تصويت هايلكس خليجي ام سعودي افضل موديل2006

[مفطح]

السلام عليكم ورحمة الله وبركاته
اخواني اعضاء منتدى مكشات احب ان اقوم بإستشارتكم في موضوع مهم وهو اني مقبل على شراء هايلكس 2006 دفرنسين بنزين ولكن حصل لدي بعض الحيرة والتردد بين الخليجي منها والسعودي ولذا اود ان تقوموا بالتصويت :alarm: على ماهو الأفضل هايلكس خليجي ام هايلكس سعودي مع ذكر الأسباب وسأكون شاكر لكم لأني بأمس الحاجة لأرائكم ولكم كل التحية والتقدير

[شبح الصحراء]

تبي نصيحتي؟ انتظر موديل 2007 تراه قريب ومض نفسك بأي سيارة .
وبالنسبة للخليجي ما عندي خبرة بالمواتر الخليجية ولكن مشهور عند الناس ان الخليجي أفضل من السعودي ولكن انتبه لازم يكون عليه ضمان من الوكيل أي اشتره من وكيل سعودي ولا تروح برا تشتريه لأن الضمان مهم جداً للسيارة .

[ابوعزيزm]

من مجرب ونصيحة من أخ لأخية أشتر خليجية بدووووون تردد

لأن عبد اللطيف جميل يغير أكثر معدات السيارة من :
1- الخطوط الخارجية
2- كمبروسن مكيف
3- فرش السيارة
4- الديكور الداخلي
5- المسجل

ويشيل كل ما خف حملة وتبديلة و . . . و . . .

[مفطح]

اشكر أخوي شبح الصحراء وأخوي أبو عزيزm على تصويتكم وثقوا تماما اني استفدت من نصائحكم الله يجزاكم خير ولكني طماع أريد معلومات أكثر عن مميزات الخليجي وأريد أن أعرف هل نزلت صور 2007 ومتى بينزل في الأسواق السعودية ولكم أطيب تحية وتقدير

[أبو أسامة]

والله أنصحك تبعد عن الهايلكس 2006 ............ فالحراره ترتفع وتاصل النصف وإذا شغلت المكيف طبعاً يبرد صح إلا بعد فتره يعني بعد ما تمتلي عرق في ديره زي الرياض ........ وإيضاً لما يكون المكيف شغال والسياره واقفه ....... يعني أنا كنت راكب فيها ومشغل المكيف وأتناقش مع زميل لي في راكب هو في سيارته ....... فبعد تقريباً 10 دقائق تفاجئت بالمكيف هواه بدأ يفقد البروده فشفت الحراره فوق النصف ...... فحسبي الله على تايوتا اللي ما لقت تصنع الهايلكس إلا في تايلند..............


ملاحظه : الهايلكس اللي عندنا هي مواصفات سعوديه يعني من عند أبو جميل ...........

[almobd3]

انا انصحك انك تاخذ 2006 بس لاتاخذ دفرنسين
لأنه ثقيييييييييل جداً

[rmnas2000]

اخوي انا عندي 2006 خليجي من عمان
الصراحه مريحتني في اقتصاد البنزين لانه غالي عندنا واحلا من الي قبلها
واعترض على الاخوان في المكيف لانه لليوم ماشفت لا حراره ولا مشاكل في التبريد
واعتقد انه 2007 ما بيغيرو الا الخط بس لانه هاذي سياسه التويوتا 5سنوات على كل موديل
ويقولو انه وارد عمان اقوى في الحمل الثقيل وفي الكدش رود ولاحظت الشي هاذا

[الـــــهدد]

صح

المواصفات العماني هي افضل مواصفات

[مفطح]

أشكر أخوي rmnas2000 على هالمعلومات الطيبة وأقول كيف أحصل على الهايلكس العماني وأنا في السعودية وتحديدا في الرياض ؟ولا أقرب طيارة ؟وأحب أسئلك عن سعره عندكم علشان أجهز الدراهم لأني أقتنعت بكلامك وراح أشتريه من عندكم أن شاء الله ولا تنسى أني أبغاه دفرنسين بنزين شاكر لك

[مفطح]

شكرا لكل من صوت صحيح اللي صوتوا قليل لكن المعلومات اللي أعطيتوني شافية ووافية فشكرالكم وجزاكم الله خيرا