ارتفاع حرارة السيارة ارجو الافادة

[درر حاتم]

السلام عليكم ورحمة الله وبركاتة
عندي سيارة من نوع مستبيشي ناتيفي مديل 2007 وعندي مشكلة بارتفاع الحرارة لحد حرف النهاية تقريبا علما انني قمت بتصيخ الاديتر وفك البلف والتاكد من المراوح انها سليمة وللمعلومية فان السيارة عندما تكون تسير تختفي الحرارة وبمجرد توقفها تبدا بالارتفاع ارجو من لدية اى معلومات عند اسباب ارتفاع الحرارة افادتنا مشكورا

[sgl2002]

طيب اذا ارتفعت الحرارة هل الماء كله يروح للقربة الاحتياطية؟؟

[طرح السعودية]

اذا كانت الحرارة فقط والسيارة واقفة وإذا مشيت تروح

ففي الغالب يكون تماتيك المروحة مايعمل زين
فإذا صارت السيارة واقفة ماتبرد المروحة صح وإذا مشت وطرق السيارة الهواء راحت الحرارة فأنصحك بالتشييك على التماتيك

[alanzikm]

السلام عليكم

هل الحراره مع المكيف والا بدون المكيف؟

اذا مع المكيف بس اصبر لي كم يوم لان عندي نفس المشكله والسياره في الوكاله للتشييك واذا عرفوا الحل علمتك لاني اعاني من الحراره مع المكيف في الوقفه بس من شهرين ولا عرفت السبب الاكيد مع اني غيرت البلف وصيخت الرديتر وشيكت على المراوح بدون فايده اخر شي قالي واحد ممكن يكون قازقيت راس المكينه.

[فورد ماركيز]

احتمال طرمبة الماء

[أحمد محمد1429]

عاجل سبق وإن إرتفعت الحراره إلى H

[محب الهيف]

تأكد من غطاء الاديتر واليات

[درر حاتم]

نعم عندما ترتفع الحرارة يروح الماء الى القربة وتمتلى من الماء والذى يقول غير غطى الاديتر غيرة بدون فائدة الى اخوى الذى يقول انة عنده نفس المشكلة الرجاء تزويدنا بسبب ارتفاع درجة الحرارة بعد خروج السيارة من الوكالة وجزاء الله العموم خير الجزاء

[ابوريان 470]

شيك ع تماتيك المروحه او المراوح اذا كانت كهرب فهي في الغالب عند وقوف السياره يكون دفع هواها ضعيف والدليل لما تمشي بالسياره تخف

وسلامك

[درر حاتم]

ابو ريان شيكت على المراوح وقالو لا يوجد اى مشاكل فيها ونا الصراحة اشك في الديتر علما اننى قمت بتصيخة

[sgl2002]

مادامه يحول الماء في القربة

فالمشكلة : مراوح التبريد( تماتيك مروحه او مراوح الكهرباء)

او البلف يقفل ولا يفتح

لكن الاغلب مشكلة تبريد لانك اذا مشيت يبرد

واخر احتمال هو الراس

[e3lania]

ابو ريان شيكت على المراوح وقالو لا يوجد اى مشاكل فيها ونا الصراحة اشك في الديتر علما اننى قمت بتصيخة

[alanzikm]

السلام عليكم

ابشرك اخوي درر حاتم امس طلعت السياره من الوكاله وحلو لي المشكله اللي كانت في الرديتر كانت دورة الماء ضعيفه ركبت واحد جديد والحراره ثابته تحت النص وهي واقفه والا ماسك خط. واخيرا بعد معاناة شهرين بين الورش واذا تبي نصيحتي ودها الوكاله وريح راسك ترى بتتعب من فلسفة الورش كل واحد يقولك شي زي اخواننا اللي في المنتدى ما هو قصور فيهم بس لازم يتم فحص السياره، التوقعات بتتعبك وتكلفك زي ما كلفتني ومشورتني.

اتمنى اني افدتك .