااد تجمع. والباااقي عند عسااااف الله يباااااارك لك.
هذا شرطي.
وجعلهاااا السيل هاااااااك الدياااااار والله من سجه الخاااااطر فيهااااااا.


انت تامر يابو فيحان ماتشرط ، وذيك الديار تستاهل من يدعيلها بالحيى .




السلام عليكم ورحمة الله وبركاته..
صبحت بالخير يابوسيف..


قبل اجاوب انت الحين علمني السيوح والحجره و الوديان اللي تحيط بها الجبال وين هي ديارها؟؟؟ هههه..
ومن دون قصور في جميع خويانا الاعضاء والله انهم كفو ووفو بردودهم لاكني كنت احتري رد صقارنا هاوي هدد لانه راعي تجربه طويله في هدد مثل هالاماكن
وماننسى صقارنا بن محجن ولاهنت على هالموضوع الطيب والله يعطيك العافيه ويبارك فيك..
وتحياتي لك..

وعليك السلام ورحمة الله وبركاته

هلا يابو ناصر ، ماني معلمك الا في الصفري ، وعسى الله يجيب اللي ذكرتهم وناخذ العلم من روسهم وأتشرف بتواجدهم مثل ما اتشرف بتواجد اخواني الاعضاء الباقين

مرورك اسعدني لاعدمتك يامشرفنا الغالي



التضاريس والاماكن الي فيها جيان وزبور يكون فيها الطير على على شفي حفره يعني ادنا حركه ضد الطير في الامكان هذي يتنكر بسهوله وكذلك تضاريسه تساعد الطير بهروب منك بسهوله

لاهنت يالرقعي على مشاركتك الطيبه وبإذن الله نستفيد منها




مرحبا ابو سيف
متابع للفائده

:)


وأنا كذلك يابو غازي :good2: يكفي تسجيلك لاعدمتك



غالبا الحر يتنكر خاصة اذا شاف الضلع او الهضاب ..
وهذا طبع في الحر والوكري خصوصاً والقرانيس منها بالتحديد..

لاهنت ياصقار محترف ، وجزاك الله خير على الافاده ، أسعدني حضورك



صباح الخير يا ابو سيف بشر عن صحتك واخوانك عساكم بخير بخصوص سوالك غريبة ها السوال يجي من مثلك ؟؟؟؟؟ لا كن تقبلها من رفيق

هلا وغلا بالسنافي وأبشرك في خير ونعمه ولله الحمد ، وسؤالي للمعرفه والتزوّد بها لاعدمتك ، احيانا تعيش على معلومه وفي اخر عمرك تكتشف بأن معلومتك غلط هههههههه ، خلنا نتأكد والعمر به باقي والعلم عند الله سبحانه



ماقدرت احصل اسباب عقب قلب ذيب

هلا يا ابو عزيز ومرورك اسعدني لاهنت



غالب الطيور اللي تنكر اللي يجي فيها وحاشيه اللي ما تألف زين
مثل الطير اللي به صيحه و الطير اللي ينقل العلف والطير اللي يكوش على العلف .
لكن الطير الراكد المسوح الهادي ان شاء الله ما عليه خوف انه يتنكر
أهم شي وزن الهداد

هلا يالسومر يعني لايتنكر الا الطير اللي فيه العذايب اللي قلتها انت وغير هذا لايتنكر ؟
مرورك اسعدني لاعدمتك




مراحب يابوسيف يتنكر اكثر شي قرانيس الهوا
وخصوصا الشياهين منهن وعوامل الجو
له دور في تنكر الطيروالعديه الزايده
وهذا لاينطبق على جميع الطيور
وتظاريس المكان له دورفى تنكر
وتدهيل الطير يحد تنكره
موضوع مهم للصقاقير
طــــرح طيب من طيب
تحياتي وتقديري ..


لاهنت ياجير دبي ومشاركتك اسعدتني لاعدمتك ، ومنكم نستفيد .




السلام عليكم
والله ماني اخبر منك يابو سيف
لاكن ابا ادلي بدلوي
حنى مدعنا دايم سهله على كيفك تطرد مع الطير لين يطرح صيدته
وليا هدينا عند جبال يتغير الطير ويبدا ينقل كنك ماتعرف الطير
هذا الكلام صار لوحوش اللي معنا وايضا صار بتفرخ معي
وبيور فرخ يوم وصل الضلعان صار تقل وحش يرص عمره بالحصا
من العصر لين غابت الشمس واهد عليه طيري ويعلقه وياخذ العلف
منه ويفكنا الله من ضيعته ونقظبه
تحياتي لك.


