القنص في الخارج ((رد على قصيدة أخوي راعي جالود ولايهون اخوي قلب ذيب))

[الهاجري ج]

السلام عليكم ورحمة الله وبركاته
شدتني قصيدة اخوي راعي جالود وفكرتها وحبيت اجاريها واعطيه بعض النصايح عن القنص في الخارج حالياً مع انه ينصح ولا ينصح


واعتذر من اخوي ابوماجد (قلب ذيب) على المداخله والرد ومجارات القصيده ولكن من باب الميانه على اخواني واني امون عليهم ميانة الاخو لخوه حبيت اشاركهم بهذا الرأي المتواضع


أسأل الله أن ينصر الاسلام والمسلمين وان ينصر أخواننا في الشام واليمن وان يامننا في اوطاننا


قصيدة اخوي راعي جالود:





ملّ قلب ٍ من غلا الربدى صويب \ يحسب شهور السنه وليالها


ما حداه البعد عن فرقا حبيب \ مير حب الصيد يسوى شالها


الحباري شاقت القلب العطيب \ هي ّ طب النفس بعد إشكالها


كم شعت في حبّها راس ٍ عريب \ وكم واحد شافها ما طالها


قالو الاعراب لو إنك غريب \ أسأل الطيّب , وزيّن فالها


لا سألت البعض مردوده عجيب ! \ وأنت تطلب راي ماهو مالها


المجال اللي يخوضه قلب ذيب \ ودي أكسب خبرته وأعنالها


كل ذيب ليا قنَب يلقى مجيب \ وجاك صوت الذيب فوق جبالها


ما يعرف المشكله غير الطبيب \ وأنت قالو خبره وحلاّلها


كان لي في روحة المغرب نصيب \ ودي أعرف منّك كيف أسعالها


هات ما عندك وأنا صدري رحيب \ عن علوم ديارها ورجالها



وردي عليها مع ابداء رأئي في الموضوع واتمنى ان يكون الرد في مكانه وعند اهله ولولا محبتكم ما رديت


المقصد اني لا اؤيد المقناص في الخارج حالياً مع الاوضاع الحاليه في اغلب الدول في العالم الا بعد ان تركد الامور وتعود الحياه الى طبيعتها حفاظا على النفس والمال وعدم الافتتان زياده على ذلك مايحاك من بعض الطوائف في المملكه ودول الخليج للمساس بامن الدوله والذي يوجب علينا الاتفاف جميعاً مع الدوله لمجابهته


واليكم قصيدتي:


القنص ياصاحبي حظ ونصيب ***** والموفق....جات والا جالها


وان بغيت العلم والراي الصويب*****لا تعدّا ديرتك وظلالها
رحت تبغى تصيب ثم ترجع صويب*****والجمال استبركت بعقالها
الربيع يثور وثوراته تصيب*****والبنادق ثورت في جالها
والعدو من حولنا رز الصليب*****والروافض شغلت عمّالها
يقنصون الدار والمولى رقيب*****والخراب بدارنا يحلا لها
يوقدون النار في بطن الشعيب*****وكل فتنه يسرعون اشعالها
الحقيقه وضعنا وضعٍ صعيب*****والشعوب الثايره يرثى لها
والعذر منك وعذري لقلب ذيب *****بس فكري بالميانه قالها
هذا رأيي...يخطي ويمكن يصيب*****والبشر في دبرة الله حالها



وسلامتكم


واذكركم بقوله تعالى حتى لا نغفل في هذا الوقت الملئ بالفتن


(("وأعدوا لهم ما استطعتم من قوة ومن رباط الخيل ترهبون به عدو الله وعدوكم وأخرين من دونهم لا تعلمونهم الله يعلمهم "
))



وآسف على الاطاله
أخوكم الهاجري



----------------------------------------------------------------------------------------------------------------


وهذا رد أخوي قلب ذيب حبيت اضيفه للموضوع الاساسي لانه هو الاساس وانا الداخل عرض


الرد:

