فزعة يا اخوان (المواصفات والمقاييس يقولون " غير مطابق" )

[muhammad]

يا اخوان شريت سياره ورحت افحصها عند هيئه المواصفات والمقاييس وقالوا غير مطابق. يقولون ان فيه تعديل بسيط في الشاص . والله مشكله الان :(

السياره ممتازه بس هم مستقعدين الله يهديهم .


حسبي الله عليهم يقول الموظف ودها تشليح او شب فيها تخيلوا
حسبي الله عليهم
حسبي الله عليهم

يا اخوان فزعتكم وش اسوي؟

الله يوفقكم دلوني

[أصيل حجآ زي]

http://im.gulfup.com/2011-02-10/12973306271.jpg
رآسل العضوء الكريم / أبوعآذر
وتلقى حل عندهُ بأذن الله


أن شاء الله يمُر على موضوعك .

[muhammad]

انعم واكرم. بس ما اقدر اراسله
ﻧﺄﺳﻒ ﻻ ﯾﻤﻜﻨﻚ ارﺳﺎل رﺳﺎﺋﻞ ﺟﺪﯾﺪة ﻗﺒﻞ 50 ﻣﺸﺎرﻛﺔ ﻟﺪﯾﻚ اﻷن 1 ﻣﺸﺎرﻛﺔ .اﻹدارة

يا اخوان اذا احد يرسلهرساله الله يوفقه

ابو عآذر . وجهنا حفظ الله لك مالك وولدك

[وبل نجد]

تمت مراسلة الاخ ابوعاذر وارسلت له رابط موضوعك

ولعله يمر ان شاء الله
وشكرا

[كاشت وحداني]

شكل الموظف يبي المقسوم
حتى لو السيارة غير مطابقة المفروض ما يقول الكلام اللي قاله
اكيد عندهم تعليمات وتوجيهات لمثل هذه الحالات
الله ييسر امرك

تم الإرسال من جهازي GT-I9300 بواسطة تاباتوك 2

[muhammad]

وبل نجد اشكرك.


الله يفرجها وييسر الامور.

[العابر2222]

اخوووووي
اكثر السيارات الامريكيه تجي مرشوشه ومعدله شاصاتها من حوادث قويه ومصدره تالف من بلدها ومصلحه وتدخل عادي

وشي المشكله الي في الشاص بالضبط هل هو ملحم اي كلام او متعرج التعديل

كان عرفت منه السبب بالضبط .. اذا الشاص ودها ورشه يضبطونه ويصنفرونه ويرشونه واستخدمها كم يوم الين تغبر من تحت وودها لهم

او اطلع لصالات السيارات الامريكيه واعرض عليهم المشكله بيلقون لك مخرج

يا ليت تذكر نوع السياره لايكون مبدل دركسونه من يسار الى يمين

[muhammad]

السياره فورد اخت الجديده ولا عدل الدركسون و الشاص ماجاه شي ولا فيه تلحيم ولا فيه تعرج. الفخذ فيه معجون من صدمه جانبيه بسيطه.

بس الشخص الله يهديه مستقعد ونفسه شينه ولا الموتر ممتاز.

[العابر2222]

والله شي غريب

يخوووي انقز لاحد الصالات وشرح لهم المشكله ويضبطون وضعك ان شاء الله

اذا انت في الرياض شفهم على طريق المطار


انا قبل فتره مودي لهيئة المواصفات والمقايس جيب نيسان وفحصه على الحفره واحد مطوع وما كان فيه طفايه حريق
والله انه طيب قال ما ودي اردك وارجعك بس توعدني تشريها قلت ابشر ومشى الفحص

[muhammad]

اشكرك يالعابر.

وابروح للصالات اجرب. ومن عنده حل يعيننا على هالمشكله يتفضل به.

[white heart]

كلام اخي العابر 2222صحييييييييييح معظم سيارات امريكا تجي على انها تشليح وتتصلح مرة ثانية
والله اني رحت الامارات وشفت العجب العجاب ولاعاد شريت ونحشت على ديرتي

[AxR979]

اخر الحلول سو له اعادة تصدير للامارات و دخله من هناك

[muhammad]

انا جبت السياره من الامارات من منفذ البطحاء.

