مشكلة في الستوقر افيدوني

[ابوعاشة]

السلام عليكم كيف حالكم يالربع

توني راجع من المزرعة كنت اتصيد قوقسي


وجتني مشكلة الي هي المخزن ادخل الفشق في المخزن وماتثبت ترجع في اللسان وحيرتني الصراحة وكرهتني في الشوزن وقمت اهوجس ابيعها مع ان المشكلة بسيطة والشوزن جديدة


افيدوني

[الشمروخي]

مشكله سهله ولو توديه لمصلح ماتتعدى خمسين والتركي مشاكله واجد والله يوفقك

[sari961]

اسحب الاجزاء للخلف وخلها تقدم يعني افلكها كانك تعمرها وبعدين عب الفشق
جرب يمكن تظبط معك

[iV8]

وعليكم السلام

امرها بسيط إن شاءالله ،، حاول انك تفك سسته المخزن وترجعه من جديد يمكن تضبط معك ،، يعني حاول فيها قبل لا توديها للمصلح

بالتوفيق إن شاءالله ومبارك عليك الشهر

[ابوعاشة]

حاولك افك السستة بس مارفت كيف طريقت فكها لاهنتم

[فرخ الجني]

هذي المشكلة في نضام الانيرشا دريفن بس وسببه عدم اقفال الراس الدوار كاملا يعني المكينة ما قفلت زين وشكلك عشانه جديده معك تعامله بنعومه يعني تمسك المكينه وانت تقفله اذا بغيت تعبي البندق اسحب المكينه للنص وتركه ترجع لحاله عشان تتسكر صح واذا بغيت تعبي الفشق دخل الفشقه ليت تسمع صوت تك وجرب ورد لي تحياتي اخوك :فرخ الجني

[ابــ جهينه ــن]

اخوي راعي الستوقر

انا بشري شوزن مثلها جديده تنصحني بها ولا لا

والضغوط لحد كم رميت فيها

وهل صح ترمي ضغوط 50

دمت بخير

كل الود ..

الجهني ..

[بحر الخليج]

هلا بك يابو عاشه كل البنادق الجديده بما فيها البنلي وجربتها شخصيا قبل كذا والستوقر الان لازم تسحب الاجزاء كامله بسرعه بعد ذلك اشحن المخزن واضغط مضبوط على الفشق ويدخل في المخزن سلام سلام ومرت علينا الحاله هذي ولا نقدر نسميها مشكله والستوقر اللي عندي ركبت لها مخزن اصلي 11 طلقه ولازم اضغط الفشق يقوه شوي عشان يدخل وعلى فكره يابوعاشه رميت ب11 طلقه نفضتها نفض بسرعه زي البنلي وسلامتك:good2::good2::good2::good2::good2::good2:: good2::good2::good2:


وهذي صوره لها اهداء لملاك الستوقر ههههههه:D:D:D
http://www10.0zz0.com/2012/07/19/20/216821484.jpg

[فرخ الجني]

ابو جهينه البندق ما شاء الله طيبه بالحيل وترمي 50 لاكن خذها من اخوك الضغوط تفكك البندق لو انه سوبر بنلي ولا احد يقعد يتفلسف عليك 3.5 انش ليست تعني 60 او 66 ولا احد يقولك شف الامريكان كل فشقهم ضغوط صحيح ضغوط لاكن ليست بالغرام لانه فشق ستيل وليس رصاص يعني تشوفه 3 او 3.5 انش بس وزنه 32 او 36 فشق البلاك كلود اشهر واقوى فشق عند الغرب من شركة فيدرل يجي بالغرامين اللي ذكرت يعني 32 او 36 لاحظ معي المقطع هذا في الدقيقه 1:8 شف راح تلقاه كاتب انه 3 انش ولاكن 8/1-1 اوز وتعني بالفشق الرصاص ضغط 32 http://www.youtube.com/watch?v=-Y3Ndmg57b0 اذا عندك فشق 32 شف كرتونه راح تلقاه مكتوب عليه
واحد من ربعي معه سوبر بريدا شاريه جديده ويرمي ضغوط 60 و66 واللحين بندقه متفككه تفكك وهي ايطاليه وسوبر الفشق اللي عندنا هفي يعني ثقيل ويفكك البندق مهما كانت ارجوا ان شرحي واضح وانه وضحت وجهة نضري واي استفسار انا حاضر تحياتي اخوك : فرخ الجني

[فرخ الجني]

مبروك المخزن اخوي بحر الخليج

[iV8]

ماقصر اخوي بحر الخليج ومدام معه ستوقر أكيد بيكون عارف لها

دمتم بخير

[بحر الخليج]

الله يبارك فيك اخوي فرخ الجني

[ابوعاشة]

طيب يالربع تكفون شوفولي حل كيف اصلحها

[ابوعاشة]

اخوي فرخ الجني السلاح جديد وانا تعاملي معها ممتاز ما اكرفها ولا اعاملها بنعومة يعني بالنص حاولت اسوي نفس كلامك لاكم مافيه نتيجة ياليت تفيدني اخوي فرخ الجني

[ابوعاشة]

بحر الخليج سويت الي قلتة ولاكن لا فائدة

[فرخ الجني]

بندقك ان شاء الله ما تبي تصليح بس ما عليش ما فهمت بالضبط المشكله اولا انت جربت تسكر البندق زين وتعبي الفشق لين يقول تك وا ليت لو تصور فيديو كيف المشكله اذا ما عليك امر انتظرك نسيت اسئلك بعد انت شلت البلاستك اللي بالمخزن عشان تاخذ 4 فشق او ما شلته

