خبرآء ترهيم الباترول ومجربين حيآكم

[ابو نايف الساري]

السلام عليكم ورحمة الله وبركاته

اخواني خبراء الترهيم استشيركم بفضل الله عليكم ثم بفضل خبرتكم ومعرفتكم التامه بامور الترهيم


قدر الله علي وضربت مكينة الجيب باترول 92 واحترت هل اوضبها او ارهم مكينة لكزس او تايوتا

وانا خايف من مكينة الباترول لانها كثير اعطال والحقيقه ابي المشوره عن تجربه

وابيها حقت استخدام يومي ومكاشيت وسفريات واهم شي قليلة اعطاااااااااااااااااال

انتظر نصايحكم الطيبه يالطيبين

واذا كانت مشورتكم الترهيم ياليت لو تحددون نوع المكينه و تدلوني على افضل ورشه ترهم

وجزااااااااااكم الله الجنه

[وبل نجد]

ما انصحك بالترهيم ماعمر الترهيم يجيب الاقتصاد ماوراه الاالخساير

وضب مكينة البلد وركب هدرز عليها. وتطلع حلللوه

ومعروف مكاين البلد ٤٢٠٠ صبوورره جدا

وجهة نظري<<

[مهزوز]

نصيحه اخوي ابو نايف لاترهم وضب مكينة شد البلد الترهيم ماوراه الاالخساير اسال مجرب اذا تبغا موترك يصير خفيف ركب فرارات +هدرز+ فلتر+ مراوح وريح راسك مجرد نصيحه

[sgl2002]

مكاين الباترول معروف ان مابها مشاكل وتصبر صبر الجمل

بس اهم شي حافظ عليها من الحرارة

والترهيم دوخة ويبيله واحد يفك ويربط بيده

[ابو نايف الساري]

ما انصحك بالترهيم ماعمر الترهيم يجيب الاقتصاد ماوراه الاالخساير

وضب مكينة البلد وركب هدرز عليها. وتطلع حلللوه

ومعروف مكاين البلد 4200 صبوورره جدا

وجهة نظري<<

الله يجزاك خير

[ابو نايف الساري]

نصيحه اخوي ابو نايف لاترهم وضب مكينة شد البلد الترهيم ماوراه الاالخساير اسال مجرب اذا تبغا موترك يصير خفيف ركب فرارات +هدرز+ فلتر+ مراوح وريح راسك مجرد نصيحه

الله يجزاك خير اخوي مهزوز

واشكرك على النصيحه

[ابو نايف الساري]

مكاين الباترول معروف ان مابها مشاكل وتصبر صبر الجمل

بس اهم شي حافظ عليها من الحرارة

والترهيم دوخة ويبيله واحد يفك ويربط بيده


صدقت وانا سبب المشكله الي ضرت المكينه هي مراوح السوبارو ماتجلس كم يوم وتحترق الكتاوت حقها ومشيت بدون ما احس بالحراره ترتفع وضربت المكينه

[abo naser 1]

السلام عليكم

بالعكس محرك 4200 يسمونه غلطت اليابان تكرمون حمار مكدة وذلك من تجارب خصوصاً اذا كانت ستاندر وراسها سالم من الحرارة ماتطلب غير بليتين

بس ما انصحك توضب توضيبها غالي جداً بأمكانك تشتري وحدة من الي يفكون مكاينهم للترهيم بعضها نظيف ارخصلك من التوظيب

[sgl2002]

لا والله

اذا بتستخدم السيارة مدة طويلة وضبها

[ابوحفصه]

ركب 4500 و بتحس بالفرق واتوقع انه مايعتبر ترهيم كل شي مثل مكينة 4200

[الطبيب]

ركب 4500 و بتحس بالفرق واتوقع انه مايعتبر ترهيم كل شي مثل مكينة 4200

أنا مع هالكلام ميه بالميه .. مكينه أقوى .. وبدون ترهيم ..

