المساعد الشخصي الرقمي

مشاهدة النسخة كاملة : الاياويش من بنت تلاعب بالهواء رجال .... حله ( ناصر العلي ) .. الحل ( مروحة الطاحونه )


راعي العجراء
16/07/2012, 12:35 PM
السلام عليكم ورحمة الله وبركاته
لغز جديد



الاياويش من بنت تلاعب بالهواء رجال = عشقها عشق ياكافي وهي مغزاه تفنيبه
تعلت بالهواء فوقه وهو من تحتها نزال = تصكه صكة الجالين تبي تخفي مذاهيبه
تراها صنعة المخلوق لاتدور كثير احمال = عشيقه لافنا بالقاع اشوف الناس تسريبه



مع تحيات

اخيكم راعي العجراء
ال-رايق
16/07/2012, 12:59 PM
السلام عليكم ورحمة الله وبركاته
لغز جديد

الاياويش من بنت تلاعب بالهواء رجال = عشقها عشق ياكافي وهي مغزاه تفنيبه
تعلت بالهواء فوقه وهو من تحتها نزال = تصكه صكة الجالين تبي تخفي مذاهيبه
تراها صنعة المخلوق لاتدور كثير احمال = عشيقه لافنا دونه اشوف الناس تسريبه

مع تحيات
اخيكم راعي العجراء


صح لسانك اخوي راع العجراء والرمعه والله ماشاقتني من غير قصور بها كثر شوقي لبيوتك الحلوة اللي اجبرتني على مجاراتك بهالبويتين المتواضعه..تحياتي لشخصك الكريم.


تغيب تعود تعود تجيب قصيد يصلح بموّال=تدغدغ به مشاعرنا معه لغز وترحيبه
يشادي للعسل شهد العسل امسودس المنحال=بترتيب المعاني لك بلا شك ولا ريبه
فيازينك عناوينك بعد بينك على الترحال=قوافل ياعسى ماتافل شموسك في تغريبه
راعي العجراء
16/07/2012, 01:12 PM
صح لسانك اخوي راع العجراء والرمعه والله ماشاقتني من قصور بها كثر بيوتك الحلوة اللي اجبرتني على مجاراتك بهالبويتين المتواضعه..تحياتي لشخصك الكريم.






يشادي للعسل شهد العسل امسودس المنحال=بترتيب المعاني لك بلا شك ولا ريبه تغيب تعود تعود تجيب قصيد يصلح بموّال=تدغدغ به مشاعرنا معه لغز وترحيبه[/POEM][/CENTER][/CENTER]




فيازينك عناوينك بعد بينك على الترحال=قوافل ياعسى ماتافل شموسك في تغريبه
[/CENTER][/POEM]

عزيزي لاتواخذني تراني بحزة المقيال = اشوف النوم يغشاني حط مركى مزاهيبه
صف دلاله بعيني يدور شربت الفنجال = تذراء في جفون العين خشى النسناس يذريبه
وانا خايف بلغزي قصور وازيد برمضها غربال = عساك ياصاحبي تعذرن وتجيب الحل وتصيبه
حبيب المساكين
16/07/2012, 01:20 PM
وش رايك مركبة الفضاء وصاروخها اللي يرفعها عن جا ذبية الارض ثم يسقط وبارك الله فيك
عطري
16/07/2012, 01:28 PM
و عليكم السلام و رحمة الله و بركاته
صح لسانك ياراعي العجراء على الأبيات و اللغز الي يدوش
مامن رمعة لكن ماقدرت أقفل الصفحة دون ماأسلم عليك يالطيب
و لا يهون الاخوان المتواجدين
راعي العجراء
16/07/2012, 01:30 PM
وش رايك مركبة الفضاء وصاروخها اللي يرفعها عن جا ذبية الارض ثم يسقط وبارك الله فيك

كلمة ولو جبر خاطر ولا سلام من بعيد
والرمعه مالك لوا
راعي العجراء
16/07/2012, 01:33 PM
و عليكم السلام و رحمة الله و بركاته

