وش رايكم اولع به قاااااااااز

[صبي مسرد]

السلام عليكم
ياجماعة الخير قدر الله علي وشريت لي بترول ههههههههههه
مكينتة 4200 بخاخ
فيه يا طوال العمار تفتفه عند القومه اذا كنت مهدي يكون داعس ثم ياخذله نتعتين ثلاث اربع كنه بياقف ثم يسلك ولا عاد ينتع وانا لا حظت التنتيع الين سرعة 80 ثم بعدها اطلب عزك لو تبي الطبلون كله ماعنده مشكله

الاجراءات الي سويتها
غيرت اسلاك بواجي وكالة نظفت البخاخات وزنت البلوف غيرت السيور غيرت حساس الهواء وصبيت الي ينظف البخاخات الي مع البنزين مانفع
البواجي يقول راعية توه مغيرها قبل شهر وكاله وطرمبة البنزين طرمبة bmw
تكفون يالنشاما الي قد مرت عليه هالبلوا يريحني منها لا اولع به واحتفل خخخخخ

ملاحظة /الموتر له مده واقف لدرجة محصل في فلتر الهواء عش طير والله العظيم ههههههه

افيدوني جعل شيبانكم في الجنة

[مركز حراره]

البنزين اسرع وبعدين ابعد عن الموتر الله يستر عليك وخلك بعيد عن الارسال علشان مايجون
الدفاع المدني
ههههههههههههههههههههههههههههههه
اخويتاكد من الخرطوش الي جاي من الفلتر الى البخاخ دايم يويه فكه لف علي تيب وجرب

[ابوسند9]

زي ما ذكر اخونا مركز حراره شيك ع خرطوش الهواء اللي طالع من القربه للبخاخ لو فيه شق بسيط يسوي تقطيع
وبرضو غير فلتر البنزين
وفلتر الهواء

[صبي مسرد]

البنزين اسرع وبعدين ابعد عن الموتر الله يستر عليك وخلك بعيد عن الارسال علشان مايجون
الدفاع المدني
ههههههههههههههههههههههههههههههه
اخويتاكد من الخرطوش الي جاي من الفلتر الى البخاخ دايم يويه فكه لف علي تيب وجرب

ههههههههههههههههاااي تقوله صادز
الله يسعدك دنيا واخره

[صبي مسرد]

زي ما ذكر اخونا مركز حراره شيك ع خرطوش الهواء اللي طالع من القربه للبخاخ لو فيه شق بسيط يسوي تقطيع
وبرضو غير فلتر البنزين
وفلتر الهواء
جاري الفحص لاهنت على المرور يالامير

[sgl2002]

ياصبي مسرد

انا مثلك اول امس كان البترول عندي عزمه مكتم

ويوم رحت للديرة وتعديت تثليث وبدا الموتر ينقص عزمه وانت تعرف في الجنوب يموت العزم

المهم الموتر ماعاد مشى وقام يقطع ولا يمشي وبغيت ارجع اخذ عزم من وادي الدواسر������

المهم وقفت وفكيت الخرطوش واقلبه الا واحصل فيه شق صغير مسوي الهوايل وخايس الموتر وموسخ الثروتل

واحط عليه لحام بارد الا والموتر يوم صار مثل الغزال

[صبي مسرد]

ياصبي مسرد

انا مثلك اول امس كان البترول عندي عزمه مكتم

ويوم رحت للديرة وتعديت تثليث وبدا الموتر ينقص عزمه وانت تعرف في الجنوب يموت العزم

المهم الموتر ماعاد مشى وقام يقطع ولا يمشي وبغيت ارجع اخذ عزم من وادي الدواسر������

المهم وقفت وفكيت الخرطوش واقلبه الا واحصل فيه شق صغير مسوي الهوايل وخايس الموتر وموسخ الثروتل

