الاردااااااااااااف او التلحيق [الأرشيف]

مشاهدة النسخة كاملة : الاردااااااااااااف او التلحيق

سلطان 1

09/07/2012, 02:56 AM

السلام عليكم ورحمه الله وبركاااااته

:butt3::butt3:

سؤال يالصقاااااااقير وأبي الاجااااابه الشاااافيه ونبي نستفيد.

الحين اغلب المقانييييص يجئ فيهاااا ارداااف او تلحيق انا اتكلم عن الصيده سوا كان حبارا او كروان
بعض الطيور اليااا بغيت تردف به عقب طير حر او جير او شاااهين والصيده متغلقه في السماء في الخضيراااا
ما يطلب سؤالي
black"]وش السبب اللي خلاااااه ما يطلب هل
انه ما تعود علي الاردااافااااات البعيدة او ان الطير يعرف علي عمره انه ماااهوب لااااااحق ولاهوب حولهااااا.
وبعض الطيور تطلب وتلحق هل هي رااااهيه بعمرها انها بتلحق.

[/COLOR]

ســـبــار ربــعـــه

09/07/2012, 03:22 AM

عابر الموج

09/07/2012, 03:28 AM

ان الطير يعرف علي عمره انه ماااهوب لااااااحق ولاهوب حولهااااا. اخوي سلطان في اعتقادي هذا الجواب على سوالك وانت جاوبت على نفسك تقبل تحياتي

ابو خليل 503

09/07/2012, 03:41 AM

وعليكم السلام ورحمه الله

انا من وجه نضري على حسب صمله الطير وسبقه ويعرف من وين يجي صيدته
ونشوف اراء باقي الاخوان

أبو أمين

09/07/2012, 03:48 AM

يوم تحذف امداااد ولا تحلق ليه ؟؟

وش ظنك يابو فيحاان ؟؟؟؟

اكيد انها ما شافت ؟؟؟

يوم احذف الشبح ولا تلحق ليييييييه ؟؟؟؟؟

وش ظنك يابو فيحان ؟؟؟

اكيد ما تحري انها بتلحق ؟؟؟

يوم احذف نازك الملائكه ولا تلحق ؟؟؟

وش ظنك يابو فيحان ؟؟؟

اكيد انها ما تحري انها بتلحق ؟؟؟

الاكيد لازم الطير يتعود على الحذف او البحث في السما

وبعدين ليه حطيت الحر انه اول واحد بيطرح ؟؟؟

تحياتي

هاوي الصلفات

09/07/2012, 06:17 AM

حياك اخوي سلطان 1
اعتقد الطير لازم يكون متعود على طلب الشئ البعيد تدريجياً
ولازم تكون هقوته في عمره قويه وآخذ لياقة كفآيه تساعده على
طرد المسافات البعيده ويكون محتاج من غير ضعف يوهنه
واتوقع الوحوش تبدع في المجال هذا اكثر من غيرها
وسلامتك ،،

عاذي

09/07/2012, 07:32 AM

شف وانا اخوك الطير اللي ماتعود على الحمام يهد تلحيق اذا كان من الطيور الفاعلة بالصيد .. اما اذا كان متعود على الهدد خاصة بالحمام على ماكان عوده صقارة لأن الهدد بالتعود على الشئ يعني مخرب طبعة .

(هزاع)

09/07/2012, 08:04 AM

ياهلا بالموضوع وراعيه
ياهلا يابوفيحااااااان
اكيد لايوسئل ومالك بالمدينه ونت من المراجع
ابومختار بكثير من الاحيان يجمل
لاكن
الطير30% صقارة صقار
لاصار الطير من طيور السعد بالصمله والشجاعه والسبق والارتفاع ولامقصر معه راعيه معطيه حق اللياقه بيعطي مجهوده والشي توفيق
ولاصار ينقصه شي من اللي ذكرت ولاهوب عازه يححوم ابومختار وعينه عليك كنه يقول بتحذفولي شي ولا دورتلي معازيب غيركم

م العجمي

09/07/2012, 08:58 AM

هلا وغلا يا ابو فيحآن

الطير على سنع الصقاره الي يتعود عليهآ , وانت خابر وش سوى التقطيب في قرناس الشاهين العام

الطير الى جراه راعيه على الحذف وصيدته بعيده يخترش . يصير مدى نظره بعيد لصيده ما يتعيجز منها

والى تعودعلى الهدد من قريب .. عينه ما تفارق الموتر يحتري متى بس تظهر الحمامه منه

التقطيب بالتدريج ( يجري الطير على الهدد البعيد . يزيد من لياقة وقوة الطير .)