[ابو عاذر]

السلام عليكم ورحمة الله وبركاته
اخوي مشكلة بعض الموظفيين هداهم الله التعنت والتضييق على المراجعين ولو يطبقون حديث الرسول الكريم اللهم اصلي وسلم عليه (( من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ،،،،،، الحديث )) لوجد في نفسه الراحة والسعادة وسعة الرزق وانت مشكلتك بسيطة ان شاء الله ،،،،، يوجد مختبر( خاص) للمواصفات والمقاييس بالقرب من محطة الفحص الدوري موقعه ( وانت مع متجه غرب مع طريق الخدمة بعد محطة الفحص يجيك على اليمين هنقر\ ورشة لونها ازرق \بحري هذا هو المختبر ) يأخذ عليك رسوم مقدارها 300 ريال يعطيك ورقة ويركب استكر المواصفات ،،، ومن توجه ثم الى محطة قطار ( ميناء جاف \ مصلحة جمارك )واستخرج بطاقة جمركية ،،،،،، وان شاء الله تكون مشكلة انتهت ( أن ما فاد أعلمنا )

مع تحيات اخوك ابو عاذر والشكر موصول لأخونا وبل نجد على اعلامنا بذلك وان هذا من طيب الاعضاء وتعاونهم في فعل الخير ومساعدتهم عليه

[الشهابة]

الله يسهل أمورك .. دعواتنا لك و بالتوفيق

[FORD1969]

رح لهم مره ثانيه بطيح في غير هذا الموظف وخلك بشوش وبتمشي امورك اسألني عنهم ماعندهم سالفه الله يرحمنا برحمته


الصالات الكبيره استكر المواصفات يجيها لحد عندها ؟؟؟؟


نص المواتر المستورده عن طريق الامارات سالفج يعني غير صالحه معدومه في امريكا ويصلحونها في الامارات وتخش هنا للأسف


ومر علي اكثر من موتر شاصه معدوم ومعدل وعليه استكر المواصفات

[هويدي]

تسيف خليته ...ولا رحت لمديره ؟

انقهرت ونا مالي دخل بعض الناس كنه يشتغل ببلاش او يعطيك من جيبه

لو فرضنا انه فعلاً ممنوع وسيارتك ما تمشي المفروض يواسيك مايتريق واذا ماله خلق يعامل المسلمين تعامل لائق ومهذب يوصل الفكره بدون سخريه وشماته

الله يبيض وجهك يابوعاذر ويكثر من امثالك وجزاك الله خير على الاحاديث

[muhammad]

الله يرزقكم ويوفقكم. ماقصرتوا لاعدمناكم

ابجرب احد هالحلول والله ييسر الامور.

وبيض الله وجهك يابوعاذر.

[الربان]

اخي محمد

السلام عليكم ورحمة الله وبركاته

قم باصلاح السياره جيداً واتبع كلام اخي ابو عاذر وفقنا الله واياه .

[SHUGE]

سلمها لمعرض وريح راسك ......؟

[ابوفهد911]

اخوي اذا انت رايح للشركات المتعاقده مع المواصفات والمقاييس مثل الي عند الفحص فهذولا حراميه رح للرئيسي مخرج 2 يسارشارع تركي الاول باتجاه الجنوب يجيك على يدك اليسار ولا تقول لهم سويت شي كانك جاي جديد وتتسهل امورك وبشرنا رجاء ترانا شايلين همك

[ابوفهد911]

حتى لو الصدمه خفيفه يكتبووووووووووووون سالفج لان التصليح يكلف عندهم ذالك وترى وكلاء السيارات هم الي ينشرون الاشاعات انه جميعها معدومه وشيصانها معدومه اجل اذا انصدمت السياره هنا ليش تتصلح ىحتى لو متناثره قطع شوفو الصناعيه

[muhammad]

اسأل الله ان يوفقكم ويرزقكم اخواني الكرام.

والله حاولت يمين ويسار وماقدرت.

اذا احد يفزع ويوجهني لمعرض ولا طريقه ويفرج همي فرج الله همه .