لله دركم .
قصيده ورديه مخضبتان بالجزاله من شاعران متمكنان .
ابشر ياراعي جالود , ان بغيت المغرب والا الجزائر والا العراق حاضرين , وبأذن الله
تفرح وتنومس بصيد جالود .
........................................
الرد في عجاله .
مرحبا باللي بدا قافن عجيب ... صادق في دقها واجلالها
مال غير الربد لعلاجه طبيب ... يحتري وقت القنص واحوالها
يطلب المولى يهي له نصيب ... وان يشوف الحبر في مدهالها
ابشر ان الصيد مقناصه قريب ... والطرايد تنقنص باجالها
ان بغيت الشرق والا للمغيب ... المواقف نرتكي لاحمالها
وفي النصيحه فايده للمستجيب ... والنصيحه قبلنا من قالها
ماحلا لابكر الوسمي صبيب ... والرياض استمسكت بهجالها
وسال صوب الروض وديان وشعيب ... (والغثا ) شفتحه يحز بجالها
وزان وقت اللي نقل طير حبيب ... والبدو فرحه وزان احوالها
وزين شب النار في روض حطيب ... والمقهوي يعتني فنجالها
ذاك وقت اللي تمنى وقلب ذيب ...جعل ديرتنا الوسامي فالها .


قصيدة أخوي ابو ماجد قلب ذيب








-

[الطيرالغريب]

صح لسانك وجزاك الله خير ونصيحه في محلها
والف شكر لك

[قلب ذيب]

لله دركم .
قصيده ورديه مخضبتان بالجزاله من شاعران متمكنان .
ابشر ياراعي جالود , ان بغيت المغرب والا الجزائر والا العراق حاضرين , وبأذن الله
تفرح وتنومس بصيد جالود .
........................................
الرد في عجاله .
مرحبا باللي بدا قافن عجيب ... صادق في دقها واجلالها
مال غير الربد لعلاجه طبيب ... يحتري وقت القنص واحوالها
يطلب المولى يهي له نصيب ... وان يشوف الحبر في مدهالها
ابشر ان الصيد مقناصه قريب ... والطرايد تنقنص باجالها
ان بغيت الشرق والا للمغيب ... المواقف نرتكي لاحمالها
وفي النصيحه فايده للمستجيب ... والنصيحه قبلنا من قالها
ماحلا لابكر الوسمي صبيب ... والرياض استمسكت بهجالها
وسال صوب الروض وديان وشعيب ... (والغثا ) شفتحه يحز بجالها
وزان وقت اللي نقل طير حبيب ... والبدو فرحه وزان احوالها
وزين شب النار في روض حطيب ... والمقهوي يعتني فنجالها
ذاك وقت اللي تمنى وقلب ذيب ...جعل ديرتنا الوسامي فالها .

[راعي غضبان]

صح لسان راعي جالودوصح لسانك يالهاجري
والله صادق المقانيص في هذه الاوضاع
فيها خطوره والله يجزاك خير
وقلب الذيب هلحين فكره منشغل
وكني اشوفه يحوس هلحين
ههههههه والله يوفقنا وياك والكل يارب
وتقبل مروررري وتحياتي

[جبار1]

صح منطوقك ولاتهون ابدعت في المجاره

لله درقك .. عزالله ان المقناص برا صار خطر

ونصيحتك في محلها ...

[ذراع الذيب]

السلام عليكم ورحمة الله وبركاته..
مسيت بالخير يالهاجري..

صح لسانك ونصيحه في محلها وكتبت وابدعت ولايهونون الاخوان كفيت ووفيت..
وصح لسان راعي جالود وننتظر رد الشيب قلب ذيب وبارك الله فيكم جميع..
تحياتي لكم..