وفالختام

انت تسأل والعلم بين ضلوعك . الشيبان الي مثلك نستفيد منهم

بو غازي

09/07/2012, 09:51 AM

حي الطير الي يرغب البعيد
والكلام يابو فيحان ولايهون الاخوان
على حذفة الطير
بعض الحذاف اقشر
والطيب من الطير نفسه بعد صقارته
والطياره لتدريب الطيور على الحذاااف طيبه
يساعد في تحسين اداء الطير 60% تقريبا لها دور فعاااال
ومنكم نستفيد جميع
:)

مخلف الهقوات

09/07/2012, 10:10 AM

ابو فيحان بشرني عن صحتك عساك بخير وطيب ؟؟؟ خل معك فرخ شاهين وشف هو يطلب او لا بس اهم شي الصقارة

ذراع الذيب

09/07/2012, 01:33 PM

السلام عليكم ورحمة الله وبركاته..
مسيت بالخير يابوفيحان..

انت كتبت لنا خيارات واشوف كلها اسباب للطير اللي ماطلب صيدته وهي مرتفعه..
ليه الطير ماطلب صيدته وهي بكبد السماء والاسباب انت ذكرتها..
ومنها
طير ماهوب متعود على الاردافات البعيده وهذا سبب لأن راعيه مادربه وفيه طير لا نفسه طيبه بيطلب وبيلحق

وطير ماطلبها عارف عمره ماراح يجيبها وماهوب حولها لاكن هنا الصقار 70% يبي يزين الطير على اللحق ان الله راد

وفيه طيور كانت تطلب وتلحق ولاكن شوف وش الاسباب والاسباب كثيره..
ترجع لنفسية الطير ولصحته وايضاً لصقاره
والطير اللي يطلب ويلحق يابوفيحان هو راهي على عمره انه بيلحق صدقني بيلحق الطير ومايرده شي عن صيدته اللي طلبها
الا اذا صادفته عدة معوقات حدته عن صيدته وامكن تخونه بالاخير لياقته والسبب ماهوب واحد ولا اثنين الاسباب كثيره
(والطير اللي ماشافها عنده اسباب كثيره على عدم شوف صيدته والموضوع اطول فوق مانتصور)

ومثلك وشرواك ولايهون احد معلم صقاره وتحياتي لك

صقرالحروب

09/07/2012, 01:42 PM

يمكن الطير ماهو متعود على التلحيق
او يمكن انه عارف نفسه انه مايمديه عليها لبعدها

معسف العاصي

09/07/2012, 02:18 PM

الطير اللي متعود على التلحيق يقدر يلحق حتى لو ماهو السبوق الناهي
لأنه معه مجال يدبر لصيدته ويلحقها
واذا تعود على الارداف مايفك صيدته لانه عارف انه بيدبر ويلحق
وكثير طيور تعطيها الكروان من الارض ويجلس يردده لين يتعبه ويجنب عنه
لكن اذا هديته ارداف يدبر و ويتعلا ويسيطر ويلحق لان حتى الصيده يكون لاحقها تعب
وجهة نظر
تحياتي

جرناس دبي

09/07/2012, 02:50 PM

مرحب سلطان 1

ماشاء الله عليك
تسأل وأنت بروحك مجاوب
وجاوبوك الأخوان بنفس أجابتك
بس كل واحدبنظريه مختلفه ولكن
كلهم متفقين معاك بالأجابه .

ردود وافيه من وافين ماعندي زود.

موضع طيب ليتعلم من ليس لديه
المعرفه .

أحترامي لك

جير دبي

09/07/2012, 02:57 PM

هلا وغلا يابوفيحان عساك طيب طمني عليك؟؟
من وجهت نظري في البدايه حسب تنقيتك لطير التلقيف.
وتعويد الطير على التلقيف هوه الاساس ومثل ماهو معروف الطير في ساعه الهدد
تحيطبه ظروف مثل بعد الهدد وقل الطيرعلى سرعه
وهذا يعتمد على الصقار نفسه
في مدعاه اليومي
تحياتي وتقديري..

