لمبة البطارية ترمش مع دعس البنزين ..

[patrol-fa]

السلام عليكم ورحمة الله وبركاته ....

عندي مشكلة إذا دعست بنزين والضغط ع ثلاثة ومرات قبل ترمش لمبة البطارية

تشتغل وتطفى وش سببها ؟؟ الدينمو جديد .. ووالبطارية سليمة ..؟ وش السبب ..؟

[ماجد الحايلي]

الله يعينك ياخوي
وان شاء الله تجد حل قريب
لكن لو تذكر نوع السيارة والموديل افضل لك

[الوقيدي]

السلام عليكم : لانعرف نوع السياره ولكن غالبا يكون الكتاوت منظم كهرباء البطاريه . وعمله ينظم نقل الكهرباء من الدينمو الى البطاريه . ولتتأكد منه افتح الكبوت وادعس بنزين حركات دعس متقطعه بيدك من الخارج . تسمع صوت الطقه . عندها حدد مكان الصوت .

[patrol-fa]

باترول شكل 97 وتحت ..

ما فيه صوت .. لكن إذا دعست بنزين وصار الضغط يوصل ثلاثة ومعلق الدعسة

تشتغل وتطفى وإذا اشتغلت نور الطبلون يضعت ثم يرجع طبيعي بسرعة ..

فصحت الدينمو شحنه 14 فولت .. لكن مع الدعس القوي يعني ثلاث وفوق تشتغل وتطفى ..

[patrol-fa]

للرفع ..

[نهآش]

هذي حصلت معي على باترول 2008 فتك .. طال عمرك اذا ما تفاديت هالمشكله راح يوقف شحن البطاريه من الدينمو ويصير موترك يشتغل على البطاريه بس .. لين تنتهي بطاريتك ولا تشتغل الا قران ... واذا اشتغلت تمشيك كيلو وتطفي لان عملها يصير على البطاريه بس , بالعربي تصير لعبه تشحنها وتمشي هع

شوف طول الله عمرك الحل = مجموعة اسلاك تخرج من الدينمو وتوصل لمجمع كت اوت / الاسلاك مغلفه بحراره فك التغليفه اللي عليها وراح تلقى سلك اسود واغلب الظن انه ابيض او اخضر والله نسيت ..
غيره وامورك طيبه وانتبه من النصابين تراني غيرت دينمو وبطاريه والسالفه كلها سلك بـ 5 ريال

ونصيحه روح لكهربائي وخله يفحص الكهربا بالاسلاك وان شاء الله تعدي على خير

[نهآش]

نسيت اعلمك الاسلاك تكون يسار المكينه وانت مقابلها

[نهآش]

القربه البيضا على اليسار تكون يسارها طالعه الاسلاك والكتاوتhttp://www.mekshat.com/pix/upload05/images226/mk34212_mm11.jpg