[بدااح]

هذا رقمي ارسل لي رقم الشاص حق موترك عالجوال برساله وان شاء الله اقدر افيدك بطريقة تمشي موترك لو مانكتب عليه انه غير مطابق

[ابو فهد العزي]

انا بنصحك تروح المواصفات
في جدة امورهم سهله وميسره
تدقيق بسيط ولاكن السيارة بتمشي ان شاء الله
انا دايم اسوي عندهم المواصفات
موقعهم بجانب الجمارك بجانب الميناء

[muhammad]

بدااح ماشفت الرقم (يمكن حذف من الاداره)


ارسل لي رقمك لا هنت على الخاص. والله يشكر سعيك

وجده اااه ياجده ياليت داري قبل ما اروح لفرع الرياض.

[بدااح]

خذ يابعدي هذا الايميل يمكن ممنوع من الاداره الرقم nv@hotmail.cz

[muhammad]

ياجعلك تسلم وبيض الله وجهك وشكر الله سعيك.

الايميل ارسل لك

[muhammad]

رجعنا مرة ثانية "وتيتي مثل مارحتي مثل ماجيتي"

- رحت للمواصفات والمقاييس وكلمتهم ونزلوا فحصوها 7 فنيين وكلهم قالوا ( مافيها شاص ) وكلمت اللي سجلها وقلت له ليش الاستقعاد والظلم وقال ان السياره مصدومه والنظام مايسمح ..... ( بعد ساعه ملاجج) قال انه مايقدر يعدل ووراني السيستم حقهم . فقلت حسبي الله عليك والله يهديك ولا يبلاك بمن يظلمك

- كلمت المعارض وكلهم هايبين يخافون

- رحت للشركة البديلة وقالو انهم يشيكون على رقم الشاص قبل الفحص

- قال لي موظف في المواصفات والمقاييس ان مراكزهم مرتبطه ببعض (هل هو صحيح)


فبالله يا اخوان الموتر جديد 2011 ومافيه الا باب وطرف الرفرف وهذا مصلح ومظبط تمام. وانا رجال ابستخدم

هل من حل !!؟؟

قال اصحاب الخبرة في هالامور معقبين جدة يظبطونها . هل فيه احد يعرف معقب من اهل جدة ؟

والله يعاافيكم ولا يبتليكم بشر؟

[jjj-رقاgي]

ياغالي وش صار معك حليت المشكلة وطلعت البطاقة الجمركية

ولا رجعت السيارة

اسأل الله ان يفرجها من عنده (عندي نفس المشكلة)
وش الحل يا اخوان

[muhammad]

لا والله ماصار شي.

للعلم السيارة شاصي سليم وجايتها صدمه في الباب فقط. وحسبي الله ونعم الوكيل



صوره من الظلم و اكل اموال الناس بالباطل

[راعي المسرى]

الله ييسر أمرك ويكتب لك اللي فيه الخير.

س/ هل السيارة طالع عليها (سالفج) في الامارات قبل ما تجي السعودية؟
إذا كان الأمر كذالك فعليك ارجاعها لمن اشتريتها منه لو عن طريق شرطة الامارات ..

وابحث عن سالفج في قوقل وتلقى المقصود بها ....

إن كان غير ذلك فحاول اصلاح الخلل الموجود فيها واستخرج لها الشهادة من مكان أخر في الدمام أو جدة
والله يعينك وييسر أمرك

للفائدة راجع http://www.saso.org.sa/Arabic/Pages/AddCar.aspx

[مركز حراره]

ولو يطبقون حديث الرسول الكريم اللهم اصلي وسلم عليه (( من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ،،،،،، الحديث )) لوجد في نفسه الراحة والسعادة وسعة الرزق جزاك الله خير
اذا كانت المشكله برقم الشاصي ممكن تدقه مره ثانيه عند ورش السمكره

[درجلان الشمال]

