بسافر بكره واخاف لا اتعطل بسبب ها المشكلة في الددسن .. افيدوني

[برق 81]

سلام عليكم ورحمة الله وبركاته


انا معزم السفر بكره ان شاء الله بس خايف من شيء وان شاء الله ما يضر


عندي ددسن 2008 مريت بها امس الصناعية وكبست الاذرعه وغيرت الركبه والفحمات


وكم حاجه على اني بسافر بس عندي صوت في المكينه يجي مع الدعسه وانا ماشي

واذا رفعت رجلي يروح قالوا لي فالصناعيه انه جنزير مكينه طبعاً من يوم طلع الصوت وانا

ماشي حول 5000 والسيارة فيها نقص زيت من قبله ومواضب على زيادته وتغييره

وش رايكم يا اخوان هل الجنزير خطر مرة انا بمشي 1000 كيلو وعلى فكره اول ما اشغل السيارة فيه صوت يجي ثواني ويروح..


افيدوني الله يطول عماركم ..

[YUKON_GMC]

ان كان الجنزير حديد يبي يعبرك بس لاتسرع فوق 120

والصوت في بدتية التشغيل احتمال البلوف تحتاج وزن

أرسلت بواسطة GT-N7000

[بدر الظفيري]

2008 ونقص زيت ههههههههههههه

لاتشد على الموتر والله يستر عليك

[راع العراوي]

ماهو صوت البلوف بلوف الدساتن من بعد 2004 اكترونية توزن نفسها لاكن اضنة صوت سبيكة ناقزه من مكانها

[GMC89]

اخوي ياليت تدلني على الورشه اللي كبست لك الاذرعه وشلون شغلهم ؟

[( شميريخ )]

نصيحتي لك لا تسافر عليها يمكن مع طول المسافه حتى لونك ماتعدا الـــ 120 تخبط عليك
يمكن الصوت من السبايك اذا لاحقها حراره قبل

[برق 81]

لا هنتم جميعاً والاخ اللي يقول الورشة اللي كبست لك الاذرعه طال عمرك هذي في صناعية العاصمة مخرج 28 واكثر الورش تكبس وهذاوالله مدري عن شغله للآن توي كابسها ويبينها الزمن

[شاهين12]

شف وناخوك
الددسن يمكن بتمشي و بتمشيك .
لاكن تخيل لو ظرب معك وانت بنصف المسافه.
وعندك اذا كان جنزير و ظرب معك
بيعدم اشياء واجد بالمكينه وبيكلف عليك واجد.
انصحك انصحك انك تركبه وتمشي .
وتركيبه بسيط جدا وماياخذ وقت وقيمة مهيب غاليه.
لاكن عندي لك سؤال ماولعة اشاره التشييك
اللي بالطبلون؟
اخابرها تولع ،حتى اذا رتخى سير (المكينه والدينمو ) .
ــــــــــــــــــــــــــــــــــــــــــــــــــ ـــــــــــــــــــــــ
فيه طريقه تعرف فيها هو جنزير ولاسبايك!
تسويلها تخطيط قلب مثل الدكتور:D:D
تاخذ معك (لي ماقاس صغير ، وتسمع فيه الصوت ، هو سبايك او جنزير ،السبايك تحت تسمع صوته من عند الكرتير الزيت.
والجنزير فوق من بعد المروحه).

وراح تسمع الصوت واضح.
هذا مجربه للدسن.



تحياتي لك.

