المساعد الشخصي الرقمي

مشاهدة النسخة كاملة : صوت حنه باليوكن 2001


راعي المطافيل
16/07/2012, 02:33 PM
عندي مشكله سلمكم الله
الا وهي عندي يوكن 2001 سعودي حين ما اشغل المكيف اسمع صوت حنه مزعجه وغيرت زيت القير لكن هذا الصوت يجي احيانااا بعض مرات وبعض مرات ينقطع عني ايام
وش تنصحوني فيه
ااقرب صناعيه لي صناعيه النسيم الشرقي - الرياض
اذا احد يعرف مكانيكي جيد يدلني
لا تخلون خويكم جاوبوا عليه
يالبى الهلا
16/07/2012, 03:37 PM
الكمبروسور بدا يضعف ولابد من استبداله
قمة افرست
16/07/2012, 03:52 PM
وضح سؤالك اخوي عشان نقدر نفيدك

القير ماله علاقه بالمكيف
تاكد الصوت من المروحه
او من شداد المكيف
حاول تسمع الصوت وتوضحه وهل مستمر او يفصل مثلا ببداية تشغيل المكيف ويروح
عبقري91
16/07/2012, 04:06 PM
حدد متا يجي الصوت
لان مع الموكيف تثقل المروحه يعني كلتشها وتجي حنت مروحه وهذي عاديه
وعندك اذا ماهو تماتيك المروحه
توجد شدادات وتوجد سيور وا دينمو وعلبت دروكسون
وكمبرشر موكيف
لاكن حدد الصوت متا يجي بعد تشغيل الموكيف او اذا احتمت السياره مع الموكيف او اذا دعست بنزين
ويستحسن
انك تجيب لي غاز طوله متر. وتحط جهه بذنك وجهه علا المواقع والقطع الي ذكره والطرف الاخر من الي تحطه وتتسمع وراح يوضح معك الصوت وين موقعه
وشكرا
راعي المطافيل
17/07/2012, 01:34 PM
اشكركم على تجاوبكم السريع
والي ما رد اشكره بعد

يا اخوان حين ما اشغل الموتر بدون مكيف عادي الوضع بعد ما اشغل المكيف يجي هذا الصوت وبعد ما اتعدى الثمانين يروح
وبعض مرات كل شيء عادي بس حين ما اوقف واطفى الموتر وانزل للبقاله وارجع اشغل الموتر والمكيف يطلع لي هذا الصوت المزعج
هذا الي جربته واعذروني تراني ماني خبير بالامريكي قبل كنت راعي ياباني وابكي على الياباني
لكن الظروف لها احكام
ان رديتم الله يوفقكم ويغفر لكم ولي ولجميع المسلمين في هذا الشهر الكريم
وان ما رديتم ترانااااااا اخوان وربع ودمتم مشكورين
bader7787
17/07/2012, 01:45 PM
صوت تماتيك المروحه طبيعي في الصيف اذا هو مايعلق اذا موذيك ركب مراوح كهرب
bader7787
17/07/2012, 01:47 PM
اذا تبي تتاكد خل موترك شغال عشر دقايق بعد مايحتمي بدون مكيف ثمن امش بتسمع الحنه
وليدالمطلك
17/07/2012, 03:49 PM
اعتقد هذا ضعف بالكمبرويسر .. وهذا الصوت داخل الكبرويسر .. تقبل احترامي
قمة افرست
17/07/2012, 05:20 PM
الحقيقه انا مافهمت الى الان وش الصوت الي تقصده
وقد يبدو الامر طبيعي في سيارتك
شوف طال عمرك
سيارتك المروحه فيها مبكانيكيه واذا شبكت المكيف تثقل ويعلى صوتها وهذا طبيعي جدا
عشان تتاكد ان الصوت من المروحه
شغل السيارة وشغل المكيف وهي واقفه بدون ماتحركها ودوس بنيزن لين الضغط يوصل 3 او فوق ولاترفع رجلك لمدة ثلاث دقايق او حتى يتغير الصوت ويخف
ولاحظ الصوت اذا اختفى هذى تماتيك المروحه وطبيعي
اما اذا استمرت تحن وترزم ماتفصل فغير تماتيك المروحه
انا شرحت لان بعض الناس مثلا مايعرف في هذي النوعية ويعتقد انها خلل
جرب ورد لنا
راعي المطافيل
18/07/2012, 10:18 AM
اخواني bader7787
وليد المطلك
قمه افرست
اشكركم علىتجاوبكم
وخاصه انت يا قمه افرست ولا قصوووور بالباقين
وان شاء الله رايح اطبق كلامك
وانت يا قمه افرست ماني مخليك رايح اتعلق بك ما شاء الله عليك عيني عليك بارده
ومنك نستفيد
انا غشيم بالامريكي
تقبلواا تحياتي
ورمضان كريم
FORD1969
18/07/2012, 01:06 PM
موترك مابه الا العافيه ومن افضل الموديلات قوة وتحمل

الحنه من المروحه

المراوح عندك على الكرنك يعني ميكانيكية تعتمد في دورانها على المكينة فكلما زات السرعه وانخفضت حرارة المكينة قل الصوت والسرعه

والعكس صحيح



وفي الشتا مالها اثر ابد


من موديلاااااااات 2005 نزل على الجموس حجم 1500 مراوح كهرب مريحه وهاديه وتعطي عزم دوران للمكينه أكثر

الخلاصة : تقدر تشتري من التشاليح مراوح 2005 بقيمة 600 -1000 انت وحضك وشطارتك وتركبها على طول مكانها زاهب ....

طبعا تلغي الكبيره وتحطها اسبير فقط وبتلاحظ فرق كبيرررررررررررررررر جدا


اتمنى اني افدتك
قمة افرست
18/07/2012, 05:13 PM
اخواني bader7787
وليد المطلك
قمه افرست
اشكركم علىتجاوبكم
وخاصه انت يا قمه افرست ولا قصوووور بالباقين
وان شاء الله رايح اطبق كلامك
وانت يا قمه افرست ماني مخليك رايح اتعلق بك ما شاء الله عليك عيني عليك بارده
ومنك نستفيد
انا غشيم بالامريكي
تقبلواا تحياتي
ورمضان كريم


ابشر بعزك
امرني
وكل عام وانت بخير