[مربي الصقور]

صح لسانكم وبيض الله وجهك على النصيحه
تقبل مروري

[قلب ذيب]

ابشروووووووووا
قلب ذيب لايحوس ولايسوووووووس !؟!
سوس بالتركي ( اسكت ) هههههههه
الرد فوق قل ردودكم عاينووووووو ه

[ذراع الذيب]

ابشروووووووووا

قلب ذيب لايحوس ولايسوووووووس !؟!
سوس بالتركي ( اسكت ) هههههههه

الرد فوق قل ردودكم عاينووووووو ه

صح لسانك ياقلب ذيب..

رديت في وقت قياسي الله لايضرك ماشالله تبارك الله وانشهد انك شاعر ولايهون احد..

تحياتي لك..

[الهاجري ج]

صح لسانك وجزاك الله خير ونصيحه في محلها


والف شكر لك




صح بدنك يالطير الغريب وحياك الله

شرفني مرورك

[الهاجري ج]

لله دركم .




قصيده ورديه مخضبتان بالجزاله من شاعران متمكنان .
ابشر ياراعي جالود , ان بغيت المغرب والا الجزائر والا العراق حاضرين , وبأذن الله
تفرح وتنومس بصيد جالود .
........................................
الرد في عجاله .
مرحبا باللي بدا قافن عجيب ... صادق في دقها واجلالها
مال غير الربد لعلاجه طبيب ... يحتري وقت القنص واحوالها
يطلب المولى يهي له نصيب ... وان يشوف الحبر في مدهالها
ابشر ان الصيد مقناصه قريب ... والطرايد تنقنص باجالها
ان بغيت الشرق والا للمغيب ... المواقف نرتكي لاحمالها
وفي النصيحه فايده للمستجيب ... والنصيحه قبلنا من قالها
ماحلا لابكر الوسمي صبيب ... والرياض استمسكت بهجالها
وسال صوب الروض وديان وشعيب ... (والغثا ) شفتحه يحز بجالها
وزان وقت اللي نقل طير حبيب ... والبدو فرحه وزان احوالها
وزين شب النار في روض حطيب ... والمقهوي يعتني فنجالها


ذاك وقت اللي تمنى وقلب ذيب ...جعل ديرتنا الوسامي فالها .







صح لسانك يالقرناااااس مليون وانا اشهد انك شاعر من فطاحلة الشعار


وعادة القرناس لانهض نهض وش عاد يرده


وانشهد انك كفو لطلب اخوي راعي جالود


بس لا احد يخليني من المقناص تراني خويكم ....ههههههههههه


تسلم يالقرناس يابو ماجد وتحياتي لك



-

[الهاجري ج]

صح لسان راعي جالودوصح لسانك يالهاجري

والله صادق المقانيص في هذه الاوضاع
فيها خطوره والله يجزاك خير
وقلب الذيب هلحين فكره منشغل
وكني اشوفه يحوس هلحين
ههههههه والله يوفقنا وياك والكل يارب

وتقبل مروررري وتحياتي




صح بدنك ياراعي غضبان

وقلب ذيب جابها في ثواني ماشاء الله عليه

[(هزاع)]

صح لسانك
والنصيحه لله بيض الله وجهك
والله القنص بالخارج به وناسه ولايخلى من المخاطر
نسمع ونسلم

[الهاجري ج]

صح منطوقك ولاتهون ابدعت في المجاره

لله درقك .. عزالله ان المقناص برا صار خطر

ونصيحتك في محلها ...



صح بدنك ياجبار وحياك الله

شرفني مرورك

[الهاجري ج]

السلام عليكم ورحمة الله وبركاته..

مسيت بالخير يالهاجري..


صح لسانك ونصيحه في محلها وكتبت وابدعت ولايهونون الاخوان كفيت ووفيت..
وصح لسان راعي جالود وننتظر رد الشيب قلب ذيب وبارك الله فيكم جميع..

تحياتي لكم..