والله مشكله ليش مايكون ارتباط حاسوبي مع التصدير الجمركي الاماراتي والسعودي والله مهزله يعني الحين تجمرك السياره وتدفع عليها رسوم جمركيه وتطلعبها واذا جيت بطلعلها لوحات تقولي النظام مايسمح مصدوم طيب من الاساس لاتسمح بدخول السيارات اللي عليها سالفج اخوي شفلك واسطه لو بحب الخشوم الدواير الحكوميه نفس النظام لايلعب عليك يقول مقدر اعدل يارجال البنوك وهي اقوي نظام اذا حولت عند واخطاء رجع الحواله فمابالك بالبرامج اللي بالدواير مش حالك لو تدسم شاربه

[أصيل حجآ زي]

الله ييسر أمرك ويكتب لك اللي فيه الخير.
س/ هل السيارة طالع عليها (سالفج) في الامارات قبل ما تجي السعودية؟
إذا كان الأمر كذالك فعليك ارجاعها لمن اشتريتها منه لو عن طريق شرطة الامارات ..


وابحث عن سالفج في قوقل وتلقى المقصود بها ....


إن كان غير ذلك فحاول اصلاح الخلل الموجود فيها واستخرج لها الشهادة من مكان أخر في الدمام أو جدة
والله يعينك وييسر أمرك

للفائدة راجع http://www.saso.org.sa/Arabic/Pages/AddCar.aspx


أخي :
مشكور على موقع الموآصفآت .


بالنسبة لكلمة سآلفج { Salvage } :
أنا أعرف أنك تعرف معنآها .


إنقاذ / تخليص / نجدة / إنقاذ من الغرق /
أنقذ سفينة



نقذ / نجد




لاكن لها عدة معآني بالنسبة للتقينية .
وهي أعآدة أستصلآح { أستنقآذ } .
بعضهم يعتبرها أستنقآذ الخُردة { سآلفج Salvage } .



:good2:

[سلطان الشريف]

اتصل بي ابو سعود

[rtx2006]

ياليت رقم ياغالي عندي سيارة ونفس المشكلة من نفس الموصفات والمقايس
غير مطابقة ياليت رقمك على الخاص

[المنيعي1]

الله يعينكم
طيب وينهم عن سيارات الأجرة الي ورطونا به قبل كم سنة
أشتريناه على أنه نظيفة وجت شبه تشليح

[jjj-رقاgي]

ياغالي وش صار معك حليت المشكلة وطلعت البطاقة الجمركية

ولا رجعت السيارة

اسأل الله ان يفرجها من عنده (عندي نفس المشكلة)
وش الحل يا اخوان


ابشركم ياشباب الحمد لله تيسرت بفضل من الله اخذت البطاقة الجمركية يوم الابعاء 1434/3/4هـ

يبدو لي بعد ما أزعجناهم في جمارك الرياض وطلبنا ندخل عند المعالي وقابلنا مدير مكتبه شكلهم طفشو منا

نزل المعالي خطاب الى فروع المواصفات والمقايس بتوجيه كل من كتب له ان سيارته غير مطابقة بإعادة فحص السيارة في الوكالة التابعة له سيارته للسيارات التي دخلت السعودية قبل تاريخ 1434/2/6 هـ (بداية الفرج)

الحمد لله انا سيارتي اكسبلولرر رحت توكيلات الجزيرة قالولي 950 وتجلس السيارة اسبوع!!!!
ونا اسحب عليهم وروح الملحم موزع معتمد لتوكيلات الجزيرة 300 ونا واقف فحص سريع النتيجة الحمد لله تمام ثم عطوني خطاب مختم من عندهم وديته للمواصفات والمقايس بالدمام كم يوم إلا وهم يدقون علي خذ الفحص الجديد OK

[قطاع الأرماس]

والله شي غريب

يخوووي انقز لاحد الصالات وشرح لهم المشكله ويضبطون وضعك ان شاء الله

اذا انت في الرياض شفهم على طريق المطار


انا قبل فتره مودي لهيئة المواصفات والمقايس جيب نيسان وفحصه على الحفره واحد مطوع وما كان فيه طفايه حريق
والله انه طيب قال ما ودي اردك وارجعك بس توعدني تشريها قلت ابشر ومشى الفحص

عرفت المطوع اللي تقول .. توني قبل يومين فاحص عنده شاص شاريه من قطر .. عز الله أنه موظف خلوق و محترم