عزم الفتك ضعيف ومايعدي 150 الا غصب واذا وقفة يطلع كربون

[ابو فهد العزي]

السلام عليكم ورحمة الله وبركاته
اخواني الأعزاء اهنيكم بشهر الصيام
وأسئل الله ان يعينا على صيامه وقيامه
وان يجعلنا فيه من العتقاء
وان ينصر اخواننا المستضعفين في سوريا وفي جميع بلدان المسلمين

مشكلتي اني شرية 2007 فتك
ومشية عليه بر لاكن عزمه مايعدي 150 ولا ياصلها الا بعد مسافه واذا وقفة وانتضرت فتره بسيطه
يطلع كربون بكثره وريحته شينه
تكفون يا اهل الخبره دلوني ولمبة تشيك شعاله وفصلة البطاريه وطفية ولم استخدمه بعد حتى اشوف
تشتغل ام لا اما الكربون كما هو واعزم ايضن

[(((.ابوتميم .))))]

اذا الزيت ينقص فأن المكينة فيها بلا
اذا ما كان ينقص شف البواجي واسلاك البواجي وقوة دفع طرمبة البنزين
وان شاء الله الاخوان بيفيدونك اكثر

[RW7..ALBDAWA]

سوله تصفيه من بوآجي وافحص الكويلأت

وغير صفآية البنزين وشيك على طرمبة البنزين ولأتنسى تسوي تصفية بخآخآت عن طريق الجهآز

وانشاء الله رآح يتحسسن

[Abu Msh3aL]

قــبل لا تـسوي اي شي شـف حساس الهواء فكـه ونظفة بمنظف اكترونيات وتلقاء منه عند ساكو ( واحيان تلقاء عندهم منظف مخصص لحساس الهواء ) .. بس عادي هو المنظف علبته حمراء وعليه رسمت افياش .. عموما اي منظف اكترونيات ما يفرق .. بس لا يقربه شي ثاني مـثل المويه او اي منظف اخر ما خصص للكهرب

واذا ما زان مع التنظيف حاول تشوف لك احـد معه نفس موترك فك الحساس الهواء اللي على قربة الفتلر وطـبقه على مـوترك وجرب .. مشـكلتك 80% حساس هواء وقد صارت مـعي نفس المـشكله ونفس الموتـر :)

وعـلمنا وش يـصير معـك

[Abu Msh3aL]

لقيت لك صـورة للمنظفات .. وهذا شكـل اللي استخدمته :

http://www.frontiernet.net/%7Ejcray/04F250/MAFclean/MAFCleaning-07.JPG






ولو حـصل لك وحـصلت هذا افضـل :) :

https://www.ipdusa.com/uploads/images_newsletters/3864.jpg

وطـبعا ترش الحساس بعـد ما تـطلعه من فوق وتمسكه مع الجهه العلويه جهت الفيش والمسامير وتحاول انك ما تلمس جزئه اللي كان داخل وسط انبوب القربة ..

وان شاء الله مشكـلتك تكون سـهلة :)

[عابرالبر]

اخوي واحد من العيال معه جيب ٢٠٠٤ اذا مسك خط وبعدها وقف وانتظرشوي يطلع كربون من الشكمان وراح الي الورشة وغير البلف وبعدها ضبط بس ماادري هي نفس مشكلتك او لا

[عابرالبر]

اما عن لمبة التشيك شف اسلك الحسساتة افصلهن وركبهن او يمكن عندك سلك حساس مفصول

[طرح السعودية]

أخوي ابوفهد
مشكلة موترك بسيطة إذا الموتر مايدوس بالحيل وتحس انه مكتوم ولمبة التشييك مولعه فمشكلة الموتر :

هي (دبة البيئة) شف موقعها تحت أرجل السواق بعد القزوز
تكون مسكرة من الكربون والحل تروح لأي ورشة (شكمانات)
تخليه يفكها ويكسر اللي وسطها الفلتر تلقاه متحجر زي الجبس
وبعد ماينضفها يركبها بيرجع موترك بإذن الله زي أول ويرجع يدوس إلى 200

بالنسبة للحساس حق الهوى
مادام الموتر يوصل 150 فهو سليم لاتحورف به تراه غالي 1700ريال

فقط نضف دبة البيئة
(من واقع تجربة)
وبعد ماتصلح السيارة علمنا وش لقيت

[Abu Msh3aL]

^
^
^
^
مـوتري كان نفس الحكاية ماسك خط وبرابع ينقطع قلبه يالله يوصل 120 واعشقة خامس ويجيب الـ 140 بعـد مسافة وياقف عليها .. ولو تسوق الموتر ما تقول فيه شي بس العزم راح بـعد الـ 120 والموتر اذا وقف فيه نفضه خفيفه و كربون .. وصلت الديرهـ البخاخ معي بشنطـة الموتر .. فكيت الحساس ونظفته ورجعت طـبقته وتغـير الموتر الحمد الله 180 درجة ..

فكت الحساس مهيب مكلفة وكلها مسمارين تفكها بيدك والبخاخ ما يجي بـ 30 ريال !!