صح لسانك ياراعي العجراء على الأبيات و اللغز الي يدوش
مامن رمعة لكن ماقدرت أقفل الصفحة دون ماأسلم عليك يالطيب

و لا يهون الاخوان المتواجدين


ياهلا وغلا بالغالي عطري
والله انك عطرت المنتدى في حضورك
ياخوي عقب هالكلمات لو تبيني اجيب الغز والحل وراعيه
بديرتك لاجيبه لك
ترحيبك اهم واغلا عندي من اللغز
بارك الله فيك وجزاك الله خير
ابو الشبرميات
16/07/2012, 01:38 PM
وعليكم السلام ورحمة الله وبركاته
صح لسانك ياراعي العجراء
طرقك يطرب ويعجب
نرمع على بركة الله ونقول
الحبارى او الفريسة
...
ال-رايق
16/07/2012, 01:44 PM
وش رايك اخوي/
الدلة والفنجال وصبتها
وتسريبه (نهاية المزل)
وسلامتك
راعي العجراء
16/07/2012, 02:05 PM
وعليكم السلام ورحمة الله وبركاته

صح لسانك ياراعي العجراء
طرقك يطرب ويعجب
نرمع على بركة الله ونقول
الحبارى او الفريسة
...



هلابك يابو الشبرميات
يالله حيوه
وصح بدنك
اذا كان طرقي يعجبك
فحضورك يوسع الصدر
االله يوسع صدرك بالايمان
والرمعه مالك لوا
تراها صنعة المخلوق
دمت عالي وغالي
ناصر العلي
16/07/2012, 02:08 PM
وعليكم السلام ورحمة الله وبركاته
سلمت يالغالي
وصح لسانك
رمعة قبل التمعن
ماتصير
المحّالة.....والرشا
http://www.alriyadh.com/2006/04/15/img/154048.jpg
راعي العجراء
16/07/2012, 02:10 PM
وش رايك اخوي/

الدلة والفنجال وصبتها
وتسريبه (نهاية المزل)

وسلامتك


هلابك يابو مهند
انت مبطي عن الضلع الحمر
عود يمه بقرب فرصه بس اخاف ماتحصل مكان
صقر السديرات يقول لاعاد تروحون لنا احد مالهم مكان السكن فل
مالك لوا طال عمرك
دمت بخير
راعي العجراء
16/07/2012, 02:12 PM
وعليكم السلام ورحمة الله وبركاته

سلمت يالغالي
وصح لسانك
رمعة قبل التمعن
ماتصير
المحّالة.....والرشا

http://www.alriyadh.com/2006/04/15/img/154048.jpg


هلابك يابو علي
والله يمسيك بالخير
تراهم فاتحين خط سريع (هاي بوي) من عندكم للضلع الحمر
والرمعه
مالك لوا
لاعدمتــــــــــــــــــــــــــــك
ناصر العلي
16/07/2012, 02:14 PM
أبومهند
الله يمسيك بالخير
لاتروح لحالك أصبر أبي أخاويك:D:redcar:
عايش الذرب
16/07/2012, 02:16 PM
الســــــــــلام عليكم .ومسائك الله بالخير

وشرايك بمروحة السقف
ناصر العلي
16/07/2012, 02:16 PM
طيب ياحلو
ماتصير
الكورة المعدنية اللي بوسط علبة البخاخ تلاعب الصبغ
http://www.blogcdn.com/www.diylife.com/media/2010/06/spray-paint-metal-590.jpg
حبيب المساكين
16/07/2012, 03:07 PM
كلمة ولو جبر خاطر ولا سلام من بعيد


