منسر الطير

[عواد الشمري2]

سلام عليكم جميعن
ومبروك عليكم الشهر الكريم
عندي طير منسره الي تحت مايل كله يعني كل المنسر مايل يوم اطبقه بيدي يرجع للمكانه سليم وشيل ايدي يرجع ينطعج على جنب فاء مدري يسون له عمليه ولا اخليه هلون الطير يعلف وموره طيبه والطير معجبن به السببق مابي ابيعه
مادري مستشفا الرياض يسوي له عمليه احد مر عليه هسالفه
سببه الظاهر والله اعلم على توقعي وكلام الربع انه كان يطرد وضرب له شبك او شين صعه على منسره

[انسانه؟]

يفيدونك باذن الله الاخوان الصقاره
وماعليه شر باذن الله..

[عواد الشمري2]

يفيدونك باذن الله الاخوان الصقاره


وماعليه شر باذن الله..




الشر مايجيك الله لا يهينك على المرور

[جلاد الحباري]

نبي ياكحيلان صوره واضحه وان شاء الله نجيب الحل

[صقرالحروب]

اذا مايثر على علفه اتركه ولا تسويله شي واعتقد ان ماحد يقدر يسويله شي واسئل العويدي هو اللي راح يفيدك

[ابرق الحرار]

اخوي يوجد في مستشفى الرياض عمليات لكن تأخذ موعد اول ويمكن يتأخر ولاتستفيد من الهددها السنة نصيحة لك اتركه لأنه جبر ولكن على جنب مادام طيرك ماتاثر اتركه وامرك لله

[GHAAM]

حياك الله يا عواد
واحد من الربع كان عنده طير حر منسره مايل ولا أثر عليه بشي ، يذبح صح ويعلف صح
نصحه واحد قاله أبرد منسره ويطلع زين ،المهم خوينا الله يهديه خذ بنصيحته وبرده
ثم طلع أشين من أول ماعاد يذبح زين ولا يعلف زين تعذب الطير ، فنصيحتي لك خله
لا تسوي له شي دامه ما ضره في ذبحه وعلفه .
تقبل مروري

[حامد الحنيني]

السلام عليكم

ميلت المنسر والله العالم ماهي من ظربه

الى ضابينه وبيفتحون فمه غصب ومعيي الطير وحصله ماحصل

وتراها عادي حنى عندنا طير كل اسبوع نطرحه والتوى بوزه

ولا عنده الى العافيه بس لاتعرضه

تحياتي لك.

[عواد الشمري2]

الله يبيض وجيهكم ماقصرتو ولا دامكم نصحتو ماسوي به شي ابي اطيع رايكم وابي اخليه هلون
الله يعطيكم العافيه كلن بسمه محد بكم قصرر وبيض الله وجيهكم