لا تغفــــل عن هـــذا ؟؟؟؟؟......جيردبي

[جير دبي]

(بسم الله الرحمن الرحيم)
السلام عليكم ورحمه الله وبركاته
شحــــــالكم يالربع كلن باسمــــــه ؟؟
وكل عام وانتم بخير .
والامه الاسلاميه في وحده ونصره باذن الله .
مـــوضوعي يتكلم عن ظرورت التأكــد من سلامه ريشه الطير عند المشتـــرى
فلعـــاده يكون عند مشترى الطير يتم فحصه من الداخل باستخـــدام المنظار
وهذا الشيء متداول ،ونغـفــــل أقلام الريش من الداخـــل وخصوصا اذا
كان الطير جير وجاي من بلاد بعيده ،
http://www9.0zz0.com/2012/07/18/20/443240388.jpg (http://www.0zz0.com)



وحدث معنا العام اشترنا طير جير وكان الطــير فرخ وانشحن بصــندوق
وحين وصوله لم نلاحظ على الريش اي شيء ،وبـــعد فتره تم يفثق الريشه من
القـــلم ولما عرضته على دكاتره قالوا الطــير انشحن فرخ صغير والريش مانشف من الدم بشكل كلي ،ومـــع الكفخ في الصندوق والحـــركه من خلال الســـــفر
تاثرا أقـــلام الريش من الداخـــل ..
وهذا الشي مهــم بالنسبه للمشتـــري وخصوصـا اذا الطــير جاي من مســافه طويلـه ونحن نعفل فحص الريـش من الداخــل ..
حبيت اعرض تجربتي لكي يستفيد اخواني الصقاقير
تحـــــياتي للجميـــع ..

[ربع خالي]

وعليك السلام ورحمة الله وبركاته

لاهنت ياخوي على النصيحه الطيبه
ولكن انا عندي مشكله ! من ادخل غرفة الجيرات ، تضيع الصقاره
من هول زين اللي اشوفه. واخم من طارف
تقبل مروري لاعدمتك

[ابو محمد1111]

لاهنت على الطرح

في موازين حسناتك

[(هزاع)]

وعليك السلام ورحمة الله وبركاته



لاهنت ياخوي على النصيحه الطيبه
ولكن انا عندي مشكله ! من ادخل غرفة الجيرات ، تضيع الصقاره
من هول زين اللي اشوفه. واخم من طارف
تقبل مروري لاعدمتك


هههههههه
ياجعل الفرح والسرور على قلبك دوم يابوسيف
اتقدم بالشكر لك ياراعي الموضوع
وجعله بميزان الامر بالمعروف والنهي عن المنكر

[سلطان 1]

وعليك السلام ورحمة الله وبركاته

لاهنت ياخوي على النصيحه الطيبه
ولكن انا عندي مشكله ! من ادخل غرفة الجيرات ، تضيع الصقاره
من هول زين اللي اشوفه. واخم من طارف
تقبل مروري لاعدمتك


نعم هذا الكلااااااااام يابو راااااشد.
ابو سيف خذ معك واحد نفر فيه شوف
جير شاهين بعدين روح فيها مخ بعدين خم من قريب. ههههههههههههههههه

[ســـبــار ربــعـــه]

جزاك الله خير ورحم الله والديك.

[راعي - عديم]

ينطيك العافيه ع هالموضوع

[قلب ذيب]

هلا وغلا بجير دبي .
موضوع مهم ونحتاج الى توجيهاتك وخبرتك .
حقيقه انا عندي طير بيوصل في نهاية رمضان من الخارج , وموضوعك هذا مهم جدا .
بس قلي : كيف افحص ريش الطير واتأكد من سلامته ؟ هل يبان احتقان الدم في قلم الريش او يتغير لونه ام ماذا ؟ ارشدنا ونورنا الله ينور رمضانك بالحسنات والقبووووووول .

[((ابو وعد))]

فعلا الصقارة كلها والفراسة تضيع لامني شفت الطيور على الشبة وتجيني دوخة لاشفت شبات الطيور الوحوش الله يرزقنا وياكم من واسع فضله

[النااااااادر]

وعليكم السلام ورحمة الله وبركاته


جزاك الله خير على التنويه

فالك الجنه

[ذراع الذيب]

السلام عليكم ورحمة الله وبركاته..
صبحت بالخير يابوراشد..

هذي عوايدك يالنشمي ماتجيب الا المفيد اللي ينفع جميع الصقاقير..
وانتظر ردك على اخوي قلب ذيب لأن سؤالي مثل سؤاله لاهنت والله يعطيك العافيه ويبارك فيك..
تحياتي لك..

[جير دبي]

هلا وغلا بل الغالين كلهم من مشرفين وأعضاء
بالنسبه للاستفسارأخوي قلب اذيب وأخوي بوناصر
تكون واضحه عند الدكتور بسهوله يبين
احتقان الدم في الريشه والدكتور يقدر مدى الاصابه اذا محتاجه لتقويه بوضع ابره داخل الريشه أو لا ،وهذا شىء نادر حدوثه ولكني حبيت انوه للاخوه
ولاتخاف يابوماجد على طيرك وان شاء الله يوصل بالسلامه
وفي انتظار صوره على احر من الجمر
تحياتي للجميع .

[هاوي هدد 11]

الله يعطيك العافية
ماقصرت
وشهر مبارك

[وسًاام]

جزاك الله خير
والشهر عليكم مبارك

[راعي لا حاق]

السلام عليكم

[راعي لا حاق]

السلام عليكم
مساء الخير وكل عام وانتم بخير
كيف الحال طال عمرك ووش حال الجماعه عساكم طيبين
انا مزوار مكشات واقراء مواضيعك الي اكثر من رايعه وهذا ان دل دل على انه صقار من الطراز الاوال وحبيت انشدك عن وصوال الطيور خاصة الجير هل هي وصلت في دولة الامارات ووش اطيب المزارع لاهنت
بحيث ان عندك خبره في الجير حنا ياربعك نعرف للحر الاصيل والشاهين اما الجير قليلين الخبره فيه احد يمدحه واحد يسبه وانا عن نفسي جربت جير الشاهين العام وممتاز درجاء اوالاء
عموما تقبل تحياتي \ اخوك ابو عبدالله العجمي

[صقار الريان]

ون ماغفلت عنه وشو الفايده
البريدر لو شنو مايعوضك وبيقولك هذا خطى من النقل كلم شركه الطيران تعوضك وبعدها عذ من الشيطان ووفر على روحك معاناه شرح مشاكل الريش لهم .
والله لايخسرنا ولايخسركم

[عواد الشمري2]

بيض الله وجهك ماقصرت