استفسار .... كيفية صيد الهامور

[صياد بحريني]

السلام عليكم يا اعضاء المنتدى الكرام

قبل كل شي ..... رمضان كريم

احلفكم بالله الي يدخل الموضوع انه يقراه كامل و الي عنده شي يفيدنا

الموضوع باين من عنوانه و ارجو من كل الي يدخل يفيدنا و لا يخبي شي حتى لو معلومة اصغر من الصغيرة :)

في يوم من الايام رحت حداق مع اخوي ،،، طبعا انا من البحرين ،،، على احد الشواطئ و طبعا كان الغزر بدايته 3 متر و الله اعلم كم الي داخل البحر قعدنا نرمي داخل البحر و حنا ما ندري ان الخير على بعد متر فقط ،،طبعا ما صدنا شي بس طلعنا بفائدة اكبر من 100 كيلو سمك شفنا شباب قعدوا يصيدوا هوامير عن الصخور

فحبيت اسأل عن افضل انواع الطعم للهامور و طريقة صيده و افضل الاوقات و ايضا كيفية صيده بالقرقور

و هذا كل شي .. مع تحياتي لكل اعضاء المنتدى

[الصيادالمليح]

الطعم الحي هو أفضل شيء
أو إنك تنزل له سنوركل بالمسدس إذا كنت تعرف تسبح

[kingbhhar]

انا اللي اعرفه اروح اصيد بالقارب في الغزير تقريبا يكون تحتك عمق 30 او 40 متر زي كذا والسناره مقاس 6 او 4 لان الهامور فمه كبير والطعم حبار احمر انا كنت اصيده زي كذا والله اعلم وممكن كما قال الاخ الصياد المليح ممكن تنزله سنوركل افضل من انك تصيده بالسناره لكن احذر اذا تبغا تغوص انزل ومعاك واحد وبالتوفيق

[Octopus]

صيدة بقرقفانة حية كبر الكف او اصغر بقليل شكها مع الظهر وخيط مقاس 80 وميدار مقاس 8
او بأي لعف بس كبر اللعف وراح يجيك باذن الله

تحياتي لك

[صايد الحوت]

اخوي ركب له جواف ويجيك زحف او ميده او مشوه وخيط 70 وميدار رقم 8اخوي اتمنى اذا شفت الهوامير صورها لخوانك في المنتدى للحماس بس تعرف رمضان واكثر العالم مخذين اجازه من البحر بالتوفيق :good2:

[صياد بحريني]

مشكوريييييييييين شباب و ما تقصروا

و ان شاء الله راح اسوي تقرير لعيونكم هل الاسبوع لانه في طلعة

[k.fares]

يا هلا فيك اخوي
الي الشباب كانو يصيدونه يسمى هامور(كشر)هو الي مو شرط غزير هذا طريقته عادية خيط اي مقاس نايلون اي لون تركب في ااخره ثقل مقاس ربع غرام كمثرا وفووقه بشوي تسوي ضفيرة (زي لمن تربط البلونه) وتركب ميدار مقاس اي مقاي من 17 الى 8 ولكن افضل شي له 18 عادي اي نوع والطعم يكون خثاق احمر كف اليد افضلك واسهلك تركب الراس وترمي مو شرط غزير حتى الاحجام الطيبة تبع الكشر مو لازم غزير
وهذا هو الكشر الي تقصده وطلع معانا بعمق امكن موية توصل للركبة بالكساارة
http://im19.gulfup.com/2012-07-22/13429215993910.jpg
موفق ان شاء الله ولا تنسانا بالتقارير
تقبل تحياتي وتقدير.

[صياد بحريني]

مشكور اخوي و اعرف انه يتواجد باعماق متفاوته بس لازم تكون صخور او شعاب موجوده

[صياد بحريني]

http://http://uppit.com/yccemaz12ike/19072012410.JPG

[صياد بحريني]

هذي صورة المكان
http://www.gulfup.net/uploads/13429243431.png (http://www.gulfup.net/)

[صياد بحريني]

و هذي صورة اول صيد لي

كان الفجر و كنت حاط راس ربيان و و للمعلومة كنت تارك الخيط مرخي و لم يتحرك الخيط او انشد عند بلعها الطعم

http://www.gulfup.net/uploads/13429246101.png (http://www.gulfup.net/)

[النامون]

مشاء الله عليك بالعلفيه وعقبال البقين
المهم بانسبه لصيد الهوامير استخدم رؤاس الاسماك
من السردين
من الباغه
وابونقطه
وبالتوفيق يبحريني

[ذوالجناح7]

مـــا شـــاء الله تبارك الله


والله أنك خطير قووووول وفعل


تستاهل كل خير


بالتوفيق إن شاء الله بالعووووود

[دابوي]

كفو يا صياد بحريني والف الف مبروك قول وفعل وعقبال الهامور بو 20 كيلو صراحة المحل حلو حق الحداق وعليك بالعافية

[ربان السفينة]

ماشاء الله صيد طيب عليك بالف عافيه

[صياد بحريني]

مشكورين شباب

[accentkool]

ماشاء الله عليك ابدعت صياااد بحريني والله انك جبت الهامور
عليك بالف عافية

[rkorshed]

ماشاء الله صيد