والرمعه مالك لوا


اخي راع العجرا الف سلام اما الكلمه فان امورك كلها تخوف عجرا وشنب تنسينا السلام ولولا صورتك المليحه وانت صغير تلطف الجو شيئاقليلا لهربت منك اما الكلام فلا تحتاج انت اليه فانت مبدع وبعد قرائتي لما دونه ال رايق فاني اخجل ان ادون بعده فيكون اقل بمراحل كثيره ولو لم يكن فيك الاخفة الدم لكان كافيا تقبل عذري واحترامي
النبهاني
16/07/2012, 03:58 PM
وعليكم السلام ورحمة الله وبركاته
صح لسانك ياراعي العجراء
أصيل وجزل من جزل
وصح لسان ابومهند على هالمجاراه ماقصّر
والمحاوله كرة القدم وحارس المرمى
حمزه 1
16/07/2012, 04:58 PM
السلام عليكم
صح لسانك وشرايك بالطرقة والمسمار
حمزه 1
حمزه 1
16/07/2012, 05:00 PM
السلام عليكم
صح لسانك وشرايك المطرقة والمسمار
حمزه 1
ناصر العلي
16/07/2012, 05:33 PM
محاولة أخرى يالغالي
ماتصير
الولاعة
http://3.bp.blogspot.com/-fSEhiy9KHKQ/T2C9s8Ey7II/AAAAAAAASDU/7eSEDe4aRME/s1600/f5.png
عبدالله العمرو
16/07/2012, 06:04 PM
السلام عليكم وصح لسانك على هالقاف الرنان ...



هلا باللي بنى لغزه بيوتٍ يطربنّ البال
............. بيوتٍ من حلاها تاخذ الرجّال وتجيبه


انا جيت أتقهوى من لذيذ القافية فنجال
............. وأعلّي فوق رجمٍ في الضماير عاويٍ ذيبه


عيونه صوب ظلٍّ يدركه في حموة المقيال
.......... تفيّا به عن سهومٍ تجي من فوق وتصيبه




-----



تقبل كل الودّ :c
راعي العجراء
16/07/2012, 06:29 PM
الســــــــــلام عليكم .ومسائك الله بالخير

وشرايك بمروحة السقف

هلابك يااخي الفاضل عايش الذرب
والله يمسيك بالرضاء والعافيه
والرمعه مالك لوا
مروحة السقف
دمت عالي وغالي
راعي العجراء
16/07/2012, 06:31 PM
طيب ياحلو

ماتصير
الكورة المعدنية اللي بوسط علبة البخاخ تلاعب الصبغ

http://www.blogcdn.com/www.diylife.com/media/2010/06/spray-paint-metal-590.jpg


هلابك يابو علي
الرمعه مالك لوا
البنت فوق الرجال والكوره داخل الصبغ
تحيتي
راعي العجراء
16/07/2012, 06:40 PM
اخي راع العجرا الف سلام اما الكلمه فان امورك كلها تخوف عجرا وشنب تنسينا السلام ولولا صورتك المليحه وانت صغير تلطف الجو شيئاقليلا لهربت منك اما الكلام فلا تحتاج انت اليه فانت مبدع وبعد قرائتي لما دونه ال رايق فاني اخجل ان ادون بعده فيكون اقل بمراحل كثيره ولو لم يكن فيك الاخفة الدم لكان كافيا تقبل عذري واحترامي

ياحبي لقلبك ياحبيب المساكين
ردك يجيب العافيه
انا اللي اعتذر منك
واعتبرها مزحه من راعي العجراء
وابشر ابجدع العجراء واشتري مقمع
لها خمسين سنه ماذقت الملح
من الضغط والسكر
اشكرك على هذا الرد المقنع وهذا من لطفك لاعدمتك
مليــــــون ســـــــــلام
راعي العجراء
16/07/2012, 07:08 PM
وعليكم السلام ورحمة الله وبركاته

صح لسانك ياراعي العجراء
أصيل وجزل من جزل
وصح لسان ابومهند على هالمجاراه ماقصّر
والمحاوله كرة القدم وحارس المرمى


هلا وغلا يابو سالم
وصح بدنك يالغلا
يالربع من عنده سيكل ثلاث عجلات
تعطونه ابو سالم يروح عليه للضلع الحمر
مع طلعة الجديه والا ديراب

http://web.3bir.com/a/23513_11179166950.gif
راعي العجراء
16/07/2012, 07:11 PM
السلام عليكم
صح لسانك وشرايك بالطرقة والمسمار
حمزه 1