ربع خالي

09/07/2012, 03:24 PM

وعليك السلام ورحمة الله وبركاته

هلا يابو فيحان وهلا بنشدتك
أسعد الايام اليا امسى راعي الـطـيـر وهو ملقف بطيره على طير قد راحت صيدته عنه. ولقف هو بطيره وصاد
والتلقيف ماهو بسيط أبد لا للطير ولا لراعيه
عموما : التلقيف تعليم وتعوّد للطير من أول ايام الـطـيـر عندك.
أمّا يطلب والا ما يطلب : فهذا يعود على نوع الطير وعمره.
واذا اليوم طير طلب للتلقيف وبكره ماطلب ؟ هنا يرجع للوقت في اليوم متى ؟ صبح ـ ضحى ـ عصر
ويعود لراعي الـطـيـر وصقارته .
أما الـطـيـر اللي ماهو متعود ولا متعلم ؟
فهذا يا انه يطلب أو مـا يطلب ! يعني مـا يتحزمبه .
نرجع هنا لنوع الـطـيـر في التلقيف !!!
الشاهين :
فرخ ! ٩٥ ٪ يطلب ويصمل في الطراد ، عاد يصيد مايصيد علمه عند الله
جرناس ! ٢٥ ٪ يطلب مثل طلب الفرخ
الحر :
فرخ ! ٧٥٪ يطلب شرا طلب فروخ الشواهين
جرناس ! ٤٠٪ يطلب مثل طلب الفرخ
عموما :: كل اللي قلته عن تلقيف الطيور ، يشترط بان لايكون به طير يحوم بالسما فوق الـطـيـر اللي ناوي راعيه يلقفبه
أمّا فيما يخص التهاجين من حرار وشواهين ؟
مـا اقدر احلل في تلقيفهن !
تحليلي لهن يزعل ناس ههههههههههه ( مزحه )
هذا اللي عندي وعلى قد معرفي يالتلقيف وعلومه يالغالي .
تقبل مروري
اخوك ابو سيف

عواد الشمري2

09/07/2012, 04:08 PM

على حسب سبق الطير وثقته بنفسه

راعي طلاع

09/07/2012, 05:41 PM

مساك الله بالخير يابو فيحان وعساك بخير

من ناحية الارداف او التلقيف انا اعتبره فن

واكثره عائد عى الصقار مع عدم اغفال دور الطير

ولكن النسبه الاكبر على الصقار وهو تعويد الطير

على الارداف او طلب البعيد انا شخصيا اعرف طيور

فرط ولكنها ما تطلب البعيد في اكثر الاحيان والسبب

تطبيعها وطيور سبق ولكن اقل منها وتطلب البعيد من

وجهة نظري السبب الاكبر هو تعويد الطير على طلب البعيد

طبعا خاصية الارداف موجوده بكثره لدى نوعيه وتقل لدى نوعيه

هل السبب الصقار والا الطير الظاهر اثنينهم اثقال مجرد دعابه

تحياتي لك يا سلطاااااااااااااااااااااااااان

حامد الحنيني

09/07/2012, 08:10 PM

السلام عليكم ورحمة الله وبركاته

مساء الخير يابو فيحان

والله ماقصرو الاخوان ماخلو شئ نقوله

لاكن ابا اقول اللي عندي

الطيور بها سبوق و اللي جناحه عادي واللي تلاااب

لاكن عندنا الشيبان يقولون الصمله فوق كل شئ

وانا اقول الجناح كل شئ لاكن تبين اني انا الغلطان وهم اللي صح

انا احسب كل سبوووق بيلحق ويطلب الصيده الرفيعه ويصمل بالمطراد لو نقضته الصيده

مره ثانيه

لاكن اذا لم يوجد الطلب والصمله بالطير ماعليك من الجناح

واللي خلى اني اتأكد ان كلامي خطأ حدى خوياي العام شراله فرخ

جناحه طيب ماهو سبوق لاكن والله به الطلب والصمله

ونهده على غرانيق كبار من بعيد وطار ومحاوم هو وياهن

لين صارن نقطه فالسماء والله يالله تشوفهن لين فردله واحد وعلقه

واحد معه طير ثمييين واخذله جولتين معهن وحل

والحمام اردف على ايرانيه عندنا وبيورين وحرار

عنده طلب عجيب غريب الله يستر عليه

والكراوين ماراح عليه شي بعظهن تلحيق

وخلاصة كلامي السبق ماله علاقه بالطلب والصمله

والتعليم للتلحيق له دور ,

سلطان 1

10/07/2012, 12:49 AM

ارحب يا اخوي الغالي سلطان.

والله يا الغالي قبل كل شي يشرفني اني اول من يرد.
اما السؤال فما يملك اجابته الا الطير نفسه ههههههههههههههه. وانا ما اردفت الا مرتين وحده جالها نتايج عجيبه و وحده راح الطير هو الحبارى وما لقيته الا من البكره ولا حصلت من الحبارى غير جنحانها و ليلتها كنت اغبط اهل الطيور المفاليس لان طيورهم امرحت على وكورها والبيور غشام امسى خلاوي هههههههههههه. واتوقع انه على حسب التعود وعلى حسب شوف الطير يمكن ماشافها او يمكن يدور السوادي ماهو يمها هذا من وجهة نظر اخوك الطالب سبار ربعه وماعندك وعند الاخوان بحر ومنكم نتعلم.

تقبل مروري وفي انتظار القرانيس المعيده.
تحياتي لك يا راعي برزان.
لا هنت ياسباااااار ربعه. وأتوقع انك اللي الاردااااف عندك داااامك انت السباااااار.
وجه نضرك انها علي التعود.
مشكور علي مرورك
وأتوقع انك تعرفني من جبت طارئ برزان.
وان ما جاااء برزان ثاني مثله والا خلصنا من الحرار ابد.