ابدا بالسهل اول شي ولا تنساء تنظف الافياش حقته بعـد دامك فكيته بخ الافياش :)

[راعي - عديم]

أخوي مساك الله بالخير
أنا معي فتك 2009م فل كامل
وصارت لي نفس مشكلتك
وأنا داعس سواء 140 او 150 وبغيت أتعدى سياره
قام يلك وفيه مثل الكتمه والتقطيع وبعد فتره تحس أنه داس مشى
ذكرلي واحد من الشباب ورشه بالرياض بالصناعيه القديمه أسمها التركي وصاحبها قصيمي التركي متخصصه بنيسان بجميع موديلاته
وغير طرمبة البنزين وركب طرمبة بي أم دبليو 2008م
وغير صفاية البنزين
لعلني أفدتك أخوي
وأنت مر الورشه وجرب

[عابرالبر]

اخوي أنا اول مشتريته الجيب كان عزمه ثقيل ورحت الي ورشة معروف بالقصيم تخصص جيوب وعلمته قال غير الصحن والدسك وغيرتها ولحين ماشاءالله حبيته أفيدك باللي صار معي

[السليطين]

والله وانا اخوك تعددت العلاجات ....


لكن قد صارت لخونا نفس اللي صار لك . ونظف حساس الهواء اللي عند قربه الهواء وزان موترة

[ذيب خزاز]

صارت معي نفس مشكلتك بفتك ٢٠٠٦ وغيرت
حساس القربه ١٦٠٠ واذا كنت بالقصيم. أدلك
على واحد بيفحص موترك ويضبط ان شاء الله

[ابو فهد العزي]

الله يعين
والله يالربع اني طفشت شريته غالي وفحصته تمام
وضهرت معي هالمشاكل وهليومين رحت عليه مكه والله اني كرهته
العزم ضعيف ومكتوم
ويوم وصلت عند قهوت الجبل طلع دخان والله مامر علي بكثافته الا سيارت الرش حق الحشرات
وطول معي لدرجة اني ماعد شفة السيارات الي وراي من قوت الدخان واستمر يمكن مسافة 2 كيلو
وبعدين انقطع وبعدين وقفت في الحجز ورحت اديت العمره وخلصة وبعد التراويح طلعة متضايق من الموتر
ورحت اشوف الموتر كيف الزيت لقيته ناقص زي علبه ونص
ورحة البنشر وزودت علبه ومشيت جده وبعدين انطلقت الي الديره الجنوب ولا فتحت كبوت ولاشيكةاي شي
ونفس العزم ونفس المشي والحراره على الخط الثاني ولاضهر دخان ولاشي
لاكن العزم ماهو تمام واذا وقفت فيه تفتفه بسيطه
غيرت بلف الحراره وغسلت الرديتر وغيرت الماء
غيرت فلتر الهواء وكاله
غيرت الصفاية وكاله
طبعا" قبل لا أروح مكه قلت يمكن يصير تمام ولاكن كني ماسويت شي
وانشاء الله بجرب نصائح الأخوان
واوافيكم بالأخبار حتى يستفيد الجميع
واشكر كل من شارك في الموضوع وساهم بمعلومات وواساني بالدعاء في مشكلتي
وجزاكم الله خير الجزاء

[ابو فهد العزي]

يا اخوان الورش في ابها قليله الي يصلحون نيسان
وكلهم يقولو رح الوكاله الوكاله نصابين ماعندهم غير كلمة غير
وممكن يكون الخراب من القطعه وممكن يكون غيره
لكن ننتضر التجارب الي قالو الأخوان
والله يعين

[ذيب خزاز]

لا تروح للوكاله والدخان اللي طلع معك صار معي بالضبط
وانا رائح لمكه بشهر ٥ شيك على الحساااااااااااااااااااااس
حق قربة الهواء ٨٠٪ منه هو ...

[ابو فهد العزي]

طيب العزم مره تعبان يعني صفر
ايش المشكله

[قمة افرست]

شوف طال عمرك بفيدك على قد معرفتي البسيطه بالباترول

او شي تنظف ثروتل وتنظف حساس الاوكسجين الي بالقربه
وهذا له منظف خاص حق اكترونيات عطوك صورته الشباب بالردود
والثروتل له منظف خاص اي سي دلكو
بعدين فيه قطعه هي المسؤله عن الكربون ياتنظفها ياتغيرها اسمها egr
مدي موجوده بموديل سيارتك او لا بس اذا موجوده هي المسؤله عن الكربون

[vip4800]

ياخوي انت تتعب نفسك مع الحلول الي مابه فايده وتخرص كثرت الردود من الاخوان كانه الوكاله اذا ماتفحص كمبيوتر ويشوفلك صاحب الورشه الداتا قرأة الحساسات ماراح تستفيدون كلكم صاحب الورشه المختص يفيدك اكثر لانه اذا فيه حاجه شاك فيها يقدر يجرب بحكم اختصاصه تكون القطع متوفره لديه وشكراً

[vip4800]

انت من اشتريته والمشكله موجوده او بعد ماشتريته صارت المشكله

[شيهان 20002]

نفس المشكلة ارجو إفادتنا ومشاركتنا الحلول للي صارت معه. ... غيرت كويلات وبواجي .. وفحصت كمبيوتر. . طلع حساس النوك سنسر غيرته لنبه التشييك طافيه لكن العزم ضعيف فتك 2002 خسائر بدون نتيجه باقي اغير الطرمبه وانظف حساس الهواء والله يعين

[شيهان 20002]

إذا حليت مشكلتك لاتبخل علينا وانا أن صلحتها اعلمك

[شيهان 20002]

ابشركم اني صلحته وطلع الخراب من طرمبة البنزين ا
يارب لك الحمد

[اسهيل]

يبيلك تصفيه وحاول افضي دبة العادم