.......عجايب المقناص في منغوليا ....... ؟؟!

[قلب ذيب]

السلام عليكم ورحمة الله وبركاته .
...... المقطع التالي لمقناص صقاقير منغوليا , شي عجيب صيد النسور للذيابه
كيف دربوها ؟ وكيف مايخافون منها ؟ وماهي جسارة وشجاعة تلك النسور ؟
مقناص على ظهر الخيل شي عجيب .

http://www.youtube.com/watch?v=1SCJ67xCFTY (http://www.youtube.com/watch?v=1SCJ67xCFTY)

[قناص الهمله]

ماقصرت
.........

[عواد الشمري2]

الله يعطيك العافيه على الموضوع الممتاز بيض الله وججهك

[الفيتو]

بسم الله الرحمن الرحيم
السلام عليكم ورحمة الله وبركات
مساء الخيرياخوي / قلب ذيب
عش كثير تشوف عجب , فعلا من اعجب ماشفت من الروس
ولهم فلم كامل يعرضهم بشكل افضل ومترجم
تشكر يابو ماجد
*
والسلام
AL Khapt Brother of Naif
الحجاز
25-8-1433هـ

[(هزاع)]

هلابالموضوع وراعيه
ياولد وش ذالبواهش ياجساره بهن تهول
والعود اللي جا يتوكا على عكازه اظنه شايبهم ماينطلون من رايه شي هههه
وتراهم اظن انهم شقرديه عقب مقناصهم ذا بشبون وزينون للشايب اللي معهم قهوه
لاكنها طيور شرسه وجاسره وشجاعه
ورجال خشنين متكيفين مع ظروف حياتهم القشرا
اللهم لك الحمد على ماحنى عليه
مشكور على الموضوع لاهنت دائما مبدع ومواضيعك شيقه

[هاوي هدد 11]

الله يعطيك العافية
ياقلب ذيب
فعلاطيور فيهاقوة شجاعة
دربوها على حسب حاجتهم لها
لك تحياتي

[Turki1]

نسور، يابو ماجد؟؟؟؟
انت استاذنا وشتان بين ملك الجو(العقاب) ،وطير الجيف(اعزكم الله).

[عاشق البسيتين]

كل شي مسخر بامره سبحانه وتعالى

[الهاجري ج]

وعليكم السلام ورحمة الله وبركاته


اما صقارتهم وطيورهم عجيبه وعزالله ان صقارتهم 100%


بس لو يجوع الطير اظنه بيحط
راعيه جربوع و بيتعشاه ........هههههههه


-

[قلب ذيب]

احييكم .
... لكن ياجماعه ذولا مش ناس عاديين , أكيد اصحاب امكانيات , يعني تجار والا امراء قبائل او ماشابه ذلك
الرجال الفقير اللي عايش على قده مايقدر يدرب العقاب والنسر ويقنص به !!؟ الامكانيات اللي بحوزتهم من معدات وخيل وما الى ذلك اشياء غاليه .
... بعدين تلاحظون النسور ما تشابك , بمعنى يهجمن مجتمعات على الطريده ! ويمكن يهجمن مجتمعات على الانسان , ولالاحظنا نسر مبرق ! ما ادري مايعلمونهن على البرقع او مايجدون براقع لروسهن .
الحقيقه انا افكر .... ازور تلك المنطقه واقنص معهم .... الا وين بلقالي خوي على الشده .

[مربي الصقور]

السلام عليكم
لاتستغرب من العقاب او النسر لان الصقر ولا شي عندهن عموما مشكور وماتقصر على هالموضوع الطيب ياراعي الطيب
تقبل مروري

[ابو مقحم]

السلام عليكم

ياخي اتوقع ان العقاب يهدونه مره وحده بالسنه

وعقبها يا يموت او يقعدون يعالجونه