ان الطير يعرف علي عمره انه ماااهوب لااااااحق ولاهوب حولهااااا. اخوي سلطان في اعتقادي هذا الجواب على سوالك وانت جاوبت على نفسك تقبل تحياتي

هلا خوي عابر الموج أنا ما جاااوبت أنا عطيتك خيااارااات اما كذا وأما كذا لو انه حاط خيار واحد كان صح أني جاوبت علي سؤالي.
مشكور علي مرورك الكريم.

وعليكم السلام ورحمه الله

انا من وجه نضري على حسب صمله الطير وسبقه ويعرف من وين يجي صيدته
ونشوف اراء باقي الاخوان
يامرحبا يابو خليل سبب منطقي جداااااا.
شرفني مرورك.

يوم تحذف امداااد ولا تحلق ليه ؟؟

وش ظنك يابو فيحاان ؟؟؟؟

اكيد انها ما شافت ؟؟؟

يوم احذف الشبح ولا تلحق ليييييييه ؟؟؟؟؟

وش ظنك يابو فيحان ؟؟؟

اكيد ما تحري انها بتلحق ؟؟؟

يوم احذف نازك الملائكه ولا تلحق ؟؟؟

وش ظنك يابو فيحان ؟؟؟

اكيد انها ما تحري انها بتلحق ؟؟؟

الاكيد لازم الطير يتعود على الحذف او البحث في السما

وبعدين ليه حطيت الحر انه اول واحد بيطرح ؟؟؟

تحياتي
مشكور ابو امين علي مرورك ووجه نضر احترمهاااا.
وبعدين حطيت الحر اول واحد لانه يحب الارداااافاااااات والتلقيف.

حياك اخوي سلطان 1
اعتقد الطير لازم يكون متعود على طلب الشئ البعيد تدريجياً
ولازم تكون هقوته في عمره قويه وآخذ لياقة كفآيه تساعده على
طرد المسافات البعيده ويكون محتاج من غير ضعف يوهنه
واتوقع الوحوش تبدع في المجال هذا اكثر من غيرها
وسلامتك ،،
لا هنت اخوي هاااااوي الصلفااات كلاااااامك جداً مقنع وعزالله ان الوحش انه يبدع اكثر.
شرفني مرورك الكريم.

شف وانا اخوك الطير اللي ماتعود على الحمام يهد تلحيق اذا كان من الطيور الفاعلة بالصيد .. اما اذا كان متعود على الهدد خاصة بالحمام على ماكان عوده صقارة لأن الهدد بالتعود على الشئ يعني مخرب طبعة .
شرفني مرورك اخوي عاذي ونضرتك انها علي التعود علي الأرداف.

ياهلا بالموضوع وراعيه
ياهلا يابوفيحااااااان
اكيد لايوسئل ومالك بالمدينه ونت من المراجع
ابومختار بكثير من الاحيان يجمل
لاكن
الطير30% صقارة صقار
لاصار الطير من طيور السعد بالصمله والشجاعه والسبق والارتفاع ولامقصر معه راعيه معطيه حق اللياقه بيعطي مجهوده والشي توفيق
ولاصار ينقصه شي من اللي ذكرت ولاهوب عازه يححوم ابومختار وعينه عليك كنه يقول بتحذفولي شي ولا دورتلي معازيب غيركم
ماعليك زود ومنكم نستفيد.
ابو مشعل وجه نضر. احترمها.
سلمت علي مرورك الكريم.

هلا وغلا يا ابو فيحآن

الطير على سنع الصقاره الي يتعود عليهآ , وانت خابر وش سوى التقطيب في قرناس الشاهين العام

الطير الى جراه راعيه على الحذف وصيدته بعيده يخترش . يصير مدى نظره بعيد لصيده ما يتعيجز منها

والى تعودعلى الهدد من قريب .. عينه ما تفارق الموتر يحتري متى بس تظهر الحمامه منه

التقطيب بالتدريج ( يجري الطير على الهدد البعيد . يزيد من لياقة وقوة الطير .)

وفالختام

انت تسأل والعلم بين ضلوعك . الشيبان الي مثلك نستفيد منهم
ارحب يابو عمااااااااااار تراااااحيب
انت تلعب بين الحبلين بين الفروووخ والقراااانيس.
وجه نضرك واحترمها لكن زد عليها السبق ضروري في الطير.

حي الطير الي يرغب البعيد
والكلام يابو فيحان ولايهون الاخوان
على حذفة الطير
بعض الحذاف اقشر
والطيب من الطير نفسه بعد صقارته
والطياره لتدريب الطيور على الحذاااف طيبه
يساعد في تحسين اداء الطير 60% تقريبا لها دور فعاااال
ومنكم نستفيد جميع
:)
هلاااا ومرحبااااا يابو غااااااازي
زاد موضوعي شرف مشاااركتك الطيبه
ووجه نضرك ان. الحذف هو اهم شي.
لا هنت.