هذا والله أعلم
والسلام ختام

[شبل نايف]

سلام عليكم ورحمة الله وبركاته
اولا اذكروا الله ياشباب
قولوا ماشاء الله تبارك الله
الحقيقة انا جربت ماكينة البلد 4200 وجربت ترهيم ماكينة الكزس على الباترول
انا ركبتها بالعين فى الامارات وصار لي الحين اقل من سنة يعني انشاء الله فى ذي الحجة الجاي اكمل سنة
والله العظيم اني اروح لكل مكان وراعي علك للموتر ابي الموتر يطلع فيه عيب ولو عيب واحد الحقيقة ماطلع له اي عيب
ولله الحمد الموتر خفيف جدا يمشي الى 220 مع العلم اني احمل عليه العزبة كاملة وتانكي مويا كبير داخلي
يعني الحقيقة والشهادة لله الترهيم بالخارج اثبت جدارته والحين حتى لو تخرب الماكينة بقلعتها انا مركب علا كرسي الماكينة شد البلد قواعد يعني حتى لو خربت اقدر ارجع ماكينة الباترول البلد بدون اي مشاكل
عموما الترهيم جدا حلوو وموتري للبيع اربع ابواب مكفين حلو جدا لمن اراد القنص وغيره

[صالح سعد]

السلام عليكم ورحمة الله وبركاته

اخوي ابو نايف
انا صارت لي نفس المشكلة مع المكينة خبطت وبغيت اركب مكينة جديده 4200 وكانت التكلفه تقريبا 7 الاف بس العزم ماكان عاجبني 195 حصان لأني كنت مركب هدرز وفلتر ثم تطور الموضوع قلت ابركب مكينة بخاخات 4500 تقريبا التكلفة 12 الف وفيها 230 حصان يعني 35 حصان بقيمة 5 الاف ريال .

ومن ثم تطورت الفكرة إلى ترهيم مكينة كابرس LS1 وكانت التكلفه 18 الف شغل كامل استخدام يومي 340 حصان .
فقلت كذا الكلام طلعت للتشاليح ادور المكينه ونصحني واحد بمكينة الإسكاليد 6.0 وحصلتها بقيمه 9500 ريال

عموما عشان ما تتوه مع السالفه اذا انت عندك مبلغ حلو وودك ترهم الموتر اقدر افيدك في اشياء كثيره لأني مجرب وعندي مرهم استخدام يومي .
واذا ما ودك ترهم الموتر حط في بالك ترى التكلفه اللي بتدفعها تقريبا 10 الاف تقريبا .
مكينه 4200 تشليح 6 الاف تقريبا .
هدرز جديد 1200 دبة يوكن 200 تقريبا . (تركيب على حسب يختلف من شخص الى اخر)
فلتر رياضي K&N افضل نوعيه 300 ريال مع الوصله 50 (تركيب على حسب البايع )
فرارات من 500 إلى 1000 ريال
وفي الأخير قوة الموتر بتطلع 195 حصان ( من واقع تجربه )

وسلامتكم ..

[الأعصـــــار]

بصراحة ركبت نيسان واحد من الشباب وكان مركب عليها مكينة جي أكس 4500 سته سلندر
بصراحة أبداع ماشالله تبارك الله مكيف بارد ولا أصوات ولا غيره الموتر فرق عن أول بواجد
وسواقته صارت ممتعه ...... شكرا

[أحمد محمد1429]

مافيه أحسن من شد البلد
وضب مكينتك بقطع أصلي وخرط سرندل إذايحتاج وترجع جديده وريح رأسك من وجع الترهيم كل يوم رايح جاي للورش

[ملجلج 305]

