فزعتكم ما هو حل الحرارة مع تشغيل المكيف ؟؟؟؟؟؟

[haithaam2002]

أسعد الله أوقاتكم أصدقائي الأعزاء ...
عندي سيارة إنفوي مشكلتها ارتفاع الحرارة عند تشغيل المكيف فقط واذا طفيت التكييف ترجع طبيعية للربع ..
تم تسييخ الرديتر - تغيير سير المكينةGM - تشييك طرمبة الموية سليمة - تركيب بلف حرارة منه نوعين نوع بسعر 250 ونوع بسعر 120 ر.س ركبت الثاني - تم تركيب كلتش مروحة أصلي GM-فريون أصلي .
الحرارة ترتفع عند تشغيل التكييف واذا مشيت بالسيارة خصوصا خط تنزل للربع مع اني مشغل المكيف يعني من فترة سافرت الخبر ورجعت والحرارة ما شاء الله تمام للربع مع تشغيل المكيف والتبريد ممتاز بس بالزحمة وداخل المدينة ترتفع .
تم فحص السيارة كمبيوتر لمعرفة السبب ؟ وجد عندي المراوح سرعتها شغالة تمام والمكينة تمام وكل شي طبيعي ما عدى حساسات مثل حساس شكمان وحساس السلندر Knock Sensor وعلى حسب كلام الفني الفلبيني انه البلف بحاجة لميزان فهل كلامه صحيح ؟ إن البلف يحتاج هالشي وبالنسبة للحساس يقول كهرباء الحساس فيها مشكلة تؤثر على الظفيرة والغريب من كلامه إنه إصلاحها يحتاج يوم كامل أنا حاب تفيدوني بخبراتكم بهالشي وما علاقة كل هالشي بالحرارة ؟؟؟ وهل تحتاج كل هالوقت يوم كامل !!! علمأً ان تكلفة اصلاح الحساس وضبط ميزانية البلف على كلامه 500 ر.س بعد المكاسرة. بس للحين ما صلحتها لأني أبي أتنور وما اروح اصلح على الفاضي وتطلع المشكلة بشي ثاني لاسمح الله .
وكل عام والقائمين على الموقع والأعضاء بألف خير بمناسبة حلول شهر رمضان المبارك أعاده الله عليكم بالصحة والبركة .

[ms662]

ارتفاع الحرارة مع المكيف طبيعي في اماكن الزحمات بسبب تحمل المكينة زيادة بتشغيل المكيف وقلة دخول الهواء للتبريد على المكينة
وانت عارف مشكلتك وحلها بنفسك لما قلت انه في الخط مع المكيف على الربع والزحمات والمدينة ترتفع.
يعني عندك مشكلة نقص هواء للتبريد
فانصحك تركب مروحة شبك اضافية للي موجوده اذا كانت وحدة او تركب مروحة اداءها قوي لتزيد الهواء الداخل للمكينة
وبالتوفيق

[haithaam2002]

اخي العزيز ارتفاع الحرارة بالزحمة فوق النص شرطتين مع التكييف مؤشر ما يدل على طبيعة الحرارة فهالسيارات
لذا من التشخيص المبدئي فيه مشكلة وليست طبيعية أن ترتفع فوق النص شرطتين او ثلاث مع التكييف داخل المدينة فقط وبالزحمة ولاجل هالسبب طرحت المشكلة والملاحظ عند ارتفاع الحرارة ما ترتفع فجاة يبدأ المؤشر يلعب فوق وتحت وكذا .... بس اذا طفيت التكييف يضبط على النص او اقل بشوي وتكون طبيعية وشكرا

[ms662]

