شلون اعرف ان امبير الحراره مو خربان

[ملك الألقاب]

صبحكم الله بالخير ياشباب
امبير الحراره مدري وش به اشك انه خربان لانه مايتحرك الا خفيف مايوصل الربع لو وشو واظن والله اعلم انه مفصول او لاعب به هندي حسبي الله عليه غيرت الرديتر عنده ومن عقبها مارتفعت الحراره ابد حتى بعز الظهر وان نزلت من الموتر يطلع صالي من تحت ( حراره مب صاحيه ) وقبل كم يوم طفت علي مرتين اظنها وصلت اتش وطفت وعقب مابردت اشتغلت عاد قالي واحد يمكن العداد خربان ولا شي ياليت تعلموني كان به طريقه اعرف ان كان خربان او لا وبكم يصلح لاهنتم

السياره ددسن 99

[sgl2002]

شف السلك اللي يركب في حساس الحرارة

او قد يكون حساس الحرارة خربان غيره ب٥٠ ريال

[sgl2002]

بعدين لايكون الهندي فك البلف

لانه اذا فكيت البلف بتكون حرارة الموتر نايمة ويالله ترتفع

[ملك الألقاب]

البلف مفكوك من كم سنه
انا قبل شهر وشوي مغير الرديتر وغلطتي ماجلست عند الهندي رحت اشتري موية رديتر
واظن انه لعب بالحساس مجرد ظن والله اعلم الحراره ماعاد تقوم خير شر توصل الخط الاول وتوقف قبل يومين كنت بالرياض بالصناعيه وموقف ومشغل المكيف ودرجة الحراره حول 48 والحراره على الخط الاول ومن برا صوالي تطلع منها وشوي وتطفي السياره ( ظني وصلت الاتش وطفت عشان ماتخرب المكينه لان عقب ساعه الا ربع اشتغلت وعادي كأن مافيها شي )
وسئلت لي رجال قال تلقا امبير الحراره خربان ومايندرى انا اتوقع انه خربان لانه على الخط الاول والموتر ضوً تشتعل

[مركز حراره]

ممكن يفحص بجهاز اليزر ويتأكد من القرائه الصحيحه وبلاش

[ملك الألقاب]

جربت الطريقه ياشباب ورقا الامبير ونزل بس والله ياهالسياره لاحستن مخي امبير مايرقا وصوالي ويوم الاثنين طفت اظن حراره لان جلست لها ساعه االا ثم اشتغلت مايندرى بس عسى الله يكتب اللي به الخير وجزاكم الله خير جميعاً وماقصرتو

ومبروك عليكم الشهر الله يجعلنا وياكم من صيامه وقيامه يارب