اكبر سبيطيه صدتها على كورنيش الدمام

[hussein]

طريقه صيدي لذا السبيطي الحلو ماجات على بالي بس قلت خلني اجرب جبت سمكه صغيره يقاله ابو نقطه وشلت زعانفه - وقشورة وحراشيفة - وسويت ترديهة من نفس الخيط خيط مقاس 50 لونه ازرق - والسن او الشنكار لونه اسود معارف اسمه بس تراه صلب قوي ومع ذالك انعفط من كبر السبيطيه والميدار كان صغير اكبر من اضفرك ب 2 سم او 3 س ارزاق مدري شلون طلع المهم كان الوقت كان الساعة 2 او 3 ليلا وكان الكورنيش في ناس مو واجد وكان الجو في قمة الروعة سميت بالله وقلت يارب ارزقني وحذف السنارة مو بعيد مسافه حلوه وغفت عيني مادريت الا صديقي ياسر يصارخ حسين قوووووووم شوف سنارتك بتنكسر الحق عليها ونا الى انط كني قريص عاضه داب وسمي بالله وانا الى اتل ام السنارة هو سحب وانا اديه خيط على كيفه وكل مابغا خيط اديه الين جاك على جنبه منصرع ورحت بعته وجابلي 400 ريال مدري ياشباب سعرة كذا حلو ولا لعبو على البياعين بسوق السمك ارجو منكم الافادة .
اخوكم.... حسين

http://www.mekshat.com/pix/upload/sign/images/mk253262.gif

[baracuda]

ماشاء الله عليك الله يرزقك
وبخصوص السعر ما افيدك لكن الله يرزقك

[alqamr]

ماشاء الله حجم ممتاز
بنسبة لسعر البيع فسعر جداً مناسب الله يزدك من واسع فضله

[قلبي مدريدي]

السلام عليكم
ما شاء الله تستاهل اخوي

[hunter78]

ما شاء الله تبارك الله سبيطية عودة
ويا ريتك مكثر الصور خلنا نستمتع بصيدك
والخير بدا بالشرقية مع بداية شهر البركة والخير
الله يرزقنا وحدة مثلها

[kingbhhar]

ما اقدر اقول الا شيئين ماشاء الله وثانيا اكيد هذي السمكه امها دعت عليها بالموت وبالعافيه عليك والله يرزقك من واسع فضله

[k.fares]

ماشاء الله تبارك الله
صيد طيب من وجه طيب
بالعاافية والله يرزقكم البيعة

[صايد الحوت]

كفو والله وحش مشاء الله عليك _انا صارلي ثلاث ايام قبل رمضان واخره امس 3اسبيطية جالسين لي جلسه ارمي الخبز ويطفحون على الساعه 8 الصباح ويجلس يدور حولك ركبت له ميد مانفع وركبت له مشوه وهي على قولتك ام نقطه في الذيل وبرضوا يسحب وفجاء يوقف ومره ثانية ضرب ونقز وطبعن السبيطي اذا نقز يزوع الطعم وباقي محاوله بس خل نتعود على الصيام وبنحاول نجيبة (كل عام وانتم بخير )واخوي بنسبه لسعر تره سعره فوق الممتاز (الله يوفقك)

[@ بحار مجيرمة @]

ماشاء الله تبارك الله

سبيطيه حجم فاخر

الله يبارك لك في بيعتها

تحياتي لك

[hussein]

ظ…ط´ظƒظˆط± ط£ط®ظˆظٹ ط§ط³طھظƒظˆط²ط§. ط£ظ„ظپ ط´ظƒط± ظٹظ„ط§ ط·ظˆظ„ ط¨ط§ظ„ظƒ ظˆط´ط¯ ط×ظٹظ„ظƒ ظˆظ‚ط¸ ط³ظ†ط§ط±طھظƒ. ط§ظ„ط¨ط×ط± ط£ط±ط²ط§ظ‚ ظپط¯

[maxamer]

