وشريت الستوقر

[ابوعاشة]

السلام عليكم

وشلون المكشاتية

بعد بحث وتردد طويل في الشوازن رسيت على الستوقر 2000 وشريتها والله يطرح فيها البركة

وحطيت الموضوع عشان افيد ونستفيد

وابي منكم تنصحوني في الاستخدام ومن كل شي والي عنده اي استفسار انا حاضر
http://im19.gulfup.com/2012-07-12/1342088638451.jpg

[juba111]

مبروك و عسى فالها الصيد الجزل

[ابوعاشة]

الله يبارك فيك ويسلمك

[ابوعاشة]

يالربع فيها فضاوة في الحاضن وش حلها

[حسين الناشري]

بالبركة بندق طيبة ورميها طيب

[ابوعاشة]

الله يبارك فيك مايحتاج رميها طيب بس التشكات وش اركب رقم واحد طيب ولا بيقطع صيدتي

[ابو محمد 50]

مبروك الله يطعمك من صيده ويكفيك شره وصراحه عليه رمي رهيب بتشوك رقم 1 مع كاكا 36 7.5 الاصلي بالطيار انا ماخذ البندق من واحد من الشباب توه شاريه وجربته بالكاكا من بعيد والله يطيح وكنت والله حاقرن التركيات بس بعد الرمي تغيرت نضرتي وما تفرقه عن الايطالي بالشكل والرمي بس هل البندق عملي مثل الايطالي الله اعلم

[ابو محمد 50]

الفضاوه تاكد من الوشرات الي بالحاضن عددهن 2 هن راكبات يمكن منهن او ما ركبت صح

[ابوعاشة]

ركبتها يابو محمد لاكن الفضاوة في الحاضة فوق الصامولة والوصلات الثنتيتن تحت مهب حولها

[ابو محمد 50]

شف احد يركب البندق صح ترى تركيبه غثيث شوي واسف على الاطاله

[ابوعاشة]

يعطيك االعافية عرفتلها وركبتها زين

[البرنس 2006]

با البركه الله يطعمك من صيدها ويكفيك شرها

[juba111]

مبروك الله يطعمك من صيده ويكفيك شره وصراحه عليه رمي رهيب بتشوك رقم 1 مع كاكا 36 7.5 الاصلي بالطيار انا ماخذ البندق من واحد من الشباب توه شاريه وجربته بالكاكا من بعيد والله يطيح وكنت والله حاقرن التركيات بس بعد الرمي تغيرت نضرتي وما تفرقه عن الايطالي بالشكل والرمي بس هل البندق عملي مثل الايطالي الله اعلم

تحياتي اخي ابو محمد....الستوقر مملوكة لنفس مجموعة الشركات بينيلي و بيريتا و فرانكي...و كثير من الصيادين يمدح بها

[ابوعاشة]

صدق من قال رح الجردة وبتعين خير واسعار النت غالية

شريتها ب 7500 وطولها 30

[فرخ الجني]

اخوي ابو عاشه مبروك البندق والله يطعمك خيره ويكفيك من شره بالنسبه للحاظن انتبه للحلقات اللي بين الحاضن والحلقه حقت الماصورة فيه وحده منهن مستويه ووحده مايله المايله هي الاولى واللي عدال هي الللي فوق ثم ركب الماصوره عليهن وان شاء الله ما يصير فيه فضاوة

[العبوب]

مبروك عليك البندق والله يعطيك من خيرها ويكفيك شرها

بالنسبة للبندق مايختلف عليها اثنين من كل النواحي

[بحر الخليج]

مبروك الله يعطيك من خيرها ويكفيك شرها وفالها الصيد وعند تركيب الماصوره اضغط الماصوره اسفل مع الحاضن واربط الصاموله مضبوط ولا يجي فضاوه ان شاء الله وبالنسبه للطيار والرمي بعيد حط تشك 2 ممتاز وان كان تبي للقريب والاجوال حط رقم 3 ممتاز والبندق ما عليها كلام ولا عليك من كلام العذال اللي يسبون التركيات تراها بندق غيييييييييير رمي وسوق وكل شي .

[مدمن مررقوق]

يا شباب تاكدوا لي من سالفه الحذفه يسار عندي وحده بقراطيسها ما فكيتها اخاف يصير بها حذفه وابلش بها

[ابوعاشة]

ابد مافيها حذفة والله ياخوي توني شاريه قبل كم يوم وطلعت اجربها تمام وكل شي فيها طيب

[ابوفهد331]

ماشاءالله تبارك الرحمن الله يعطيك من خيره ويكفيك شره وفالك الصيد الجزل

[ابوعاشة]

وعقبالك ابو فهد ان كان لك خاطر فيها تراها طيبة ورميها طيب

[مجنـ قطا ــون]

ماشاءالله تبارك الله شايف خيرها ان شاءالله

[ابوعاشة]

الله يجزاكم خير يالربع مكتوب عليها 12-76 انا الي اعرفه انها ثلاثة انش وش معنا هذا

[فرخ الجني]

ايه هي 12 العيار اللي نسميه شوزن كامل و76 هو 3 انش

[قناص2000]

على البركة ويطعمك من صيدها ان شاء الله