نداء إلى اصحاب سيارات الباترول

[واحد بري]

بسم الله الرحمن الرحيم
اخواني اصحاب سيارات الباترول
انا معي باترول فتك 4800 موديل 2004 وحسيت اني صرفية البنزين للسيارة تغيرت ، مجرد احساس طبعا سبب الاحساس هو ملاحظتي ان التاانكي الاساسي للسيارة يمشين داخل الديرة في حدود 250 إلى 300 كيلومتر وسؤالي هل هذا طبيعي ام لا واذا كان غير طبيعي وش السبب
الاغلبية يبون يقولون شيك على البواجي شيكت عليهن وطلعن سليمات مابهن شي وش الحل برايكم؟
للمعلومية نوع البنزين 91

[أبوحمادة]

المعروف هذه طبيعة البترول كلما قدم قليلاً

[هويدي]

ما استعملت الفتك بس بشكل عام هالحر هاليومين بطبخ الماء بخزان البيت المعزول فمابالك ببنزين وبحديد ـ الله ينجينا وياكم والمسلمين من حر جهنم

والفلتر يسحب هوا حار يأثر على سرعه وجودة الاحتراق غير تأثيره على حساسات الهوا ولواحقها

يالبري حول للـ 95 لعله يفرق
لاحظ السيارات اللي تعبي 91 الظهر ريحتها تفوح بنزين "نـي"

[abo_Majed]

الامر طبيعي وانا اخوك لا توسوس

[تميم2222]

الطبيعي .... 450 كليوو ... يمكن انت تدعس على الموتر كثير ... لكن الباترول لمبه البنزين اذا ولعت اعمل حسابك فيه 70 كيلو زياده ولك التحيه

[تمنيتك لي]

لا بآلعكس شئ طبيعي

ومآ أعتقد أن فيه فرق بيـن آلبنزين (91_95 )

ونصيحه لكك بآلحر لا تعبي موترك فل عب التانكي الاول 20 ريآل

[واحد بري]

ما استعملت الفتك بس بشكل عام هالحر هاليومين بطبخ الماء بخزان البيت المعزول فمابالك ببنزين وبحديد ـ الله ينجينا وياكم والمسلمين من حر جهنم

والفلتر يسحب هوا حار يأثر على سرعه وجودة الاحتراق غير تأثيره على حساسات الهوا ولواحقها

يالبري حول للـ 95 لعله يفرق
لاحظ السيارات اللي تعبي 91 الظهر ريحتها تفوح بنزين "نـي"

طيب ياشباب الاحظ عند ايقاف السيارة لبعض الوقت هناك ريحة بنزين طالعة من الكبوت هل هذا طبيعي واذا كان مهوب طبيعي وش المطلوب عمله

[ms662]

اذا وقفت واموتر حامي وامكيف شغال
فهذي ريحة تبخير البانزين
الامر طبيعي
وتحصل علبة التبخير في الكبوت جنب فلتر الهوا علبه سودا