يا سلام هذا السبيطي اللي يرد الروح
والمعلومات عن الصيد ما قصرت فيها
لكن كيف شروه ب400 معقولة لانه سعره اغلى سبيطي شريته 35ريال وهذا اقصى شي 40ريال يعني اذا هو تقريبا 8كيلو
8*35=280 ريال تقريبا الا اذا اللي شراها راغب فيه بزيادة طيب كم هو بيستفيد من بيعه اذا كان ب400
عموما صيد طيب والمبلغ اطيب

[White_Shark]

ماشاء الله تبارك الله

الله يرزقك كل خير , ويعبي ثلاجتك سبيطي :) .. وهذا معشوق الملايين .

لكن عندي استفسار أخوي : أنت وزنت السبيطي ؟ ولا توقعت بأن وزنه ثمانية كيلو ؟!

لأن بحسب خبرتي وإن شاء الله ما أكون ظلمتك بمقارنة أصابع يدك مع حجم رأس السبيطي اقدر وزنه حول الثلاثة كيلو .. وياريت لو تكون فيه صورة ثانية أوضح .

تقبل تحياتي .

[غضباوى]

ما شاء الله عليك يا باشا :hot::hot::hot:

صيد محترم والله :type:

ممكن مكان الصيد بالكورنيش ؟؟؟؟؟؟ :director:

سعر السبيطي في السوق بالدمام انا سئلت علية يوم الاربعاء الماضي كان الكيلو ب60 ريال

يعني اخذو منك الكيلو ب50 ريال حلو ما شاء الله

موفق والجاي احلي مع شهر رمضان ان شاء الله:good2:

[ذوالجناح7]

مـــا شـــاء الله عليك


وعليك بـــــ1000 عافية


المهم الأكشن وحلاوة صيده قبل السعر


وآنـــا لو مكانك مـــا أبيعه غير يكون مسدوح على الفطور


وكل الحبايب معزومين عليه يااااااااعمري السبيطي


بالتوفيق إن شاء الله

[2AHMAD]

ما شاء الله عليك يا باشا :hot::hot::hot:



صيد محترم والله :type:


ممكن مكان الصيد بالكورنيش ؟؟؟؟؟؟ :director:


سعر السبيطي في السوق بالدمام انا سئلت علية يوم الاربعاء الماضي كان الكيلو ب60 ريال


يعني اخذو منك الكيلو ب50 ريال حلو ما شاء الله



موفق والجاي احلي مع شهر رمضان ان شاء الله:good2:



الله يحفظك سبيطي ب60 الكيلو هذي سوق سمك الشانزيلزيه

كيلو السبيطي من عمره ما طلع فوق 38 انا دايم اشتريه

[2AHMAD]

ماشاء الله تبارك الله

الله يرزقك كل خير , ويعبي ثلاجتك سبيطي :) .. وهذا معشوق الملايين .

لكن عندي استفسار أخوي : أنت وزنت السبيطي ؟ ولا توقعت بأن وزنه ثمانية كيلو ؟!

لأن بحسب خبرتي وإن شاء الله ما أكون ظلمتك بمقارنة أصابع يدك مع حجم رأس السبيطي اقدر وزنه حول الثلاثة كيلو .. وياريت لو تكون فيه صورة ثانية أوضح .

تقبل تحياتي .

كلامك صح بس يمكن صبعه كبييييير :D:D

[أبو نوران]

ماشاء الله صيد طيب

[hussein]

