جددو النيه يا الشريطيه ترا النيه مطيه

[ابوماجد6641]

مساكم الله بالخير. جميع. حبيت اطرح هذا الموضوع. أذكر نفسي واذكر. إخواني. بس أنا مانى شريطى. ههههههههههه بالعكس إشري غالى وأبيع رخيص ’ بس مثل ما انتم عرفين موسم الطيور قرب إن شاء الله وأكيد راح يصير فيه بيع وشرا للطيور. وخاصه إذ اطلعت الطيور من المقيض والمقيض مثل منتم عرافين فيه المجهول. والى صابه مرض. والى ماهد على الصيده يعني طير ما فيه خير. أقول لخواني الى عندهم مثل هالطيور الله الله بالصدق وتوكلو على الرزاق في الرزق وانتبهو من الغش فيه ناس متشفقين على المقناص وموفرين مبالغ لشرا طير يبصطه وينومسه. عند أخوياه ’ وقاعد يجمعها عشان يشري طير فحرام ينغش. والله ثم والله إذ أخلصت النيه لله إن الله يعوضك في حلالك ويفتح لك باب رزق انت ما تحتسبه رزقك الله كاتبه وما تأخذ الا نصيبك لا تتسبب في هم وغم أي شخص على مصلحتك حب لغيرك ما تحبه لنفسك ’ ’’’’’’’’باقي التطبيق وشف النتيجه أولها الراحه النفسيه ’ واسف على إلأطالة

[عواد الشمري2]

هلا والله بابو ماجد الله يجزاك خير وعسى الله يطلع الطيور على خير هسنه احسه تقول طولت متشفقين حيل والقعده دبحتنا
.
بيض الله وجهك

[بو غازي]

كلام سليم يابو ماجد وعسى الله يوفق الجميع لما يحب ويرضى والي بيدفع مبلغ وقدره في طير لابد يشوف طياره

[(هزاع)]

ياهلا بالموضوع وراعيه / ابوماجد
هذي من الامر بالمعروف والنهي عن المنكر
( كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ )
وكان عند الشيبان كلمه كنت ونا صغير اسمعها (ماجت به راحت به)
وش يعني لك يابن ادم الكلمه ذي ماكسبته بالحرام راح بالحرام
مال دخل بالحرام وش ترجي منه
1: لحمك تربا على حرام
2:لحم عيالك ربيته على حرام
3:بيت اسسته على حرام
4:سلعه اشتريتها من مال حرام
وترجي البركه في صحتك و مالك وعيالك وبيتك وسيارتك
لالالا
ماهي بحاصله البركه من مكسب الحرام بتلقا امورك يالمحتال ثبور في ثبور ومن جرف في دحديره
وناضر( المتقين) حتى لو (ماعجبوك) مكسبهم لوهوشوي مغتنين بالصحه والعافيه وطارح الله البركه لهم برزقهم ومستفيدين من مالهم
ومتقين دعوة المظلوم اللي ماتدري كيف تدبر قيمة الطير ويمكن متدين قيمته
تنام وعين المظلوم مانامت يدعي عليك
نسل الله رب العرش العظيم ان لايهيء لنا الحرام ولامسبباته
اسف على الاطاله بالمداخله ولاكن جازلي موضوعك يابوماجد وعساهم يتقون الله
اللهم اجزي راعي الموضوع خير وجزل له الثواب ورحم والدي ووالديه وكل المسلمين

[الشلاعي]

جزاك الله خير يابو ماجد .... كلام سليم وماقصر اخونا هزاع بعد .....الله يبعدنا عن الحرام وجميع من يقرا

[عاذي]

من غشنا ليس منا

[جبار1]

جزاااك الله خير وكلامك عين الصواب

[م العجمي]

بيض الله وجهك يا ابوو مآجد

الطير أوله وأخره كومة ريش يجيبونه الرجال ما يجيبهم وهذا شي

الشي الثاني , البيع الي على وضح النقآ يعرفك على رجال فيهم خير

وتأكد ان الي بيغش ( بيبع كومة ريش وبيخسر رجال )

وعسى الله يجملنآ عند الله وعند خلقه

شآكر لك أهتمآمك الطيب والله يجعلها في ميزان حسناتك

[حامد الحنيني]

السلام عليكم

مساء الخير يابو ماجد

عزالله كلامك من ذهب الله يجعله في موازين حسناتك

وبيض الله وجهك

تحياتي لك.

[برق حرب]

عز الله ان كلامك من ذهب

[MMMمخاويMMM]

جزاك الله خير ابو ماجد على هالكلام الطيب ويجعله في موازين حسناتك..

[ابرق الحرار]

:fمن غش غش نفسه الله يحمينا لهيب النار الموقده

[ابو محمد1111]

عز الله انك صادق و هذولا هم الي مخربين سمعة الصقاره

[المهند9]

جزاك الله خير ابو ماجد على هالكلام الطيب ويجعله في موازين حسناتك..

[راعى شاهين]

ياكثرهم المشكله وفيهم من يتلبس بالدين فى مظهره وكلامه واخرتها يغشك خذ الطير على الفحص وشف طياره والا انت ساهمت فى الغش

[هاوي الصلفات]

لله درك يابو ماجد درر
كلام في الصميم وفي وقته الله ينفع به ويجزاك خير
والمال الحرام والله انه يمحق البركه في عمرك يا ابن آدم

[تميم2222]

جزاك الله خير على الكلام الرائع ..تقبل مروري