مشكل تهريب زيت والموتر شغال ومشكله اخرى

[. ذيب ساحوق]

السلام عليكم ورحم الله وبركاته


اخواني الاعضاء:good2:


حصلت مشكله الله لايضركم وهي ان الموتر يهرب زيت وهو شغال فقط واذا طفيته ماشوف ولا نقطه تحته والموتر جيب نيسان 97

والمشكله الاخرى هي بالكهرباء وهي ان احد الفيوز اذا ركبته يضرب ماياخذ ساعه واذا ركبته وماضرب يعني هداه الله وطول شوي تزبط السياره واذا ضرب يطفي الموتر غير اشغل الموتر وادعس له لاجل مايطفي وهذي اجزمت واكدت انها التماس ومدري والله يعننا على نصب اهل الورش:(


وقلت لازم اخذ ارئكم قبل اي خطوه


وجزاكم الله خير الجزاء

[. ذيب ساحوق]

,,,,,,,,,,,,,,,,,,,,,,,

[. ذيب ساحوق]

.......................

[مطرح البكار]

يفيدونك اهل الخبرة

[عبدالله العمرو]

أخي ذيب ساحوق : التهريب اللي يصير فقط مع تشغيل المحرك يعني تهريب مضغوط من طرمبة الزيت ... أقصد ليس من الصرة وليس من أحد مسامير الكارتيل ...

يعني تأكد من السيفون أو أحد وجيه الحلوق وليتك تحدد مكان التهريب لتعرف بالضبط من وين ....

لكن الأحتمال الأكبر انه من السيفون لأن السنّة ناعمة جداً ويجب تركيبها بحذر
وهو الي يهرب مع التشغيل وضغط الطرمبة ....

أنزل تحت السيارة وهي شغالة وطالع مربط السيفون إذا كان التهريب منه او لا .....

أما مشكلة الفيوز : لو كان فيه التماس يضرب الفيوز من لحظة تركيبه أو تشغيل الخط الراكب عليه الفيوز ...
أحياناً يكون الالتماس بين سلك عاري والبدي ويكون بمسافة قريبة وأثناء المطبات يوصل بالبدي ويضرب ...

أو قد يكون الفيوز مركب لأحد الأجزاء التي تستهلك جهد عالي مثل المكيف أو الأنوار الرئيسية وهذي تحتاج لفيوز قوته لا تقل عن 30 وات ... فإذا ركب عليه 10 وات مثلا يتحمل إلى حد معين ثم يضرب .....

أنظر إلى غطاء الفيوز تجد لكل فيوز شرح وقدرة تحمل بالوات تأكد انك مركب نفس القدرة ....

تحياتي /

[. ذيب ساحوق]

مطرح البكار شرفت الموضوع ياغالي لاهنت




عبدالله العمرو الله يعطيك العااافيه ويجزاك خير ويكثر من امثالك باذن الله سوف اعاين موقع التهريب بالضبط وباذن الله يكون من الفلتر او شي بسيط لك تحياااتي وتقديري