اختلاف الصقارة

[عاذي]

السلام عليكم ورحمة الله وبركاته
سؤال : هل الصقارة اختلفت عن ايام ابائنا واجدادنا وتغيرت في مفاهيمها واساليبها وهل مازال يجب الأقتداء بتعليمات الشيبان وما نسمعه عنهم ام ان الطيور والصقارة بصفة عامة شملتها العولمه والتحديث واصبحت تجارب الأباء نوعا من الماضي الغير مفيد في وقتنا الحاضر .. وشكرا .

[جلاد الحباري]

مرحبا اخوي عاذي والله فيه تغيير صاير اول حاجه الشيبان الاولين مايهدون الحمام ملواح وبس وقبل مايبون الطير السبوق وكانو يقرنون الريش عشان الطير مايغدي لانهم على ظهر المطيه ان طرحها قريب والا ماعليها حسوفه الحباري واجد والصيد واجد والحين موضوع قرن الريش غير موجود نهائيا الريش الحين فيه اهتمام كبير من قبل الصقاقير وعلى عصر الشيبان كانوا يقنصون لاطلعت الشمس يوم الصقاقير قليلين والصيد واجد ولا فيه عازه اني اسرح بدري على الرخا وكلن يصيد والحين لا حول ولا قوة الا بالله في الليل وعلى الكبوس وقبل لا يشق النور مع ان الدعوه ارزاق من رب العالمين انا شخصيا قبل سنتين في عيد الاضحى صليت العيد وعايدت الشيبان وتقهوينا وسولفنا وربعي قانصين من الفجر لا عيد ولا معايد وطلعت من الديره الساعة تسعة ونص الصبح وقنصت وخلال نص ساعة والا اثرها يخط صوت للربع دايخين ويبون قندون الراس قلتلهم القهوه عندي وفنجالكم والم اثرها جديد تعالوا وقصيناها وعيناها وهدينا عليها والربع يطالعون فيني قلت لهم اذكروا الله هذا نصيب ورزق وتوفيق من الله سبحانه

[عاذي]

بارك الله فيك جلاد الحباري

[جلاد الحباري]

ياشباب نبي الجميع يشارك في موضوع اخونا عاذي طرح طيب ونبي كلن يدلي بدلوه انا اشوف الموضوع طيب وغير مكرر