[ابوعاشة]

اخوي فرخ الجني المشكلة ومافيها اني ادخل الفشق ومايقول تك يعني ترجعلي حاولت ادفها ودخلت اصبعي داخل ومافيه فايدة

[أبوصالح9]

السلام عليكم ورحمة الله
اللي يسأل عن المشكلة ترى لافيه مشكلة ولا شي -- امس صارت معي وانا اصيد وزانت على طول لا توديها للتصليح ولا تحوس -جرب طريقة اخونا - فرخ الجني - وانا مانفع حط فيها 70 وتنخله لك نخل :D
تراي امزح تقعد تنفجر فيك وتدعي علي بس حاول بالماكينة وارعص الفشق رعص خل اصبعك يدقر بالغطاء وان شاء الله بتظبط معك

[ابوعاشة]

حاولت يالغالي لاكن بدون فايدة

[فرخ الجني]

اخوي ابو عاشه اعتقد اجل الحابس هو المشكلة شفت الزر اللي يرجع المكنة حرك المكينه حركه كثيرة وسريعه واضغط الزر حق ترجع المكينه بقوة كذا مره كوده يزين معك وانا انصح تصور فيديو للمشكله احسن

[أبوصالح9]

طيب انت رميت فيها بعد ماصارت هالمشكلة ولا مارميت- اذا مارميت جرب ترمي وانا اقول جرب بضغط 40 كأن مافيها شي طبعا حط الفشقة مع مدخل المخزن كأن مافيها شي بترجع الفشقة على كلامك فوق اللسان اسحب المكينة واطلق يمكن تزين ان شاء الله-- تراي قلت ضغط 40 لعل وعسى يعني يمكن قوة الضغط ترجع المياه لمجاريها ولا ماله دخل بمشكلتك

[ابوعاشة]

والله رميت ابو صالح حتى بفشق صلف صلف لبعد درجة شريت منه دستتين وتوبة ماكملت الدستة الثانية الا الجسر انفك والمخزن خرب مدري عاد المكلة من الفشق ولا جودة البندق ورميت بعدها كم طلقة ماصار شي على حاله

[أبو مياده]

على كلام رعي السلاح المشكله في التحضير اللي موجود في مجموعت الزناد .الفشق ماينزل بحجرت الطلقه الا بالتحضير واكيد انه مرتخي او به بلا . على العموم مشكلت بسيطه طلع مجموعت الزناد وتأكد من التحضير

[ابو محمد 50]

شف لك محل يصلح البنادق وود البندق عنده وعلمه المشكله الي صارت معك وخله يصلحه ويركب البندق من جديد ولا ترمي ضغوط عاليه بفشق 36 تصيد اي طير باذن الله الكرك اصعب طير بفشق 38فيه ناس اعرفهم يحولونه واذا قريب بفشق 36 خشن يطيح

[فرخ الجني]

ابو عاشه بلاه ورنا صورة الفشق اللي رميت فيه اقصد الدسدتين الل تقول عليهم وشكرا

[ابوعاشة]

ابشر
http://im17.gulfup.com/2012-07-23/1342993010781.jpg

[فرخ الجني]

الفشق عادي يا ابو عاشه مهب اقشر وانت تقول انفك الجسر وخرب المخزن ما عليش لا تفهمني غلط انت متاكد البندق اللي عندك ستوقر ولا بندق تشبها صورها تكفى ونزل صورتها كود فيه بالموضوع لبس لان اذكر فيه نوعين من الستوقر ويا ليت تصور الكتابه اللي عليها اكون لك شاكر

[أبوصالح9]

توقعتك بتورينا متوسع ولا من هالطقه - عادي هالفشق جدا جدا
اذا تقدر تصور فيديو يكون افضل -

[ابوعاشة]

الشوزن ارسلتها مع اخوي يزينها

متاكد انها ستوقر شفت كم صورة بالنت مطابقة للي عندي

[شاهين12]

بيض الله وجيهكم ماقصرتو كلكم انا والله اهوجس على بيعتها البندق خرابها بسيط لاكن كرهتها


يالربع الي له خاطر فيها يراسلني عالخاص تراني بياع


هلاااااابك اخوي
ابوعاشه.
كل عام وانت طيب:good::good: والاخوان جميعا.

وعلى البركه البندق الله يعطيك خيرها ويكفيك شرها.

شوري عليك لاتستعجل بيعها ولابغيت تبيع البندق ،بعها بعد الموسم الجاي
ويمكن بعد الموسم توالفهاا وتعجبك.

الله يهداك ويهدينا جميع على بالي انك راميبه ظغط 60 .
اما الظغط هذا عادي ،تحس انه ظغط البندق خفيفة وزن،لــ ذالك ترجف .
http://im17.gulfup.com/2012-07-23/1342993010781.jpg


المشكله هذي عاديه ،اتوقع فيه شي متحرك من مكانه في بمجموعة الزناد اثناء تركيبك لها.

كد حصلت معي في بيكال كرهتها باول يوم وتالي رضيت عليها،اخذها جديده
رميت فيها حدود عشر فشقات ، وبعدها فكيتها انظفها و يوم ركبتها
الا الترباس مايتحرك تسحبه وتفكه مايقدم
ولاظبطت الا بعد اسبوع وحوالي ،20 مره فك نظف ركب
على بالي انها باقي مانظفت،:D
وطلعة المشكله حديده متحركه بمجموعة الزناد.لاكثر ولااقل.

تحياتي لك:)

[ابوعاشة]

وديتها اصلحها طلعت المشكلة القطعة الي ترد الفشق مكسورة وبيصلحها