لغز ومعلومه(جديد) .................................... حله (طرجم ) .. الحل ( الارنب )

[ال-رايق]

السلام عليكم أحبتي ورحمة الله وبركاته
اللغز هذا معلومة اعتقد تجهل الكثيرين ..فتفضلوا



ياويش حي مادخل عسكريه=ولا له لسان يسوق المحاذير
يضرب برجله كنّه يصرف تحيه=تسمع صداها كنّه لابس بساطير
شفته بعيني عين عيني عليه=سمعته باذني دون ايّة تزاوير

ولكم تحيات اخوكم/ال-رايق

[ابوالفهد33]

صح لسانك


رميعه عجله


(ذكـــــــر الــــوبــــــــرأو قائدها)

[ال-رايق]

صح لسانك


رميعه عجله


(ذكـــــــر الــــوبــــــــرأو قائدها)


صح بدنك والحمد لله على السلامه
وعساك بخير
-----------
مالك لواء يالغالي
والصيد مايبي عجله
تحياتي

[حمد الغامدي]

صح لسانك ياطيب الفال

[ال-رايق]

صح لسانك ياطيب الفال


صح بدنك ياشيخ غامد
وشرفني مرورك عسى عمرك طويل

[حمد الغامدي]

الله يطول بعمرك وتشرف بمروري بموضوعك

[ناصر العلي]

وعليكم السلام ورحمة الله وبركاته
سلمت ياأبومهند
وصح لسانك
مايصير هالحي
طائر النعام أو الكنغر

[راعي العجراء]

السلام عليكم أحبتي ورحمة الله وبركاته


اللغز هذا معلومة اعتقد تجهل الكثيرين ..فتفضلوا





يضرب برجله كنّه يصرف تحيه=تسمع صداها كنّه لابس بساطير

ياويش حي مادخل عسكريه=ولا له لسان يسوق المحاذير


شفته بعيني عين عيني عليه=سمعته باذني دون ايّة تزاوير



ولكم تحيات اخوكم/ال-رايق


صح السانك يابو مهند
لغز من جزل
ابيات تطرب
رميعه
مايكون بعض الابل تضرب برجلها حتى يطيح القراد
كما اعتقد
دمت غالي وعالي

[torrjom]

صح السانك


ياابومهند والله يزيدك من فضله


رمعه


الارنب

يضرب برجليه يحذر المجموعه اذا حس في الخطر


كل الووووووووود

[ال-رايق]

وعليكم السلام ورحمة الله وبركاته
سلمت ياأبومهند
وصح لسانك
مايصير هالحي
طائر النعام أو الكنغر


حياك ربي يابوعلي
حياك سعادة العميد المبجّل
وصح بدنك
والرمعه جوابها جاي
تحياتي

[ال-رايق]

صح السانك يابو مهند
لغز من جزل
ابيات تطرب
رميعه
مايكون بعض الابل تضرب برجلها حتى يطيح القراد
كما اعتقد
دمت غالي وعالي



حياك ربي والجزالة انتم اهلها لاعدمت شوفكم/اخوي ابوجلمبو
والرمعه حليله لكن مع الزمل الاول:D:good2:
احترامي طال عمرك

[ال-رايق]

صح السانك


ياابومهند والله يزيدك من فضله


رمعه


الارنب

يضرب برجليه يحذر المجموعه اذا حس في الخطر


كل الووووووووود


بروفسور يابوعبد العزيز الله يستر عليك
---------------------------------
القناص الماهر وعوايده(اخونا طرجم / ابوعبدالعزيز)
الحل(الأرنب)
التوضيح/
عندي الاولاد حاطين كم طرف من الارانب بالاستراحة المتواضعة
لهم مدة وحنا نطعهم وادخل عليهم -قالك داخل على المغاتير -ابغى اعطيهم اكل,,,,, عيال......
/الا الدنيا يوم تخابطت طع طع طق حسب الارضية واثاريه تنبيه /يعني القوم جوكم والاذاني واقفه ..لا ومن حبي قالك لاستعد استريح هههههههههه.
وحكاية ماله لسان للتحذير/فعلا دونما يصدرون صيحات.
تحياتي وتقديري لكل من شارك.

[ABU HAIBAH]

مايحتاج ياوليدى انه الخجز اه يالخجزان

[ال-رايق]

مايحتاج ياوليدى انه الخجز اه يالخجزان



يابو هبه ..الله يوفقك
ممكن توضيح الخجز
اقدر ابحث عنه لكن نبغى تعميم الفائدة
وهالمسمى بأي منطقة؟؟؟؟؟؟؟؟؟؟!!!!!!!!!!!!!

