الارض لله \ وقصيده موجهه لـ احد قرانيس المنتدى

[راعي جالود]

السلام عليكم ورحمة الله وبركاته


صباحكم \ مساكم , الله بـ الخير









بدون مقدمات

كلنا تجمعنا على طاعة الرحمن سبحانه وحب القنص والطير ولولا هذي الهوايه لما تواجدنا
وهنا لـ الافاده والاستفاده !


أنا أتفاجئ حقيقتا ً عندي سؤالي لـ البعض من الأخوان , طبعا خارج النت وداخله
عن أراضي المقناص خارج ( الخليج العربي )
لأن كلنا نشكي من شحّها :(

سألت \ عن ليبيا < وقالو المقناص مايصلح لأن الوضع الأمني مش ولا بد
وكذا دوله < طلعو لي أعذار
وحسيت .. الدعوه تفنير عن المعارف .. في تلك البلاد

صدف تواجدي عند أحد الأشخاص
وقال له واحد من خوياه
فلان ! بيقنص الديره الفلانيه ويبي رقم خويّك يبي يروح له
قال بصريح العباره ( فكنّا منه )
ليه !
لأن فلان يدفع أكثر منه وخايف يخربه عليه !
بـ الله هذا عذر..
الارض لله سبحانه هل هو حسد أو إعتقاد إن الصيد في تلك الديره مخصص له

واليوم أفتر كـ العاده بـ المنتدى طبعا من غير تسجيل دخول :)



ووجدت قصيدة وعن الطير وملامه على راعي الطير اللي فيها أغادير سجيت منها

المهم إن فيها ( المغرب ) وهنا مربط الفرس



ووجدت رد لـ أحد الاعضاء وهو صقار وشاعر

وقبل أن أدخل بـ موضوعي معه

نجد الكثيرين من الشعار يرسل قصيده لـ شاعر أخر وهو يسأله عن محبوبته
أو ماهي عليه من حال من بعد فراقه



وأنا هنا أسأل أخوي الكبير وهو أحد قرانيس المنتدى قلب ذيب

عن محبوبتي وعن أجرائات الوصول أليها طبعا ً هي محبوبة الجميع


شدّني البيتين اللي بـ التوقيع وجاريتها مجاراه بسيطه !



ناهضن للمرجله ياقلب ذيب..المراجل ترتكي لاحمالها
قلب ذيب وفكر رجل وناب شيب..صادق الكلمه الا من قالها




على وعسى إن تتقبلوها وهيّ موجهه له

وغضوّ عن عيوبها ( إرتجاليه )




ملّ قلب ٍ من غلا الربدى صويب \ يحسب شهور السنه وليالها

ما حداه البعد عن فرقا حبيب \ مير حب الصيد يسوى شالها

الحباري شاقت القلب العطيب \ هي ّ طب النفس بعد إشكالها

كم شعت في حبّها راس ٍ عريب \ وكم واحد شافها ما طالها

قالو الاعراب لو إنك غريب \ أسأل الطيّب , وزيّن فالها

لا سألت البعض مردوده عجيب ! \ وأنت تطلب راي ماهو مالها

المجال اللي يخوضه قلب ذيب \ ودي أكسب خبرته وأعنالها

كل ذيب ليا قنَب يلقى مجيب \ وجاك صوت الذيب فوق جبالها

ما يعرف المشكله غير الطبيب \ وأنت قالو خبره وحلاّلها

كان لي في روحة المغرب نصيب \ ودي أعرف منّك كيف أسعالها

هات ما عندك وأنا صدري رحيب \ عن علوم ديارها ورجالها


وسلامتكم

[حامد الحنيني]

السلام عليكم ورحمة الله وبركاته


مساء الخير

صح لسانك يالذيب

وقلب ذيب مايقصر هو وباقي الاخوان والله يرزقك باصيد والفيد

لاكن لاتنسى الكاميرا نبي مواضيع بالمقبله

تحياتي لك ولكافة اعضاء مكشات .

[عواد الشمري2]

صصح للسانك ونعم باقلب الذيب مايقصر معك

[فزعة الصياح]

صح الله لسانك

لآهنت

[الـسـاطـع]

صح لسانك وان شاء الله تلقى العلم عنده

[الشلاعي]

صح لسانك والله ينولك مبتغاك

[سلطان 1]

قالو الاعراب لو إنك غريب \ أسأل الطيّب , وزيّن فالها

لا سألت البعض مردوده عجيب ! \ وأنت تطلب راي ماهو مالها

صح الساااااااانك وعدااااااااك العيب.

