باترول 2009 مايشتغل

[جي ام سي 2002]

السلام عليكم ورحمة الله وبركاته
فيه جيب نيسان باترول 2009 كان فاضيه بطاريته مايشتغل الا بالنتش وشريت له بطاريه جديدة اصليه السيارة تدق سلف بس ماتشتغل يعني نفس تشغيلة اللي مافيها بنزين بس السيارة فيها بنزين ارجو من عندة خلفيه يدلني وله مني دعوة من القلب

[cz527]

تأكد من حجم البطارية الجديدة ((الامبير))بأنه نفس السابقة و أعتقد إنها80 امبير

الحاجة الثانية تأكد من كتاوت طرمبة البنزين مع الفيوزات اللي تحت الدركسون

تجيك خمسة كتاوتات هو اللي في اليمين العلوي على ماأعتقد...

[جي ام سي 2002]

البطاريه 80 امبير والفيوزات سليمه والفيوزات الكبار مااعرف افحصها علما ان السيارة لم تتعدى في ممشاها 50000خمسين الف كيلو فقط

[هدد ؟؟؟]

http://www.mekshat.com/vb/showthread.php?t=136877
بالتوفيق

[صباح القايله]

طيب يشتغل الحين بالنتش
ولا تكثر الدق عليه لانه يمكن يقفل عليك ويحتاج برمجه
وعلامة انه يحتاج برمجه اذا دخلت المفتاح تصير لمبة السكرتي شغاله دايم

[ابوسند9]

اخوي
شوف الرابط اللى وضعه اخونا هدد
طبعا افتح الشويتش وفك غطاء الفيوز فقط وادخل مفك طويل و اطرق الفيوز طرق خفيف وبعدين شغل وان شاء الله يشتغل اذا المشكله من الكتاوت

[abohmad]

حلك عندى وانا اخوك فية كتاوت تحت السكان هو اللى مسول عن تشغيل السيارة انا عندى فتك 2008 وحصلت معى يدق سلف ولا يشتغل وديتة الوكالة وبدلو الكتاوت 40 ريال وشغل ايديهم 50 ريال واشتغل ولله الحمد اخوك ابو حمد

[عاشق الغضا]

المشكلة عندك من الكتاوت وهو كتاوت طربه البنزين

[الطبيب]

حسب علمي .. المتواضع ..

إنه إذا تغيرت البطاريه .. يحتاج المفتاح للبرمجه ..

قبل لا تفك وتتخسر.. جرب برمجة المفتاح ..

الموتر جديد ما أعتقد الفيوزات ضربت أو انقصت ..

الموضوع بدا معك .. بعد تغيير البطاريه ..

هذا والله أعلم
والسلام ختام

[the one_n]

السلام عليكم

اخوي ان حصلت معي نفس المشكله وذقت الامرين عشان احل الموضوع هذا واللي حصل على ما قالو الشباب

الكتاوت هو سبب المشكله واللي طلع معي ان الكتاوت ما يوصل كهرب لاسباب اما انه فتحت القاعده حقت الكتاوت كبيره او العكس او يكون النحاس حق القاعده راجع شوي

اتوقع الكتاوت اللي عندك مافيه شي لكن حاول انك تضغط عليه وتدق سلف عشان تتأكد وحاول توسع نحاس القاعده الموضوع ان شاء الله سهل بس لا تتعدى الكتاوت مشكلتك بالكتااااااااااااااااااااوت لا احد يقولك بخاخ وبطارية ودينمو

موفق خير يارب اني افدتك