افيدوني بخصوص الدربيل للبندق وينكم ياهل حايل

[مكشاتي 2011]

السلام عليكم ورحمة الله وبركاته

كيف الحال ان شاء الله طيبين

انا بغيت دربيل لديانا 27 وشافضل دربيل


تخبرون حايل مابها شي. فابي احسن دربيل بحدود250

وش احسن قاعدة وين المحل الي يكون موجود فيه وش افضل مقاس

بنتضاركم يالنشاما

[الشهري0]

والله يا أخوي ودي أفيدك بس أنا مالي خبره في النواظير وما يحتاج ناظور لـ27 إنشاءالله يفيدونك الأخوان. وسامحني ؏ القصور.

[مكشاتي 2011]

سررت بمرورك اخي الشهري

بس انا جازم

[مكشاتي 2011]

لرررفع:f:f

[مجنـ قطا ــون]

لرررفع:f:f


يفيدونك الاخوان ان شاءالله

[صياد الجبل]

دربيل على 27 هههههههههههه

يارجال مافي مثل النيشان اوزنه وتصير اموركم تمام الدربيل ابعد عنه

[مكشاتي 33]

اقوووول اخوي مكشاتي 2011
انصح وانصحك لا تحط االمنظار لانه خياس على 27 لانها مافيها قوة اسأل مجرب
انا شريت الدربيل بحدود 170 لاكن القواعد ماتضبط وتختلف شوي قلت المنشاف ابرك واحلا
والمنظار مايصلح الا على القويات
وتقبل مروووووووووووووري

[بارق الحفن]

وعليكم السلام ورحمة الله وبركاته
أنصحك كما ذكر الاخوان لا تحط دربيل
وإذا أنت ناوي دربيل خذ(صاب-ألماني)تحصله عند سنام على حد علمي
ودي

[ابو السمك]

الاخ مكشاتي حسب تجربتي الاخوان الي قالوا لك الدربيل مايصلح على الهوائيه كلامهم صحيح بتتعب مع الهوائيه بدربيل لان ارتدادها قوي شوي مقارنه بالخرازه
ارم على المنشاف اوزنه صح وان شاء الله يرزقك وفر فلوسك
والهوائيه 27 للمدى القريب يعني ما يحتاج دربيل والله اعلم

[اتحشى الهم]

عنديلك دربيل زيد الصغير بقواعده ابيه 90 ريال مستعمل يوم كان لك شف ردلي خاص انا من حايل

[قناص الديسه]

دربيل على 27 هههههههههههه

يارجال مافي مثل النيشان اوزنه وتصير اموركم تمام الدربيل ابعد عنه



يعني أنت ميتن من الضحك !!!
الرجال يسأل قال أبي دربيل يقوا يخليه بدون دربيل


أخوي كانك تبي دربيل طيب وعند محل رح يم ابن محارب ولا نيشان بسوق الغنم القديم حول برزان
ولا سحايب اللي على شارع فهد العريفي

[sweft]

انا شريت دربيل سويفت من محل الهدف بــ 350 كوري (4*32)

ركبته على ساكتون 36....له سنة مركبة و الى الان ماحصله شيء

اوزنه صح و اهم شيء قواعد الدربيل(الرينق) يكونن اصليات..

مكان المحل مقابل حديقة الزيتون غرب الاشارة...و بالتوفيق

[الصميغي]

هلا فيك اخوي

وش تبي بأهل حايل اذا حايل ما فيها اللي تدور عنه ؟

[هواااوي01]

هلا فيك اخوي

وش تبي بأهل حايل اذا حايل ما فيها اللي تدور عنه ؟

وش اللي رافع ضغطك والله عجيب أمرك

[SHAAIFK]

اذا تبي النصيحه لك ولغيرك عشان يستفيد


انا خبرتي ولله الحمد بأكثر انواع الاسلحه
وجربت اسلحه لا تخطر ببالك


والهوائيات لا تعد ولا تحصى
شريت وبعت واستخدمت وجربت


اكثر المقاسات من 20 سنه وزود
ولا هو مدح ويشهد الله على كلامي


ولكن من باب حب لاخيك ماتحب لنفسك


الهوائيات القديمه بصفة عامه لا تحتاج للدربيل
لان المدى قريب جداً بالنسبه للضريبه
وقد يحتاج البعض الدربيل لضعف في النظر
او بسبب الاهتزاز والرجفه عند القنص


وحالياً يوجد الساكتون الماغنوم 350
هذي بسبب ثقل وزنها وانا اعتبرها افضل ساكتون الى اليوم
ولا تقارن بأي هوائيه اخرى
ولله الحمد الان اكثر من 7 سنوات ماشاءالله تبارك الله


لم أشتكي منها ولم أفكر أستبدالها [ بأي هوائيه أخرى ]
وركبت عليها دربيل وماشاءالله تبارك الله
كبرت في عيني وصارت الرفيق والخوي مع الخرازه في كل طلعه


وهذا موضوع لطريقة تثبيت الدربيل لها والجميع أستفادو منه


http://www.mekshat.com/vb/showthread.php?t=507971 (http://www.mekshat.com/vb/showthread.php?t=507971)


نجي لاستفسارك عن الديانا 27


اخي الكريم افضل هوائيه نزل بالديانا 27 الى يومك هذا
ونصيحه نصيحه لا تفرط فيها أبداً واهتم بصيانتها ونظافتها


وكل ماهتميت فيها كل ماخدمت معاك سنوات قادمه
يعيبها شي واحد فقط (( المدى )) للضريبه بأنها بتكون بعيده
وقد تصاب الضريبه وقد لا تتأثر الا في حالة كانت قريبه منك


على العموم فيه معلومه لك وللجميع


سبب ضعف السسته ( او السبرنق ) للهوائيه هو


كسر الساكتون ووضع الرصاصه اكبر وقت ممكن بدون اي استخدام


مع الايام ستلاحظ ان قوة الساكتوون بدأت كل يوم ورى يوم تضعف وتضعف


فحاول عند تعبئة الساكتون برصاصه ان تضمنها بكسرها واعادة تثبيتها بالزناد


بعد كذا ستدوم معاك اي هوائيه لسنوات طويله بدون الحاجه لتغيير السسته نهائياً


سامحوني طولت عليكم


في امان الله

[الصميغي]

وش اللي رافع ضغطك والله عجيب أمرك


هلا اخوي هواوي ...الله يكفينا شر الضغط ...

المسألة وما فيها اقرا العنوان خصصه لاهل حائل ..وبعدين اقرا اللي كتبه

تخبرون حايل مابها شي. فابي احسن دربيل بحدود250

يعني لو وجه الامر بشكل عام يكون افضل
هاذي المسألة .. واذا عندك امكانية مكن تساعد الاخ ما دام انت بحائل ;)

[هزاع المطيري]

طيب انا عندي فايروخ 30 وش احسن دربيل لها ,