واصاااااابعك مااااهي سواااااا
لكن الرجل وغيرك يعلم
يعرف اللي يسفط له من اللي يبااااا فرقااااااه.
والعينه هذي كثيريييين.
والرجال اللي فيهااااا خير واجد اللهم لك الحمد ياراعي جالود.
أخوك سلطان.

[المغترب 502]

صح لسانك وانا اخوك
قصيدة جزله ومهوب مقصر معك
قلب ذيب ان شاء الله ويدلك على مطلوبك

[انسانه؟]

صح لسانك
والله يرزقك الخير ويسهل امورك..
وموكل الناس سواالبعض حسدمثل ماتفضلت لكن ماتخلى من الطيبين ,,.

[عسااااف]

وعليكم السلام ورحمة الله وبركاته
صح لسانك على القصيده وقلب ذيب ما يقصر معاك والله يرزقك

[(هزاع)]

صح لسانك
والارض ملك اللي خلقها
ولالنا بها غير متر×مترين لاغير

[اقدم صقار]

صح لسانك

والارض ملك اللي خلقها

ولالنا بها غير متر×مترين لاغير




:good2::good2::good2::good2::good2::good2::good2:: good2:

صدقت يا ابو مشعل

ما لنا في الارض سواء مكان القبر متر بمترين

ولاكن بدها تزين والرزق عند منشي السحاب

[حر119]

جزلة بيض الله وجهك كان لي في روحة المغرب نصيب \ ودي أعرف منّك كيف أسعالها

هات ما عندك وأنا صدري رحيب \ عن علوم ديارها ورجالها

[سيف الهواء]

كان لي في روحة المغرب نصيب \ ودي أعرف منّك كيف أسعالها

هات ما عندك وأنا صدري رحيب \ عن علوم ديارها ورجالها


الله الله قصيده وافيه من رجل وافي صح السانك

حسبي على من لايخدمك وهو بيده خدمتك .. ودي اخدمك لكن مابيدحيله

[هاوي هدد 11]

صح اللسانك
مانصيــــــــــــــــــــــــــت
الا ذيب
بتلقا عنده كل علم غانم

[راعي جالود]

السلام عليكم ورحمة الله وبركاته


مساء الخير

صح لسانك يالذيب

وقلب ذيب مايقصر هو وباقي الاخوان والله يرزقك باصيد والفيد

لاكن لاتنسى الكاميرا نبي مواضيع بالمقبله

تحياتي لك ولكافة اعضاء مكشات .



مساء النور

مرحبا ومسهلا يا حامد

ونعم بـ \ كل الاخوان

ههههههههههههه أبشر بـ اذن الله

حياك الله

[راعي جالود]

صصح للسانك ونعم باقلب الذيب مايقصر معك



صح بدنك ولا عليك زود

شرفتني

[راعي جالود]

صح الله لسانك

لآهنت




صح بدنك

ولا أنت

[راعي جالود]

صح لسانك وان شاء الله تلقى العلم عنده


صح بدنك

الله يجزاك خير

وشرفتني يبوي

[راعي جالود]

صح لسانك والله ينولك مبتغاك


صح بدنك والله يجزاك خير

[راعي جالود]

قالو الاعراب لو إنك غريب \ أسأل الطيّب , وزيّن فالها

لا سألت البعض مردوده عجيب ! \ وأنت تطلب راي ماهو مالها

صح الساااااااانك وعدااااااااك العيب.

واصاااااابعك مااااهي سواااااا
لكن الرجل وغيرك يعلم
يعرف اللي يسفط له من اللي يبااااا فرقااااااه.
والعينه هذي كثيريييين.
والرجال اللي فيهااااا خير واجد اللهم لك الحمد ياراعي جالود.
أخوك سلطان.


يا مرحبا والله يا سلطان

صح بدنك وما تخيب

خابرين الله يطول لي عمر وأنا في بدابة الموضوع قلت البعض

والدعوه كلها مجرد معلومات عن أجرائات المقناص هناك

وعزالله إن صادق والطيّبين واللي يدلونك على العلم الطيب واجد

الله لا يهينك وشرفتني يعلم الله

[وسًاام]

صح لسانك
ويستاهل قلب الذيب

[أبو أمين]

راعي جالود مساك او صبحك الله بالرضاء والعافيه

ها ان جاك علم لا تخلينا هههههههه

مداعبه من اخوك


تحياتي

[مازن الصعب]

ماشالله تبارك الله

صح لساانك وسلم بنانك

جزلة من راس جزل

تسجيل اعجاب

وتقبل مروري

[عابر الموج]

قيل ان بالاشارة يفهم اللبيب= ويرتكي للاثقال منهو شالها
مايخاف يسند الضلع الصعيب -لو اسود الغاب حركت اذيالها
بالقدر يومن والله رزاقا مجيب -في كتابه المنزل ربي قالها

شكرا لك على القصيده حبيت اجاريك ببعض الابيات لوكانت القصيدة ماهي موجهه لي ويستاهل ابو ماجدوصح لسانك تقبل تحياتي

[ســـبــار ربــعـــه]

ارحب يا راعي جالود.