اخوي الي يقولك مكينت النسان حمرا مكده ولله غلطان
مشكلت النسان بالمكينه على قولت اخونا السودانين عويصه يا زول
دايم مشكلتها الراس اذا بغتير الراس كمل يكل 3 الف هذا اخبره قبل سنين الحين مدري وذا الراس مشعور او مشكلته بصيطه يسوله خرط
بعدين الاخوان جزاهم لله خير حولو يفيدونك بس قلو ان التكلفه بي حدود ال 10 الف هذا اذا بتوضب كامل ما بين ال 8 الا 10 مو ماكده لن بعض القطع مراح تخذها من الوكاله طبعن بتخذها من المخرطه
اما اذا توضيب بصيط بحدود ال خمسه وقل او ارفع ؟ لله اعلم
اما من حيث مكينت التيوتا مكينه جباره وقليل ويكاد نادر عطالها بس فها عيب لو وضبت نادر يضبط توضبها وخربها قليل صراحه
ولا مشاكل حراره لا شي وعزمها حلو
بس لا تخذ مكينه و القير حق النسان الاول حول انك تخذ مكينه وقير سوا عشان يكون ادائها متساوي
وشف رح لي التشالي وسال عنها وسال بالوكاله لي مديل 98 طبعن بخاخ راح تكون حول انها تخذ نضيف ليهمك فرق السعر مكينه غاليه وتعمر ولا مكينه رخيصه وتودع بدري
ولله يوفك للي فيه الخير لك

[عزوز العصامي]

الله يكره الترهيم كله يسببلك هلوست ورش من كثر ماتجيهم انحش عن الترهيم وانت الرابح

[تمنيتك لي]

وضب وريح راااسك

[محب الهيف]

لا والله ونا اخوك خل كلش شد بلد
وظبة كانك تبي تستخدم بقطع اصلية
وعند ورشة متخصصة للباترول
وبالتوفيق

[سفااري]

السلام عليكماخوي احسن شي وضبها انا وضبت مكينة سيارتي زي الفل اسافر عليه ومكيفين شغالة وزي اللوز لا حرارة ولاشي علماً اني مسوي تقميص لها

[ابو نايف الساري]

الله يجزاكم خير

والحقيقه شاورت رجال مستخدم لباترول مرهم لكزسسس ويقووووول رهم ولا تشاور

والموتر له سنتين معاه ولا شكا من شي بس زيت وبانزين وانواع السفريات والمقانيص

وانا توكلت على الله وبرهم مكينة لكزسسس وجاري البحث عن افضل رجال يشتغلها

[الفلاني فلان]

انا امس كلمت واحد من اخوياي بخصوص الترهيم وسألته هو معاه مكينة لكزسس

يقول انا عادي عليها ولها فتره ماشاء الله ماطلبت وقالي اسم صاحبه يقول يالعن ابو شكلها

وماشاء الله جاامده وقلت له احسسن ايهم قالي لو انا اخذ لكزسس وانا مغمض لاني مجربها

وقال صرفيت البنزين تقل مرره وقلت له وش رايك اركب عند بدر الحمد او الصمعاني قالي

الصمعاني مانصح راح لبدر الحمد او قالي اسم واحد ثاني بالرياض ولكن نسيت اسمه

يقول هو اول من طبق اللكزسس واشتغل فيها يقول هذولي الاثنين احسسن لاتروح لغيرهم

وبس هيك الكلام كله واتمنى اني افدتك وانا برضو جاااااااري التركيب قريباً ان شاء الله وبالتوفيق للجميع

[RW7..ALBDAWA]

انا امس كلمت واحد من اخوياي بخصوص الترهيم وسألته هو معاه مكينة لكزسس

يقول انا عادي عليها ولها فتره ماشاء الله ماطلبت وقالي اسم صاحبه يقول يالعن ابو شكلها

وماشاء الله جاامده وقلت له احسسن ايهم قالي لو انا اخذ لكزسس وانا مغمض لاني مجربها

وقال صرفيت البنزين تقل مرره وقلت له وش رايك اركب عند بدر الحمد او الصمعاني قالي

الصمعاني مانصح راح لبدر الحمد او قالي اسم واحد ثاني بالرياض ولكن نسيت اسمه

يقول هو اول من طبق اللكزسس واشتغل فيها يقول هذولي الاثنين احسسن لاتروح لغيرهم

وبس هيك الكلام كله واتمنى اني افدتك وانا برضو جاااااااري التركيب قريباً ان شاء الله وبالتوفيق للجميع
اول من طبق مكينة اللكزس على البآترول ابو علي المسلم

ويقولون الخطيب

[وجعين]

بابن الحلال نص باترولات القصيم كله لكزس المكينه اثبتت جودتها خاصه على الباترول ركب وتوكل على الله

[ابو سلطان898]

يارجال مركبها لها شهرين وزود عند بدر الحمد والله روعه رووعه
وفيها واحد بالرياض يقاله الحبيب يركب وتركيبه ممتاز جداً وواحد ثاني اسمه الخنيني يركب برضه وشغله طيب

[RW7..ALBDAWA]

حتى اصلن لو وضبت فيه حاجات تبي تضيق صدرك ...

