مشكلة تقطيع في باترول 98 صالون

[النبض قصيمي]

السلام عليكم ورحمة الله وبركاته,,,
أعضاء هذا المنتدى الغالي كيف حالكم
ومبارك عليكم هالشهر الكريم ينعاد عليكم بصحة وعافية
بس حبيت استفسر عن مشكلة التقطيع اذا شغلت المكيف واحس ان
الموتر ينذبح وينكتم ويصير ثقيل واذا فصلت المكيف احسه يرجع
يخف شوي ما ادري وش المشكلة ...
ودمتم..

[sgl2002]

فلتر بنزين وهواء وتنظيف الثروتل وتشيك على طرمبة البنزين

[النبض قصيمي]

فلتر بنزين وهواء وتنظيف الثروتل وتشيك على طرمبة البنزين
يعطيك العافية اخوي على المرور
بس توي مغير طرمبة بنزين وفلتر مالهن يومين
بس المشكلة مع تشغيلة المكيف واذا صار المكيف طافي
خذ رجل واذا شغلته ياساتر بس..
بعدين وشو الثروتل
وعلى فكرة ترا الموتر بخاخ

[sgl2002]

الله واعلم ان المشكلة كهرب

الثروتل : شف الخرطوش اللي بعد القربة حقت الهواء وموصل بجرم حديد اللي مشبوكه فيه افياش واجد

الفتحه اللي يركب فيها الخرطوش هذي الثروتل

انزع الخرطوش بتشوف فتحه وبتحصل فيه حديده ذهبيه هذا الثروتل بخه بالبخاخ اسي ديلكو وامسحه وشغل السيارة

لكن انا اتوقع مشكلتك كهربائية

هل غيرت البواجي قريب واسلاكها؟؟

[النبض قصيمي]

الله واعلم ان المشكلة كهرب

الثروتل : شف الخرطوش اللي بعد القربة حقت الهواء وموصل بجرم حديد اللي مشبوكه فيه افياش واجد

الفتحه اللي يركب فيها الخرطوش هذي الثروتل

انزع الخرطوش بتشوف فتحه وبتحصل فيه حديده ذهبيه هذا الثروتل بخه بالبخاخ اسي ديلكو وامسحه وشغل السيارة

لكن انا اتوقع مشكلتك كهربائية

هل غيرت البواجي قريب واسلاكها؟؟

لا والله وانا اخوك ما غيرت البواجي قريب والاسلاك من شريت الموتر له اربع سنوات معي ما غيرت اسلاك بواجي ابد.