وعليكم السلام ورحمة الله وبركاته

مسيت بالنور يابو ناصر ومرحبا ترحيب المطر

صح بدنك وصح لسان راعي جالود ولسان ابو ماجد


شرفني مرورك يامشرفنا الغالي ابو ناصر

[الهاجري ج]

صح لسانكم وبيض الله وجهك على النصيحه


تقبل مروري




صح بدنك يامربي الصقور ووجهك ابيض

تحياتي لك

[ربع خالي]

وعليكم السلام ورحمة الله وبركاته
كلن حمل بندقه و أرمابها
ويازين فوح بارودها
وفي انتظار باقي أهل البنادق
صح الله السنتكم جميع
تقبلوا مروري

[الهاجري ج]

ابشروووووووووا



قلب ذيب لايحوس ولايسوووووووس !؟!
سوس بالتركي ( اسكت ) هههههههه


الرد فوق قل ردودكم عاينووووووو ه




سوس يالعدو سوس


كفو يابوماجد


وكنت متاكد انه بيجي ردك من يوم شفت معرفك داخل الموضوع


صح لسانك ملايين

[الهاجري ج]

صح لسانك

والنصيحه لله بيض الله وجهك
والله القنص بالخارج به وناسه ولايخلى من المخاطر

نسمع ونسلم




صح لسانك ياهزاع ووجهك ابيض

شرفني مرورك يابومشعل

[الهاجري ج]

وعليكم السلام ورحمة الله وبركاته

كلن حمل بندقه و أرمابها
ويازين فوح بارودها
وفي انتظار باقي أهل البنادق
صح الله السنتكم جميع

تقبلوا مروري





صح بدنك يابوسيف واسعدني مرورك يامشرفنا

شرفني مرورك الغالي ياغالي

ولاهنت على كل حال


-

[ســـبــار ربــعـــه]

صح لسانك يا الهاجري وصح لسانك ياقلب ذيب وصح لسانك ياراعي جالود وصح بدني بالنيابه عنكم.:p

انا فخور بكل صقاقير مكشات كلهم وافين.


قلب ذيب,:D
هوا روحي المقناص والذاهبات انفوس.
الا وين ابا القا لي رفيقن على الشده.
:(

[أبو فااارس]

صح الله لسانك يالهاجري عز الله انكم مكسب انت وقلب ذيب وقصايد مسبوكه من الذهب هذا الشعر الحقيقي والنصح لأخوك المسلم حق وواجب والله يجنينا وإياكم عثرات الزمن ويسهلها بوجيهنا من حيث ماوجهنا

[قلب ذيب]

قلب ذيب,:D
هوا روحي المقناص والذاهبات انفوس.
الا وين ابا القا لي رفيقن على الشده.
اشهدانك وليده ياسبار ربعه ... باين البيت اعلاه اعجبك .. وتراك اول الفريق في المقناص والله يبلغنا ذلك .
حقيقه هذا المنتدى شامخ بالرجال الطيبه التي تجتمعلى المحبه في الله , انا سعيد بتواجدكم وطرحكم الصادق
للجميع محبتي في الله .

[abo_Majed]

صح لسانك ولا يهون قلب ذيب

[عبدالله بن الشيخ]

صح السانك يالهاجري , وصح السانك ياراعي جالود , وصح السانك ياقلب ذيب

الحقيقة استمتعت بقراءة قصائدكم القوية والمعبرة والجزلة

فالكم البيرق والحباري

وحبيت أجاريكم لأني تحمست اشوي :

يالربع ذالهاجري نظمــه طريــب ** شاقني والنفس في غربالها
كنِّي مريِّح على مــــــايٍ سكيــب ** جاريٍ متناثـــــرٍ شلالــهــا
وانتظر جمر الغضا عقب اللهيب ** وآتفنجل جازلـــــي فنـجالها
صح قولك صح نصحك يـالعريب ** لاتَّعدا ديرتك وظلالــــهـــــا
إن بغيت الشور بس خلِّك قريب ** والفرس ياخوك من خيَّالها

وسلامتكم ,,, وسجلوني معكم ههههههه

[البروالطير]

الحمد لله الذي هدانا
الحقيقه وضعنا وضعٍ صعيب والشعوب الثايره يرثى لها
مارضيني القهر والذل يالحبيب
والحرة يفزعولها اعيالها

