ابي فزعتكم يا الربع وشوركم ورايكم

[المغيليث]

السلام عليكم ورحمه الله وبركاته ,,, كما هو في الموضوع ابي فزعتكم لا خلا ولا عدم عندي جي اكس ار موديل 2002 الموتر جدييييييد بمعني الكلمه يوم اشتريه من راعيه ماشي 180 الف بس فيه دخنه زرقاء على خفيف وينقص كل 2000علبه من خبرتي للجيوب اتوقع يبيله تغير جلد بلوف انا دري انها ما تضر ولاكن ابي اصلحها لي اني افكر ابيعه ها اليومين انا سمعت ان فيه ورش يصلحون لك جلد البلوف دون فك راس المكينه ابي تدلوني على ورشه شغلها نظيف ولا يفك الراس عند تغير جلد البلوف مع العلم الموتر الي معي 6 سلندر طبعا انا من سكان الرياض .. اتمنا لي الجميع التوفيق وان يكتب لكم الا اجر العظيم في هذ1 الشهر الكريم وتقبلو تحياتي ..

[المغيليث]

للي الرفع وين الي يقلون فيه وفيه ورش يغيرون جلد البلوف من دون فك الراس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[abo naser 1]

السلام عليكم

هذا ابو ناصر المبارك متخصص في الاندكروز وسبق وغيرنا جلد عنده ل جكس ار 2002 شغال ممتاز وجرب
http://alrahalat.com/vb/showthread.php?t=17833

[mekshaat]

خابر ورشه بشمال الرياض يصلحونها بدون فك الراس عماله فلبينيين يشرف
عليهم مهندس سعودي يفك الجلد بالزرقينه وكنت عندهم قبل اسبوع وعندي
جلد بلوف وسألت المهندس عن فكها قال بالزرقينه وكان عندهم جمس يصلحون
جلد البلوف حقته بدون فك الروس.

[المغيليث]

الله يجزاكم خير على التفاعل والردود الله يجعله في ميزان حسناتكم بس الورشه الي فيها فلبينين وينها فيه

[RW7..ALBDAWA]

الله مير يعينك ونآ اخوك بس دآمـه دخآن ازرق على ابيض مآضني من جلد البلوف تآكد اكثر لأيكون عندك ضعف بالشمبر

لأن يقولون جلد البلوف يجي دخآنهآ ابيضضض

[المغيليث]

للـــــــــــــــــرفع لي تعم الفائده للجميع

[sgl2002]

والله غريبة

عندنا لاندكروزر وفيه جلد بلوف من ٥ سنين لكن ماينقص

[مكشاتي حرمه]

ابشركم انتهت مشكلة موتري ياربي لك الحمد

الله يجزاه خير من دلني على الحل .....


ياجماعة اللي يعاني من نقص زيت الدركسون وموتره يدخن لايعتقد انه جلد بلوف

طلعت المشكلة من حساس بلف يطلع منه انبوبين هواء واحد للثلاجة وواحد لفلتر الهواء

غيرته اصلي 250 ريال ونظفت الثلاجة وانتهت المشكلة الحمد لله