هلابك ياحمزه
تشرفت في حضورك
والرمعه مالك لوا
دمت بخير
راعي العجراء
16/07/2012, 07:13 PM
محاولة أخرى يالغالي

ماتصير
الولاعة

http://3.bp.blogspot.com/-fSEhiy9KHKQ/T2C9s8Ey7II/AAAAAAAASDU/7eSEDe4aRME/s1600/f5.png


هلا يابو علي
والرمعه مالك لوا
دمت بخير
ابو ماجد 2
16/07/2012, 07:24 PM
صح لسانك واعتلا شانك
مريميع
ماتكون الكساره والحجر

http://www.alrams.net/up/uploads/images/alrams-8167a4db42.jpg
النبهاني
16/07/2012, 08:32 PM
هلا وغلا يابو سالم

وصح بدنك يالغلا
يالربع من عنده سيكل ثلاث عجلات
تعطونه ابو سالم يروح عليه للضلع الحمر
مع طلعة الجديه والا ديراب



http://web.3bir.com/a/23513_11179166950.gif




حسبي الله على ابليسك هذا وشو
اثري ما ني بسيط المفروض يسمونن (النبهاني قاهر الدبابات ) حي والله هاللياقه
بس تدري ويش يقول
يقول يهين يابناخي منيفه والله لقضينا من هالطردي اني ما خليك
وهذي محاوله ثانيه
يمكن العوامه
وعقبه وش تودينن للضلع عليه
راعي العجراء
16/07/2012, 08:44 PM
حسبي الله على ابليسك هذا وشو





اثري ما ني بسيط المفروض يسمونن (النبهاني قاهر الدبابات ) حي والله هاللياقه
بس تدري ويش يقول
يقول يهين يابناخي منيفه والله لقضينا من هالطردي اني ما خليك
وهذي محاوله ثانيه
يمكن العوامه


وعقبه وش تودينن للضلع عليه


هلابك يابو سالم يالله حيوه
عقبه على هالحصان الاطخم وللضلع الاحمر
وللمعلوميه ترا هالحصان
حصان الهيل هج وخلا نصف جسمه للهيل
شاف الحسر والغرابيل من الهيل
والمثل يقول
اعقل مالك لو بنصفه
والخيل تصرفه تصرف حكيم هج واخذ رجليه وخلا نصف ضهره ويديه للهيل
والرمعه مالك لوا لاعدمتك
http://rafat0004.net/vb/uploadcenter/uploads/05-2011/PIC-502-1306063536.gif
راعي العجراء
16/07/2012, 08:48 PM
السلام عليكم وصح لسانك على هالقاف الرنان ...





هلا باللي بنى لغزه بيوتٍ يطربنّ البال
............. بيوتٍ من حلاها تاخذ الرجّال وتجيبه



انا جيت أتقهوى من لذيذ القافية فنجال
............. وأعلّي فوق رجمٍ في الضماير عاويٍ ذيبه



عيونه صوب ظلٍّ يدركه في حموة المقيال
.......... تفيّا به عن سهومٍ تجي من فوق وتصيبه





-----





تقبل كل الودّ :c


ياهلا وغلا في مشرفنا الغالي عبدالله
وصح السانك ملايين على هالابيات الجزله
واسف على التاخير في الرد
وصح بدنك
راعي العجراء
16/07/2012, 08:49 PM
صح لسانك واعتلا شانك

مريميع
ماتكون الكساره والحجر



http://www.alrams.net/up/uploads/images/alrams-8167a4db42.jpg


هلابالعم ابوماجد
وصح بدنك يالغالي
والرمعه مالك لوا
لاعدمتــــــــــك
حمد؟؟
16/07/2012, 09:57 PM
وعليكم السلام ورحمة الله وبركاته
صح لسانك يالشيخ راع العجراء
ونقول ممكن تكون ابرة الكفر
وممكن المساحه فوق قلم الرصاص
راعي العجراء
16/07/2012, 10:38 PM
وعليكم السلام ورحمة الله وبركاته