[الزعول]

يابو هبه ..الله يوفقك







ممكن توضيح الخجز

اقدر ابحث عنه لكن نبغى تعميم الفائدة




وهالمسمى بأي منطقة؟؟؟؟؟؟؟؟؟؟!!!!!!!!!!!!!





الخزز وليس الخجز وهو ذكر الارنب
العدنه وهي انثى الارنب
الخرينق وهو ولد الارنب الصغير
وهذه المسميات عندنا في ديارنا جنوب شمال المملكه بلدة شرما
وسوف اعرف بها اكثر
جوها حار جاف برد صيفا
حار بارد معتدل رطب شتاء
وتشهد ديرة شرما
امطار كل ضحويه بمعدل نصف ساعه سنويا

[ال-رايق]

الخزز وليس الخجز وهو ذكر الارنب
العدنه وهي انثى الارنب
الخرينق وهو ولد الارنب الصغير
وهذه المسميات عندنا في ديارنا جنوب شمال المملكه بلدة شرما



شكرا للتوضيح
وقبل كذا ياخوي وينك فاقدينك انت وغلقتك عساها ماتجيك مسيان زي هالحليوين بالصورة
فالله يحييك عدد من زعل ورضى.
لكن ياخوي كل اللي ذكرت اعرفها وصدتها والله وانا باولى متوسط لكن الاخ اما غلطان(اصبعه كبير يعفل الكيبورد يمكن)اولهم مسميات غيرنا.
تسلم على كل حال
تحياتي

[ابو الشبرميات]

صح لسانك يابو مهند
ومشكور على المعلومة طال عمرك
وبالنسبة للتسمية الخزز والعدنة والخرينق
هي متداولة في الجنوب
وعند اهل الصيد لاجو لمعشاهم والا مغداهم وقاموا يسولفون
اطروا الارانب بهالمسميات
بارك الله فيك وفي اخونا طرجم ابو عبدالعزيز على الذبحة المكشاتية
...

[الزعول]

اه اه اه يالرايق لو تعطين صبعك اعضه وأنا زعل

[ال-رايق]

طيب يالزعول/
شرما حول تبوك

[الزعول]

طيب يالزعول/




شرما حول تبوك

اقول جنوب شمال المملكه وتقول حول تبوك
يعني لازم تزعلني

[ال-رايق]

اه اه اه يالرايق لو تعطين صبعك اعضه وأنا زعل


الله يرج ابليسك ياخوي مالقيت الا انا
رح دور اللي فيهم سكر هههههههههههه
وبعدين مسيان عندنا مانحب الاحتكاك مع الزعولين:hot:
تحياتي الله يوسع صدرك بالعافيه

[ال-رايق]

اقول جنوب شمال المملكه وتقول حول تبوك
يعني لازم تزعلني


خافها ديرة بني خي الله يسلمهم قبل حايل
لكن وش هالديرة اللي كل ضحوية مطر الا كان حول قواطير وقلات يمكن

[ال-رايق]

صح لسانك يابو مهند
ومشكور على المعلومة طال عمرك
وبالنسبة للتسمية الخزز والعدنة والخرينق
هي متداولة في الجنوب
وعند اهل الصيد لاجو لمعشاهم والا مغداهم وقاموا يسولفون
اطروا الارانب بهالمسميات
بارك الله فيك وفي اخونا طرجم ابو عبدالعزيز على الذبحة المكشاتية
...


هلا خوي/ابو الشبرميات
ومشكور على المرور الطيب يالطيب..وماذكرته صحيح لكن اللي لخبطني يقول خجز
تحياتي

[الزعول]

خافها ديرة بني خي الله يسلمهم قبل حايل


لكن وش هالديرة اللي كل ضحوية مطر الا كان حول قواطير وقلات يمكن

هذي الديره قريبه من نجران شمال عرعر 60 كيلو عن الدمام بين الخرمه والطايف
انت مادرست الجرغافيا

[ال-رايق]

هذي الديره قريبه من نجران شمال عرعر 60 كيلو عن الدمام بين الخرمه والطايف
انت مادرست الجرغافيا


اههههههههههههههههههه
هافلين حلمت
لاتواخذني توني دارس من المطلعة/ولا انت ماتدري اني ادرس في:
مدرسة ليل المحوية /في نفود تهامه/سبت مشيط/خميس العلايا/
ويدرسنا مصريداني ومدرس باكسغاني ومديرنا كويتودي
--------
وكان ودك تدرس معي ارسل لي صورة (ميلادة الشهاد)
وسجلك