انآ وآحد من اللي وضبو وكنت مقتنع بمكينة شد البلد ويآخسسآره

عندك مششآكل بمكينة البآترول الاولـى ضعف العزم بالخط ويبيلك هدرز وديلكو الكتروني وفلتر عشآن يضبط ممشآه

المشكله الثآنيه مع طلعآت بالنفود والمراقى ووصلت بنص الطعس ورفعت رجلك على البنزين تطفي وهالمشكله للحين مآلقيت لهآ حل

المشكله الثالثه بعد عندك هالكربريتر ترآهـ دوآآآآآآآآآآآآآآآآم يعني حط في بآلك اذآ خرب تنق الله لايهينك 3000 ريآل وحسآس واذا لمسته خرب وشغلته شغله

المشكله الرابعه تعبيهآ بـ 40 ريآل تجلس يوم كآمل وانت تفرفر وطبعاً على حسب الدعس

الخآمسه بالشتآء والجو البآرد يبي يبهذلك بالتشغيله تقول ديزل

عكس مكينة اللكزس مع اخوي يعبيهآ بـ 10 ريآل يفرفر الريآض كلهآ

ثآني شي مكينة البآترول مع السرعآت العآليه تنقصصصص نقصص موب طبيعي لدرجـه اني شكيت بموتري ان فيه شمبر
مكينة اللكزس تجلدهآ تكرفهآ تخليهآ تمشي 11 الف تسسحب الزيت والله العظيم انهآ مع اخوي اسحب الزيت مآتغير لأ لونه ولأ نقصصص ماششششششششششششاء الله تبآرك الرحمن

الصررآحـه لأتسير مثلي وضبت المكينـه وتندمت وقلت يآليتني مركب لكزس نصيحه ركب لكزس وتوكل على الله

رح بموترك للامارات ركبهآ وجلس3 ايام وتعآل

[الفلاني فلان]

انا خلاص نويت اركب لكزسس وبالاخص بالامارات ارخص ياليت اللي يعرف كراج بالامارات ركب عنده

قبل يعطينا رقمه علشان نتواصل معااه ونبي نعرف شغله واكون شااكراً لكم

[الفلاني فلان]

سلام عليكم ورحمة الله وبركاته

اولا اذكروا الله ياشباب
قولوا ماشاء الله تبارك الله
الحقيقة انا جربت ماكينة البلد 4200 وجربت ترهيم ماكينة الكزس على الباترول
انا ركبتها بالعين فى الامارات وصار لي الحين اقل من سنة يعني انشاء الله فى ذي الحجة الجاي اكمل سنة
والله العظيم اني اروح لكل مكان وراعي علك للموتر ابي الموتر يطلع فيه عيب ولو عيب واحد الحقيقة ماطلع له اي عيب
ولله الحمد الموتر خفيف جدا يمشي الى 220 مع العلم اني احمل عليه العزبة كاملة وتانكي مويا كبير داخلي
يعني الحقيقة والشهادة لله الترهيم بالخارج اثبت جدارته والحين حتى لو تخرب الماكينة بقلعتها انا مركب علا كرسي الماكينة شد البلد قواعد يعني حتى لو خربت اقدر ارجع ماكينة الباترول البلد بدون اي مشاكل

عموما الترهيم جدا حلوو وموتري للبيع اربع ابواب مكفين حلو جدا لمن اراد القنص وغيره



اخوي ياليت تفزع لنا برقم الكراج اللي ركب لك المكينه واكون شاااكر لك