صح لسانك يالشيخ راع العجراء
ونقول ممكن تكون ابرة الكفر

وممكن المساحه فوق قلم الرصاص


هلابك ياحمد يالله حيوه
مبطين عنك عسى المانع خير
والرمعه مالك لوا لاعدمتك
ال-رايق
16/07/2012, 11:55 PM
راع العجراء الله يسلمك
ماتكون المحاله والدلو
------------
وشكرا
وهنيك العقلان يوم جا نصف خيل الهيل سالم وعلى طاري ابو سالم مبروك حصوله على المركز الاول بسباق راليات الدبابات..سلط الله على عدوانك بهالصور.
ناصر العلي
17/07/2012, 12:44 AM
محاولة أخرى يالغالي
ماتصير
http://sabq.org/files/news-image/32995.jpg?1325192176
النبهاني
17/07/2012, 12:46 AM
يابناخي منيفه والله ياعندك مواصلات لا راحت ولاجت
وين حقين السكك الحديديه عنك يرسون عليك الخطوط الحديديه بدل هالشركات الاسبانيه والا هالصينيه
مازلنا نحاول
يمكن هذي اللي تظغطه وترش العطر البخاخ
مدري وش اسمه والله يكفينا شر وسيلة النقل الثالثه
راعي العجراء
17/07/2012, 12:49 AM
راع العجراء الله يسلمك

ماتكون المحاله والدلو
------------
وشكرا

وهنيك العقلان يوم جا نصف خيل الهيل سالم وعلى طاري ابو سالم مبروك حصوله على المركز الاول بسباق راليات الدبابات..سلط الله على عدوانك بهالصور.


هلابك يابو مهند
وبشرك ان الهيل بدا يركب على مكيف نصف حصان
حاطه بالحوش
يقول اريح من ركوب الخيل بنص حصان
اما ابو سالم عنده لياقه ياوطايات السيكل مايلحق عليهن من السرعه
والرمعه مالك لوا
دور الضلع االحمر
دمت عالي وغالي
راعي العجراء
17/07/2012, 12:51 AM
يابناخي منيفه والله ياعندك مواصلات لا راحت ولاجت

وين حقين السكك الحديديه عنك يرسون عليك الخطوط الحديديه بدل هالشركات الاسبانيه والا هالصينيه
مازلنا نحاول
يمكن هذي اللي تظغطه وترش العطر البخاخ
مدري وش اسمه والله يكفينا شر وسيلة النقل الثالثه


هلابك يابو سالم
والله يمسيك بالخير
هالمره جبنالك طياره اسرع للوصول للضلع
استعد للرحله
http://www.sawa24.com/forum/uploaded/1_funmobileanimationwallpapers2.gif
راعي العجراء
17/07/2012, 12:55 AM
محاولة أخرى يالغالي

ماتصير

http://sabq.org/files/news-image/32995.jpg?1325192176


هلا بك ياعم ناصر
اقول خل ابو سالم يمر عليك وعلى اقرب رحله للضلع

مالك لوا
ناصر العلي
17/07/2012, 01:09 AM
مادامنا رايحين للضلع نبي ناخذ راحتنا بالرمع
ماتصير
إبرة البلف للقدر الكاتم
أو
شمعة الإحراق...البوجي
http://www.carsensation.com/photos/technical/four-stroke-engine.gif
كاسر الحاجز
17/07/2012, 01:14 AM
عليكم السلام ورحمة الله وبركاته

وش رايك ياراع العجراء

في السناره اللي فوق مغزل الشعر
برق القصيم
17/07/2012, 01:45 AM
صح لسانك اخوي راعي العجراء
اخاف ارمع و وتقولي خلك رديف ابوسالم بالبسكليت يم الضلع المذكور:D
والله ان رمعة اخونا كاسر الحاجز قويه
وننتظر ردك
راعي العجراء
17/07/2012, 12:33 PM
مادامنا رايحين للضلع نبي ناخذ راحتنا بالرمع

