المساعد الشخصي الرقمي

مشاهدة النسخة كاملة : أفضل وأقوى كشاف أو كبس لصيد الأرانب؟؟!!


ياوجودي999
21/07/2012, 05:18 AM
السلام عليكم ورحمة الله وبركاته

ياإخوان انا اشتري كشاف أو الكبس اللي توجهه في صيد الأرانب على الطريده.

أشتريه نوعيات من السوق ولاتخدم بعضها يخرب اثناء رحلة الصيد ويحرجك.

سؤالي وش أفضل نوع وأقواها في الإضائه وفي مدى الضوء؟!

وهل استطيع الحصول عن طريق الشراء بالانترنت على نوعيات افضل من الموجوده

بالسوق.
علماً بأني من سكان مدينة الرياض.

أرجو الرد من اصحاب الخبره لتعم الفائدة...
ابوعبدالرحمن.
21/07/2012, 06:39 PM
السلام عليكم.

اخي الكريم كل عام وانت بخير .وتقبل الله منا ومنكم الصيام والقيام.

بالنسبة للكشاف هناك نوعية عند السنيدي على مايبدو ان عليه ضمان سنه ولكن سعره شوي غالي مابين
(1000و1500)
بالتوفيق ان شاء الله
ياوجودي999
22/07/2012, 05:27 AM
وعليكم السلام

اخوي ابوعبدالرحمن السعر مبالغ فيه بالحيل قيمة ماطور كهرباء كامل احمله معي وابشغل كبوس كهرباء 220 ارخص لي في مطاردة الارنب.

شاكر لك اخوي ابوعبدالرحمن.

ودنا بشي زين وبسعر معقول...لازال البحث جاري
ذيب النجيل
22/07/2012, 08:14 AM
فيه نوع عند الرمايه وسعره حول ال ٧٠ ريال ممتاز

بس فك اللمبه حقته وركب لمبه الماني 100w او 120w مع انها معدومه ال ١٢٠ w زمان كانت متوفره بكثره

واهم شي لاتشبكها بالولاعه

اشبكها على طول بالبطاريه بعد ماتقص الفيش طبعا ً

عشان تحافظ على ظفيرة الولاعه وعشان يكون ضوء الكبس اقوى لان الكهرب تجيه من البطاريه مباشره
ولو تجيب اسلاك ايكوم الي فيها فيوزات وتشبكها على البطاريه وتوصلها لداخل السياره وتركب فيش بطرف سلك الكبس وتشبكهن ببعض يكون افضل

والكبس راح ادور صوره له وانزلها عشان تعرف شكله وتراه صغير وزره اصفر
ياوجودي999
23/07/2012, 07:37 AM
الف شكر اخوي ذيب النجيل

في انتظار الصورة...
أبوصالح9
23/07/2012, 08:02 AM
ياخوي عندك كبس عن كل حقين الرحلات سعره عندنا بالقصيم 35 ريال يمكن يزود 40 بمكان ثاني امصع لمبته وحطله 130 w المانية واللمبة هذي مستحيل تلقاها الا عند حقين الزينه القديم والمعروف وان ماحسحس فرو الارنب لا تسمع كلامي مرة ثانية-ولا يهمك اللي عند المحلات الثانية من غير ذكر اسماء يغمتك بسعر 200 ولا 600 ولا 1500 عند احد المحلات المشهورة جدا وشدعوة والله لو حنا مانتغدا ولا نتعشا الا على غزلان وظبا-ان كثرت كثرت ضب منسفط بطنه من الجوع ولا قوقسي ونلعب على ارواحنا نقول قميري-يالله تديم علينا النعمة الحمدلله على كل حال -شكلي مسكت خط الا والله جتن لوحة خروج-بالتوفيق
ذيب النجيل
23/07/2012, 01:10 PM
صور كبس الرمايه


http://i.imgur.com/oJZxb.jpg


http://i.imgur.com/njbSx.jpg
خير المزن
23/07/2012, 03:55 PM
لا يهمك
غير كشاف سايكلوكبس لا تدور
15.000.000 شمعة
يستخدمونه الاطفاء الأمريكي
مهبوووووووول
http://www.mekshat.com/vb/showthread.php?t=229003
ياوجودي999
24/07/2012, 07:09 AM
السلام عليكم

أبوصالح 9 ههههههههههههههههههههههههه الله يسعدك

ذيب النجيل مشكور وماقصرت ألف شكر.

خير المزن مشكور وماقصرت ..ألف شكر.