اخي العزيز ارتفاع الحرارة بالزحمة فوق النص شرطتين مع التكييف مؤشر ما يدل على طبيعة الحرارة فهالسيارات
لذا من التشخيص المبدئي فيه مشكلة وليست طبيعية أن ترتفع فوق النص شرطتين او ثلاث مع التكييف داخل المدينة فقط وبالزحمة ولاجل هالسبب طرحت المشكلة والملاحظ عند ارتفاع الحرارة ما ترتفع فجاة يبدأ المؤشر يلعب فوق وتحت وكذا .... بس اذا طفيت التكييف يضبط على النص او اقل بشوي وتكون طبيعية وشكرا

اخي الكريم من كلامك في بداية الموضوع يوحي ان الارتفاع بسيط من الربع للثلث مثلا
لكن الان بينت انها تتعدى النصف

[وبل نجد]

مشكلتك في المراوح الكهربائيه

شيك عل المراوح عند اكثر من واحد
مشكلتك لاتتعدى المراوح

ولاتاخذ بكلام كهربائي واحد رح لاكثر من شخص اهم شي يكون فاهم
واترك عنك فحص الكمبيتور خساره مالها داعي الا فالكشف ع الحساسات

[haithaam2002]

اخي وبل نجد سبق وفحصت كلتش المروحة أكثر من مرة ركبت تجاري وما نفع والان ركبت اصلي اي سي ديلكو اللي نصحوني فيها الاخوة سابقا بالموقع 25790869 AC Delco الاصلية واصبح دفع المروحة افضل وما اقولك اش قد خسرت فك وتركيب كذا مروحة سابقا بس توها جديدة ما لها اسبوع وما اظن المشكلة منها بس هل تحتاج برمجمة المروحة الجديدة لاني سالت كثير الورش يقولون اتوماتيك ما تتبرمج ولا تحتاج .

[وبل نجد]

اذا شيك ع المروحه اللي تكون بين الشبك والرديتر
لعل العله منها لانها تشتغل مع تشغيل المكيف او اذا احتمت السياره

او ان الحساس حق اامروحه خربان او الكتاوت حقها
لازم تشيك عليها عند كهرباائي ممتاز

[haithaam2002]

اخوي وبل نجد الانفوي ما لها مروحة اضافية اذا كنت تقصد مروحة تبريد رديتر المكيف ما يجي لها مروحة هي مروحة اتوماتيكية فقط
وننتظر من الاخوة اصحاب الخبرة الافادة العاجلة بهالموضوع للوصول للسبب الرئيسي وراء هالمشكلة وشكرا .

[Magellan]

ياهيثم سبق وقلت انك لاتجيد قراءة مابين السطور
يعني كم مره طلبت منك تشوف لو ارتفعت الحرارة بالزحم تقلب المكيف من البارد للحار وتشوف نزلت الحرارة ام لا ولا رديت
طالبتك بتغيير الكلتش في اوتو ستار ولم تفعل
وانا لا اعرف تاريخ السيارة لأنها مستعمله وقد يكون تعرضت لمشاكل او احدث صاحبها السابق اي حاجة مؤثرة في السيارة بالإضافة او التعديل دون ان ندري فلكي نصل للتشخيص الصحيح لابد من معرفة تاريخ السيارة،،،
بالنسبة لحساس الاكسجين او الاقزوزت او الشكمان ماله علاقة ويظهر فقط بسبب الغاء دبة التلوث والنوك سنسر هو حساس صرقعة المكينة او الديلكو وممكن يسبب بعض الحالات الحرارة لكن في الغالب يصدر اهتزازات للمحرك عند المشي،،،
نصيحة انت شوف هذا الموضوع علّه يفيدك
http://mekshat.com/vb/showthread.php?t=510950
واخص بالذات تطبيق ماتم ذكره في المشاركة 50 و كذلك 51
وإن شاء الله تستفيد

[haithaam2002]