[ابو شلايل]

ما شاء الله عليكم قصائد جزله وردود رائعه
بعد سماع قصائدكم فاضت القريحة بما لديها
فأرجوا ان تكون قصيدتي تليق بمقامكم

ابتدي ذا النظم بسم اللي يجيــــــب **** عبده الي غارقن بوحالهــــــــا
ربي الله يسمع و مني قريــــــــــب **** اطلبه عفون يزيل اثقالهــــــــا
القنص ياخوك بالديرة عجيــــــــب **** اسأل مجرب يجيك بحالهــــا
شفت شيًّ يجعل الشايب شبيــــــب **** شاعرن يا خوك ما قد قالهـــا
يوم تلقى الجرة يطمرلك غريـــــب **** يحلف برب الحباري وآلهـــــا
انه امعينها مالك بالنصيـــــــــــــب **** يطردك روَّح تراني بجالهــــا
اما انه قانص بليلن سريــــــــــــب **** امتخفي يسري بين اعبالهــا
او كذوبن طامعن بالي يجيـــــــــب **** حظه العاثر عسى بوبالهـــــا
وباقي الايام هم حظك سليـــــــــب **** مفلسن متكسرن برمالهـــــــا
ما هنا الا جرة الحصني دبيـــــــب **** والوحش متملعن يشقالهـــــا
اسمع لشوري ترا قولي عريــــب **** للإجازة خذ وشد حمالهـــــــا
صوب قفرن تسمع بشعبه قنيـــب **** صوت ذيبن والصدى فجبالها
تلقى سبع خراب في منظر مهيب **** تو ما شفت الحبر واجوالهـــا
اسمع لشوري ترا قولي عريـــب **** للإجازة خذ وشد حمالهـــــــا

[قلب ذيب]

لله يحييك الشاعر / ابوشلايل .
حقيقه هالقصايد اكشفت لنا شعرا كثيرين في هذا المنتى الجامع .
صح لسانك ابيات جزله من شاعر متمكن .
في انتظار جديدك .
تقبل تقديري .

[الصقر الأشقر]

صح لسانك...ومشكور على النصيحة في مكانها ...الله يعطيك العافية

[ابو شلايل]

لله يحييك الشاعر / ابوشلايل .
حقيقه هالقصايد اكشفت لنا شعرا كثيرين في هذا المنتى الجامع .
صح لسانك ابيات جزله من شاعر متمكن .
في انتظار جديدك .
تقبل تقديري .


يا هلا ومرحبا يا قلب ذيب ,,,
وما عليك زود واحنا بنتظارك ,,,
حياك الله

[الهاجري ج]

صح لسانك يا الهاجري وصح لسانك ياقلب ذيب وصح لسانك ياراعي جالود وصح بدني بالنيابه عنكم.:p



انا فخور بكل صقاقير مكشات كلهم وافين.



قلب ذيب,:D
هوا روحي المقناص والذاهبات انفوس.
الا وين ابا القا لي رفيقن على الشده.

:(




صح بدنك ياسبار ربعه دبل وماعليك زود يالسنافي


شرفني مرورك يالسنافي

[الهاجري ج]

صح الله لسانك يالهاجري عز الله انكم مكسب انت وقلب ذيب وقصايد مسبوكه من الذهب هذا الشعر الحقيقي والنصح لأخوك المسلم حق وواجب والله يجنينا وإياكم عثرات الزمن ويسهلها بوجيهنا من حيث ماوجهنا





صح بدنك يابو فااارس

والمكسب تواجدك ومداخلاتك وكلامك الطيب

شرفني مرورك واعجابك بالقصايد

[الهاجري ج]

قلب ذيب,:D

هوا روحي المقناص والذاهبات انفوس.
الا وين ابا القا لي رفيقن على الشده.
اشهدانك وليده ياسبار ربعه ... باين البيت اعلاه اعجبك .. وتراك اول الفريق في المقناص والله يبلغنا ذلك .
حقيقه هذا المنتدى شامخ بالرجال الطيبه التي تجتمعلى المحبه في الله , انا سعيد بتواجدكم وطرحكم الصادق

للجميع محبتي في الله .




