استشارة وش نوع ولون السجاد اللي احطه مع جلسة أبو طير

[vv33vv]

السلام عليكم ورحمة الله وبركاته

كيف حالكم أحبتي

وكما هي عادتي كلما بغيت شي جيتكم

انا خلصت المجلس الشعبي وجهزته ولله الحمد وفصلت مساند وطرحات قماش ابو طير المغربي ووراني راعي المحل موكيت عنده نفس نقشة ابو طير بس حسيت انها بتكون ممله
كل شي طقم فحبيت اشاوركم وش احط لون ونوع الفرش ( ( الموكيت )) شفت عند حقين المفروشات موكيت سدو بس ما جازلي بالحيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[جمس z71]

لعل الاخوان يفيدونك

لكن لاتبخل علينا بالصور يالغالي

يسر الله امرك وغفر ذنبك

[vv33vv]

أبشر يالغالي بس خلني اعتمد الفرشة اول

[ابولولو]

عليكم السلام


مبروك عليك وداخل عليك باالسعاده والسرور ان شاءالله


اخوى فيه مخرج 17 باالرياض محلات موكيت عندهم الوان حلوه وجميله تنفع لك انا اخت منهم ومتخصصين باالامور التراثيه نسيت اسم المحل الحل يفتح غرب وشرق واضح لا المحلات ماهب كثيره بس السعر للمتر فوق 40 و50 و70 وفيه تركى قمه لايعلى عليه واذا دخلت جوه السوق عند المسجد اقل بحوالى 5الى 15 يباالمتر هذا اذا انت باالرياض

[محرين باالخير]

الف مبروك وعسا دايم نارك مشبوبه للقروم شرواك !
انا الملحق عندي سدو الارضيه والمساند والطراحات ابوطير بس نوعية السدو نقشه خفيفه حمرا وحلوه طابقه تمام وفيه انواع من السدو نقشاتها خشنه ما تناسب .
ونصيحه حط تحت الفرشه لباد رفيع يريحك انا ماحطيتها وندمت لني شفتها عند بعض الربع ماشاالله مريحه
لن الفرشه مثبته بغرا صعب فكها تخرب .
موفق للخير يارب ،،،،،،

[علي العساف]

http://www.alrassxp.com/uploaded26/19736/01342544599.jpg




http://www.alrassxp.com/uploaded26/19736/11342544599.jpg




http://www.alrassxp.com/uploaded26/19736/21342544599.jpg

لا تشوف الحوسه


http://www.alrassxp.com/uploaded26/19736/31342544599.jpg



وهذي مع القطايف

http://www.alrassxp.com/uploaded26/19736/41342544599.jpg


ومعليش ماصورت المشب كامل تعرف وقت العطلة يكون املغم بشباب نايمين

يالتوفيق

[علي العساف]

هذي من النت


http://im15.gulfup.com/2011-10-12/1318466358719.jpg



http://www.alrassxp.com/uploaded2/2559/11256553471.jpg




http://www.alrassxp.com/uploaded14/1613/11305184293.jpg

[منتعش]

حياك ربي أخوي الغالي والمحب
وعلى البركة تجهيز الملحق
وجعله بيت عامر بأهله
نصيحة لك لا تتعدى الموكيت التركي
وأنا شريته قبل أسبوعين من سوق بن دايل
بجنوب الرياض على طريق الملك فهد وأنت متجه جنوب يجي على يمينك
عند محل أسمه : مفروشات العقيل وسعر المتر من 80-70 ريال
وأسأل الله لك التوفيق والعون والسداد .

[alwamwy]

الف مبرووك

افرش بأي نوع وابتعد عن نوع واحد اللي هو يكون له شعر طويل (المكرونة)
لما له من اثار سلبيه مثل جمع الغبار مما يسبب الحساسيه
وبذلك يكون بيئة مناسبة لحشرة العث

[vv33vv]

الله يوفقكم ويجزاكم الف خير على المشورة الطيبة وان شاء الله ابنزل الصور بعد ما اكمل الفرش

[سيف وقلم]

عندك الموكيت العادي متره ب15-20 ريال لكن كا أنصحك فيه, وعندك الموكيت الي يجيك كأنه زل وخامته زينة ب40-50 ريال.

[سرهيد]

السلام عليكم

يا مرمحبا

ومبارك عليك الغرفة ربي يمتعك بالصحة والعافية آمين

هذي صورة مما لديّ


http://www.mekshat.com/pix/upload02/images67/mk40450_bet.jpg


وانا اقول الأمر يحكمه مزاجك ، فمزاجك وكيفية وضع ما تريد هو ما سيجعلك تسمتع بالقعدة

وربي يوفقك اخوي الكريم

[vv33vv]

أخوي سيف وقلم
مشكور على ردك انا اللي محيرني اللون وليس الخامة وربي يعطيك العافية
مشرفنا العزيز سرهيد جعله عامر ان شاء الله بالطاعة ولازم اسير عليك واشرب عندك فنجال قهوة
يالربع اللي فصلت عنده المساند عنده موكيت نفس نقشة ابو طير وش رايكم
يا

[علي العساف]

يالربع اللي فصلت عنده المساند عنده موكيت نفس نقشة ابو طير وش رايكم


وجهة نظر مايصلح ولا عمري شفت الموكيت والمساند لون ونقشة واحده يعني
بتكون مملة وكاتمة اشوي
بالتوفيق

[سرهيد]

أخوي سيف وقلم
مشكور على ردك انا اللي محيرني اللون وليس الخامة وربي يعطيك العافية
مشرفنا العزيز سرهيد جعله عامر ان شاء الله بالطاعة ولازم اسير عليك واشرب عندك فنجال قهوة
يالربع اللي فصلت عنده المساند عنده موكيت نفس نقشة ابو طير وش رايكم
يا

هلا بك اخوي الكريم ويحيك ربي

ومرحبا الف ويحيك ربي وقت ما بغيت

والمحل ما فتح الا للوجيه الطيبة شرواك

تحياتي لك

[ويكو]

كفوا يالربع وفيتو وكفيتو

[بربنجي]

اذا الجلسة تشجيرها كثير والمراكي والمساند مشجره وتراثية زياده
ما ادري لكن وجه نظر نظر حط موكيت ساده

يعطي منظر للجلسة والله اعلم