باين عليك مزعوط الزعطه الواعره مع المغريب وحباراها.

قلب ذيب.
الرجال كاتب الشعر ديالك بده يقنص.

ترا الرد الي فوق باللهجه المغربيه.
هههههههههههههههههههههههههههه
قلب ذيب طحطوح ولا هو مقصر ان شاء الله.
اسال الله العظيم رب العرش العظيم انه يهيي لك المقناص الطيب ولا تنسانا من دعائك.
وفيه بيت لقلب ذيب قزرت فيه الربطه ويقول فيه.
هوى روحي المقناص والذاهبات انفوس.
الا وين ابا القالي رفيقن على الشده.
صح لسانك يا راعي جلاد وصح لسان قلب ذيب مقدما.
ودي اجاريك بس القوافي بدت تخلص وصارت مثل الحبارى في الخليج فيه جرت هريب وقلب ذيب على اثرها محتزم بالجير شاهين.

تحياتي للجميع تقبل مروري ورقبتي سداده

[الرامي الماهر]

صح لسانك ماشاء الله عليك قصيده جزله لاتحرمنا من شعرك وعطنا من قصايدك تستاهل التقييم بصراحه

[بو غازي]

مرحبا راعي جالود
عندي احساس انك هالسنه بتقنص وتعين حباري واجد باذن الله
بس لاتنسى التصوير :)

[ذراع الذيب]

السلام عليكم ورحمة الله وبركاته..
مسيت بالخير ياراعي جالود..

اثرك شاعر ومادرينا غير هاليوم صح لسانك ملايين ابيات ولااروع فيها كل الشاعريه..
ويستاهل القرناس والشيب ابوماجد وانشهد انه ذيب ربته ذيبه وراح يجيك بالرد الطيب وماننسى شاعرنا عابر الموج..
كفا ووفا برده وشاعر جزل ولاهنت والله يرزقك بالمقانيص الطيبه..
وتحياتي لك..

[أبو فااارس]

راعي جالود صح لساآآآنك عز الله انك وافي واللي مايعرف الطير يشويه على قولاتهم وابو ماجد مايقصر ..

[راعي طلاع]

قصيدتن وافيه من وافي

ومسندتن لوافي ولاهوب مقصر

صح لسانك

[عبدالرحمن بن ذياب]

صح لسانك عز الله انك نصيت ذيب

[صاحب نوماس]

صح لسانك


قصيدة جزلة

وقلب ذيب يستاهل من يعنى لخوتة

[خالد العطااوي]

قصيدن جزله من شاعر جزل وصح لسانك
وانشاءلله تقنص وتعين من الله خير بس الغربه ماتصلح
والله يوفقك يالغالي

[مذخور]

ماشاء الله بيض الله وجهك
صح لسانك
ياراعي جالود
اسأل الله ان يعطيك ماتتمنى ,,

[راشد الهاجري999]

ها وين قلب ذيب عقب ذا النشيد. ارب الرجال بيقنص قيعان العيون

[راعي الونه]

صح الله لسانك

قالو الاعراب لو إنك غريب \ أسأل الطيّب , وزيّن الله فالها

[الهاجري ج]

صح لسانك ياراعي جالود وان شاء الله انك سندتها على من هو اهل لها وكفو اخوي ابوماجد قلب ذيب

وحبيت اداخلكم في الموضوع من باب الميانه على اخواني (راعي جالود وقلب ذيب)

وحبيت اضعها في موضوع منفرد حتى لا اخرجكم عن موضوعكم الخاص

الرابط

http://www.mekshat.com/vb/showthread.php?t=516266 (http://www.mekshat.com/vb/showthread.php?t=516266)

[الطيرالغريب]

صح لسانك والله يوفقك بالصيد وقلب الذيب مايقصر
والدعوى سهالات الي فيه خير ما يكني على رفيقه
والطيب مايجي منه الا الطيب

[قلب ذيب]