ابو فيحان بشرني عن صحتك عساك بخير وطيب ؟؟؟ خل معك فرخ شاهين وشف هو يطلب او لا بس اهم شي الصقارة
هلا يابو احمد أبشرك بخير وبنعمه
والله من فرخ شاهين عياااا يطلب ومع صقاااقير محسوبين.
مشكور يابو احمد علي مشاااركتك وشرفني مرورك.

السلام عليكم ورحمة الله وبركاته..
مسيت بالخير يابوفيحان..

انت كتبت لنا خيارات واشوف كلها اسباب للطير اللي ماطلب صيدته وهي مرتفعه..
ليه الطير ماطلب صيدته وهي بكبد السماء والاسباب انت ذكرتها..
ومنها
طير ماهوب متعود على الاردافات البعيده وهذا سبب لأن راعيه مادربه وفيه طير لا نفسه طيبه بيطلب وبيلحق

وطير ماطلبها عارف عمره ماراح يجيبها وماهوب حولها لاكن هنا الصقار 70% يبي يزين الطير على اللحق ان الله راد

وفيه طيور كانت تطلب وتلحق ولاكن شوف وش الاسباب والاسباب كثيره..
ترجع لنفسية الطير ولصحته وايضاً لصقاره
والطير اللي يطلب ويلحق يابوفيحان هو راهي على عمره انه بيلحق صدقني بيلحق الطير ومايرده شي عن صيدته اللي طلبها
الا اذا صادفته عدة معوقات حدته عن صيدته وامكن تخونه بالاخير لياقته والسبب ماهوب واحد ولا اثنين الاسباب كثيره
(والطير اللي ماشافها عنده اسباب كثيره على عدم شوف صيدته والموضوع اطول فوق مانتصور)

ومثلك وشرواك ولايهون احد معلم صقاره وتحياتي لك
وجه نضرك واحترمهاااا يابو نااااصر
وشرفني مرورك الخااااص.

الطير اللي متعود على التلحيق يقدر يلحق حتى لو ماهو السبوق الناهي
لأنه معه مجال يدبر لصيدته ويلحقها
واذا تعود على الارداف مايفك صيدته لانه عارف انه بيدبر ويلحق
وكثير طيور تعطيها الكروان من الارض ويجلس يردده لين يتعبه ويجنب عنه
لكن اذا هديته ارداف يدبر و ويتعلا ويسيطر ويلحق لان حتى الصيده يكون لاحقها تعب
وجهة نظر
تحياتي
هلا اخوي معسف العاصي
لا هنت علي حضورك وكلامك في محله.

مرحب سلطان 1

ماشاء الله عليك
تسأل وأنت بروحك مجاوب
وجاوبوك الأخوان بنفس أجابتك
بس كل واحدبنظريه مختلفه ولكن
كلهم متفقين معاك بالأجابه .

ردود وافيه من وافين ماعندي زود.

موضع طيب ليتعلم من ليس لديه
المعرفه .

أحترامي لك
مشالله عليك ياجرناس دبي في إجابتك.
سؤالي واضح وإنت ما حددت مثل الربع اللي حددو احاااباااتهم لان فيه كذا سبب ولا ذكرت أنا الا سببين والربع اجااابو باسبااااب ثانيه ماهي في الموضوع.
احترامي لك.

هلا وغلا يابوفيحان عساك طيب طمني عليك؟؟
من وجهت نظري في البدايه حسب تنقيتك لطير التلقيف.
وتعويد الطير على التلقيف هوه الاساس ومثل ماهو معروف الطير في ساعه الهدد
تحيطبه ظروف مثل بعد الهدد وقل الطيرعلى سرعه
وهذا يعتمد على الصقار نفسه
في مدعاه اليومي
تحياتي وتقديري..
هلا وغلا ياااابو راااشد أبشرك بخير ونعمه.
وجوااااابك منطقي
وشرفني مرورك اخوي.