وعليك السلام ورحمة الله وبركاته
لاهنت يالحنيني والتجارب خير برهان , وإن شاءالله نستفيد من تجاربك ، ومشاركتك افرحتني لاعدمتك



السلام عليكم
أخوك ما عندي علم ولا خبرة
طبيعة الارض تؤثر علي نفسية الطير؟؟؟
لكن في شي صار مع اخوك
الموسم الماضي نزل علينا ثلج والبرد قارص والطير
من وقتها يكفخ وما نزل علوكر ابد الا بالبرقع
لغاية الضهر ذاب الثلج وتعدل مزاج الطير مثل اول
وسلمت يا خوي



وعليك السلام ورحمة الله وبركاته
أفهم من كلامك إن الطير تغير مزاجه من تغير لون الارض عليه وإكتسائها باللون الابيض حتى لو ماتغيرت تضاريس الارض
وهو من قبل كان متعود على لون الارض الطبيعي
اخي البر والطير : إنت جبت مافي خاطري أوصلّه
مشاركتك جدا أسعدتني



يامرحبا يابوسيف
اشهد بالله انه يتنكر وعن تجارب شخصيه خص لامن جيت المناطق الجبيله الى فيها هضاب ووديان
الطير يطريله الف طاري بغض النظر عن عده الطير ووحاشيته وهاذي فعلن تزيد من الاسباب
تقبل مروري

هلا براعي شلهوب وأبشر أن شهادتك منت مكفّر عنها ، لاهنت على مشاركتك




اجابات وافية وكافية والله ماقصروا الأخوان وكلن عطاك العلم .. اما بالنسبة لي انا اللي اعرفة الطير يتنكر لأن الطير دائما اما يحب الأماكن المرتفة اذا شافها يحب يتعلاها ولا يرضى النزول طبع فيه او يحب مد النظر ولا يحب شئ يختفي عليه خاصة اذا صارت السيارة متحركة يبين السهل من وراها ويختفي .. وشكرا ً.


هلا بعاذي وهلا بمشاركتك اللي اسعدتني ، ماقصروا اخواني الاعضاء ولا انت قصرت يالغالي



من واقع تجربة الطير يتنكر في المناطق الجبلية وخصوصاً إذا كان هناك حوم فإنه يخاف على نفسه ويقوم يحوم حتى تنزل أكثر الطيور من الحومة وبعد ذلك ينزل هو وتستطيع أن تدعيه مع أو قبيل غروب الشمس ويأتيك إن شاء الله
حصل لي موقف في حائل في منطقة جبلية حيث هديت للطير حمامة ولحق الحمامة وكانت الساعة تقريباً العاشرة صباحاً وكان الجو معتدلاً نسبياً وعندما لحق الحمامة وقرب منها حل وقام يحوم ويوم شفت الطير يحوم عرفت بأن هناك عقبان حوله وصارت العقبان تطرده وهو يحوم ويحاول يبتعد عنها ولكن العقبان بصراحة عددها كثير وأدعيه بالحمامة ولكن لا حياة لمن تنادي وأخفيت الطير والطير ليس به ريشة ولم أغادر مكاني ودعيته العصر ولم يأتي ودعيته قبل غروب الشمس ولم يأتي ودعيته بعد غروب الشمس ولله الحمد والمنة جاني مع العلم بأن عمر الطير خامس. بنظري بأن المناطق الجبيلة مؤهله لتنكر الطير بسبب كثرة الطيور الجارحة

النمر الاشهب حيّاك الله وحيا مشاركتك والحمدلله على العقلان ، لاهنت على المشاركه يالغالي

[راعي - عديم]

هلابك أبو سيف
الطير أول مايشوف الجبال والوعر أول مايطري عليه التنكر
حتى ولو الطير وثن لابد ياخذله مرواس فوق جبل وتجذبه ويجيك
وتقبل مروري

[تميم2222]

التنكر هو من طبع الطير خصوصا قرناس الهوى ..والارض ..قد تكون سبب ...لكن في حالات ناااادره جداً

[راعي غضبان]

ارحب يابوسيف والشهر عليك مبروك وكل عام وانت بخير وبصحه وبسلامه والله يرحم شيباننا جابوك والطير انت ابخص يابوسيف ومجرب السهل والحمارير الي انت خابر ههههه والطير المحتاج والمستهد مايتعداك عينه لك والي طاغي صنعه وفسقه هذا لازم يطيح الي في راسه من حوم ههههه يترك صيدته ويروح يدور البراد والخلوي الي كبير شوي مايخلي اللكعات والحوم والشباب ماقصروا قالوا الي بخواطرنا والله يعطيك العافيه وتقبل تحياتي

[عزااااام-1]

مساكم الله بالخير جميع ومبرووك عليكم الشهر
وحياك الله يابو سيف اما سالفت تنكر الطير ابالله اغلب الطيور القرانيس واقول القرانيس الي مطروح قرناس فهي اغلبها نكرية خصوصا لا شاف النفود لا بد يتماحق شوي والقرناس مايخلي لكاعتة اما صلف ولا نزر ولا نكري وانت تعلم عرب بس حبينا نشارك معكم وحنا والله شفقين على النقلة لكن الله يلحقنا خير ويا هالوجية

[طيرالحمــــاد]

الشباب والله ماقصروا
وانا ابي ادلي بدلوي بأختصار
يجب مراعاة ثلاث أمور
الطير * الوقت * عدة الطير
الطير من حيث العمر وهل هو وحش اوبيتي وايضا ولف الطير
الوقت مثل الشبط مخليات المجوال الطير يتنكر على صقاره وايضا الحوم سوا بالهجره او رجعة الطيور
عدة الطير الطير الفسقان صنعه لاتامنه واما لاصارت صنعته وزنه ماعليه
هذا ما احببت ان اشارك فيه بأختصار شديد ولو تطرقنا للتفاصيل لاطال الكلام


تقبل تحياتي
طير الحماد