قصيده في الشيهانه

[الذيب المتوحش]

السلام عليكم ورحمة الله وبركاته


أنا في يدي خرشا تشادي لوجة الداب
أليا شافت الحَفال تفري دواغرها



حديدة وجه واحد من وجهها المخلاب
تقص العظم ليا ناشته لو بخنصرها




أليا شفتها مناك سودا تقول عقاب
كبير الثنادي منسر الباز منسرها




عليها العيون من الصقاقير تقل حراب
ليا مرها الصقار لازم يخازرها




على الخارم المقفي تفرقع من القضاب
تفرقع من القضاب كنك مبشرها




يشادي شبل جنحانها حد شلفا ذياب
حديد النظر وان تعلت اتصرخها




ليا شافت الجول درعت فيه ماتهاب
ثعت في ركونه لين تكثر عثايرها



ليا منها قامت ترقى ورا السحاب
رقت لين من جو الخضيرا اتحدرها




فرتها وهي متعلية فرى دلو نصاب
حداها الطيار اللي من البعد حاشرها




تجي قاضبتها قضبة السيم بالكلاب
قبل لا تطب الارض منها اتشطرها




عطية اسنافي ماهو بالعطا طلاب
ولاهو امتكاثرها ولاهو امدورها




أبو ناصر اللي فاتح للشكاله باب
يمينه تنفذ مايحسب خسايرها




نسل مانع اللي باللقا يورد الهياب
عقيد النضاكم بوش بدو ٍ يبغثرها




ليا نشبت الحية تلافت له الارقاب
تبي عادة ٍ من حزة الضيق يظهرها




عقب ماتوفى اللي حضر يكفي الغياب
عن الاسره الأموات يكفيك حاضرها




اسباعٍ مقادم قوم ومعربين أنساب
اهل فرسة ٍ كل ٍ من الناس خابرها




يجي دايم الطيب من الاصل والجذاب
صحيح الحرار النادره من مواكرها




وصلك انت يا منصور ابن ناصر الجواب
قصيدة ثنا واللي يحلل يفسرها




من الشاعر اللي لى بغى الشعر جاه اسراب
يسوق المثايل لين ينقى جواهرها




ماهو بشاعر ٍ مايفهم العدل والصواب
يبيها ولا يقدر لسانه يعبرها




الشاعر "محمد خلف الخس

[نوفيتا]

صح اللسانك لاهنت
وفالك المليون
تحياتي

[حسين الناشري]

صح لسانك
ويعطيك العافية

[الشلاعي]

صح لسان الخس ...شاعر غني عن التعريف وله قصائد كثيره بالطير ...والشياهين يستاهلن هالقصيده واكثر

لاهنت على الطرح

[راعي لادن]

صح السانك كلام كبير

[خالد العطااوي]

مشكور ع القصيده
وصح لسان الخس شاعر البستان غني عن التعريف
تحياتي

[هوينا وبتلينا]

صح لسانك
ويعطيك العافيه

[راعي قزاز]

صح لسانك
ويعطيك العافيه

[قرناس الجنوب 2011]

صح لساااان الشاااعر والشواهين تستاهل المدح

[عواد الشمري2]

صح للسانك
الله يعطيك العافيه على القصيده الطيبه

[مذخور]

صح لسانك
الله يعطيك العافية ,,,

[راعي غضبان]

صح لسان الشاعر وصح احساسك فيها
ويعطيك العافيه على النقل الطيب
وتقبل تحياتي

[عشقي اكتوبر]

صح لسانك
والله يعطيك العافيه

[ســـبــار ربــعـــه]

الاخوان الي كاتبين صح لسانك شكلهم ماقرو القصيده.

لاهنت يا الذيب على نقلك لقصيدة ابوخلف الله يطول عمره على الطاعه والعافيه هاك الشايب يوم اروح للعارضيه ولا امر ديوانه احس اني ما رحت للعارضيه.

وله بيت يقول فيه.
الاشقر اللحاق عوق المدابير...لا تتركه دام انت هاوي وقاوي
اللي تماري به جميع الصقاقير... لا جيت قاعن فيه عشب وحراوي.

تحياتي لك يا الغالي.

[عبدالله بن الشيخ]

صح السانك , وعساك على القوة

كثِّر من قصيد الشواهين بارك الله فيك

عندي ملاحظة بسيطة طال عمرك في هذا البيت :


يشادي شبل جنحانها حد شلفا ذياب
حديد النظر وان تعلت اتصرخها

أتوقع في خطأ مطبعي في الكلمة (اتصرخها ) والصواب أنها ( أتصخرها )

ولاهنت يالكبير

[فالح الملعبي]

صح لسانك ولسان شاعرها
لكن فيه تعديل بسيط على البيت اللي ذكر اخوي عبدالله الشيخ

يقول الشاعر
يشادي سبل جنحانها حد شلفا ذياب &&&& حديد النظر كان اطلبت مايسبرها
وماقصرت على النقل

[جلاد الحباري]

قصيدة طيبه لكن فيه اخطاء املائيه


أنا في يدي خرشا تشادي لوجة الداب
أليا شافت الحَفال تفري دواغرها

تشابه و الحفان

[مكرم الضيف]

صح لسانك ولسان راعي القصيدة وهو شاعر معروف للجميع وشكرا لك على اتحافنا بقصائده


والقصيدة كبيره بأسلوبها و بمعانيها