يوسف الخليفة1
19/07/2012, 11:39 AM
بسم الله الرحمن الرحيم
السلام عليكم ورحمة الله وبركاته
سجيت من طخفه اليا ضلع كبشان=الارض قفرا والشغايا مماحيل
واشعلت ناري بام زرايب مسيان=وامرحت بالنايع اليا دلجة الليل
ما بالخلا ميزه ولكني شفقان=اريد اشوف الشاهقات المطاويل
واعيش ليل الكون من بين سنفان=واسامر نجوم الفضا بالتعاليل
هي منوة اللي بالمكاشيت هيمان=والبر ما عاب الزحول الحلاحيل
بالسجه السلوه وصحه بالابدان=والكيف بالخايع وحوف المعاميل
زود التفكر بالعجايب والاكوان=والذكر والتسبيح وكثر التهاليل
القيظ يشوي بالوهج لين الاجفان=لز المولع لينه بداره يقيل
مثل مقيل الحر باشطاب ضلعان=ثلاثة شهورن عساها تساهيل
مع لفحة الرمضا تعاقيد حجان=واصل الرضا مطلوب عند الغرابيل
يا ربي ترزقنا مزابير الامزان=اللي ترزم بالرعود المذاهيل
تمطر علينا من سما الطور لعمان=يروي خبرها بالزمن جيل من جيل
ايامها ما بين سايل وهتان=يصير نوار السهل كالقناديل
اليا طرا بالبال في بعض الاحيان=اوقات كانت باول الوسمي تسيل
سوط الخفا يلسب كما سوط سجان=يلوح بالخاطر حسوس المعاسيل
نطوي على الذكرا تلافيف الاكفان=لعلنا نسلا بخضر المقابيل
الدرب غامض في مشاويف الانسان=بالقادم الغايب غدينا مجاهيل
بين الرجا والخوف نمضي بالاوطان=ما نلتفت يم العذاريب بالقيل
يا ربي نهنا في بحابيح ريحان=بالجنة العليا نصير النوازيل
يوسف الخليفة ( أبو عبد الله )
السلام عليكم ورحمة الله وبركاته
سجيت من طخفه اليا ضلع كبشان=الارض قفرا والشغايا مماحيل
واشعلت ناري بام زرايب مسيان=وامرحت بالنايع اليا دلجة الليل
ما بالخلا ميزه ولكني شفقان=اريد اشوف الشاهقات المطاويل
واعيش ليل الكون من بين سنفان=واسامر نجوم الفضا بالتعاليل
هي منوة اللي بالمكاشيت هيمان=والبر ما عاب الزحول الحلاحيل
بالسجه السلوه وصحه بالابدان=والكيف بالخايع وحوف المعاميل
زود التفكر بالعجايب والاكوان=والذكر والتسبيح وكثر التهاليل
القيظ يشوي بالوهج لين الاجفان=لز المولع لينه بداره يقيل
مثل مقيل الحر باشطاب ضلعان=ثلاثة شهورن عساها تساهيل
مع لفحة الرمضا تعاقيد حجان=واصل الرضا مطلوب عند الغرابيل
يا ربي ترزقنا مزابير الامزان=اللي ترزم بالرعود المذاهيل
تمطر علينا من سما الطور لعمان=يروي خبرها بالزمن جيل من جيل
ايامها ما بين سايل وهتان=يصير نوار السهل كالقناديل
اليا طرا بالبال في بعض الاحيان=اوقات كانت باول الوسمي تسيل
سوط الخفا يلسب كما سوط سجان=يلوح بالخاطر حسوس المعاسيل
نطوي على الذكرا تلافيف الاكفان=لعلنا نسلا بخضر المقابيل
الدرب غامض في مشاويف الانسان=بالقادم الغايب غدينا مجاهيل
بين الرجا والخوف نمضي بالاوطان=ما نلتفت يم العذاريب بالقيل
يا ربي نهنا في بحابيح ريحان=بالجنة العليا نصير النوازيل
يوسف الخليفة ( أبو عبد الله )