راعي سحابه
17/07/2012, 05:06 AM
السسلام عليكم ..
في يوم من الايام عزمت انا والربع نطلع لنا طلعه كشته كان علينا مطر والجو روعه .. المهم وانا اللي انقز مع خويي عنده جمس دنقل قطعه عشره بدون دبل والمنطقه اللي بنروحها معروفه بوعرها ورباضها اهل الحسا يعرفونها اسمها الاصفر .. من اروع المناطق .. المهم وانا اللي اقوله ياولد موترك يمشي لايغرز بنا .. قال افا وش تقول يمشي هذا الجمس امريكي ومدري وش يقول قلت زين .. المهم ونحمل العزبه ونسبق الربع قلنا احنا نروح وانتو جيبو عدة الاكل والقدور ولحقونا .. ونروح المهم ويوم ركبنا الدبايه حقت الاصفر ( السليته ) ونا اخابر المنطقه وخابر اراضيها المهم ويوم نوصل للمدخل اللي نبيه ونوقف وننسم توايره ويوم وصل هواها 20 .. وندخل على هاك الجمس ونقز ماتنقز ونطيح لنا في جفره رباض وممطوره وخوينا راعي الجمس يتمشى ويعلق الموتر المهم احفر ماتحفر نسم ماتنسم .. الموتر علق ماعاد له نيه يطلع .. علينا ذاك الوقت عصريه حول 5 العصر .. ونكلم خويانا الا الجوالات مافيها ارسال .. واروح امشي وارتفع لي على مشراف .. واكلم وينكم قالو تونا ماسكين السليته .. المهم قلت احنا كذا كذا في المحل الفلاني .. ويددورونا ساعتين لين حصلونا .. والله ويجي الموتر الثاني اسوزو .. ويسحبنا الموتر مهوب راضي يتحرك .. يمين يسار الموتر قاعد قاعد .. ونقعد لين تسع الليل .. وهي اللي صكت في وجهنا ونركب مع خوينا ونعود الاستراحه ونجتمع .. الا واحد من الربع عنده فورد جيب العائلي فيه دبل .. والله وناخذه ونروح ولا فيه فايده غرز ولا عاد طلع ونقعد هناك لين 5 الفجر واحنا اسحب ومن هنا ومن هناك .. ووالله ماعاد به فايده .. واذكر واحدن من الربع عنده شاص واكلمه .. يافلان ياهلا ياهلا ياالله حيه .. قلت انا ابي فزعتك .. قالي ابشر واقوله السالفه ويجينا والله ويسحب الجمس ويالله يالله طلع .. ويجي للفورد نسحب والموتر واقف مايتحرك ونقعد ساعه يمكن الشاص يسحب والفورد واقف ماهوب راضي يتحرك ونخليه ونمشي ويعودون له العيال العصر ويطلعونه .. بعدها حلفت يمين ماعاد ادخل البر بموتر بدون دبل ....
وسسسسسلامتكم .. اتمنى تعجبكم
في يوم من الايام عزمت انا والربع نطلع لنا طلعه كشته كان علينا مطر والجو روعه .. المهم وانا اللي انقز مع خويي عنده جمس دنقل قطعه عشره بدون دبل والمنطقه اللي بنروحها معروفه بوعرها ورباضها اهل الحسا يعرفونها اسمها الاصفر .. من اروع المناطق .. المهم وانا اللي اقوله ياولد موترك يمشي لايغرز بنا .. قال افا وش تقول يمشي هذا الجمس امريكي ومدري وش يقول قلت زين .. المهم ونحمل العزبه ونسبق الربع قلنا احنا نروح وانتو جيبو عدة الاكل والقدور ولحقونا .. ونروح المهم ويوم ركبنا الدبايه حقت الاصفر ( السليته ) ونا اخابر المنطقه وخابر اراضيها المهم ويوم نوصل للمدخل اللي نبيه ونوقف وننسم توايره ويوم وصل هواها 20 .. وندخل على هاك الجمس ونقز ماتنقز ونطيح لنا في جفره رباض وممطوره وخوينا راعي الجمس يتمشى ويعلق الموتر المهم احفر ماتحفر نسم ماتنسم .. الموتر علق ماعاد له نيه يطلع .. علينا ذاك الوقت عصريه حول 5 العصر .. ونكلم خويانا الا الجوالات مافيها ارسال .. واروح امشي وارتفع لي على مشراف .. واكلم وينكم قالو تونا ماسكين السليته .. المهم قلت احنا كذا كذا في المحل الفلاني .. ويددورونا ساعتين لين حصلونا .. والله ويجي الموتر الثاني اسوزو .. ويسحبنا الموتر مهوب راضي يتحرك .. يمين يسار الموتر قاعد قاعد .. ونقعد لين تسع الليل .. وهي اللي صكت في وجهنا ونركب مع خوينا ونعود الاستراحه ونجتمع .. الا واحد من الربع عنده فورد جيب العائلي فيه دبل .. والله وناخذه ونروح ولا فيه فايده غرز ولا عاد طلع ونقعد هناك لين 5 الفجر واحنا اسحب ومن هنا ومن هناك .. ووالله ماعاد به فايده .. واذكر واحدن من الربع عنده شاص واكلمه .. يافلان ياهلا ياهلا ياالله حيه .. قلت انا ابي فزعتك .. قالي ابشر واقوله السالفه ويجينا والله ويسحب الجمس ويالله يالله طلع .. ويجي للفورد نسحب والموتر واقف مايتحرك ونقعد ساعه يمكن الشاص يسحب والفورد واقف ماهوب راضي يتحرك ونخليه ونمشي ويعودون له العيال العصر ويطلعونه .. بعدها حلفت يمين ماعاد ادخل البر بموتر بدون دبل ....
وسسسسسلامتكم .. اتمنى تعجبكم