والحل ؟؟ بديت اكرهـ الصيد !!!

[bingoo]

السلام عليكم

كيف الحال شباب عساكم بخير ..

شباب انا توني مبتدأ في الصيد وشريت لي عدهـ سنارهـ وزي كذا .. والمشكلهـ

اني كله اطلع للبحر اكثر شي العقير يمكن فوق 6 مرات اروح ورحت الكورنيش والمرجان كذا مره اللي بالدمام وليومكم ماطلع معاي شي مع اني متاكد من كل شي يعني الطعم فرش وتركيبي له عدل وانا استخدم طعم روبيان وخثاق
مثل العقير رحت كذا محل الميناء القديم واللي داخل اللي يجي قبال مبنى حرس الحدود
ورحت الزبنه وربي مابقى مكان مارحته وماطلعت معاي ولا سمكهـ ؟؟ شالسالفه البحر نشف من السمك والا انا مقرود هع هع ...

اتمنى الكل يشارك وينصحني ابي اصيد اي نوع لخاطر الله هع ماني طماع

ياليت المكان يكون في الحسا او الدمام او الخبر

[عبدالله العمرو]

ههههه اخوي لا البحر نشف ولا انت مقرود ...
الحكاية انك مبتديء ولازم تخاوي واحد راعي خبرة وتستفيد منه ... بس:D

تحياتي /

[bingoo]

هع خاويت كذا مره ناس عندهم خبره ولما اروح الكورنيش اشوف ناس تصيد واجلس جنبهم واتعلم منهم بس مدري احساسي يقوول اني مقرووود

[وليد الغربة]

لاتستعجل جرب قارب وان شاء الله تتوفق

اخوك وليد الغربة

[k.fares]

زي ما قالك وليد الغربة كلاه سليم
^
^
^
اخوي الارزاق من الله

[حداق الخبر]

الحال من بعضه وانا اخوووك


اليوم طلعت 6 ضلع احجاام كبااار


وااحلا تسسسحيب

وفي الاخير عطيتها اللي يغسسل السياره استانس عليهممم


السمك خلااص وانا اخووك

بالتوفيييقـ ،

[جهاد حسن]

اخوي جرب راس تنوره خلف المقهى بس روح الفجر ونهاية الشهر بدايه السقي وبتتوفق ان شاء الاله

[صياد الاحساء]

السلام عليكم ورحمت الله وبراكاته
شوف حبيبي اهم شي في الحداق الترديعه وحجم الخيط وحجم الميدار وحجم البلد دامك توك مبتدئ حط خيط مقاس اربعين وميدار مقاس 14 وبلد الهو الثقل مقاس 2 ولازم تضبط الترديعه مزبوط تراها اهم شي شوف لك احد يضبط لك الترديعه وركب طعم على حجم الميدار يكون ربيان فرش اخوي في مكان في العقير حلو في العقير القديم عند البيكات القديمه وقف عند اول بايكه وقعم السناره وفالك الشعم او القرقفات

[صياد الاحساء]

ههههههه قصدي طعم السناره يعني حاول تركب الطعم مزبوط

[ابو عمار الحربي]

لا تعب نفسك البحر معاد فيه اسماك

[ولهان البحار]

مشكووووووووووووور

[أبوحافظ]

اخوي الغالي

لاتفكر انك لوحدك وهذا حال البحر وفي اخر 5 رحلات لي كان الصيد اضعف ما يكون

وضع البحر مهو مثل اول .... الصيد من الشاطىء كان شي مو طبيعي ومع التوسع

في المدن وردم الشواطىء والصيد الجائر اصبح صيد الشاطىء ضعيف جدا حسب كلام اصحاب لهم خبرات قديمه في الصيد


ونصيحتي لك ... افضل اماكن الصيد دائما الاماكن البعيده عن المدن واللي يقل تواجد الناس فيها دايما تكون مليئه بالخيرات

في اماكن نروح نصيد فيها وبعيده عن العمران وما عليها زحمه متنزهين وفيها خير

توكل على الله وحاول تروح اماكن بعيده

جرب تصيد بشبكتين ( شوارات ) مع السنارات ولو تصيد الطعم بالمخدجه يكون افضل

وبأذن الله يجيك الخير

[shark killar]

اول حاجة يا صاحبي الرزق على الله

ثاني شي لو نك طالع تصيد عشان السمك انا اقلك من دحين روح الحلقة اصرفلك لان الصيد رياضة و هواية اما لو انك تبغاه باب رزق الله يرزقنا وياك روح فكلك بوت و ترزق الله
الصيد بالنسبة لي و اتكلم عن نفسي هواية و رياضة جدا ممتعة و جلسة رائعة و خوة شباب وناسة و هي تكمل معاك لو جا معاك شي ولو ماصدت اليوم تصيد بوكرا و ربك كريم

[رٍسِـــلآنٍ ٱلدُفُــٱع]

بحر الشرقيه قارب على الجفاف السمكي

[برهوم جدة]

عجبتني بديت أكره الصيد .. عموما الموضوع بسيط اذا جيت رايح خذ لك سردين وخثاق وربيان واعجنهم واخلطها مع طين البحر وارميها دار ما دار حوالين مكان صيدك بس السنارة ما تكون كبيرة يعني صغرها شوي والخيط ثلاثين مبدئيا وربنا يرزقنا وإياك وجمع المسلمين

