وضع الطعم في الفريزر

[Seas Diver]

اخواني الكرام ..........السلام عليكم ورحمة الله وبركاته سؤالي

هل وضع الطعم في الفريزر ومن ثم اذابته واستخدامه كطعم يؤثر على الطعم؟؟؟؟

[Seas Diver]

59 مشاهدة ولا أحد رد

[2AHMAD]

ماأنصحك تحطه اكثر من مره

[2AHMAD]

زوع الطعم في الكياس صغيره وكل مره خذ منه على قد حاجتك بس

[raaad]

السلام عليكم اخوي حط في بالك شي مهم ان الطعم كل ما خاس يكون احسن للصيد وكل ما صار زفر يكون افضل

تحياتي

[MR_EZ]

اخي العزيز

طريقة حفظ الطعم تختلف حسب نوعه

اذا كان من السردين الأفضل أن يضاف له الملح بكمية مناسبة قبل التجميد لحفظه و امتصاص الرطوبة

اما اذا كان من الحبار فيمكن تجميده مباشرة و الأفضل توزيعه حسب الحجم حتى تستطيع ان تستخدم ما تحتاجه بدون اعادة تجميد

[Seas Diver]

أشكركم جميعا على المرور وفقكم الله

[كنعد]

تاخذ الطعم وتلفة في ( جريدة ) وبعدين تحطة في الفليزر علشان الجريدة تمتص الرطوبة الي في الطعم لان الرطوبة والثلج يخرب الطعم يصير ذاايب ,, اسأل مجرب .

[حداق الخبر]

ثلاجه صغيره وانت ماخذ الطعم من المحلات خذها معك


خله يحط شوي ثلج ومن ثم حط الطعم وبعدها حط الثلج علييييه

وابد قفلها وخلها الين وقت الطلعه هذي الطريقه اللي صرت اجربها

[k.fares]

لف اللعف بجرايد واحشرهم بالفليزر كحد اقصى 2شهرين

[معلم سويلوم]

اخوي اذا تريد الطعم ما يتغير حط عليه كمية كبيرة من الملح وحطة في الثلج وخذ حاجتك منه ما رايح يتغير وتشوفه كأنه طازج

[Multi صياد]

انا عندي طريقة ما ادري تصلح لك و الا لا بس انا مجربها, اذا انت مطلع الطعم بالسالية (المخدجة) اخلط الطعم بموية البحر و رمل و فرزنه, هذي الطريقة تحافظ على الطعم و قوته و الرمل ما يخلي الطعم يثلج 100% يعني اول ما تطلعه من الفريزر خمس دقايق و راح يفك من الثلج و تشوفه كانه لسه طالع من المويه.
تحياتي

[accentkool]

ملحة قبل تخزنة بالفريزر

[للزمن ثمن]

السلام عليكم
بنسبه للطعم اذاكان سمك مثل سردين او سلماني او باغه او تونا ما ينفع في الثلجه يخرب وقت التشريح
حتى لو شرحته في الرمي يفك من السناره
صح كلامي اولا
اما اذا كان حبار او جمبري ثلجه ما يضر
اتمنا لك رحلات سعيده
اخوك للزمن ثمن
كل عام وانتم بخير
كل عام وانتم بخير

[majid2]

يعطيكم العافيه والله استفدت من خبراتكم.

[اكسنت كول]

لا بالعكس ماتياثر فية

[كابتن غواص]

ما شاء الله الشباب ما قصرو

أعطوك كم طريقة ، تقبل مروري

[القبقب]

ينفع للحبار والخطبوط أكثرمن مرتين فقط

[ابو حسان اسحق]

ياسلام ماشاء الله سؤال في محله تشكر عليه تحياتي