ماتصير
إبرة البلف للقدر الكاتم
أو
شمعة الإحراق...البوجي

http://www.carsensation.com/photos/technical/four-stroke-engine.gif


هلابك يابوعلي والله يصبحك بالخير
والرمعه مالك لوا
دمت غالي وعالي
راعي العجراء
17/07/2012, 12:35 PM
عليكم السلام ورحمة الله وبركاته



وش رايك ياراع العجراء



في السناره اللي فوق مغزل الشعر


هلابك كاسر الحاجز
والمغزل والتغزاله والشعر
مالك لوا
دمت بخير
راعي العجراء
17/07/2012, 12:37 PM
صح لسانك اخوي راعي العجراء

اخاف ارمع و وتقولي خلك رديف ابوسالم بالبسكليت يم الضلع المذكور:D
والله ان رمعة اخونا كاسر الحاجز قويه

وننتظر ردك


صح بدنك برق القصيم
وياهلا وغلا
خلك مع ابو سالم على الطياره اللي انقطع نفسه ماطارت
والرمعه ماصابت
دمت بخير
المزيدي4
17/07/2012, 01:15 PM
هلا بك يا طويل العمر وسط القلب لك منزال
زعيم المعرفة تتعلم العربان من طيبة
وصح لسانك وتسلم على ما قلت من الامثال
كلامك يشبه الدر المنظم في مذاهيبه
ولي رمعة مع اللي يرمعونه والشبور طوال
هذا الدافور يا شيخ المعرفة وأنت تدري به
ناصر العلي
17/07/2012, 01:22 PM
طيب يالغالي
ماتصير
مرواح الطواحين أو مولدت الطاقة بإستغلال الرياح
وفكرة الطواحين الهوائية مثل فكرة الرحى ولكن بحجم أكبر تدور وتطحن الحبوب..القمح
http://upload.wikimedia.org/wikipedia/commons/thumb/6/65/Beebe_Windmill_Isometric_of_Machinery_Long_Island_ NY.jpg/200px-Beebe_Windmill_Isometric_of_Machinery_Long_Island_ NY.jpg (http://ar.wikipedia.org/w/index.php?title=%D9%85%D9%84%D9%81:Beebe_Windmill_ Isometric_of_Machinery_Long_Island_NY.jpg&filetimestamp=20080307003304)
http://bits.wikimedia.org/static-1.20wmf6/skins/common/images/magnify-clip-rtl.png (http://ar.wikipedia.org/w/index.php?title=%D9%85%D9%84%D9%81:Beebe_Windmill_ Isometric_of_Machinery_Long_Island_NY.jpg&filetimestamp=20080307003304)



http://melodistinnecropolis.files.wordpress.com/2010/04/beautiful1.jpg
هيل
17/07/2012, 01:59 PM
السلام عليكم ورحمة الله وبركاته
الاياويش من بنت تلاعب بالهواء رجالعشقها عشق ياكافي وهي مغزاه تفنيبهتعلت بالهواء فوقه وهو من تحتها نزالتصكه صكة الجالين تبي تخفي مذاهيبهتراها صنعة المخلوق لاتدور كثير احمالعشيقه لافنا بالقاع اشوف الناس تسريبه
مداعبه الحبيبي وولد اخت الحبيبه والله يكفينا شر العجرا
ألا ياراع يامهذري كثير القول وأذا قال
سنينن غابره مرت 0عليهم دوم يهذريبه
يجيب ألي ورا أذانه 0وكلِ ماهو على هالبال
شي ينقال وشيٍ لا0 مهذري وش أسويبه
منول يغلق بعلبه0 سوبرشل يمشي الحال
بس اليوم تخبيطه 0ولا عاد فيه نفع توظيبه
أنا أبرمع الحبارى0 أذا مرشه وفوقه بال
يحير الطير من تحته0مصيبه زودوتصيبه
أبي فزعتك يابو مهند0طواري ترسله بالحال
قبل ماراعي العجراء يفتل في شواريبه
تحياتي
عامر الروقي
17/07/2012, 04:50 PM
راعي العجراء

