شوركم وهداية الله ..

[Gforce91]

بسم الله الرحمن الرحيم ...
اولا مبارك عليكم الشهر وكل عام وانتم بخير وصحة وسلامة ..
نبدأ في الموضوع .. الا وهو الساكتون ..
وبعد قراءة متعمقه عن انواعها واسعارها وميزاتها وعيوبها ..
تم اختيار نوعين .. وساشتري وحده منهم باذن الله ..
الاول : نوريكا 90 من صاب .. وقيمة الخشب منها 1450 ريال..
والثانية : هاتسان 135 التركية من الرماية .. وقيمتها 1200 ومع الشحن والتوصيل 1300 ريال ..
وشوركم وهداية الله .. وانتظر ردكم ع احر من الجمر ..

[هدااج 2008]

ومبارك عليك الشهر يالغالي ....عليك بالفايروخ سلمك الله اترك صاب والرمايه وبتدعي لنا ان شاء الله

[الوافي 2007]

مبارك عليك الشهر واحب انبه شوركم وهدايه الله كلمه لاتجوز من الكلمات التى لا نلقي لها بال واحب انوه لك وشكرا

[قناص الأشهب]

ياخوك أنصحك ان تبعد عن النوعيتين كلهم وخلك على الألمانيات
ألا أذا أنت مجبور على النوعين فكلهم نفس الجودة اللهم اختر القوة اللي تبي والتركية قوية بالحيل

[web]

مبارك عليك الشهر واحب انبه شوركم وهدايه الله كلمه لاتجوز من الكلمات التى لا نلقي لها بال واحب انوه لك وشكرا

وهذه فتوى اللجنة الدائمة عن هذه العبارة
(شورك وهداية الله)؟؟
ثانيا : قول : (شورك وهداية الله) ظاهر هذا اللفظ أن قائله يطلب مشورة صاحبه ، ثم الأمر كله من قبل ومن بعد مفتقر إلى هداية الله ، فهذا معنى صحيح ولا حرج فيه ، ولو كانت العبارة : (شورك ثم هداية الله) لكان أولى .

اللجنة الدائمة للبحوث العلمية والإفتاء
عضو ... عضو ... عضو ...
بكر أبو زيد ... صالح الفوزان ... عبد الله بن غديان ... الرئيس
عبد العزيز بن عبد الله آل الشيخ

الفتاوى 26/361

آسف ياصاحب الموضوع شطحنا بموضوعك شوي فاعتذر منك وكل عام وانت بخير

[Gforce91]

اخوي هداج .. من ناحية الالمانيات .. اولا غير متوفرات بكثره .. لي فتره اتصل على صاب كنت ابشتري ماغنوم 350 كل مااتصل عليه يقولي بعد اسبوع .. وثاني شيء مبالغ في اسعارهم من ناحية بندق هوائية .. ازيد عليها كم قرش واشتري شوزن ام حبة .. :D

اخوي الوافي جزاك الله خير ع التنبيه ..

اخوي قناص الاشهب .. يعني اخذ التركية ولا النوريكا حدد لي ...
وانتظر شور بقية الاعضاء ..

[نوريكا25]

تبغى نصيحتي النهائية الرمضانية

رقم 1

الألمانية ( فايروخ _ ديانا )

___________________________

رقم 2

نوريكا




وعلى حسب فلوسك اختار



:good:
ترا هذا مو كلامي كلام رجل سعودي عنده محل للبنادق الهوائية

[نوريكا25]

أما كلامي أنا الشخصي

ورأيي

بصراحة

أشوف أن البضاعة الزينة دائما غالية في كل شئ هذا بوجه عام

وعلى قد فلوسك مد رجليك


وأتحفظ بصراحة على طريقتك في شراء التركية




لكن

يمكن تكون التركية جيده بس جديدة

وأنا بصراحة

أحط فلوسي في شئ مجرب ولا أغامر في شئ جديد
هذا طبعي :good:

أتمنى لك التوفيق يا أخي

[محب العقاب]

السلام عليكم ورحمة الله وبركاته
مبارك علينا وعليكم هذا الشهر الكريم .. جعلنا الله وإياكم من عتقائه من النار