وعليك السلام ورحمة الله وبركاته

هلا يابو فيحان وهلا بنشدتك
أسعد الايام اليا امسى راعي الـطـيـر وهو ملقف بطيره على طير قد راحت صيدته عنه. ولقف هو بطيره وصاد
والتلقيف ماهو بسيط أبد لا للطير ولا لراعيه
عموما : التلقيف تعليم وتعوّد للطير من أول ايام الـطـيـر عندك.
أمّا يطلب والا ما يطلب : فهذا يعود على نوع الطير وعمره.
واذا اليوم طير طلب للتلقيف وبكره ماطلب ؟ هنا يرجع للوقت في اليوم متى ؟ صبح ـ ضحى ـ عصر
ويعود لراعي الـطـيـر وصقارته .
أما الـطـيـر اللي ماهو متعود ولا متعلم ؟
فهذا يا انه يطلب أو مـا يطلب ! يعني مـا يتحزمبه .
نرجع هنا لنوع الـطـيـر في التلقيف !!!
الشاهين :
فرخ ! 95 ٪ يطلب ويصمل في الطراد ، عاد يصيد مايصيد علمه عند الله
جرناس ! 25 ٪ يطلب مثل طلب الفرخ
الحر :
فرخ ! 75٪ يطلب شرا طلب فروخ الشواهين
جرناس ! 40٪ يطلب مثل طلب الفرخ
عموما :: كل اللي قلته عن تلقيف الطيور ، يشترط بان لايكون به طير يحوم بالسما فوق الـطـيـر اللي ناوي راعيه يلقفبه
أمّا فيما يخص التهاجين من حرار وشواهين ؟
مـا اقدر احلل في تلقيفهن !
تحليلي لهن يزعل ناس ههههههههههه ( مزحه )
هذا اللي عندي وعلى قد معرفي يالتلقيف وعلومه يالغالي .
تقبل مروري
اخوك ابو سيف
هلا ومرحبااااا يابو سيف وأسعد اوقاتي
يوم أشوف مردك الغالي علي قلبي
لكن وش قصدك بنوعيه الطير ؟
اتوقع ان الطيور كلها فيه القوي وفيه الضعيف.
شرفني مرورك.

على حسب سبق الطير وثقته بنفسه
هلا وغلا يا عوااااااد الشمري
وجه نضرك واحترمها
وشرفني مرورك الكريم.

مساك الله بالخير يابو فيحان وعساك بخير

من ناحية الارداف او التلقيف انا اعتبره فن

واكثره عائد عى الصقار مع عدم اغفال دور الطير

ولكن النسبه الاكبر على الصقار وهو تعويد الطير

على الارداف او طلب البعيد انا شخصيا اعرف طيور

فرط ولكنها ما تطلب البعيد في اكثر الاحيان والسبب

تطبيعها وطيور سبق ولكن اقل منها وتطلب البعيد من

وجهة نظري السبب الاكبر هو تعويد الطير على طلب البعيد

طبعا خاصية الارداف موجوده بكثره لدى نوعيه وتقل لدى نوعيه

هل السبب الصقار والا الطير الظاهر اثنينهم اثقال مجرد دعابه

تحياتي لك يا سلطاااااااااااااااااااااااااان
هلا براعي طلاع وابرك الحزاااااات يوم
أشوف ردك الكريم.
شرفني مرورك الغالي.

السلام عليكم ورحمة الله وبركاته

مساء الخير يابو فيحان

والله ماقصرو الاخوان ماخلو شئ نقوله

لاكن ابا اقول اللي عندي

الطيور بها سبوق و اللي جناحه عادي واللي تلاااب

لاكن عندنا الشيبان يقولون الصمله فوق كل شئ

وانا اقول الجناح كل شئ لاكن تبين اني انا الغلطان وهم اللي صح

انا احسب كل سبوووق بيلحق ويطلب الصيده الرفيعه ويصمل بالمطراد لو نقضته الصيده

مره ثانيه

لاكن اذا لم يوجد الطلب والصمله بالطير ماعليك من الجناح

واللي خلى اني اتأكد ان كلامي خطأ حدى خوياي العام شراله فرخ

جناحه طيب ماهو سبوق لاكن والله به الطلب والصمله

ونهده على غرانيق كبار من بعيد وطار ومحاوم هو وياهن

لين صارن نقطه فالسماء والله يالله تشوفهن لين فردله واحد وعلقه

واحد معه طير ثمييين واخذله جولتين معهن وحل

والحمام اردف على ايرانيه عندنا وبيورين وحرار

عنده طلب عجيب غريب الله يستر عليه

والكراوين ماراح عليه شي بعظهن تلحيق

وخلاصة كلامي السبق ماله علاقه بالطلب والصمله

والتعليم للتلحيق له دور ,
هلا يااااحااااامد
وكلامك وتجربتك احترمه
ومشكور علي مرورك وبيض الله وجهك.

ربع خالي

10/07/2012, 01:11 AM

هلا يابو فيحان وغلا

إقتباس

هلا ومرحبااااا يابو سيف وأسعد اوقاتي
يوم أشوف مردك الغالي علي قلبي
لكن وش قصدك بنوعيه الطير ؟
اتوقع ان الطيور كلها فيه القوي وفيه الضعيف.
شرفني مرورك.