صح لسانك وبيض الله وجهك
لاهنت
وش رايك في (مكينة البلك) او (لبانة الاعلاف)
الأديب
17/07/2012, 06:41 PM
وعليكم السلام ورحمة الله وبركاته
صح لسانك ياراعي العجراء
ابياتك دايم تطرب
يمكن
البرايه والقلم
دمت برعاية الله
ال-رايق
17/07/2012, 08:59 PM
السلام عليكم ورحمة الله وبركاته
الاياويش من بنت تلاعب بالهواء رجالعشقها عشق ياكافي وهي مغزاه تفنيبهتعلت بالهواء فوقه وهو من تحتها نزالتصكه صكة الجالين تبي تخفي مذاهيبهتراها صنعة المخلوق لاتدور كثير احمالعشيقه لافنا بالقاع اشوف الناس تسريبه
مداعبه الحبيبي وولد اخت الحبيبه والله يكفينا شر العجرا
ألا ياراع يامهذري كثير القول وأذا قال
سنينن غابره مرت 0عليهم دوم يهذريبه
يجيب ألي ورا أذانه 0وكلِ ماهو على هالبال
شي ينقال وشيٍ لا0 مهذري وش أسويبه
منول يغلق بعلبه0 سوبرشل يمشي الحال
بس اليوم تخبيطه 0ولا عاد فيه نفع توظيبه
أنا أبرمع الحبارى0 أذا مرشه وفوقه بال
يحير الطير من تحته0مصيبه زودوتصيبه
أبي فزعتك يابو مهند0طواري ترسله بالحال
قبل ماراعي العجراء يفتل في شواريبه
تحياتي





هلا بك ثم هلا بالهيل تحيّة لابسه دسمال=مطرّز بالذهب ريحه معطر من أبو شيبه
ولا ظنك يابو عبدالله بردك ضعيّف حال=اشوفك داعس البنزين وتبغى اليوم تخريبه
اذا منّه فتح كبّوته اكشف عن غطاه الشال=أمانه يامهندس اخلص الذمه و لا تسيبه
وأبتفرّج ولا أفرّق وأبيع العجرا بألف ريال=على اللي منكم ابيدفع ابفزع لوفتح جيبه
عبدالله العمرو
18/07/2012, 03:13 AM
صبحك بالخيرات أخوي راعي العجرا :)

أنت مالفت نظرك شي هنيا ؟؟؟؟ ههههههههه

عيونه صوب ظلٍّ يدركه في حموة المقيال
.......... تفيّا به عن سهومٍ تجي من فوق وتصيبه
تميمي.1
18/07/2012, 03:42 AM
صح لسانك ياراعي العجراء
وش رايك في ابرة البلف اللي فالكفر
واعذرني اذا الرمعه ساريه لاني ما اطلعت لكثرة المشاركات
تحياتي
أبان1
19/07/2012, 01:19 AM
وعليكم السلام ورحمة الله وبركاته
صح لسانك اخوي راعي العجراء
ممكن الطائره الورقيه
راعي العجراء
19/07/2012, 01:31 PM
هلا بك يا طويل العمر وسط القلب لك منزال


زعيم المعرفة تتعلم العربان من طيبة
وصح لسانك وتسلم على ما قلت من الامثال
كلامك يشبه الدر المنظم في مذاهيبه
ولي رمعة مع اللي يرمعونه والشبور طوال
هذا الدافور يا شيخ المعرفة وأنت تدري به