أخي الكريم لا أزيد عن كلام إخواني بشيء
لكن هذا رأيي وعن تجربة فإن أصبت فمن الله وحده وإن أخطيت فمن نفسي والشيطان :


أخي الكريم جربت أغلب الشركات تقريبا
( الفايروخ - الديانا - القامو- النوريكا - الهاستان .. )


وأنصحك بنصيحة عليك بالفايروخ
إذا تبي دخل وفقط خذ 35
وإذا منوع عليك بالـ80


قد تكون أسعارها مرتفعة قليلا إنزل وخذ من النوريكا
نفس القضية
دخل وماشابهه بـ35
أما منوع فأحرص على الـ80 وجداً ممتازة
وأحرص على نقطة وهي الفيبر والبعد عن الخشب


أما الهاستان فهي أقل الموجود وتزم مع الوقت وسستتها سيئة (عن تجربة)
والقامو تحت النوريكا
ونصيحتي لك بالبعد عن الديانا لأسباب أخرى لايسعني التطرق لها


والله يوفقنا وإياك .. وفالك الصيد الوفير


ܢ

[محنك]

سلام عليكم ..

الهتسان التركية شريتها وجاني الم في الرقبة والكتف من الخلف
وكل ربعي ماقدرو يكسرونها ... 47 لفة الياي حقها ...
فاشلة جدا ......... لاتصلح الا لارنولد او رامبو او اي شخص كمال اجسام
والعاب قوى .................

[Gforce91]

جزاكم الله الف خير ..
اخوي محب العقاب ..
وش فرق الفايبر عن الخشب .. وليه يعني احرص ع الفايبر ؟

[محب العقاب]

جزاكم الله الف خير ..
اخوي محب العقاب ..
وش فرق الفايبر عن الخشب .. وليه يعني احرص ع الفايبر ؟


أخي الكريم .. الفيبر أخف وأصبر وأمتن وأجود ولا يتمخش
أم الخشب فقط أنظر
والقرار قرارك فعليك بالنظر في الإيجابيات والسلبيات وبعدها قرر
والله يوفقنا وإياك

ونصيحتي لك أبعد عن الـ350 ديانا جدا سيئة
والله مجربها الموسم اللي مضى
وزنيتها تختلف وتتغير لقوتها الزائدة وثقلها قريب من الفايروخ

[sweft]

انصحك:
1- فايروخ

2- ديانا

3- ويبلي

4- جامو

[خالد العطااوي]

ابعد عن ذولي كلهن واخذ لك ديانا 350 ماقنوم نصيحه
لاتقرب الفايروخ ثقيله يادوب يشيل نفسه الادمي ههههه تبيه يشيلها

[أبوصالح9]

فااااايروووووووووووووووخ ( 80 ) للأبد
اسمع من نصحك ولاراح تندم خسارة مرة ولا خسارتين
حط قريشاتك بالشي الزين وانساه ولا تدفع رخيص وتحط عليه دبل قيمته مع الوقت
بعدين فيه نقطة ثانية اذا تعودت على الرمي بالفايروخ 80 تقوي يدك وتقدر ترمي باي سلاح صيد سواء هوائي او ناري-عقلك براسك وتعرف خلاصك -بالتوفيق يالغالي

[حمد النامي]

فايروخ وبتدعيلي

[جهق//حايل]

يارجال احسبك تحتسي بساكتوني
النوريكا من اجود وادق واقوى الهوائيات من ناحية تجربه وانا تجربتي نوريكا 90 من صاب خشب بـ1450 شاريه قبل اكثر من سنه وسعره ثابت لاالحين ولا شفت منها الا كل خير وتعجبني بقوته صراحه وبالمزرعه اذا صوبت الجدار تخرقه خرق
انصحك به والي ماجرب ياليت مايفتي ويطلع من جيبه
واي استفسار انا حاضر على الخاص لاني قليل الدخول
تحيآآآآآآآآآآآآآآآآآآآآآآآآآآآآآآآآآآآآآآآآآآآآآتي