[برق 81]

شف وناخوك
الددسن يمكن بتمشي و بتمشيك .
لاكن تخيل لو ظرب معك وانت بنصف المسافه.
وعندك اذا كان جنزير و ظرب معك
بيعدم اشياء واجد بالمكينه وبيكلف عليك واجد.
انصحك انصحك انك تركبه وتمشي .
وتركيبه بسيط جدا وماياخذ وقت وقيمة مهيب غاليه.
لاكن عندي لك سؤال ماولعة اشاره التشييك
اللي بالطبلون؟
اخابرها تولع ،حتى اذا رتخى سير (المكينه والدينمو ) .
ــــــــــــــــــــــــــــــــــــــــــــــــــ ـــــــــــــــــــــــ
فيه طريقه تعرف فيها هو جنزير ولاسبايك!
تسويلها تخطيط قلب مثل الدكتور:D:D
تاخذ معك (لي ماقاس صغير ، وتسمع فيه الصوت ، هو سبايك او جنزير ،السبايك تحت تسمع صوته من عند الكرتير الزيت.
والجنزير فوق من بعد المروحه).


وراح تسمع الصوت واضح.
هذا مجربه للدسن.




تحياتي لك.





تسلم اخوي الغالي والله لا يهينك وبالنسبة للسفرة كنسلناها واللي في السيارة قد مريت كم ورشة وقالوا جنزير وبكره ان شاء الله وانا نازل الصناعية ومغيره ... :)

[مافيه]

يا طويل العمر فحص الورش لاغيرك ولايلعبون عليك اول شي عليك بالقطع الاستهلاكيه

انا حصلت لي مثل سالفتك السياره تطلع صوت طقطقه واذا دعست لها عزمها ضعيف تقول كانها بواجي

شيكت عليها جميعها سليمه وغيرتها ومافاد وشيكت كمبيوتر ماطلع لي العله ((مع العلم جنزير المكينه عندي ربل))

ورحت لاكثر من ورشه وغالهم اجمع على انه جنزير ولازم له تغيير < جلست يومين ما وقف عن التفكير فيها المشكله ان القطع غاليه بحول ال1400 ريال وشغل اليد بحول ال500 ريال

واقصر لك السالفه وانا اخوك مشكلتي طلعت من سير المكينه يوم غيرته زاد عزمها وزان صوتها وطلعت مهنا احسن منها

طبعا السير الي كان عندي مادريت عنه الا من تحرر في بطن السير تشوفه متقطع مامسكه الا الجلده الخارجيه للسير

واحب انوه للجميع ولغالب السيارات سير الوكاله غالي و التجاري مايعيش اكثر من 6 شهور

انا انصح الجميع وقت تغيير السير يروحون محل الشايع في شارع الريل قيمة السيور عنده من قيمة التجاري ولاكن جودته مثل الاصلي او افضل بدون مبالغه

[برق 81]

يا طويل العمر فحص الورش لاغيرك ولايلعبون عليك اول شي عليك بالقطع الاستهلاكيه

انا حصلت لي مثل سالفتك السياره تطلع صوت طقطقه واذا دعست لها عزمها ضعيف تقول كانها بواجي

شيكت عليها جميعها سليمه وغيرتها ومافاد وشيكت كمبيوتر ماطلع لي العله ((مع العلم جنزير المكينه عندي ربل))

ورحت لاكثر من ورشه وغالهم اجمع على انه جنزير ولازم له تغيير < جلست يومين ما وقف عن التفكير فيها المشكله ان القطع غاليه بحول ال1400 ريال وشغل اليد بحول ال500 ريال

واقصر لك السالفه وانا اخوك مشكلتي طلعت من سير المكينه يوم غيرته زاد عزمها وزان صوتها وطلعت مهنا احسن منها

طبعا السير الي كان عندي مادريت عنه الا من تحرر في بطن السير تشوفه متقطع مامسكه الا الجلده الخارجيه للسير

واحب انوه للجميع ولغالب السيارات سير الوكاله غالي و التجاري مايعيش اكثر من 6 شهور

انا انصح الجميع وقت تغيير السير يروحون محل الشايع في شارع الريل قيمة السيور عنده من قيمة التجاري ولاكن جودته مثل الاصلي او افضل بدون مبالغه

جزاك الله خير اخوي افدتني بس بسألك وين محل الريل في اي صناعيه ..