فزعة اهل الفتك لاهنتم ,,,

[برق روق]

السلام عليكم ورحمة الله وبركاته

المشكلة الاولى/
ياشباب الله يسلمكم عندي فتك 2002 قير تماتيك
المهم الموتر به صوت طقطقة بالمكينة ازعجتني رحت للورشات وقالو لي هذا صوت بلوف المكينة
ومشكلة الفتك بلوفه تجي تماتيك يعنى ماتنوزن بسهوله زي البواترول القديمة , المهم قالو هذا لازم ينفك الراس ولازم مخرطة ومدري ايش وشغله طويله عريضة ويكلف بحدود 3 آلاف ريال , وقالو خله بصوته مايضر ابد رح للى تبي ومافيه مشاكل والحمد لله ..
ياشباب اذا احد منكم مر بهالمشكلة وعنده حل غير فك الراس ياليت يفيدني الله يجزاكم الجنة..

المشكلة الثانية /
عندي صوت صفير بالخلف وكأنه من الشكمان بس والله مدري ولا كشفت عليه
وسألت واحد من الشباب قال كل الفتك يجي كذا مادري هاالكلام صحيح ولا شرايكم ..

المشكلة الثالثة /
الموتر اذا اطلقت الطارة يحذف يسار بقوة يعنى لازم تمسك الطارة .

اللى مرت عليه هالمشاكل وعنده خبرة ياليت يفيدني ولكم جزيل الشكر...

[وبل نجد]

لاتزعج نفسك ولاشي
مشاكلك بسيطه
اما المشكله الاولى فالفتك بلوفه توزن نفسها بنفسها يعني لايوجد اي صوت لها ابدا لو تمشي ٥٠٠ الف لكن لعل الصوت من طرمبة الزيت والله اعلم وافحص عند اكثر من واحد
المشكله الثانيه فصوت الصفير طبيعي جدا كل الفتك كذا زي كذا ززززززز

المشكله الثالثه الحذفه من انطعاج ف الدفرنس الامامي او الدوده لابد تشيك عليها
مووفق

[صباح القايله]

هل الطقطقه متواصله او عند التشغيل
اذا متواصله ممكن من شدادات الجنزير ولو خليته ان شاء الله ماء عليه ضرر
ام اذا عند التشغيل فمن طرمبه الزيت جرب تغير الزيت او نوع الزيت الي تغيره دايم

[برق روق]

لاتزعج نفسك ولاشي
مشاكلك بسيطه
اما المشكله الاولى فالفتك بلوفه توزن نفسها بنفسها يعني لايوجد اي صوت لها ابدا لو تمشي 500 الف لكن لعل الصوت من طرمبة الزيت والله اعلم وافحص عند اكثر من واحد
المشكله الثانيه فصوت الصفير طبيعي جدا كل الفتك كذا زي كذا ززززززز

المشكله الثالثه الحذفه من انطعاج ف الدفرنس الامامي او الدوده لابد تشيك عليها
مووفق

الف شكر لك على المشاركة
كيف البلوف توزن نفسها والوزنية اجل وشيخربها من الاساس
فحصت عند اكثر من واحد وعند ناس مختصين وكلهم قالو لازم ينفك الراس
وبالنسبة لـ الانطعاج بالدفرنس لايوجد والحمد لله

[برق روق]

هل الطقطقه متواصله او عند التشغيل
اذا متواصله ممكن من شدادات الجنزير ولو خليته ان شاء الله ماء عليه ضرر
ام اذا عند التشغيل فمن طرمبه الزيت جرب تغير الزيت او نوع الزيت الي تغيره دايم

الطقطقة متواصلة واذا مشيت تزداد مع ضغط البانزين
جزاك الله خير

[برق روق]

للرفع الله يجزاكم خير
اللى عنده خبره ياليت يفيدني

[برق روق]

للرفع جزاكم الله الجنة

[ALKKKK]

المشكلة الاولى ماعندي علم فيها

المشكلة الثانية صوت الصفير شي عادي انا معاي 2011 اسمع ذا الصوت بس احيانا يعني ماهو

دايم ولاادري وش مصدرة

المشكلة الثالثة حاول تبدل الكفر الامامي اليسار يمين واللي يمين يسار وجرب اذا راحت المشكلة ولا

حذف يمين فالمشكلة عندك من الكفر

او تدور لك احد تركب كفراتة وتجرب وتشوف بدال مايسحبون الدفرنس وتخسر فلوس وتطلع

المشكلة من الكفر


واذا ما راحت فالظاهر الدفرنس يبغى سحب يكلف حول 400-500 عند ميزان العظيب او المجد


اتمنى انك فهمتني ومعليش على الاطاله

[العطاوي a511]

السلام عليكم ورحمة الله وبركاته

اخوي صوت الطقطقه بمكينه الفتك طبيعيه هاذا صوت المكينه واذا منت مصدق شوف لك اطلق فتك وامغطه تلقى نفس الصوت

[Abu Msh3aL]

صوت الطـقطقه هذي صبابات ومعروفة بالفتك .. وقد صلحتها بورشة الخـضير في بريدة ما يحتاج فك راس ..

بالنسبة لصوت الزنه الله العالم الصوت الي تسمعه هذا صوت طرمبة البنزين وهذا صوتها طـبيعي ..

اما الحذفة لها اسباب واجد ما تقدر تستنتجها من دون كـشف ممكن اتفه الاسباب لو كـفر ناقص هواهـ عن كفر الجهه الثانية يسبب حذفة .. بس مـر بها على شارع المنتزهـ في الصناعية القديمه وشف ميزان المجد والعضيب والبلاد .. الخ مـر قد ما تقدر وخلهم يكـشفون وشف وش يتفقون عليه وكم سعر التكلفة ترى الاسعار فيها تفوات فاحش وحتى التشخيص احيان يعطونك على كـيفهم بس يبي لك تشوف الاغلبيه

والله يعــينكـ :)

[ثعول البرد]

هاذا صوت صباب .ومع الوقت يخرب ويطلع صوت قوي. والان موتري فتك اصلح صبابته

[ثعول البرد]

وهاذا جوالي. اذا بغيت شي..بعد اذن الاداره..0543057551