مكيف لاندكروزر

[ramy asiry]

بسم الله الرحمن الرحيم
السلام عليكم ورحة الله وبركاته
عندي لاند كروزر كل ماعبيته فريون يأخذ له اسبوعين ويطلع الفريون وتخف البرودة جدا
طبعا بحثنا عن التهريب في جميع المواسير مالاقينا ولا شيء
وأمس في الصناعية راعي لاند نفس المشكلة وبعد 4ساعات من البحث خلف التهريب ولا وجدو شيء
>>>>>>>>>>>>>
أحد يدلني على ورشة تغير جلد بلوف بدون فك رأس المكينة

[sameer_1798]

التهريب كان عندي وخسرت مخاسير واجدة وفي الاخير طلع من رديتر المكيف الطاهر بسبب السافي اللي بالساحل وتعرف التهريب بعد ماتنزل الأديتر تشوف بقع زيت عليه •
جلد البلوف ماعليها خطر راقب نقص الزيت زيدة كل فترة وإذا لقيت وقت اطلع القضيم في الزلفي هناك ورشة شغلها مضمون وتغير الجلد بدون قك رأس
وإذا موترك غالي عليك روح لورشة مضمونة وداءم يستغل يالجيوب أفضل من واحد أول مرة يشتغل بالجيب.

[patrol-fa]

بسم الله الرحمن الرحيم
السلام عليكم ورحة الله وبركاته
عندي لاند كروزر كل ماعبيته فريون يأخذ له اسبوعين ويطلع الفريون وتخف البرودة جدا
طبعا بحثنا عن التهريب في جميع المواسير مالاقينا ولا شيء
وأمس في الصناعية راعي لاند نفس المشكلة وبعد 4ساعات من البحث خلف التهريب ولا وجدو شيء
>>>>>>>>>>>>>
أحد يدلني على ورشة تغير جلد بلوف بدون فك رأس المكينة


(http://www.mekshat.com/vb/newreply.php?do=newreply&p=8530083)

نفس مشكلة الوالد تماااما . . كل ما يعبيه يفضى ..

اتوقع زي ما قال اخوي رديتر المكيف

[أبو راكان]

التنسيم يجي من اي مكان قد يكون من الرديتر وقد يكون من الثلجة اللي خلف الدرج وقد يكون من المواصير او رؤوس المواصير الوصلات لكن يبي سعت بال وتتبع مع ضغط هواء وصابون وسفنجة ووصلة وصلة وركز على الثلاجات الخلفية واللي ورا الدرج وارديتر وعند دخول المواصير للثلاجة الخلفية حيث تلك المنطقة تتأثر بانسلاخ الكفر لقربها منه
نصيحة لا تشتغل عند اي فني بدون ضمان حتى يخلص في البحث والتقصي لانه سوف يعرف انك بترجع له اذا هرب واكثر اللي يعطون ضمان هم المراكز الكبيرة حيث بعضهم يعطيك 3 شهور
تحياتي

[مجنون عسل]

لو انك في الشرقية كان دليتك على كذا ورشه وشغل مضمون باذن الله

[راع العراوي]

ياخوي هاذي زي حالتي بالضضضضضضضضضضضضضضبط!!!!! كل ماعبيتة مايطول يفظا المواصير ماتهرب وعزالله اني معبية اكثر من ثلاث مرات وعجزت القى الحل بعدين انا اسمع التنسيم من عندي بس ترا سيارتي ددسن

[ramy asiry]

طبعا حليت المشكلة ولله الحمد
بعد خسارتين وكنت أقول للمهندس فك الرديتر وأختبره برى ورفض يقول أختبره وهو في مكانه
وبعد لف في الصناعية لاقيت مهندس فاهم وقلي روح عند المهندس الأول وأصر عليه يفك الرديتر ويختبره خارج السيارة وبعد الفك والإختبار طلع التنسيم
طبعا لم أحاسبه أبدا لأني كل مره أقول له فك الرديتر وأختبره وهو يرفض
والحين المكيف تمام

[ابوراكان تبوك]

نفس مشكلتك بالضبط والسبب تلحيم الاديتر عند واحد غشيم لحم الاديتر وسكر مجرى الفريون واحرق الكمبروسر لكن لقيت التهريب الاساسي من صوفة الكمبرسر الداخلية والثلاجه اللي تحت الطبلون وتصليحها بيشفطك شفط
نصيحه اذا طلع من الادريتر غيره بـ 1350 بدون تلحيم والا تراك بتخسر ثلاجه وكمبرسر
في البدايه افحص بالجهاز هو اللي يحدد لك الخلل ولازم تشيك على الثلاجات
وهذا تجربتي المريرة اطلع عليها للفائدة
بسبب 80 ريال خسرت 4350 ريال ( اليكم قصتي ) (http://mekshat.com/vb/showthread.php?t=442116)