سيارتي بلا بلف .. فهل أركبه أو لا ....

[aooooa]

الإخوة الكرام .....
اشتريت سيارة فتك 2005 ، وتبين لي أن البلف غير موجود .. فهل الأفضل تركيبه مطلقا ، أو أركبه في الشتاء فقط.. وإذا كانت حرارة السيارة ترتفع فوق الخط قليلا فهل المشكلة منه أو من غيره ..آمل إفادتي ،، وجزاكم الله خيرا

[تمنيتك لي]

رككبه آفضل لكك لآنه ينقص مآء آلرديتر عليك

والله يعطيك خير السيارة ويكفيك شرها ..

[وبل نجد]

حرارة الفتك فوق الشرطه طبيعي
لكن لابد تركب البلف في صيف ولا شتاء
عشان تكون دورة الماء مظبوطه داخل السرندل والراس
ومع الوقت الطويل والاستخدام المستمر للسيارة والمكينه بدون بلف فهذا ينهي عمر المكينه اقل من عمرها الافتراضي

[يالبى الهلا]

شيلت البلف مامنه ضرر الضرر من الحراره الحراره عدوة المكينه والقير
والشاهد اسال الشيبان الاولين كان لا يركب البلف الا في الشتاء وسيارتهم ماشيه الى الان؟

[Bader-M]

وعليكم السلام
البلف مهم جدا وانصحك بالتركيبة

[aooooa]

يعطيكم العافية على الإفادة ..ولكن هل يمكن أن يكون عدم وجود البلف سببا لارتفاع الحرارة ، وبعض الإخوان يقول : إن تركيبه قد يظهر مشاكل رأس المكينة ..فهل هذا الكلام صحيح .

[Dr.Banned]

السيارات كلها تجي من مصنعها فيها بلف وهذا شيء اساسي هل تتوقع ان المصانع قاصدين يخربون عليك راس المكينه ؟؟

او ان اللي قال لك هالكلام ماعنده الا الخرطي ؟؟

البلف فايدته انه يقفل المويه عن المكينه وقت تحمية السياره ، لأن لو مثلا اذا شغلت السياره والمويه راحت مباشره للمكينه كيف راح يحتمي الموتر ؟

على فكره اذا كان البلف مو موجود راح تكون المويه طول وقتها تروح وترجع من المكينه للراديتر

وماراح يكون فيه وقت كافي لتبريد المويه لأنها تمر بسرعه في الراديتر وترجع للمكينه يعني المويه تطلع حاره وترجع حاره

لو كان البلف موجود راح يقفل المويه ويعطيها وقت كافي انها تبرد ثم يرجعها للمكينه بارده

هو صح انك راح تشوف الحراره نازله لآكن اذا كان الموتر واقف لفتره طويله راح ترتفع الحراره بشكل ملحوظ وايضاا اذا كنت في بر وطعوس وتمشي على خفيف راح تشوفها ترتفع لأن المويه ماتاخذ الوقت الكافي لتبريدها بالراديتر

المكينه الحراره الزايده عليها تخربها ، وايضا البروده الزايده عليها تخربها

المكينه لها درجة حراره معينه لآزم تشتغل بها ولا تنسى ان الزيت كل مانقصت درجة حرارته كل ماكان لزج اكثر ، وكل ماكان لزج أكثر راح يصعب على طرمبة الزيت شفطه ثم بعدها سلم لي على مكينتك

[عزوز العصامي]

اها يعني ارجع البلف انا ابركلي بعد طيب سفاري 9 9 بخاخ 4500 لو اركب البلف كم راح تكون حرارته فوق الربع بشرطه ولا بشرطتين

[escape_man]

شيلت البلف مامنه ضرر الضرر من الحراره الحراره عدوة المكينه والقير
والشاهد اسال الشيبان الاولين كان لا يركب البلف الا في الشتاء وسيارتهم ماشيه الى الان؟

هذاك ايام المكاين الحمر .. مكاين حديد اصلي مو المنيوم ولا زهر لك عليه.

[sgl2002]

اها يعني ارجع البلف انا ابركلي بعد طيب سفاري 9 9 بخاخ 4500 لو اركب البلف كم راح تكون حرارته فوق الربع بشرطه ولا بشرطتين

تصير فوق الربع بشرطتين وقت الوقوف ومع المشي تصير على الشرطة الثانية او قبلها او بعدها بشرطه

[صاروخ الغطغط]

انا عندي دادسن م 2011 البلف شد بلدها بس لامسكت خط ترتفع الحراره او اذا طلعت القديه وبطلعه الدادسن يسلك اذا طلعت البلف اعرف مهندسين سعوديين يشتري السياره جديده ويطلع البلف خاصه وارد عرافي ماتفرق معه ونا بطلع البلف تنزل الحراره

[تميم2222]

لازم البلف... لانه يحجز المويه برديتر وتبرد ... ويفتح على المكينه ... اما اذا شلته فالمويه تدور بدون توقف وهذا يخليها حاره طول الوقت صحيح انها ترتفع الحراره ..بس تكون ثابته مو مثل اذا شلته تنزل وترتفع وهذا يسبب مشاكل براس المكينه مع الوقت

[الكلاسك]

لازم البلف... لانه يحجز المويه برديتر وتبرد ... ويفتح على المكينه ... اما اذا شلته فالمويه تدور بدون توقف وهذا يخليها حاره طول الوقت صحيح انها ترتفع الحراره ..بس تكون ثابته مو مثل اذا شلته تنزل وترتفع وهذا يسبب مشاكل براس المكينه مع الوقت

سلام كليم = كلام سليم

[najd star]

ركب البلف وانت مغمض