ردي
ربي يشرف مقدارك يابوفيحان
واللي عنيته من الطيور هو ماسجلته في ردي الاول
إقتباس من ردي السابق
أمّا يطلب والا ما يطلب : فهذا يعود على نوع الطير وعمره.
الشاهين :
فرخ ! 95 ٪ يطلب ويصمل في الطراد ، عاد يصيد مايصيد علمه عند الله
جرناس ! 25 ٪ يطلب مثل طلب الفرخ
الحر :
فرخ ! 75٪ يطلب شرا طلب فروخ الشواهين
جرناس ! 40٪ يطلب مثل طلب الفرخ
تقبل مروري للمره الثاني يا راعي إمداد:good2:

هاوي هدد 11

10/07/2012, 02:14 AM

مسيت بالخير
الربع جاوبو ماقصرو
ولكن الشيء الي ماذكر
تعويد الطير اللحوق فوق بشرط مايفلس
لأن الفلس يولد التراخي للطير

سلطان 1

10/07/2012, 02:21 AM

مسيت بالخير
الربع جاوبو ماقصرو
ولكن الشيء الي ماذكر
تعويد الطير اللحوق فوق بشرط مايفلس
لأن الفلس يولد التراخي للطير

يامرحبا ياهااااوي هدد

وعزالله انك جبتهاااااا علي الجرح
واشهد بالله انك جبت العلم اللي عليه الكلااااام ولا يهونون اخوااااني الاعضااااء.

ملاحظه /
يشهد الله أني مقصر بحقك ياهااااوي.

بن قنور

10/07/2012, 06:42 AM

سلطان 1

10/07/2012, 07:04 AM

السلام عليك اخي العزيز سلطان 1وعلى جميع الأخوه الكرام مشاركه وابداء راي
اولن ارداف طير على طير ما المراد منه
اليس اللحوق اذاً لن اردف وانا اعرف ان طيري ليس لاحاق الحر يردف على الحر ويردف على الشيهانه ولا تردف الشيهانه على الحرار اما رجعت عليه تطقه وألى انشغلت فيه ولا ادت المطلوب ،
اخي العزيز انا اختلف معك في شيئ ارجو ان لاتواخذني عليه وهو ليس التعليم يجعل من الطير لاحاق للسبب وهو ان السبق هبه من الله وعزيمه في الطيور وغيرها كذلك في الحباري زائد مكروم عند تطيحه وتعلومه

اخي الكريم الحر يعرف حقته من اللحمه ثم هو يصيد لنفسه وليس ألى صقاره حسب ما تعرف وانا اعرف اثنين انا اتفق معاك ان تفليس الطير سوف يجعله يعاف الصيد وهاذا من طبع الحرار
تقبل تحياتي اخوك
ابو فيصل

اخوي ابو فيصل
اول شي أبرك الساعات يومك تشاركنا بخبرتك في هالموضوع

وثاني شي
المقصود انك تعلم الطير علي التلحيق ما هوب أني ابشيل طير سبقه من عرض الطيور
وبخليه يلحق !
لا المقصد ان الطير اللحااااق تعلمه علي طلب البعيد المقفي.
فيه طيور تلحق وسبق لكن ماتعوددت علي طلب البعيد
عندك حولك حواااليك.
شرفني مرورك اخوي ابو فيصل.

جرناس دبي

10/07/2012, 10:41 AM

السلام عليك ورحمة الله
مرحب أخوي سلطان 1

أنت صقار كبير ولا يهونون باقي الأخوان .
ومستحيل تكون ماتعرف بهذي الأسباب
لي تخص طير التلقيف إلي طرحوها
الربع والأخوان .
أنت سألة وأنا ماجوبتك لأنك تعرف الأجابه ولهذا في ردودك نقاش
لختلاف وجهة نظر الأخوان .

لو طلبة الراي كان قلتلك راي.
ولكنك سألة وأنت تعرف الجواب .

السوأل للي مايعرف .
والتحديد للي يعرف ويريد النقاش
في وجهات النظر ومن يخالفه ليثبة المعلومه الصحيحه من الخطء له أو لغيره .

موضوعك طيب وتعليمي
لك أحترامي

ابرق الحرار

10/07/2012, 11:37 AM

افادوك الاخوان

بن قنور

10/07/2012, 03:44 PM

اخوي ابو فيصل
اول شي أبرك الساعات يومك تشاركنا بخبرتك في هالموضوع

وثاني شي
المقصود انك تعلم الطير علي التلحيق ما هوب أني ابشيل طير سبقه من عرض الطيور
وبخليه يلحق !
لا المقصد ان الطير اللحااااق تعلمه علي طلب البعيد المقفي.
فيه طيور تلحق وسبق لكن ماتعوددت علي طلب البعيد
عندك حولك حواااليك.
شرفني مرورك اخوي ابو فيصل.

