اقمشة فرامل يوكن سيراميك اي سي دلكو

[مسترنت]

السلام عليكم
احب اعبر عن شكري وتقديري لهذا المنتدى واعضائه
وحبيت اطرح استفسار لاني بصراحة ابي اغير اقمشة الفرامل الامامية لليوكن 2007
ووجدت اقمشة فرامل اي سي دلكو سيراميك امامية في موقع امازون وسعرها $25.97 يعني تقريبا 98 ريال طبعا هنا الوكالات ما يقصرو في الاسعار ادبال ماهو موجود في الخارج
هل تنصحوني اشتريها من امازون ولا لا لاني بصراحة متحمس لشرائها وتجربتها
وهذا الرابط
http://www.amazon.com/ACDelco-14D1092CH-Advantage-Front-Ceramic/dp/B004HE563G/ref=au_pf_ss_1?ie=UTF8&Make=GMC|48&Model=Yukon|558&Year=2007|2007&carId=001&n=15684181&s=automotive
وشكرا

[مخ سعودي]

مرحبا ومسهلاوالله يالغالي انا حاليا نويت اجربها لكن بطلب معها هوبات رياضية
ولقيت سعرها مع الهوبات حول ٢٤٨ دولار لكن خايف من الشحن

[مسترنت]

كل عام وانت بخير مخ سعودي وجميع الاعضاء
اذا ما كنت مستعجل عليها اطلبها عن طريق واصل ارخص في السعر وتوصلك من اسبوعين الى ثلاثة بلكثير وفي حالات خلال اسبوع حسب ما شفت في المنتديات

[مخ سعودي]

اخوي مستر انا عندي واصل لكن على ما اعتقد لابد ان يكون عندك صندوق بريد في امريكا

[مسترنت]

اذا عندك واصل يعطوك بريد في بريطانيا وامريكا مجانا
بامكانك تدخل على موقع البريد السعودي وتدخل على حسابك راح تلاقي خانة اسمها واصل عالمي ادخل عليه وراح تلاقي عنوانك في امريكا طبعا اذا اشتريت مثلا من امازون ورسلت طلبيتك على البريد الامريكي راح تصدرلك فاتورة بوزن الشحنة وتسددها عن طريق سداد وهم بعدين يرسلوها لك في السعودية

[Magellan]

انصحكم تشوفون منتدى البوابة الرقمية-قسم التجارة الالكترونية
هناك تبون تتعلمون طريقة الشحن والارسال والتعامل مع مواقع الشراء والبيع
وافضل شيء هي خدمة worldship1.com شباب سعوديين ماسكين الشغلة وعايشين بأمريكا
تدقون ويردون عليكم فهد وعبدالرحمن وابراهيم ويشحنونها من امريكا بإستخدام شركة ارامكس وبالعادة مايحتاج اتصال
اخر مرة شحنوها لي الجمعه ويوم الاحد يدقون علي ارامكس ان شحنتي بالرياض
ازين لكم من واصل الفاصل
اللي يضيع عليكم الشحنات او تقعد بالشهور وبعض الاحيان تضبط معهم ويرسلونها بالوقت المحدد بس تاخذ اسبوعين على الاقل من صندوقك