اخي ميجلان شاكر ومقدر ردودك اللي دايم تسعد قلبي بس يالغالي لو لاحظت انا مشيت مع نصايحك وكنت ارد عليك سابقا بهالموضوع وبالنسبة لكلتش المروحة من واللي نصحني فيها مو انته؟ وسويت بنصيحتك ... بالنسبة تغيير المكيف من بارد الى حار وقت ما تجي الحرارة سويته ولقيت المكيف ما يعطي هواء حار ابدا واستغربت قلت يمكن لانه اللي مفصول حق الحار بس لاحظت شي مهم يوم اكون مشغل المكيف على البارد وماشي بالسيارة والهواء بارد تكون كبسة المكيف شغالة على اغلاق الهواء الخارجي -الهواية اقصد- مسكرة ويوم تجي الحرارة افتحها على اساس تجيب هواء من الخارج الاحظ تنزل الحرارة شي بسيط فقط هذا اللي حصل اخي وحبيت اوضح اني دوم اسمع النصيحه واسوي بيها .
بس اخوي ميجلان السيارة بعد اللي شرحته لك سابقا رجعتها جديدة تقريبا سواء مكينة او رديتر او قطع ثانية يعني لو فيه تعديلات سابقة من راعيها كان بين معي هالشي .
وارجو افادتي عن مدة التصليح اللي سالتها فوق هل فعلا يحتاج يوم كامل بعملية الاصلاح لاني بجد متخوف اخاف يروح يركب شي ثاني ويقولي صلحت وصلحت وما استفيد .
وبالنسبة للرابط بشوفه ومشكور ما قصرت وراح ارفق لك صورة لليات التكييف علها منها المشكلة قريبا باذن الله

[sgl2002]

اذا ماعندك مرواح اضافية خلف الشبك فركب وحده واذا قدرت ركب ثنتين لانها ضرورية للسيارة وتعوضه الهواء اللي وقت المشي

[haithaam2002]

اخي ميجلان بعد الاطلاع على الرابط رحت اشيك على التوصيلات ولقيت شي مهم ما كان بالبال وهو وجود لي نازل للاسفل مو مسكر مفتوح ولا يرى بالعين المجردة الا اذا دققت زين فيه ومرفق الصور للاطلاع واعطاء الراي راح تشوف ليين لي مسكر ولي نازل للاسفل وتبين انه مفتوح مو مسكر مثل اللي جنبه وماسكه بيدي للتوضيح

http://im20.gulfup.com/2012-07-17/134253204243.jpghttp://im20.gulfup.com/2012-07-17/1342532040171.jpg

[كاشت وحداني]

اذا عندك مروحتين
المروحه حقت المكيف احتماال ما تشتغل بسبب نقص الفريون
تحدث في الكابريس واللومينا
اذا الفربون ناقص ما يشبك حساس المروحه اللي تشتغل مع المكيف


تم الإرسال من جهازي GT-I9300 بواسطة تاباتوك 2

[haithaam2002]

أرجو من الأخوة الافادة عن التوصيلات الواضحة بالصورة هل هي صحيحة ؟ أم يجب اغلاق اللي الثاني لأنه مفتوح وغير مغلق للأهمية .........

[Abo-ibrahem]

الواضح من الصوره ان المكيف الحار عندك ملغي

[العابر2222]

اخي العزيز مشكلة موترك واضحه ركب مروحه مكيف (بين الشبك والأديتر)

الأنفوي السعودي يجي فيه مروحه بين الشبك والأديتر ... يمكن سيارتك استخدام امريكي وجايه من منطقه بارده فما يوجد فيها او سعودي بس صاير عليها حادث خفيف في المقدمه وملغاه المروحة..

رح لكهربائي شاطر خله يحطلك مروحه فورد او مروحة يوكن ويضبط لها كتاوت ويشبكها على المكيف راح تنسى مشاكلك كلها وترتاح السياره

[Magellan]

واضح جدا ان الليات لثلاجة المكيف الحار ملغية
وهي نفس ماتكلم به الاخ في الرابط الذي ذكرته
قد تكون هي مسبب الحرارة البسيطه الناتجة عن الوقوف في الزحمه