سؤال

[قرناس شمالي 1]

السلام عليكم
صباح الخير / مساء الخير
يا الربع أنا شفتلي مقطع هداد طير يوم طرح حمامه ما نسر(علف)منها أبد حتى جاء راعيه وجلس راعي الطير ينتف ثم بدأ ينسر
سؤالي/ هو كيف أعلم طيري بأنه لايعلف حتى أكون عنده؟؟؟؟؟

[majeed 11]

الطير من صقاره والطيور تختلف

[قرناس شمالي 1]

للرفع
مامن مجيب

[ابرق الحرار]

مرحبا اخوي بالنسبة كيف تعلم طيرك ان مايعلف لين تجيه فهذا ليس تعليم هذا راجع للطير لأن بعض الطيور يتأكد ان ماحوله طيور وبعدها يقوم بنسر العلف وليس انه متعلم على ذلك وتقبل مروري المتواضع

[الصقر الأشقر]

أفادوك الإخوان..وتدريب الطير يختلف أخوي...في الغرب...يختلف تدريب الطير عنا...فمثلاً هم يفضلون الطير التفريخ...و يكون تدريبه بطريقةٍ خاصة...

[القوبعي]

ياعزيزي هذي شغله ماهي تعلم والي يقولك طيري كذا هذا كذاب :)
انت شفت هدد وشكل مطراد الطير قوي والطير اذا تعب مثل الادمي اذا مسك صيدته يتنسم شوي
وشكل راعيه وصل وهو قد رد النفس وعلف او ان راعيه ذبح الحمامه وشاف الدم ونسر منها

لحد يقولك هالكلام وتصدقه

[ابوميلاف]

اخوي انتظار الطير ماهو طبع والا قوة تدريب ابداا
الطير توقف عن العلف اما انه فحمان من الطرد
او ان الطير شايف طيور وحوم حوله ولا علف
الين جاه راعيه وامن من الطيور اللي يشوفها
اما انها سالفة تدريب فلا اظن ذلك

[جلاد الحباري]

هذي خذها مني مافيها تعليم فيه طيور ترتاح عقب طرد قوي وتنفض وبعدين تعلف وفيه طيور تبي منك تنتف لها الريش وتعاونها وان خليته يبي يعلف ماطرد ولا تعب الا يبي العيشه