ارحب ياراعي جالود .
اسمحلي ثم اعذرني توي رجعت من عند الابل , وشفت موضوع الهاجري قصيدتك وقصيده , ورديت هناك وبعدين شفت موضوعك ... ياليتك ياأخي باعث لي رساله على الخاص , لأن المواضيع كثر والاقسام كثيره .
ابشرررررر في ماطلبت , وبأذن الله اراسلك على الخاص ولايكون خاطرك الا طيب , ومقناص المغرب فيه شوي
مصاعب لكن بأذن الله تحل , وعلى فكره انا ماقد قنصت المغرب بطير امرها ترانزيت كم يوم واروح الجنوب ( اقادير ) ادوج بندق , أكثر مقانيصي موريتانيا والجزائر والعراق .
_________________________________________
تقل الرد في عجاله .
مرحبا باللي بدا قافن عجيب ... صادق في دقها واجلالها
مال غير الربد لعلاجه طبيب ... يحتري وقت القنص واحوالها
يطلب المولى يهي له نصيب ... وان يشوف الحبر في مدهالها
ابشر ان الصيد مقناصه قريب ... والطرايد تنقنص باجالها
ان بغيت الشرق والا للمغيب ... المواقف نرتكي لاحمالها
وفي النصيحه فايده للمستجيب ... والنصيحه قبلنا من قالها
ماحلا لابكر الوسمي صبيب ... والرياض استمسكت بهجالها
وسال صوب الروض وديان وشعيب ... (والغثا ) شفتحه يحز بجالها
وزان وقت اللي نقل طير حبيب ... والبدو فرحه وزان احوالها
وزين شب النار في روض حطيب ... والمقهوي يعتني فنجالها
ذاك وقت اللي تمنى قلب ذيب ...جعل ديرتنا الوسامي فالها .

[ذراع الذيب]

ارحب ياراعي جالود .

اسمحلي ثم اعذرني توي رجعت من عند الابل , وشفت موضوع الهاجري قصيدتك وقصيده , ورديت هناك وبعدين شفت موضوعك ... ياليتك ياأخي باعث لي رساله على الخاص , لأن المواضيع كثر والاقسام كثيره .
ابشرررررر في ماطلبت , وبأذن الله اراسلك على الخاص ولايكون خاطرك الا طيب , ومقناص المغرب فيه شوي
مصاعب لكن بأذن الله تحل , وعلى فكره انا ماقد قنصت المغرب بطير امرها ترانزيت كم يوم واروح الجنوب ( اقادير ) ادوج بندق , أكثر مقانيصي موريتانيا والجزائر والعراق .
_________________________________________
تقل الرد في عجاله .
مرحبا باللي بدا قاف عجيب ... صادق في دقها واجلالها
مال غير الربد لعلاجه طبيب ... يحتري وقت القنص واحوالها
يطلب المولى يهي له نصيب ... وان يشوف الحبر في مدهالها
ابشر ان الصيد مقناصه قريب ... والطرايد تنقنص باجالها
ان بغيت الشرق والا للمغيب ... المواقف نرتكي لاحمالها
وفي النصيحه فايده للمستجيب ... والنصيحه قبلنا من قالها
ماحلا لابكر الوسمي صبيب ... والرياض استمسكت بهجالها
وسال صوب الروض وديان وشعيب ... (والغثا ) شفتحه يحز بجالها
وزان وقت اللي نقل طير حبيب ... والبدو فرحه وزان احوالها
وزين شب النار في روض حطيب ... والمقهوي يعتني فنجالها

ذاك وقت اللي تمنى وقت ذيب ...جعل ديرتنا الوسامي فالها .

صح لسانك ياقلب ذيب..

شاعر متمكن بكل ماتعنيه الكلمه والدليل سرعتك باالرد ماشالله عليك..

لاهنت وتحياتي لك

[راعي غضبان]

صح لسانك وقصيده جزله
وقلب الذيب قدها وقدود والله يبيض وجهه ووجهك
ويوفقكم بالصيد من وين ماتودون اوجيهكم
والله يرزقكم بالمقناص الطيب اللهم امين
وتقبل تحياتي

[قلب ذيب]

الى الان ننتظر رد راعي جالود ؟!؟
عسى المانع خير .

[راعي جالود]

مبارك عليكم الشهر ،

وتقبل الله طاعتكم

وأشكر الجميع ع الردود وبيض الله وجيهكم

وصح لسانك يا الهاجري ولا شك شاعر متمكن

وصح لسانك يا قلب وكفو وهذي الهقوه

اسمحولي ع الاختصار الشديد ارسال من تليفون

واسمحولي ع التأ خير لاتزأمي بسفر اﻻضطراري

لي عوده الردود ع الجميع وأكرر أسفي

[ماجد الهلالي]

صح لسانك يا راعي جلمود وتستاهل كل خير وبأذن الله تروح للمغرب وترجع لنا بالسلامة

وحبيت اوصل رساله لابو ماجد ( قلب الذيب ) واقوله بيض الله وجهك والله يكثر من امثالك


تمنيت باللحضه ذي أني شاعر على شان ارد لكم بقصيده

الله لا يهينكم يا رجال