أحبك الله الذي احببتنا فيه

وفعلاً هذا المنتدى ميزته انه كل يوم يزيدك من معرفة الرجال اللي فيهم خير
نحسبهم كذلك والله حسيبهم

وسبار ربعه يبي له شغل

[الهاجري ج]

صح لسانك ولا يهون قلب ذيب



صح بدنك يابو ماجد

ولاهنت طال عمرك على الطاعه

شرفني تواجدك

[الهاجري ج]

صح السانك يالهاجري , وصح السانك ياراعي جالود , وصح السانك ياقلب ذيب

الحقيقة استمتعت بقراءة قصائدكم القوية والمعبرة والجزلة

فالكم البيرق والحباري

وحبيت أجاريكم لأني تحمست اشوي :

يالربع ذالهاجري نظمــه طريــب ** شاقني والنفس في غربالها
كنِّي مريِّح على مــــــايٍ سكيــب ** جاريٍ متناثـــــرٍ شلالــهــا
وانتظر جمر الغضا عقب اللهيب ** وآتفنجل جازلـــــي فنـجالها
صح قولك صح نصحك يـالعريب ** لاتَّعدا ديرتك وظلالــــهـــــا
إن بغيت الشور بس خلِّك قريب ** والفرس ياخوك من خيَّالها

وسلامتكم ,,, وسجلوني معكم ههههههه



وآتفنجل جازلـــــي فنـجالها

صح لسانك ياابن الشيخ وجزله من جزل

اسعدني انك استمتعت بالقصايد

جزاك الله خير وشرفني تواجدك

[الهاجري ج]

الحمد لله الذي هدانا

الحقيقه وضعنا وضعٍ صعيب والشعوب الثايره يرثى لها
مارضيني القهر والذل يالحبيب
والحرة يفزعولها اعيالها





مرحبا مليون يأحفاد البطل الشهيد عمر المختار

ابطال وشجعان ودحرتوا الطاغيه وبيضتوا وجيه المسلمين جميعهم

انتم لنا قدوه ومضرب مثل في الشجاعه يأهل ليبيا الحره

وترى قصدي في البيت اللي يقول والشعوب الثايره يرثى لها ماحدث من مذابح وتخريب على ايدي الطغاه قبل التحرير ومايحدث الان في مصر وسوريا واليمن وغيرها من بلاد المسلمين لان دم المسلم غالي اخي في الله

أرجو ان لا يكون البيت جرح مشاعرك او ازعلك فانا كما قلت واقولها مراراً وتكراراً
انتم ابطال قبل الثورة وبعد الثوره ويكفيكم ان عمر المختار منكم

تحياتي لك ولاهلنا في ليبيا جميعاً

-

[الهاجري ج]

ما شاء الله عليكم قصائد جزله وردود رائعه


بعد سماع قصائدكم فاضت القريحة بما لديها
فأرجوا ان تكون قصيدتي تليق بمقامكم


ابتدي ذا النظم بسم اللي يجيــــــب **** عبده الي غارقن بوحالهــــــــا
ربي الله يسمع و مني قريــــــــــب **** اطلبه عفون يزيل اثقالهــــــــا
القنص ياخوك بالديرة عجيــــــــب **** اسأل مجرب يجيك بحالهــــا
شفت شيًّ يجعل الشايب شبيــــــب **** شاعرن يا خوك ما قد قالهـــا
يوم تلقى الجرة يطمرلك غريـــــب **** يحلف برب الحباري وآلهـــــا
انه امعينها مالك بالنصيـــــــــــــب **** يطردك روَّح تراني بجالهــــا
اما انه قانص بليلن سريــــــــــــب **** امتخفي يسري بين اعبالهــا
او كذوبن طامعن بالي يجيـــــــــب **** حظه العاثر عسى بوبالهـــــا
وباقي الايام هم حظك سليـــــــــب **** مفلسن متكسرن برمالهـــــــا
ما هنا الا جرة الحصني دبيـــــــب **** والوحش متملعن يشقالهـــــا
اسمع لشوري ترا قولي عريــــب **** للإجازة خذ وشد حمالهـــــــا
صوب قفرن تسمع بشعبه قنيـــب **** صوت ذيبن والصدى فجبالها
تلقى سبع خراب في منظر مهيب **** تو ما شفت الحبر واجوالهـــا

