عنود الصيد (مكرم الضيف)

[مكرم الضيف]

http://www.mekshat.com/pix/upload01/prof022/mk138009_thomson.jpg


لا ياعنود الصيد خلك بعيده***حاولت اردك لكن براسك عناد
ترى الطوارد قانصين الطريده***البندق مزهب والاصبع على زناد
وانتي على بعض الشرايك جديده***صرتي هدف مرصود من كل صياد
يشفق عليك اللي كتب بك قصيده***اللي عيونه عافت النوم بسهاد
فيك البراءه يوم شفتك وحيده***القلب فز وصابه لحالك اجهاد
قام يتصافق بالضلوع الشديده*** اللي ترده مع تسلات الاجواد
دمعي على عيني حشا ماتريده***ظبي الفلا روح عن عيون الارصاد
لاشايل سلاحي لصيدن بصيده***ولاني من اللي للجفيلات حصاد
ان كان جيتي طلتك لي سعيده***في روضتن زانت بها العشب يزداد
لكن حذارى ترتعين وفريده*** خلك مع امك واسمعيها بلا عناد

[مكرم الضيف]

كل عام وانتم بخير

سوف اتوقف بمشيئة الله عن كتابة القصائد في شهر رمضان المبارك ماعدا كتابة الردود للقصائد او ماشابهها

تقبلوا تحيتي لكم جميعا

[مدهـوش]

صح لسانك


قصيده جميله ولاعجب منك العجب


ونسأل الله لك التوفيق والسداد وان يتم لنا رمضان ويجعلنا من صوامه وقوامه


تقديري لك

[مكرم الضيف]

حياك الله يابو سلطان وصح بدنك يالغالي

والله يعود الشهر الكريم علينا وعليكم بالقبول والغفران

تقبل تحيتي

[ذراع الذيب]

السلام عليكم ورحمة الله وبركاته..
مسيت بالخير يابونادر..

صح لسانك ملايين بس وين شفتها هههه وجعلك تسلم على هالدرر..
وفالك ابوالحكايا ومبروك عليك الشهر لاهنت وتحياتي لك..

[مكرم الضيف]

السلام عليكم ورحمة الله وبركاته..

مسيت بالخير يابونادر..


صح لسانك ملايين بس وين شفتها هههه وجعلك تسلم على هالدرر..

وفالك ابوالحكايا ومبروك عليك الشهر لاهنت وتحياتي لك..


حياك الله يابو ناصر وصح بدنك وصبحك الله ومساك بالنور والسرور. ومثلك عارف الشعراء يهيمون بكل وادي

والله يعيد الشهر علينا وعليكم بالقبول والغفران ونصر المسلمين المستضعفين في كل مكان

والله يجعل فالك وفالي ومن يقرا هذا ومن لايقراه الجنه بالفردوس الاعلى

[نديم المجره]

صح لسانك يابونادر
اثابك الله يابونادر على محاولة حماية العنود
بتعليمها حماية نفسها من الصياد
بعكس قصيدتك السابقه التي تعلم الصياد كيف يستطيع صيد الوعل
فانت مره مع الصياد ومره مع الصيده ههههههه
وفي هذه الحاله ترضي الطرفين
تحياتي

[يوسف الخليفة1]

حياك الله أخي العزيز مكرم الضيف

[عين هداج]

صح الله السانك قصيده جزله من شاعر جزل

[مكرم الضيف]

صح لسانك يابونادر

اثابك الله يابونادر على محاولة حماية العنود
بتعليمها حماية نفسها من الصياد
بعكس قصيدتك السابقه التي تعلم الصياد كيف يستطيع صيد الوعل
فانت مره مع الصياد ومره مع الصيده ههههههه
وفي هذه الحاله ترضي الطرفين

تحياتي


هههههههههه كشفتني جزاك الله خير على ردك العذب

وتقبل تحيتي

[مكرم الضيف]

حياك الله أخي العزيز مكرم الضيف


أبقاك الله يابو عبدالله وجزاك الله خير على مجهوداتكم انت وباقي الاخوان المشرفين في مكشات.

اخوك

ابونادر

[مكرم الضيف]

صح الله السانك قصيده جزله من شاعر جزل


صح بدنك اخوي وشرفني تواجدكم والجزاله انتم اهلها .

تقبل تحيتي

[س.س.التميمي]

صح لسانك يالامير