واحط عليه لحام بارد الا والموتر يوم صار مثل الغزال


جعل ذيك الديار السيل
اي خرطوش الي تقوله ؟؟؟ وضح الله لا يهينك

[كلاش2500]

هلا فيك.....الله العالم ان الطرمبة BM دفعها قوى وباتالى الهواء لايتناسب مع البنزين عند بداية الانطلاق او الدعس.يكون البنزين اكثر علشان كذا تنتع السيارة.....شوف للتأكد من ذلك....شوف الشكمان يطلع منه دخان اسود عند التنتيع.........اذا نعم كل ماعليك تركب فلتر رياضى من اجل دخول هواء اكثر من فلتر السيارة العادى..لكى يكون هناك تناسب بين البنزين والهواء............

الحل ذا من واقع كلامك انه بعد الثمانين تنطلق السيارة والسبب انها فى دورة عالية يكون فيها البنزين متوازن مع الهواء.........والله اعلم..........

[sgl2002]

جعل ذيك الديار السيل
اي خرطوش الي تقوله ؟؟؟ وضح الله لا يهينك

الله يزيدكم فوق اللي جاكم يا اهل جاش

المهم الخرطوش شفه يجي بين فلتر الهواء والثروتل

شفه وصله كامله مصنوعه من ربل

تلقاها متاكلة واجد

[بدر الظفيري]

انا عندي ياشباب نفس المشكلة ولاكن هذا في بداية الامر اذا كان الموتر مرتخي وفجأأة دعست

تجيه تقطيعه شوي وبعدين ينطلق .. ؟؟ مكينتي 4500 كبريتر وليس بخاخ

[sgl2002]

بدر

هل موتر فلاتره وبواجيه تمام

[صبي مسرد]

ياشباب فحصت الخرطوش الي يوصل مابين القربة والبخاخ سليم مابه شي
الفزعة يارجال ترا ضغطي ارتفع منه

[sgl2002]

طيب وش وضع صفاية البنزين؟؟

[صبي مسرد]

طيب وش وضع صفاية البنزين؟؟

علي بالحرااااااام انك كفو وتستاهل حب على خشمك
ياجعلني ما اعدمك يالغالي على تفاعلك معي واعطاء النصايح
ابشرك طلعت الصفايه قيمتها 35 وتركيبها 15
وانا خسرت على الموتر ما يقارب 1000 ريال بدون فايده
بيض الله وجهك بيض الله وجهك بيض الله وجهك بيضاء توديها الركايب لهلها
اشكر كل من رد على موضوعي وتفاعل معي وما قول غير الله يبيض وجيهكم جميع

[ابوسند9]

الله واكبر يا صبي مسرد لنا الله الحين انا اول من قالك غير فلتر البنزين ايه يا الدنيا تبي حق هذي !!
هههههههههههه
لا والله امزح معك والحمد لله ان المشكلة طلعت بسيطه وخذها قاعده بحياتك دايم ابدا بالاسهل والارخص
واخونا sgl2002 اخو وعزيز ومهندس واستفدنا منه كثير في هذه الخيمه العزيزه

[صبي مسرد]

الله واكبر يا صبي مسرد لنا الله الحين انا اول من قالك غير فلتر البنزين ايه يا الدنيا تبي حق هذي !!
هههههههههههه
لا والله امزح معك والحمد لله ان المشكلة طلعت بسيطه وخذها قاعده بحياتك دايم ابدا بالاسهل والارخص
واخونا sgl2002 اخو وعزيز ومهندس واستفدنا منه كثير في هذه الخيمه العزيزه

هههههههههه جعلك تسلم نفدا خشمك ابيض وجه اول وتالي
وما ننسا معروفك يالغالي وشرفني والله مرورك بموضوعي
تقبل تحياتي

[sgl2002]

كفو يالمسردي

انت اللي تستاهل حبة خشم يوم علمتنا بالنتيجة ماهو مثل بعض الرجاجيل اللي لازان موتره ماعاد شفت غير غباره