اسمع لشوري ترا قولي عريـــب **** للإجازة خذ وشد حمالهـــــــا





صح لسانك يابو شلايل ولاهنت

وللاجازة خذ وشد حمالها

شكلك ناوي تشلع يالسنافي....ههههههههه

شرفني تواجدك
ومداخلتك في الموضوع اضافت له الشيء الكثير من الجمال

[الهاجري ج]

صح لسانك...ومشكور على النصيحة في مكانها ...الله يعطيك العافية



صح بدنك يالحر الاشقر

اسعدني تواجدك

[البروالطير]

يا الف مليون سلام ومرحبا لخوي
الهاجري
ما اقول الا صح السانك واطال الله عمرك
انتو اهل الجود والقصيد والكرم
واشهد انكم فرسان اكرام
الله لا يجيب بيينا زعل يا خوي
واعتذر منك ان ضايقتك بشي بدون قصد
اخوك ابو محمد

[الهاجري ج]

يا الف مليون سلام ومرحبا لخوي

الهاجري
ما اقول الا صح السانك واطال الله عمرك
انتو اهل الجود والقصيد والكرم
واشهد انكم فرسان اكرام
الله لا يجيب بيينا زعل يا خوي
واعتذر منك ان ضايقتك بشي بدون قصد
اخوك ابو محمد




يامرحبا يابو محمد الغالي

ومداخلتك على العين والراس يالسنافي

ووالله اني احبكم في الله

والله يرزقنا واياكم الامن والامان والحباري والصيد


تحياتي لشخصك الكريم

-

[محمد الفهيد]

صح لسان الشعار وبيض الله وجيهكم

قصيد جزل وهيضتونا على المقناص
والهاجري كلامك ونصيحتك في محلها
وعسى الله يزين الامور

[القرناس المهاجر]

وان بغيت العلم والراي الصويب
............. لا تعــــدّا ديرتك وظلالها
رحت تبغى تصيب ثم ترجع صويب
............. والجمال استبركت بعقالها
الربيع يثور وثوراته تصيب
............. والبنادق ثورت في جالها
والعدو من حولنا رز الصليب
............. والروافض شغلت عمّالها



نصيحة من حكيم .. لاهنت ولاهانوا الربع كلهم


وهذا دليل حرصك على إخوتك .. جزاك الله كل خير


تحياتي وتقديري ,,

[الهاجري ج]

صح لسان الشعار وبيض الله وجيهكم



قصيد جزل وهيضتونا على المقناص
والهاجري كلامك ونصيحتك في محلها

وعسى الله يزين الامور




صح بدنك يامحمد الفهيد ووجهك ابيض

شرفني مرورك يالغالي

[الهاجري ج]

وان بغيت العلم والراي الصويب

............. لا تعــــدّا ديرتك وظلالها
رحت تبغى تصيب ثم ترجع صويب
............. والجمال استبركت بعقالها
الربيع يثور وثوراته تصيب
............. والبنادق ثورت في جالها
والعدو من حولنا رز الصليب
............. والروافض شغلت عمّالها



نصيحة من حكيم .. لاهنت ولاهانوا الربع كلهم


وهذا دليل حرصك على إخوتك .. جزاك الله كل خير



تحياتي وتقديري ,,




أرحب يالقرناس المهاجر وماعليك زود يامشرفنا الغالي

مرورك شرفني واضفى على الموضوع نكهه خاصه

لاهنت يالسنافي