السلام عليك اخي العزيز سلطان
محشوم اخي الكريم انت صقار ولك باع كبير في الصقاره حسب ردود الاخوه المشاركين الكرام وانا اتشرف في معرفتك اسوه بالأخوه
الاعزاء ان شأالله وانااعتذر ان كان كلامي اوحا بغير ذلك ، اخي العزيز لك فائق التقدير
والأحترام للشخصك الكريم وجميع الاخوه المشاركين انما ما عنيته هو ان يكون الطير
سبوق بالدرجه الأولى زائد متاعه وعزيمه
اثنين تعليم الطير على الأرداف هو الأرداف
بعينه كنا نردف الفرخ الطايح وقد دعا على اللوح طلق نردفه على احد طيورنا وهو يردد حباره قريبه وان طرحوها عزلنا الأول واكرمنا الفرخ وضربنا عصفورين بحجر واحد عرف الحباره وعرف الارداف ،
تقبل تحياتي واحترامي
اخوك ابو فيصل

سلطان 1

10/07/2012, 04:19 PM

[QUOTE=بن قنور;8533122][CENTER]
[CENTER]السلام عليك اخي العزيز سلطان
[SIZE=6][COLOR=#483d8b]محشوم اخي الكريم انت صقار ولك باع كبير في الصقاره حسب ردود الاخوه المشاركين الكرام وانا اتشرف في معرفتك اسوه بالأخوه [/CO
الله يشرفك عند غاليك يابو فيصل.
وانا نقطه في بحر من معرفتك وخبرتك.
وبركه هالموضوع مشاركت اللي مثلك وشروااااك.

تميم2222

10/07/2012, 04:30 PM

اذا بغيت طير يتعود على طرد البعيد فك له تتيب ....بتدريج موفق ان شالله

ســـبــار ربــعـــه

10/07/2012, 06:22 PM

محمد خلف الخس الله يطول عمره يقول وهو يوصف الشيهانه
من القطع إلي يطلبن البعيد اطلاب
خريش إلحباري لا تعلت تصخرها
ليا منها قامت ترقا ورى السحاب
رقت لين من جو الخضيرا تحدرها

البروالطير

10/07/2012, 06:47 PM

ماشاء الله
موضوع رائع وطارح الموضوع والاسئلة ومجاوب عليهن
واراء الاخوان ما فيها اختلاف يذكر
رئيي الخاص وأخوك ماني خبير ولاني من الصقارين الكبار
70%علي الطير سرعتة ورغبتة ولياقتة فالمسافات البعيدة
30%علي الصقار راعي الطير في حفاضة علي لياقة الطير وصحتة
وتعويدة علي المسافات البعيدة من يوم تعلومة

راعي غضبان

10/07/2012, 11:14 PM

ارحب يابوفيحان والله التلحيق مشكله هههههههه
بس الشباب ماقصروا الله يعطيهم العافيه
والتلقيف يطلب اول شي من صقارته وصقاره معطيه حقه لياقيا الطير لياقته توب والوحش دائما يطلب البعيد لانه متطلق واللياقه طيبه وهقيين في نفسه واسلوب الحذف ماهو يعسر الطير ويرتاع ويروح يتكسر والا حوله طير ومايطلب وتعود الطير على النطل قريب وابعد شوي وابعد يهقويه كل ماصاد
وتقبل تحياتي

هاوي هدد 11

11/07/2012, 01:01 AM

يامرحبا ياهااااوي هدد

وعزالله انك جبتهاااااا علي الجرح
واشهد بالله انك جبت العلم اللي عليه الكلااااام ولا يهونون اخوااااني الاعضااااء.

ملاحظه /
يشهد الله أني مقصر بحقك ياهااااوي.

الله يعطيك العافة
يابوسلطان
أبد وافي ماجا منك قصور
أبرك الساعات يوم نشوف معرفك

محب الخيال

11/07/2012, 05:31 AM

راعي - عديم

20/07/2012, 02:25 PM

هلا بك أخ سلطان 1
اللي يعجز الطير مايهقى في نفسه اللحوق
هي بدايت صقاره معه كل يوم يهده ع حمام قريب ولايرتفع ويوم صايد ويوم مفلس لاكن الصح هو انك أتهده على شي مرتفع وبعيد وتعوده حتي يطلب البعيد . أو علمه ع الطياره أوالحمام المقطب وهو أفضل طريقه.
وكلن وحسب عرفه
وتقبل مروري

خلف الفار

20/07/2012, 03:48 PM

اول شي الارداف على الصيده وانت تشوفها ماهو ارداف يعتبر تلحيق
الارداف اذا كان المجموعه اللي معك مايشوفون الصيده اللي حل عنه الطير اللي نغزها
انغزه الشر وفرعت وطلب وقالو الربع اردف راعي افلان الله يوفقه قال المشفوح احد يشوفها قالو لا
مختفيه اليوم ثم بالجهاز لقيته مسلقيها وياكل من الثنادي بعد 1500 متر او 2000 متر وان تعدي تلااب