ثقل وعدم السرعه جكسار2005 [الأرشيف]

البرفسوررر

12/07/2012, 07:25 PM

السلام عليكم ورحمه وبركاتهاخواني عندي الجيب جكسار 2005
ذهبت فيه الي الطايف وبعده صار مايمشي غير 120سرعه
ومايحب الطلوع ضعف في السرعه والتبدلات كويسه مايصل غير 120
وذا دعست عليه يخذ نمره وياخذ بنمره وسرعه مايتعداها 120
ولايتعدا كنه محمل ومادري ويش الحل فيه ناس يقولو غير الفلتر
ونا مغير الفلتر وزيت قبل سنه ونص. افدونا ياهل الخبره
الله يجزاكم خير بسرع وقت تكفون

البرفسوررر

12/07/2012, 08:40 PM

وينكم ياهل الخبره

sgl2002

12/07/2012, 08:40 PM

اذا رجعت الرياض جرب موترك مره ثانية او في اي منطقة نازلة مثل جدة او غيرها

لان السيارات في الاماكن المرتفعه يقل عزمها وانا في ابها الحين الموتر ميت يالله يمشي

ولا رجعت الرياض رجع غزال

البرفسوررر

12/07/2012, 08:43 PM

انا بالمدينه وعزم الموتر طايح مايجيب غير 120 وذادعزت للموتر ياخذ نمره ومايديد وعزمه ميت

جي اكس ار2000

12/07/2012, 10:07 PM

تاكد لايكون البنشري ترك قطعة القماش ودخلت مع البخاخ او لايكون فلتر الهواء متسخ اوصفاية
البنزين مليانه رمل وكذلك جرب التانكي الثاني ثم حول على الاول
عموما الله يسمح امرك

قناص*07

12/07/2012, 11:50 PM

اخي صارة معي في ابها قبل 3 سنوات بجيب والله ما كنت اخذ الطلعه الى بالدبل الخفيف في غالب الاوقات

وغيرت اسلاك البواجي وضبطة السياره ولله الحمد

خبايا انسان

12/07/2012, 11:54 PM

مغير الفلتر قبل سنه ونص !!! ماشاء الله فتره طويلة جدا

غيره ياخي وش بيضرك ؟ اكله الزمن

كاشت وحداني

13/07/2012, 12:14 AM

سنه ونص
فلتر وزيت ممن سنه ونص
قل غيرها. يارجال
تم الإرسال من جهازي GT-I9300 بواسطة تاباتوك 2

البرفسوررر

13/07/2012, 12:45 AM

الله يجزاكم خير
اليوم شريت بواجي وركبتهااااا ونفس المشكله
وبكره بغير الزيت والفلتر وبشوف

بس يربع الموتر ماتغير عليه غير يوم جيت من الطايف

يخذ التبدلات كلهاااااااااااا ميه علي ميه بس مايدنااااااا الطلوع يجيب 120 وذا دستله يغير انمره ولايزيد
والموتر معي له خمس سنين والفلتر دايم ماغير غير علي سنه ونوب علي سنه ونصف
ونا خايف يكون الجربكس يبغا توضيب ويكلف يقلون
القير تماتيك للمعلوميه

abohmad

13/07/2012, 12:55 AM

عموما التيوتا موتر ثقيل

يالبى الهلا

13/07/2012, 01:05 AM

الموتر يبغاله تصفية مكينه من بواجي الى تشيييك على الكويلات الى حساسات الماكينه الافضل تفحصه عن طريق الكمبيوتر وعند واحد فنان والافضل عند فلبيني

يالبى الهلا

13/07/2012, 01:06 AM

ومن ثم ابدا فحص القير

يالبى الهلا

13/07/2012, 01:11 AM

بعض الشباب عنده ان تصفية المكينه هي الدعس على الخط ويلعن جدفه ويقول تصفية الماكينه الأ هلاك الماكينه
التصفيه هي استبدال الفلاتر البنزين ومن ثم تغيير فلتر الهواء والبواجي وفحص الكويلات وهل هناك تهريب للكهرباء او قطع للوايرات وهلم وجرى الى ان تتضح العلهِِ

البرفسوررر

13/07/2012, 02:38 AM

بارك الله فيكم بس الموتر صافي بشغله وممتاز لوفيه تهريب كهربا كان يتفتف
حتا يوم اشغله من اول سدقه يشتغل