طيب يالغالي

ماتصير
مرواح الطواحين أو مولدت الطاقة بإستغلال الرياح
وفكرة الطواحين الهوائية مثل فكرة الرحى ولكن بحجم أكبر تدور وتطحن الحبوب..القمح
http://upload.wikimedia.org/wikipedia/commons/thumb/6/65/Beebe_Windmill_Isometric_of_Machinery_Long_Island_ NY.jpg/200px-Beebe_Windmill_Isometric_of_Machinery_Long_Island_ NY.jpg (http://ar.wikipedia.org/w/index.php?title=%D9%85%D9%84%D9%81:Beebe_Windmill_ Isometric_of_Machinery_Long_Island_NY.jpg&filetimestamp=20080307003304)
http://bits.wikimedia.org/static-1.20wmf6/skins/common/images/magnify-clip-rtl.png (http://ar.wikipedia.org/w/index.php?title=%D9%85%D9%84%D9%81:Beebe_Windmill_ Isometric_of_Machinery_Long_Island_NY.jpg&filetimestamp=20080307003304)



http://melodistinnecropolis.files.wordpress.com/2010/04/beautiful1.jpg





السلام عليكم ورحمة الله وبركاته

الاياويش من بنت تلاعب بالهواء رجالعشقها عشق ياكافي وهي مغزاه تفنيبهتعلت بالهواء فوقه وهو من تحتها نزالتصكه صكة الجالين تبي تخفي مذاهيبهتراها صنعة المخلوق لاتدور كثير احمالعشيقه لافنا بالقاع اشوف الناس تسريبه
مداعبه الحبيبي وولد اخت الحبيبه والله يكفينا شر العجرا
ألا ياراع يامهذري كثير القول وأذا قال



سنينن غابره مرت 0عليهم دوم يهذريبه
يجيب ألي ورا أذانه 0وكلِ ماهو على هالبال
شي ينقال وشيٍ لا0 مهذري وش أسويبه
منول يغلق بعلبه0 سوبرشل يمشي الحال
بس اليوم تخبيطه 0ولا عاد فيه نفع توظيبه
أنا أبرمع الحبارى0 أذا مرشه وفوقه بال
يحير الطير من تحته0مصيبه زودوتصيبه
أبي فزعتك يابو مهند0طواري ترسله بالحال
قبل ماراعي العجراء يفتل في شواريبه


تحياتي




راعي العجراء

صح لسانك وبيض الله وجهك
لاهنت
وش رايك في (مكينة البلك) او (لبانة الاعلاف)




وعليكم السلام ورحمة الله وبركاته

صح لسانك ياراعي العجراء
ابياتك دايم تطرب
يمكن
البرايه والقلم
دمت برعاية الله







ولا ظنك يابو عبدالله بردك ضعيّف حال=اشوفك داعس البنزين وتبغى اليوم تخريبه

هلا بك ثم هلا بالهيل تحيّة لابسه دسمال=مطرّز بالذهب ريحه معطر من أبو شيبه

اذا منّه فتح كبّوته اكشف عن غطاه الشال=أمانه يامهندس اخلص الذمه و لا تسيبه
وأبتفرّج ولا أفرّق وأبيع العجرا بألف ريال=على اللي منكم ابيدفع ابفزع لوفتح جيبه


صبحك بالخيرات أخوي راعي العجرا :)

أنت مالفت نظرك شي هنيا ؟؟؟؟ ههههههههه

عيونه صوب ظلٍّ يدركه في حموة المقيال
.......... تفيّا به عن سهومٍ تجي من فوق وتصيبه


صح لسانك ياراعي العجراء
وش رايك في ابرة البلف اللي فالكفر
واعذرني اذا الرمعه ساريه لاني ما اطلعت لكثرة المشاركات
تحياتي




وعليكم السلام ورحمة الله وبركاته

صح لسانك اخوي راعي العجراء
ممكن الطائره الورقيه

السلام عليكم ورحمة الله وبركاته
اشكر جميع من شارك في هذا اللغز بابيات شعر اوبكلمات تفوق الابداع جمالا
فصحة السنتكم جميعا
كما اقول لكم اسف على هذا الرد الجماعي
واللغز تم حله من قبل ابو علي
والحل
مروحه الطاحونه حينما تقوم بطحن البر اوالقمح
ويكون القمح بين جالين الرحا
دمتم غالين وعالين