استفسأر ياهل الهوائيات تكفوون

[خالد العطااوي]

سلام عليكم ورحمة الله وبركته
كيفكم عساكم بخير
انا كنسلت الساكتوون 90صاب اسباني
وشفت ناس ماتمدحها وكلمت صاحب المحل قال بيجيني ديانا ماقنوم 350
وانا اشوف الناس يمدحونها
يقول بتجي فيبر وخشب
الفيبر ب 1650
والخشب ب 1900
وش تنصحووني يالربع
ابيلي وحده لي وولزمن هل الفيبر يصبر سنوات
تكفووون عجلو علي بالرد

[خالد العطااوي]

ترا الدعوه اساله مو طالبن منكم دينه يمرون ويسحبون 12
ولا احد جاوب انا ماجيت هنت الا ابي احد يفيدني من هل الخبره

[خالد العطااوي]

باخذ ديانا 350 ماقنوم ماعمري شريت هووائيه ×
ومتحير بين الفيبر والخشب الخشب نفسي فيه بس غالي 1900 والفيبر 1650
ارجو من التخوان الافاده هل الفيبر يصبر سنوات ؟ وخرابها كثير ولا لا . ولا نفس الخخشب ؟
والقوه نفسها ماتغير وبحط ناضور بعد

[اورنس الشمري]

الديانا والفايروخ هن الي عليهن العلم ..

لكن قلي وش تبي تصيد علشان أعطيك الحجم المناسب

[مكشاتي 33]

اسمع اخوووي خااالد العطاوي
كانك عااازم على شراها وتتحمل ثقلها اشرها والفيبر اخف من الخشاب
وكان صيدك طيور عادية مثل الدخل والصفاري القماري اشرلك 35 تراها حلوة بالحيل

[Khaled_R]

الخشب اجمل واغلى

لكن الفايبر يتحمل كرف ومخوش ويكون عادة مقاوم للكسر .. وسعره احسن

[خالد العطااوي]

بيض الله وجيهكم ومن ناحية الصيد قماري وصفار وكل شي ينصاد ابيها
بس يالربع ابيلي وحده توصل بعيد وانا معزم ع 350
وبصيد بها حجل وقماري وقطا وصفار ويمكن تمسك معي ضبان اذا الناريه ماهي معي
هههههه يعني بخليها عوضا عن الساكتون الناريه لان تعرفون ألرصاص كل ماله يغلى
لكن افيدوني في 350 كيف
فعلها في الرمي من بعيد وقريب ؟؟
هل هي صبووره ؟؟

[altoop]

البندق ماعليها كلام قوة وسوق وجودة نرى وزنها اخف من الفايروخ 80 واقوى منها بكثير
لها عندي اربع سنوات ماشكت من شى .
ومن ناحية الخشب والفيبر انت وذوقك والا كلها واحد اذا عندك دراهم خذ الخشب واذا تبي توفر خذ الفيبر . وسلامتك

[خالد العطااوي]

التوب هذا الكلام اللي يجمد ع الشارب وبيض الله ووجهك
واحتري هالاجابه من اليوووم وبإذن الله بشتريها في الاسبوع ذا
ومشكورين ع المروور

[مكشاتي 33]

بس انا خوفي اذا بتغير عليك الوزنية
لاني شاورت وااحد قبل مااشريخا قالي لا تاخذها لانها تتغير وزنها على طوول

[مليح البآرود]

اسمع اخوي للاسف ما اخد شرح لك صح ما قصروا الشباب عساهم على القوة.
الديانا من الناس اللي مقتنيها الى اليوم ولاكن اقولك فيها عيوب وهي:
1- الزناد بلاستيك لو تأمن الزناد وتضغط عليه راح ينكسر معك الزناد
2- النيشان الحديث يتحرك يلزم تثبيته جيدا.

وهاذي بالموديل الجديد يعني القديم هو افضل من الجديد
وانا انصحك بفايروخ 80 اترك عنك اللي ثقيله اهم شي الجودة
وانصحك بالفايروخ بكل قوووة.

[خالد العطااوي]

بيض ألله وجيهكم ع الرد ومشكورين
ويامليح البارود مشكوور ع ردك وانا رجالن بقنيها ولالقيت فايرووخ بالطايف

والحين لزمت ع الديانا 350
ويكفي انها الماني
وتحياتي لكم

[شاهين12]

اسمع اخوي للاسف ما اخد شرح لك صح ما قصروا الشباب عساهم على القوة.
الديانا من الناس اللي مقتنيها الى اليوم ولاكن اقولك فيها عيوب وهي:
1- الزناد بلاستيك لو تأمن الزناد وتضغط عليه راح ينكسر معك الزناد
2- النيشان الحديث يتحرك يلزم تثبيته جيدا.

وهاذي بالموديل الجديد يعني القديم هو افضل من الجديد
وانا انصحك بفايروخ 80 اترك عنك اللي ثقيله اهم شي الجودة
وانصحك بالفايروخ بكل قوووة.




كلام صحيح .
وعندي ديانا 27من النوع الجديد.

تحاتي لشخصك الكريم...