جي اكس ار2000

13/07/2012, 02:31 PM

فك خرطوش البخاخ الكبير يمكن داخل شي غير فلتر البنزين
غير نوع الوقود الى 95 وجرب
يمكن البواجي راس واحد والمفروض راسين

يالبى الهلا

13/07/2012, 05:31 PM

ابقولك شغله صارت معي وانا اغير البوجي لسيارتي طاح البوجي من يدي اسفل الماكينه وبالاحرى على الارض والبوجي جديد فقمت نفظته من التراب واعدت تركيبه ولم انتبه له واشغل الماكينه وامشى على الطريق ادعس مافيه عزم ويادوب تاصل السرعه الى 100كم ؟
البواجي جديده وبدل مانصلح خرب الموتر ومنه ومنه ويش لقفني وابدل البواجي السياره ماشيه زي الحلاوه والله من الحظ الاقشر واقعد الوم نفسي مالكم بالطويله وادخلها بالطبيله وابدا بفك البواجي والقاؤء البوجي اللي طاح اسفل منطعج الحديده الشراراره الى الفحمة واعدلها واركب من جديد واشغل واجرب الموتر والامثل الالف يعطي ويزيد السرعه ؟
ففمك مشكلتك من اللي ركب البواجي ماركب عدل او غير الرقم التسلسلسي للبواجي وحاس ام الدنيا حاول انك تاخذ البوجي القديم وتطابقه مع البوجي الجديد ؟

عبدالله العمرو

13/07/2012, 05:58 PM

أخي : يبدو انك تقصد زيت وفلتر الجيربوكس وليس المحرك .... إذا كان المحرك فقد ظلمت موترك وكثر خيره إن مشى معك ....

أما بالنسبة للمناطق المرتفعه فكما تفضل الأخوان طبيعي ينقص عزم السيارة لقلة الأوكسجين في الهواء ...

الشيء الثاني وهو مشكلتك : هناك مشكلة لا ينتبه لها أحد وهي انسداد الشكمان بسبب تكسر الشبك الداخلي ويتراكم حول الفتحة فيكتم ضغط السيارة مع ان كل شيء صافي في المحرك .....

فقد تأكد من الشكمان إن كان العادم يخرج كامل أو تشعر بأنه مكتوم .... ولعل ينفعك ....

تحياتي /

قناص*07

13/07/2012, 06:26 PM

لا تنسى ان الاوكسجين و الضغط في المناطق المرتفعه اقل. وهذا سبب اخر وكبير في ضعف العزم

وجعين

13/07/2012, 08:53 PM

انا ابخالف الاخوان كلهم اول شي شغل السياره وفتح الكبوت شف المكينه اذا كانت مهب صافيه وتهزهز ترى عندك مشكله بلكهرب او لي هوا من الليات الصغيره الي تدخل لثلاجه منفصل اذا المكينه صافيه البلا بلقير تلقى كلتشه منتهي او مشكله بترس حق الخامس او ترس الرابع مادري التماتيك هو4 او5 غيار .هذا الي عندي

البرفسوررر

14/07/2012, 12:11 AM

بارك الله فيكم اخواني علي تجاوبكم مع موضوعي
اليوم غيرت زيت الجربكس مع الفلتر وغيرت فلتر المكينه ونفس المشكله تحسن بصيط مايذكر
ونا الان بالمدينه المنوره ومافيه طلوع عندنا الموتر تغير علي بعد مارجعة من الطايف صوت المكينه صافي مافيه شي وتبديلات ميه علي ميه بس اي طلوع يفتر عزم الموتر وذا مافيه طلوع يصل الي ميه وربعين وذاقابل طلوع بصيط يخف عزم الموتر وكل واحد يقول واحد يقول غير اسلاك البواجي واحد يقول غير الكويلات
ونا بكره بكشف عليه كبيوتر وقولكم ويش يصير معي
الله يسرها لنا ولكم يارب وشكر كل واحد رد علي الموضوع
بارك الله في الجميع

sgl2002

14/07/2012, 12:22 AM

ياليت بالطريق تشيك على طرمبة البنزين والصفاية لانها الاقرب للمشكلة

وجعين

14/07/2012, 02:46 AM

عندي مكسيما كانت تسابق الريح وله تقريبا شهرين طايحن عزمه ولا تعدى سرعته 190 رغم اني قد جربتها قبل كم سنه على طريق سريع لمره واحده كانت تصفط250 الله يكفينا شر السرعه المهم توقعت ان البلا في البخاخات وصدق توقعي فكيت الفلتر حق البخاخ وجبت البخاخ ابوعشره ريال وشغلت السياره وبخيت بلخرطوش الي رايح للبخاخات وفضيت نص اللعلبه مع الدوس لسياره والله ياجماعه السياره رجعت وكاله وصافيه لانه يكون داخل اتربه مع بقايا زيت والبخاخ هذا يسلته سلت جربت السياره يوم تعدت ال200 هديت عرفت انه زبطت .ونت غير فلتر البنزين ضروري