مشكور ياشباب على ردودكم الحلوة وع كلامكم الى يحمس ويشرح الصدر اما بنسبه لللاخ اللى سال عن راس الصبيطي واليد الى ماسكته هاذي يدي رفيقي وصديقي ياسر 2- اي وزنا السبيطي وطلع بنفس الوزن اواقل بكم غرام 3- في صوره للمزيزيه حجمها حلو و لسبيطي ثاني بحط صورته بس احس ان بطنه متفوخ مدري لحم او هواء 3- اما عن الاخ الي سال عن موقع صيدته ابد عن ملاهي الفان تايم بصراحة انا حسيت انه مثل القطو اذا حس ان الجو هدوء يقرب يدور اكل 4- بس بصراحه تعافرنا انا وياه والقصبه مقاس 4متر ونص نوعها بايلوت خفيفه - ونحيفه - ومرنه كل ماخذ خيط اكثر اسجدت القصبه اكثر يعني القصبه قاعدة تقاوم حركه السبيطي خطوة بخطو بصراحه قصبه جدا روعة
5- ايه انت لو شفت شلون انكبو الشراين عليه كلن يقول الزود عندي لين وقفت السومه او المن او مدرى شنو قياسه الى فور هندردر ههههههههه
شباب عندي ملاحظه....
الحين لين جيت اشارك في المنتدى عن طريق البلاك بيري يطلع عندي شكل الكتابه كذا

نتشسمنتعصث9عبحخشحخضصهنضصخحهنخحضصع8078عخضهعيغضصهعفغ ق7ضصيعهضصفيهعي

مادري وش السبب

[White_Shark]

اما بنسبه لللاخ اللى سال عن راس الصبيطي واليد الى ماسكته هاذي يدي رفيقي وصديقي ياسر 2- اي وزنا السبيطي وطلع بنفس الوزن اواقل بكم غرام




بغض النظر هي يدك ولا يد صديقك ياسر مافيه إشكال .. إشكالي بحجم راس السبيطي مقارنة بالاصابع مايجي وزنه ثمانية كيلو مع احترامي لك .. وإن شاء الله أكون انا غلطان وتحط صورة ثانية لنفس السبيطي وتبين لنا حجمه الطبيعي .. يمكن يكون ميزانكم عطلان ولا شي لاسمح الله .

على العموم الله يرزقكم ابو 15 كيلو . :)

تقبل تحياتي .

[المبردي]

ماشاء الله هذا الصيد الي يوسع الصدر

[أبوحافظ]

يعطيك العافيه والله يبارك لك في صيدك

ومثل ما قال اخونا وايت بن شارك الوزن بحدود 3 كيلو

لما كنت اصيد كنت اتوقع اوزان اكبر ولما صرت اخذ الميزان تفاجأت بان الاوزان الحقيقيه تقل بكثير عن التوقعات

تقبل تحياتي

[حديدي]

مبروك وعليك بالعافيه

[صياد بحريني]

http://www.gulfup.net/uploads/13429243431.png (http://www.gulfup.net/)

[accentkool]

ماشاء الله تباارك الله
انا اشهد انة صيد طيب
والحجم بنوراااامي
ياليت صورت كثير وخليتنا نستمتع اكثر

[greeb697]

الله يحفظك سبيطي ب60 الكيلو هذي سوق سمك الشانزيلزيه

كيلو السبيطي من عمره ما طلع فوق 38 انا دايم اشتريه


هههههههههههه

الله يرج سموكم الكريم حلوه شانزلزيه وبالنسبه لكلام الشباب قريب من الصحه لن السبيطي الي يوصل ل 8 كيلو مو كذ راسه مع احترامي لك انا مع وايت

والله يرزقك بسبيطي فيه 16 كيلو نزود على وايت
هههه

[hussein]

السلام عليكم ورحمه الله وبركاته

ياشباب ليش كل ما انزل صور جديده تتغير معها صور التوقيع ... وليش كل مااكتب يطلع عندي ملاحظه مكتوب فيها خطاء في الاتصال ... انا كذا ماني قادر اشارك ولا اكتب شنو الحل ياشباب افيدونا
اخوكم.... حسين صياد متواضع :(

[hussein]

وهاذي صورة السيطي الثاني هاذا اذا طلعت صورته بجرب اشوف

http://http://www.mekshat.com/pix/upload/sign/images/mk253262.gif

[وليد الغربة]

ماشاء الله تبارك الله

ماقصرت والله

اخوك وليد الغربة