[saeedmohammed]

يا اخى ان النصر مع الصبر-فيه ناس كتير وانا منهم بتجهز كل شى للصيد و ما بتصيد سمكه واوقات ثانيه بتجلب الخير-ما تجزع

[ذيب السريه]

اخوي انت اصلف هههههههههه

[عجيبان]

بنصحك نصيحه ياخوي طبقها وبتشوف الفرق
بحر الدمام والخبر اذا بتصيد من الشاطي مايطلع معك شي
لاكن ادخل داخل البحر مع واحد راعي طراد وتشوف الفرق
والاخوان فز مكشان بيفيدونك عن اسعار الطرادات واماكن تواجدهم

[جنوبي الهوى]

عندي لك الحل الأمثل والمضمون ..

لم يصير الجزر .. روح لأقرب سيفه يتواجد فيها القبقب وجمع لك .. وشف لك فجريه يكون فيها رشه ( مد ) بدايه المد .. وانشالله فالك العريضي .. المكان الدمام في الواجهة البحرية .. خل المسجد بالظهر وامش سيده لين يجيك البحر ..


تحياااااااااااتي لك ..

[bingoo]

يعطيكم الف عافيهـ شباب ماقصرتوا والله اسعدتوني بردودكـ وفزعتكمـ
بس ان شاء راح احاول اطبق كل اللي قلتووه لي وان شاء الله خير

وانا غايتي بالصيد هوايهـ ورياضهـ

[accentkool]

مافي الا حل واحد باقي لك ضيف رقم عالواتساب
وبسجلك بقروب عاشقين البحار قروب حساوي
ينظمون طلعات بحرية اسبوعية 0566438383

[الصيادالمليح]

تعال الجبيل الصناعية وجرب تصيد على السيف على طول الكورنيش

وجرب طرق ثانية مثل الصيد بالطعم اللماع و اللفاح

وربنا يرزقك من فضله إن شاء الله

[yassar]

معاك حق

الصيد نتفرج عليه في النت أحسن

[الساهرM]

الله يوفقك انشاء الله
والرزق ع الله اذا تبيني اخااويك في الشرقيه حاااضرين
انت بس عطني خبر وانا مستعد

[Seas Diver]

على ما أروح للشاطيء لاصدت ولاشفت ناس صادت الا شيء صغير لو ما صادوه كان أحسن لاكن الله كريم

[ماسيوم]

مساالخير...

اهم حاجه تتعلمها من الصيد هوه الصبر اذا فقتها ماراح تقدرتستمرفي الصيد صبرنفسك قال صلى الله عليه وسلم{تفائلوبالخيرتجدوه} عليك بالصبروفالك الصيد تقبل تحياااااااااااااتي...

[dhmoney]

ههههههههه انا وأخويا صلينا العيد ورحنا نصيد ورجعنا بدون ولا شيء وثاني يوم رحنا وما حصلنا شيء الخلاصه اللى يبى يشترى عدة صيد يجي عندنا

[ناجل سمار]

العمار في الشمال والصيد في الجنوب في اي بلد

[baracuda]

يا عمي وانا ايش اقول
انا أدمنت الصيد من ٦ شهور تقريبا
والله أني ماخليت مكان الا وصدت فيه تقريبا
نزلت لليث جنوبا ورابغ شمالا وشطفت كورنيش جده كله
واشتريت كل انواع العده والطعم وما كان يطلع معي شيئ
بس أخيرا الله أكرمني ومشي حالي شويه من الكورنيش الجنوبي
الحين صرت كل ويك إند وانا هناك :)

انت بس صفي النيه وتوكل على الله وانشاءالله فيه الخير

[ابو محمد 500]

بالتوفيق .....

[عاشق البحرE]

هههههههههه ..

الله يعينك اخوي ..

خلني بقولك شيئ اخوي الصيد ما ينفع ترووح لحالك الا اذا كنت متمكن و عندك خبره ..

بالنسبه لك كمبتدأ لازم تحتك مع ناش تفهم في الصيد و تتعلم منهم ..

و انصحك بصيد الطراد لان فيه وفره في الصيد و السمك . على الأقل تدب روح الحماس فيك و تصيد سمك ..

[مراسل2008]

اخوي كل سواحل الشرقية لاتترجى منها سمك - ردمو البحر وكملو الناقص بالصيد الجائر وشلعو مطعمهم الرئيسي ( القرم ) الممتد من الخبر للدمام للقطيف لراس تنورة / لكن اقولك للأمانة ممكن ع السيف تصيد كل 3 ساعات سمكة :) والله يوفقك

[البدراني11]

وش معنى (لخاطر الله) ؟

[bo.nasser]

لاتستعجل على رزقك

طلعنا خيوط ومدود وغزول ومسدسات وطراد
ومرات نرجع البيت بس بالثلج والتعب

والعجير شبه انه شحيح الصيد بيه
انصحك تطلع الجبيل مع شباب الجبيل
وراح تلقه بغيتك هناك

بالتوفيق