رحال الجوف

14/07/2012, 12:14 PM

اخوي البرسفورر
انا صارلي عطل 80% مشابة لما حصلك والفرق اني لاطفية الموتر وشغلتة يرجع وكالة وبعد فترة تنعاد الكرهـ و
الى الان ونا ابحث عن حل وماوجدت حل ولاحول ولاقوة الا بالله

في النص الاسفل فيه كل ماحصل معي

رد: هنا :- رابطة ملاك و عشاق و محبي ( الشاص )
يارجال عندي مشكلة وهذي مشكلتي مع شرح وبيدة حيلي لاحول الله

الجيب يكتم يعني فجاءه ادعس مايدعس لوتدوس كامل الدعسة اذا اتعدا بثاني عشرين زين
وذا طفية الجيب وشغلتة يرجع ومثل الوردهـ والان لها شهرين تروح وتجي وللعلم يقعد ينتع من غيار لغيار كأنة يطفي
ويشتغل نتع لدرجة خفة القير يتأثر وامبير الظغط قبل لايكتم ينزل قبل الصفر ويظل الجيب ماتقل له صوت لين ماتجية مصيبتة ويكتم ولابد ان اعيد تشغيل الموتر ويرجع طبيعي فتره ويعيد الكرهـ والله شيبتبي هالمشكلة

الي يعرف المشكلة لايقصر وجزاه الله الف خير

الموتر شاص 2011 سعودي

ساري 111

14/07/2012, 02:54 PM

اتوقع والله اعلم المشكله بخرطوش الهواء الكبير اللي بين الفلتر والثلاجه فيه فتحه تهرب هواء

فكه وتأكد منه وسعره مهب غالي بحدود 150 واكثر من ينشق الجزء اللي فوق الراس بالضبط لانه قريب من الحراره

قناص*07

14/07/2012, 06:13 PM

ابوراكان تبوك

15/07/2012, 12:34 AM

غير صفايه بنزين انا مأخذها وكاله بـ 125 ريال وطقم بواجي ngk بـ 54 ريال وفلتر هواء صدقني بيفرق معك كثير حتى لو الخلل مو منه ولو القير فيه مشكله بيقطع معك في الطلوع

البرفسوررر

16/07/2012, 12:07 AM

جزاك الله خير

قرم البر

16/07/2012, 06:22 AM

انا جان نفسك تقريبا وديت موتري لبريدة وظبت الكلشات ب4500 ورجع الخراب نفسه بعد 6 شهور وظبتهن تانيه بالزياض بالصناعيه القديمه ب2500 بس هذانفس الي وديت له موتري اسمه سمير 0503440189 ان شاء الله يفيدك بعد اذن الادارة

نجم قطر2

17/07/2012, 06:44 AM

السلام عليكم اخوي جرب تغير القزوز الامام قزوز الكربون الصغيرة وبيرجع عزم موترك زي ماكان هذي مشكله ٢٠٠٣ الى ٢٠٠٧ وبتوفيق للجميع

bader7787

17/07/2012, 11:57 AM

معليش بس انا الي فهمته انك مسافر يمكنك راص موترك عفش واوادم طبيعي يطيح عزمه

البرفسوررر

21/07/2012, 07:16 PM

يربع السلام عليكم ورحمه الله وبركاته
تقبل الله منا ونكم الصيام والقيام ياااااااااااااارب
وبارك عليكم الشهر

اخبار الموتر
كشفه عليه كمبيوتر عند فلبيني بالمدينه ويقول مااابهاااا شي ميه علي ميه
وقالي واحد غير الصفايه حقه البنزين وغيرتهاااااااااا
ونفس المشكله

والموتر مكربن ماااتجلس ثانيه وراه بدون دخاااان بس ريحه كربووووووووون والكربون هذا والله له فتره معي

ويش رايكم ينشاااااما لموتر تراه طفشني مابقي غير اوضب القير